عيادة الاطفال دكتور فادي جورجيوس - Dr Fady Georguos

13/06/2026

بعد سن 6 شهور 👶، مخزون الحديد الطبيعي عند الرضيع بيبدأ يقل تدريجيًا، وده بيخلّي إدخال أطعمة غنية بالحديد خطوة مهمة جدًا لدعم النمو السليم 🧠💪 وتطور المخ والحركة 🏃‍♂️
تعالوا نعرف أهم الأطعمة الغنية بالحديد المناسبة للأطفال 👇🍽️

11/06/2026

امتي ندخل المية للطفل الرضيع ؟ 👶

09/06/2026

قبل ما نقرر ان لبن الام مش كفاية وناخد قرار اللبن الصناعي اللي ممكن يكون في احوال كتير غير ضروري 🚨
نعرف الاول ايه هي علامات ان الطفل بيرضع كفاية ؟

08/06/2026

حرارة عالية لمدة ايام بعدها يظهر طفح جلدي يخض
ومعاه تختفي الحرارة
🚨👶اعرف ايه هي الحمي الوردية وعلاجها ونتعامل معاها ازاي

05/06/2026

🚨❌ أهالي كتير بيتعاملوا معاه علي انه حساسية

اعرف ما هي متلازمة اليد والقدمين والفم ؟

01/06/2026

حرارة متكررة… وسبب خفي محدش بياخد باله منه أحيانًا! 🚨
طفل حرارته بتعلى كل شوية…
نكشف عليه مرة واتنين…
الحلق كويس 👅
الصدر سليم 🫁
الأذن مافيهاش حاجة 👂
ومفيش رشح ولا كحة واضحة!
فنبدأ نسمع: “ممكن تسنين”
“ممكن فيروس وهيعدي”
“استنوا شوية”
لكن أحيانًا… السبب الحقيقي بيكون مستخبي 👀
والمشكلة إن التأخر في اكتشافه وعلاجه ممكن يسبب مضاعفات خطيرة على المدى البعيد 😟
الخطير أكتر؟
إن بعض الأطفال مايكونش عندهم أي أعراض واضحة غير الحرارة فقط!
خصوصًا الرضع والأطفال الصغيرين…
الحرارة المتكررة لوحدها ممكن تكون جرس إنذار مهم جدًا 🚨
وفي النهاية يطلع السبب:
التهاب في مجرى البول (التهاب المسالك البولية)
علشان كده تحليل البول أحيانًا بيكون من أهم التحاليل مع الحرارة غير المفسرة أو المتكررة عند الأطفال.
✅ التشخيص المبكر بيفرق جدًا
❌ والتعامل العشوائي أو التأخير ممكن يضر الكلى مع الوقت
مش كل التهاب بول بيبان بحرقان أو ألم… وأحيانًا الحرارة هي الرسالة الوحيدة. ❤️

د/ فادي جورجيوس – مدرس طب الأطفال والكلي بجامعة عين شمس
📍 العنوان:١٥ شارع أحمد عصمت، أعلى أسماك رسمي
📞 واتس اب: 01003637649 | ت: 01210456654

- مدرس طب الاطفال والكُلي بكلية الطب جامعة عين شمس
- استشاري طب الاطفال وحديثي الولادة
- دكتوراة طب الاطفال
- عضو الكليه الملكيه البريطانية لطب وصحة الاطفال

📍العنوان :
- ١٥ ش أحمد عصمت اعلي " اسماك رسمي "

للحجز والاستفسار :
01210456654
01003637649

31/05/2026

لو الطفل شرق فجأة
مهم نعرف نتصرف بسرعة وإزاي نساعد الطفل من غير ما نؤذيه
🚨 لان كل ثانية بتفرق.
أول حاجة:
لو الطفل بيكح – بيعيط – بيطلع صوت
فده معناه إن مجرى النفس لسه مفتوح جزئيًا ✅
وقتها:
شجعه يكح
متحاولش تدخل صوابعك في بقه
متقلبوش بعنف
متديش مية أو أكل بسرعة
👶 لو الطفل أقل من سنة
لو مش قادر يعيط أو يتنفس:
1️⃣ حط الطفل على دراعك وراسه لتحت
2️⃣ ادّي 5 خبطات بين لوحي الكتف
3️⃣ لو ماخرجش الجسم الغريب:
اقلبه على ضهره واعمل
5 ضغطات على منتصف الصدر بإصبعين
🔁 كرر بالتبادل لحد ما الجسم يخرج أو الطفل يستجيب.
❌ ممنوع:
مناورة هيمليك للبطن في الرضع
هز الطفل
إدخال الصوابع عشوائيًا
👦 لو الطفل أكبر من سنة
لو مش قادر يتكلم أو يكح:
اعمل مناورة هيمليك:
قف خلف الطفل
حط قبضتك فوق السرة بشوية
اضغط للداخل ولأعلى بسرعة
🔁 كرر لحد خروج الجسم الغريب.
🚑 إمتى نطلب إسعاف فورًا؟
زرقة في الشفايف
فقدان الوعي
توقف النفس
الطفل ساكت ومش قادر يطلع صوت
استمرار الكحة أو صعوبة التنفس بعد الشرقة
للوقاية ❤️
الأكل يكون مناسب للعمر
تقطيع العنب والسجق والمكسرات جيدًا
ممنوع أكل أثناء الجري أو اللعب
عدم ترك الأطفال الصغيرين مع قطع صغيرة
📌 أهم نقطة:
الهدوء والتصرف الصحيح أهم من الذعر.

