12/08/2026
49 سنة… وألم في فم المعدة بقاله أكتر من 6 شهور
مريضة 49 سنة كانت بتعاني من ألم مستمر في أعلى البطن (Epigastric pain) لمدة أكتر من 6 شهور.
خلال الفترة دي، جربت أكتر من علاج للحموضة ومضادات الحموضة، لكن الألم كان مستمر ومش بيتحسن بالشكل المتوقع.
ومع استمرار الأعراض، تقرر أخيرًا عمل منظار علوي للمعدة والمريء (EGD).
وللأسف… المنظار كشف عن وجود ورم بالمعدة، وتم أخذ عينات للفحص.
🔴 الرسالة هنا مش إن كل ألم في فم المعدة معناه سرطان.
معظم حالات عسر الهضم والحموضة لها أسباب حميدة.
لكن المشكلة إن استمرار الأعراض لفترة طويلة وعدم الاستجابة للعلاج يستدعي إعادة تقييم السبب، وعدم الاكتفاء بتكرار نفس العلاج لفترات طويلة.
وفي بعض الحالات، يكون منظار الجهاز الهضمي هو الخطوة التي تكشف السبب الحقيقي وتسمح بالتشخيص المبكر.
الأعراض المستمرة تستحق التشخيص… مش مجرد تسكين الألم.
