26/11/2018
فكرة جديدة لفيلم كوميدي ^_^
للممثلين الكبار اللي بيحبوا التميز :)
عريس كامل الدسم...
د العقبي
للحصول علي الروايه كامله
01067878718
ودا ملخص الفكره :)
***صمت الجميع ليستمتعوا الي هذا الخبر الهام ........ الذي بسببه تم قطع جميع البرامج
والذي يقول..........
" وهكذا وافق مجلس الشعب علي القانون الجديد والذي طبق منذ لحظات ...........
ويتضمن الشروط الجديدة للزواج التي أثارت الرأى العام في الفترة السابقة........
ولكن ما هو رد فعل الشعب المصري علي هذا القرار ...... ابقوا معنا ...........
كان معكم عصام ابراهيم مراسل قناة " أخبار خلف الستار "
****وكان رد فعل الشعب المصري ...........
**يا نهار أسود .......... دة كدة هينتشر الجواز العرفي مادام بالطريقة دى .
و آخرون .............
**الحمد لله اللي احنا أتجوزنا قبل ما يطبق القانون المنيل بستين نيله ده .
وآخرون ...........
هو :- أنا بحبك بس هنعمل ايه .
هي :- يعني مفيش حل .
هو :- كل شئ قسمه ونصيب
*** وغيرهم وغيرهم ممن استسلموا للوقع ........... ولكن كان هناك شخصان رد فعلهما
كان مختلف ...............
** هو : عمر 23 سنه , بكالوريوس علوم , طوله 173 سم , وزنه 75 كجم .
** هي : هدي 23 سنه , بكالوريوس علوم , طولها 173 سم , وزنها 75 كجم .
*** يعني متوافقين تماماً .......... ولكن في نظر القانون الجديد غير متوافين نهائيا..فالقانون الجديد للزواج يتضمن الآتي :-
" لا يحق للسمين أن يتزوج إلا بالرفيع ........... ولا يحق للقصير أن يتزوج إلا بالطويل
والعكس ....... وذلك لتحقيق المساواه بين جميع البشر في أطوالهم وأحجامهم "
*** وهنا قرر عمر وهدي الا يستسلما لهذا القانون فقد اقسما منذ أن وقع كل منهما في
حب الآخر أن يتحديا كل عائق ..............
عمر :- هدي ........... بينا على اقرب مأذون
هدي : طيب والكلام اللي سمعناه ده معناه ايه ...... !؟؟
عمر : يا حبيبتي ده كلام ......... و علي ما يطبق هياخدله كام سنه
. وعند المأذون ..
المأذون :- عليكم السلام ورحمه الله وبركاته ........
عمر :_ كتب كتاب إن شاء الله يا سيدنا الشيخ ...... ومعايا الشهود و .............
* قاطعه المأذون الذي كان يضع مازوره علي كتفه
:- طيب أتفضلوا أطلعوا علي الميزانه دى .
عمر " وهو يصرخ :- ميزانه ايه يا عم انت ............. أنت أتجننت .
المأذون :- أحترم نفسك يا أستاذ ............ أنت مش بتقرا جرايد ولا أيه ........... وعلي
العموم جوازكم لا يجوز علشان انتوا الاتنين طول بعض يعني مستحيل تتجوزوا ........
عمر :- يعني ايه الكلام ده .....
المأذون :- كل شئ قسمه ونصيب
*** خرج عمر وهدي من عند المأذون ...... كل منهما ينظر للآخر في زهول ........
هدي :- خلاص يا عمر كل شئ أنتهي ....... لازم ننسي بعض مفيش حل ...... كل حاجه
اتقفلت في وشنا ( اختتمتها بالبكاء )
عمر :- يا حبيبتي أد كده بتحبيني ........ أوعدك أن أحنا هنتجوز ......... أنتي واثقه فيا .
