أ د / محمود عبدالغني استاذ جراحات العظام والكسوؤر والعمود الفقري

20/07/2026

14/07/2026

في الوقت اللي العالم كله كان مبهور فيه بالخرسانة والأسمنت وشايف إن الأبراج العالية هي قمة التقدم والتطور، ظهر مهندس مصري مجنون ببلده وقالهم: "كل ده بلح.. الصح إننا نبني بيوتنا بالطين زي أجدادنا الفراعنة!".

ساعتها الدنيا اتقلبت عليه والسخرية طالته من كل حتة واتهموه إنه عايز يرجع الناس لعصر الكهوف!

لكن تلف السنين وتيجي التغيرات المناخية، ليصحى العالم بعد 70 سنة ويبوس إيد الراجل ده ويسمي أفكاره "العمارة المستدامة"! تعالوا نعرف قصة العبقري حسن فتحي اللي سبق عصره بقرن بحاله
المهندس حسن فتحي، واحد من أشهر المعماريين في تاريخ الكوكب، كان عنده فكرة بسيطة بس عبقرية: البيت مش لازم يكون الأغلى، لكن لازم يكون مريح وموفر ومصاحب للبيئة.

الراجل ده صمم بيوت من "الطوب اللبن" واعتمد على "القباب والمشربيات" عشان تعمل تهوية طبيعية وتسحب السخونية، وتغني الناس عن اختراع اسمه التكييف!

كان بيجيب خاماته من قلب الأرض اللي بيبني عليها، عشان البيت يتنفس مع الطبيعة مش يتخانق معاها.

حسن فتحي مكنش بتاع كلام، ده نزل على الأرض ونفذ أفكاره في مشروع تاريخي وهو "قرية القرنة الجديدة" في الأقصر.
القرية دي اتبنت بالكامل بالطين والأسلوب البلدي المبتكر، والنهاردة، بعد عشرات السنين، القرية دي بقت نموذج عالمي ومزار سياحي وبتتدرس في أكبر كليات الهندسة في أمريكا وأوروبا كأعظم مثال للبناء الأخضر.

الراجل ده لخص رحلته وفلسفته في كتابه الشهير "عمارة الفقراء"، الكتاب ده مكنش مجرد ورق، ده كان ثورة إنسانية بترجع للغلابة حقهم في سكن كريم وببلاش تقريباً.

الكتاب ده اجمعت عليه كبرى دور النشر واترجم للغات العالم، وبقى المرجع الأول لأي حد عايز يبني مدينة نظيفة وصحية في عصرنا الحالي. حسن فتحي مات، بس الطين اللي بناه طلع أعش من الخرسانة.