Dr Nashwa's Cake - كيكة نشوى

Dr Nashwa's Cake - كيكة نشوى انا نشوى دكتورة صيدلانية و حاليا أم قاعده في البيت… لكن الفن عمره ما وقف عند الشغل.
هنا بدأت رحلتي مع Cake Design وبعمل كيك من القلب للقلب 🎂✨

مراحب بشهر الحلويات 😂♥️
19/02/2026

مراحب بشهر الحلويات 😂♥️

رمضان مبارك 🌙ربنا يجعله شهر خير وبركة علينا وعليكم، ويتقبل منا ومنكم صالح الأعمال
18/02/2026

رمضان مبارك 🌙
ربنا يجعله شهر خير وبركة علينا وعليكم، ويتقبل منا ومنكم صالح الأعمال

15/02/2026

اعرفي ازاي تتعامل مع دخول الأكل الاكل لطفلك
#اطفال #تغذية #بيوريه #فراولة #صحي

مش عارفه اجيبها لكم ازاي بس الفيديوهات اللي فيها الخضار والفواكه بيتكلموا بتكرهني في ال AI اما بقة اللي فيها بيبيهات صغي...
15/02/2026

مش عارفه اجيبها لكم ازاي بس الفيديوهات اللي فيها الخضار والفواكه بيتكلموا بتكرهني في ال AI
اما بقة اللي فيها بيبيهات صغيرين بترقص و بتتكلم ف دي مرعبة بشكل مخيف
اتمنى يتحطلهم نهاية لأن كدة الموضوع مرعب

رمضان جاي وتحضير السحور والفطار بيحتاج مجهود كبير والمواعين اللي معاهم ده غير المجهود مع الأطفال والبيت والترويق والصيام...
14/02/2026

رمضان جاي وتحضير السحور والفطار بيحتاج مجهود كبير والمواعين اللي معاهم ده غير المجهود مع الأطفال والبيت والترويق والصيام

هقولك كام نقطة تعمليهم عشان تقدري على كل المجهود ده أثناء الصيام، وكام حاجة تعتمدي عليها عشان تستفيدي بروحانية رمضان من غير ما تنهكي نفسك 👇
🌿 أولاً: قللي الاستنزاف قبل ما تدوري على طاقة زيادة
حضّري جزء من الأكل قبلها بيوم.
اعتمدي على أكلات سهلة في نص الأسبوع.
وزعي مهام بسيطة على اللي في البيت حتى الأطفال.
رمضان مش اختبار مثالية… هو موسم سكينة.
🌿 ثانياً: سحور ذكي = طاقة أطول
✔️ اختاري:
بروتين (بيض / زبادي / فول / عدس)
كربوهيدرات بطيئة الامتصاص (عيش بلدي / شوفان / بطاطس مسلوقة)
خضار + فاكهة
مية كفاية قبل الفجر
✔️ إضافات تزود التحمل:
حفنة مكسرات
طحينة أو معلقة عسل طبيعي
تمر + لبن وقت الفطار
❌ بلاش سكريات عالية في السحور لأنها هتعمل هبوط بعد ساعات.
❌ قللي القهوة بعد الفطار مباشرة عشان متزوديش الجفاف.
💧 ثالثاً: احمي نفسك من الجفاف
وزعي المية من بعد الفطار لحد السحور.
ممكن مية بليمون ورشة ملح خفيفة جدًا لو مافيش ضغط.
كركديه أو ينسون بدون سكر كتير.
💊 رابعاً: دعّمِ طاقتك لو محتاجة
(حسب احتياج حقيقي مش عشوائي)
ماغنسيوم مساءً للإجهاد العضلي.
فيتامين D لو عندك نقص.
B-Complex لو في إرهاق عام.
أوميجا 3 لدعم التركيز.
ولو في أنيميا أو مشاكل بالغدة لازم الأول تتعالجي السبب.
🌿 خامساً: رتّبي مجهودك حسب طاقتك
الشغل التقيل بعد الفطار بساعتين.
في الصيام خلي المهام الخفيفة.
قيلولة 20–30 دقيقة تفرق جدًا.
✨ وأهم نقطة عشان متفقديش روحانية رمضان
ورد قرآن صغير ثابت أهم من كمية كبيرة متقطعة.
ذكر وانتي بتطبخي.
نية إن تعبك ده عبادة.
انتي مش مطالبة تبقي “مثالية” في رمضان…
انتي محتاجة تبقي مرتاحة عشان تستمتعي بيه 🤍

13/02/2026

👩‍🦰 من 18 لـ 30 سنة
في المرحلة دي الجسم بيبني أقوى كتلة عظم، ومعظم البنات بيبقوا في سن إنجاب.
الأهم علميًا:
حديد: عشان تعوضي الفقد مع الدورة وتمنعي الأنيميا.
حمض الفوليك: ضروري قبل الحمل بـ 3 شهور على الأقل.
فيتامين D: عشان امتصاص الكالسيوم والمناعة.
كالسيوم: لبناء عظام قوية بدري.
فيتامينB12: للطاقة وصحة الأعصاب.
أوميجا 3: دعم للمخ والقلب وتقليل الالتهاب.