هدى : " وهي تمسح دموعها بمنديلها وتبدي ابتسامة رقيقة "
:- عمري ما وثقت في حد غيرك يا حبيبي
*********
*** بينما كان هناك شخص قد أسعده كثيراً هذا الخبر .
*** هو طبيب علاج طبيعي يدعي الدكتور مدحت يبلغ من العمر ثلاثون عاما ........ ممتلئ
الجسم ......... دائما تراه وكأن نظارته ستقع من علي حافه انفه ..... فقد أستغل ذكائه
ونشر خبراً في جميع الجرائد ................................ وبعد يومين ................
عمر : خلاص يا هدي لقيت الحل .......... لقيت الحل
هدي : بجد طيب هنعمل ايه ................ !!؟؟
عمر : في دكتور علاج طبيعي عامل إعلان بقول فيه :-
" وداعا لمشاكل القانون الجديد للزواج "........... وعند الدكتور ...........
الدكتور : يا جماعه مفيش مشكله .
عمر :- هنعمل ايه يعني يا دكتور ........... !!؟؟
قال الدكتور من تحت نظارته :-
واحد منكم هيروح الجيم ويخسس نفسه والتاني هاديله شويه حقن وهرمانات ونظام
غذائي معين وبالتالي واحد هيبقي تخين والتاني هيبقي رفيع .
عمر : أحلي كلام يا دكتور
هدي : وهي تعبث بيدها بقميص عمر
بص يا حبيبي أنت عليك الراحه وأنا عليا التعب .
عمر : يعني ايه يا حبيبتي
هدي : يعني انت بالهنا والشفا هتاكل وتاخد حقن الهرمونات وأنا هروح الجيم علشان أفضل
حلوة في عينك يا حبيبي أما أنت فراجل مش مشكله لو تخنت شويه .
عمر : وماله يا حبيبتي ............ مفيش مشكله .
" قاطعهما الطبيب وقال لهما "
:لافي لسه مشكله ........... أنا لسه ما خلصتش كلامي .
عمر : أيه يا دكتور خير ................. !!؟؟
الدكتور : حد فيكم لازم يعمل عمليه .
عمر وهدي في نفس واحد : عمليه ... عمليه ايه دي .!!!؟؟
الدكتور :- طولكو زي بعض لازم واحد يطول وواحد يقصر .
عمر :- آزاي يا دكتور
الكتور : عمليه بسيطه .......... هاتشيل اربع فقرات من العمود الفقري من واحد منكم
والتاني هيبقي زي ماهو وبكده هيبقي واحد طويل وواحد قصير .
و سريعا رد عمر " بعد أن نظر الي عيون حبيبته هدي التي تترجاه أن
يضحي من أجلها " فقال :- خلاص يا دكتور انا موافق أعمل العمليه
هدي : يا حبيبي يا عمر ............. ربنا يخليك ليا................... ومر شهرين .....................
الدكتور : الحمد لله العمليه نجحت يا أستاذ عمر و دلوقتي هتقدر تتجوز
عمر : يا نهار أسود ده أنا بقيت مكعبر وقصير ووزني زاد تلاتين كيلو
هدي : وماله يا حبيبي بعد ما نجوز ربنا يسهلها وتخس تاني ........... وبعدين مهما جري أنت
هتفضل عمر حبيبي اللي أنا بموت فيه ....... أما انا بقي فوزني دلوقتي 63 كيلو كلي رشاقه
مش كدا احسن .
عمر : طبعا يا حبيبتي ........ بكره نروح علي المأذون أحسن أنا حاسس اني عامل ذي
القنبله اللي هتتفجر............... وفي اليوم الثااني عند المأذون .................
المأذون : للأسف يا جماعه جوازكم لا يجوز
عمر : ليه إن شاء الله ما أنا دلوقتي قصير وتخين .......... وهي طويله ورفيعه ........!!؟؟
المأذون : أنتوا ماقرتوش الجورنان النهاردة ولا أيه ماتعرفوش اللي حصل أمبارح ...
