26/09/2026
مش كل هدف التكامل الحسي إن الطفل يلمس أكتر أو يتحرك أكتر.......
الهدف الحقيقي إننا نساعد المخ ينظم المعلومات اللي جاية من الحواس المختلفة ويستخدمها بشكل مناسب علشان تتم عملية التكامل بين الحواس علشان يكون فيه تكامل حسي سليم
تعالى نفكر فيها بشكل بسيط شوية...
في أطفال أول ما يسمعوا صوت عالي يضيع تركيزهم تماماً
وفي أطفال يفضلوا يجروا ويتنططوا طول الوقت
وفي كمان أطفال يتضايقوا جداً من لبس معين أو من الزحمة
المشكلة هنا غالباً مش في الأذن أو الجلد أو الحركة نفسها
المشكلة في طريقة المخ وهو بيستقبل وينظم كل المعلومات دي مع بعض
علشان كده في التكامل الحسي مش بنشتغل على حاسة لوحدها
بنشتغل على إن الحواس تشتغل مع بعض بشكل منظم
ومن واقع شغلنا أحياناً بيكون هدف الأسرة إن الطفل يقعد على الكرسي ويركز في المذاكرة
لكن لما نبص بشكل أعمق بنكتشف إن الطفل أصلاً مش قادر ينظم كمية الأصوات والحركة والمثيرات اللي حواليه
ولما التنظيم الحسي يتحسن نلاقي بقا الانتباه أحسن والتركيز أحسن والتفاعل اليومي فيه تطور ملحوظ واستجابات ملحوظة بشكل أفضل في باقي الجلسات (تخاطب ومهارات وABA واكاديمي والسيكوموتر )
لأن الطريق بيكون
الإحساس الانتباه التركيز التعلم التفاعل اللغة ....
👌سؤال مهم ليكم بقا....
لو في سلوك عند طفلك كنت فاكره مشكلة سلوكية أو إنوا بيدلع عليكم مثلاً وبعد فترة اكتشفت إن وراه سبب تاني...؟
قولي علية وخلينا نتناقش فيه من ناحية حسية ☺️
✅ هنا في رحلة التكامل الحسي مع أحمد الشيخ بنبني وعي حسي مختلف كمل معانا علشان الصورة تكمل
#التوحد
