10/10/2013
مشاركه من احد الاعضاء :
دي تجريتى فى استخدام المنتجين دول لشعرى
حمام كريم لوريس: ممتاااااز جداااا بينعم ويطرى الشعر بطريقة خيالية
بس أنا اول مرة اجرب النوع ده بالذات ده مكتوب عليه بزيت الأرجان
وأنا كنت بجرب على طول اللى بزيت الحية بس هو نفس الملمس
وعموما فى منه أنواع تانية كتير اوى فيه بالفواكه والثوم والشيكولاتة وبالكرياتين
وطريقة استخدام كل أنواع لوريس واحدة
الأول تغسلى شعرك كويس بشامبو وتنشفيه نص تنشيفه وتخدى حتة من لوريس وتدهنى بيه شعرك وتسيبيه 15 دقيقة وافضلى سرحيه الربع ساعة دول
وبعد كدة اغسلى شعرك مرة على مرة بينعم اوى اووووووووى
2- زيت تريشوب ممتاز فعلا فى
تطويل الشعر تعملى منه حمام زيت وتسيبيه على شعرك ساعتين او تلاتة بالكتير بس تغسليه وتعمليه كحكة
وفعلا طول شعرى بطريقه ملحوظه بس هو بينشف شويه فلازم تستخدمى بعده زيت او كريم يطرى شويه
وهو بصراحة اللى مكتوب على علبة
مكتوب لشعر صحى وطويل وقوى ومقالش لا ناعم ولا مفرود وهو بيعمل اللى مكتوب بالضبط