** وأخرج الجريده من مكتبه وأشار إلي عنوان " قانون جديد للزواج " والذي بأسفله ...
" لا يحق للأسود أن يتزوج إلا بالابيض والعكس وذلك لتحقيق المساواة بين
البشر في ألوانهم "
هدي وعمر في نفس واحد : يا نهار أسود ... تاااااااااااااااااني !!!!!!!!!!!!؟؟
وسقطا كل منهما مغشيا عليه
**********........................ وفي منزل هدي .......................
قالت لها والدتها تلك المرآة البدينه ذات الوجه الممتلئوالمستدير
و التي تسيطر علي كل شئ في المنزل إلا علي ابنتها .
يا بنتي أسمعي كلامي وأتجوزي أبن أخويا دا بيحبك
هدي : و أنا بحب عمر يا ماما ومش هجوز غيره ........ وياريت نقفل الموضوع ده ............
****************
و في منزل عمر :-
حيث والدته الطبيه التي أرادت ان تخفف عنه حيرته
:- يا عمر يا بني كل شئ اسمه ونصيب ........ انت عملت اللي عليك
عمر : بعد كل ده أسيبها ... ده أنا ضحيت كتير علشانها ولسه هضحي ان شاء الله لآخر يوم في
حياتي بحبها يا ماما بحبها ...............
.................. عند الدكتور ......................
الدكتور : ولا يهمكم ما تشيلوش هم .
عمر : بجد يا دكتور يعني في حل .....
الدكتور : طبعا ......... الميلانين هو الحل
عمر : الميلانين .... !!!؟؟
الدكتور : أنت ما سمعتش عن مايكل جاكسون انه كان اسود وبعمليه بسيطه بصبغه
الميلانين بقي أبيض ........... أحنا بقي هنعمل العكس .
عمر : تاني يا دكتور ............... تاني ...............
هدي : لا ده حرام بقي والله .........
الدكتور : أنتوا مش عايزين تتجوزوا
عمر و هدي : أيوة عايزين نتجوز
الدكتور : خلاص أسمعوا الكلام
" نظر عمر الي هدي نظرة ترجي و قال لها " انتي بقي يا هدي عليكي دي"
هدى وهي تضع سبابتها علي فم عمر لتخرسه " ازاي يا حبيبي عايز تشوفني سمرا
قدامك ... كمل جميلك " .
عمر : " بعد أن أزاح يدها من علي وجهه
: أكمله أزاي يعني يا روحي ........... !!!!! ؟؟
هدى : انت الراجل يا حبيبي
عمر : وماله يا حبيبتي ........... اعمل العمليه أنا ..... وأمري لله
................... و بعد شهر ......................
عمر : يا نهار أسود ده أنا بقيت كحله
هدي : ما تفكرنيش
عمر : بينا علي المأذون لحسن يطلع قانون جديد
هدي : طيب أنت مستعجل كده ليه................. وعند المأذون ...................
عمر : خلاص يا سعاده الباشا أنا خدرام خدامين اللي يخدموا خدامين خد مينك ..........
أسود وقصير وتخين وهي طويله ورفيعه و بيضه ..........
المأذون : وهو ينظر بشده الي هدى : " أنا واخد بالي أهو .............
عمر : بقلك ايه انت هتبصبص ياله الشهود أهم .......... أكتب الكتاب و خلص .
المأذون:توكلنا علي الله أين وكيل العروسه
هدى : لأ ........ أستنوا .......... أنا مش هتجوز
عمر : ليه بقي أن شاء الله ...... !!!؟؟؟
هدي : أنت مش حبيبي اللي أعرفوا ......... بقيت مكعبر وأسود وقصير وشكلك شبه
البومه اللي عندها 500 سنه .......... و أنا حلوة ورشيقه وكلي جمال ....... أسفه يا عمر
مش هقدر أتجوزك .............
********** ملحوظه **********
إذا كنت تريد أن تري عمر الأن فأذهب إلي مستشفي العباسية في غرفه 13 الدور التاني
علي ايدك اليمين وأنت داخل ...... فيكفيني انه بعد أن خرج من عند المأذون محبط الأمال
بعد أن أخذ بومبه من حبيبته أشتري جرنال فوجد فيه عنوان في الصفحه الأولي يقول :-
" تم إلغاء القوانين الجديدة للزواج "