👩 من 30 لـ 50 سنة
هنا الجسم يبدأ تدريجيًا يفقد من كثافة العظام، والإجهاد بيزيد مع ضغط الحياة.
الأهم:
فيتامين D + كالسيوم: للحفاظ على الكتلة العظمية.
فيتامينB12: امتصاصه بيقل مع العمر.
مغنيسيوم: مهم للأعصاب، العضلات، والنوم.
فيتامينB6 + فوليك أسيد: لصحة القلب .
أوميجا 3: دعم القلب والمفاصل.

👩‍🦳 من 50 لـ 65 سنة
بعد سن اليأس يقل هرمون الإستروجين، وده بيأثر مباشرة على العظام.
المهم جدًا:
فيتامين D بجرعة مناسبة
كالسيوم (حسب الاحتياج الغذائي)
فيتامين K2: بيساعد يوجه الكالسيوم للعظام بدل ما يترسب في الأوعية.
فيتامينB12: لتجنب مشاكل الأعصاب وضعف التركيز.
أوميجا 3: للقلب وتقليل الالتهاب.

👵 بعد 65 سنة
هنا بنركز على منع الكسور، دعم العضلات، والحفاظ على الوظائف العصبية.
الأساسي:
فيتامين D (غالبًا بجرعات أعلى تحت إشراف طبي)
كالسيوم
B12
مغنيسيوم
بروتين كفاية في الأكل عشان نحافظ على الكتلة العضلية
⚠️ مهم جدًا:
المكمل مش بيتاخد عشوائي. التحاليل الأول (D – B12 – Ferritin – Calcium لو محتاج) وبعدها نحدد الجرعة.
وكل ده ما يغنيش عن أكل متوازن كويس.
و طبعا بتتاخد تحت إشراف طبي

12/02/2026

متلازمة هزّ الرضيع (Shaken Baby Syndrome)
هي إصابة خطيرة في مخ الطفل بتحصل لما حد يهزّ الرضيع بعنف، حتى لو لثواني قليلة، وغالبًا بتحصل بسبب العصبية أو البكاء المستمر.
ليه الهزّ خطر جدًا؟
عضلات رقبة الرضيع ضعيفة
رأسه تقيلة مقارنة بجسمه
المخ طري ولسه في مرحلة نمو
لما الطفل يتهز بعنف، المخ بيخبط في عظام الجمجمة → يحصل:
نزيف داخل المخ
تورم شديد
تلف دائم في الخلايا العصبية
وأحيانًا ممكن توصل لوفاة 😔
الأعراض اللي ممكن تظهر:
خمول أو نوم زيادة عن الطبيعي
قيء بدون سبب واضح
صعوبة في التنفس
تشنجات
فقدان وعي
تغير في شكل البؤبؤ أو ضعف في الرؤية
وأحيانًا ميبقاش في علامات خارجية واضحة.
المضاعفات طويلة المدى:
تأخر ذهني أو حركي
شلل
فقدان سمع أو بصر
صرع
اضطرابات سلوكية
أهم نقطة توعية ❤️
مفيش حاجة اسمها “هزّ بسيط”.
حتى الهزّ اللي الناس بتعمله بهزار أو علشان يسكت ممكن يسبب كارثة.
لو الطفل بيعيط ومش قادرة تستحملي:
حطيه في سريره بأمان
امشي دقيقة خدي نفس
اطلبّي مساعدة
افتكري إن البكاء مش خطر… لكن الهزّ هو اللي خطر

11/02/2026

ابنك بيحاول يعرفك هو محتاج ايه
#بيبي #لغةالجسد #اطفال

10/02/2026

اتسألتي ليه ابنك لسة بيرضع كتير أو انتي مستغربة ليه بيرضع كل ساعتين تقريباً رغم أنه بقة عنده ٦ أشهر؟!
#امومه #رضاعة #بيبي #صيدلانية

My type of therapy sessions♥️
08/02/2026

My type of therapy sessions♥️

Address

Giza
Cairo

Website

Alerts

Be the first to know and let us send you an email when Dr Nashwa's Cake - كيكة نشوى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category