د/ فادي جورجيوس – مدرس طب الأطفال والكلي بجامعة عين شمس
📍 العنوان:١٥ شارع أحمد عصمت، أعلى أسماك رسمي
📞 واتس اب: 01003637649 | ت: 01210456654

30/05/2026

كتير من الأمهات بيسألوا: إزاي أقوّي مناعة ابني أو بنتي؟
الحقيقة العلمية ببساطة:
لحد الآن مفيش “حبّة أو وسيلة سحرية” بتقوّي المناعة بشكل مباشر، لكن فيه عوامل أساسية هي اللي بتخلي جهاز المناعة يشتغل بكفاءة طبيعية وسليمة.
أهم العوامل اللي بتدعم مناعة الطفل:
تغذية متوازنة تحتوي على البروتين، الخضار، الفاكهة، والفيتامينات والمعادن الأساسية
نوم كافي ومنتظم حسب السن
نشاط بدني وحركة يومية
تقليل التعرض غير الضروري للمضادات الحيوية
الوقاية من العدوى عن طريق النظافة العامة
لكن في نقطة مهمة جدًا غالبًا بنغفلها…
التطعيمات هي حجر الأساس الحقيقي في الوقاية وتقوية “المناعة المكتسبة” ضد أمراض خطيرة.
وبجانب التطعيمات الإجبارية المقدمة من وزارة الصحة، في مجموعة من التطعيمات الإضافية (Optional vaccines)
ودي مش معناها إنها غير مهمة، بالعكس، لكنها غير مدرجة في البرنامج القومي لاعتبارات تنظيمية أو تكلفة أو أولوية صحية عامة.
ليه بننصح بالتطعيمات الإضافية؟
لأنها بتحمي من أمراض ممكن تسبب مضاعفات شديدة أو دخول مستشفى، خصوصًا في الأطفال.
ولأننا بنهتم بتوفير كل سبل الوقاية لطفلك، احنا دلوقتي وفرنا في عيادتنا كل التطعيمات الإضافية اللي ممكن يحتاجها طفلك لتسهيل الحصول عليها في مكان واحد بشكل آمن ومنظم.
أهم التطعيمات الإضافية:
Rotavirus vaccine (فيروس الروتا)
بيحمي من أهم سبب للإسهال الشديد والجفاف في الرضع.
Pneumococcal conjugate vaccine (PCV)
بيحمي من الالتهاب الرئوي، التهاب الأذن الوسطى، وتسمم الدم.
Meningococcal vaccine (المكورات السحائية)
مهم للوقاية من التهاب السحايا الشديد.
Varicella vaccine (جديري الماء)
بيحمي من العدوى الشائعة والمزعجة ومضاعفاتها الجلدية
Influenza vaccine (الإنفلونزا الموسمية)
يقلل من شدة الإنفلونزا ومضاعفاتها خاصة في الأطفال ذوي الأمراض المزمنة.
📌 هضيف في الصور جدول يوضح مواعيد كل تطعيم إضافي بالتفصيل.

د/ فادي جورجيوس – مدرس طب الأطفال والكلي بجامعة عين شمس
📍 العنوان:١٥ شارع أحمد عصمت، أعلى أسماك رسمي
📞 واتس اب: 01003637649 | ت: 01210456654

26/05/2026

عيادة دكتور فادي جورجيوس تهنئكم بحلول عيد الأضحي المبارك
❤️ كل عام وحضراتكم بخير

❤️متواجدين بالعيادة كل أيام العيد ♥️

للحجز والاستفسار
01210456554 / 01003637649
📍 أماكن التواجد العيادات:
- ١٥ ش أحمد عصمت اعلي " اسماك رسمي "
- التجمع الخامس pediazone - Eterna health city
- روكسي Vitalcare clinics
------------------------------------------------

20/05/2026

مش كل حركة غريبة أو مفاجئة عند الطفل معناها صرع
كتير من الأهالي بيقلقوا أول ما يشوفوا حركة غير معتادة: رعشة، شد، زرقة مع بكاء، أو تشنج مع حرارة… لكن مش كل ده معناه صرع. بعض الحالات بتكون حميدة ومؤقتة.
أمثلة شائعة:
• Jitteriness (الرعشة الحميدة عند الرضع)
رعشة سريعة في الأطراف، بتحصل أحيانًا مع البرد أو البكاء أو وقت الصحو، وغالبًا بتقف لما نهدي الطفل أو نمسك الطرف.
• Breath-holding spells (نوبات كتم النفس)
بعد البكاء الشديد أو الزعل، الطفل ممكن يكتم نفسه، يزرق أو يبهت، وأحيانًا جسمه يترهل أو يحصل شد بسيط. شكلها مخيف لكنها غالبًا حميدة.
• Febrile seizures (التشنجات الحرارية)
بتحصل مع ارتفاع الحرارة عند بعض الأطفال، وبتختلف عن الصرع. وجودها لا يعني بالضرورة مشكلة عصبية مزمنة.
راجع الطبيب فورًا لو:
فقدان وعي واضح
زرقة شديدة
توقف نفس
الحركة استمرت أكتر من 5 دقائق
تكررت كتير
الطفل ما رجعش لطبيعته بعدها
نصيحة مهمة:
تصوير الحركة وقت حدوثها (لو آمن) بيساعد جدًا في التشخيص، لأن الوصف أحيانًا بيكون صعب يوصل التفاصيل.
______________________________________________

د/ فادي جورجيوس – مدرس طب الأطفال والكلي بجامعة عين شمس
📍 العنوان:١٥ شارع أحمد عصمت، أعلى أسماك رسمي
📞 واتس اب: 01003637649 | ت: 01210456654