Dr. Amr Nabil-Pharmacy Success Secrets

11/04/2026

كل عام وكل المسيحين الشرقين بصحه وسلام وبركة

26/03/2026

أغلب الصيدليات فاهمة التسويق الإلكتروني غلط فاكرينه بوستات… أو إعلان ممول لكن الحقيقة أبسط من كده بكتير 🤔 "التسويق الإلكتروني = إنك تفهم عميلك… وتكلمه صح… في الوقت الصح"

أنت مش بتبيع منتج… أنت بتدير علاقة
أي عميل بيكلمك أونلاين
هو مش مجرد “سؤال وعدّى”
ده بداية علاقة
ولو ما سجلتهاش… بتضيع منك

طيب نعمل إيه؟ (طرق عملية مشابهة لبعض… تقدر تختار منها)

1) طريقة “سجل وارجع له” أبسط سيستم ممكن تبدأ بيه
كل حد بيبعت:* اسمه * رقمه * سأل عن إيه
تسجله في Excel أو WhatsApp Labels
بعد يومين أو 3: ترجع تكلمه بنفس الموضوع

📌 الفكرة هنا:
العميل يحس إنك فاكره… مش واحد عابر

2) طريقة “التصنيف السريع”
بدل ما كل العملاء عندك شبه بعض…
ابدأ تقسمهم: * ناس بتسأل عن المناعة * ناس عن الشعر * ناس عن التخسيس * أمهات * مرضى مزمنين
كل واحد تحطه تحت Tag

📌 ليه ده مهم؟
لأنك بعد كده هتكلم كل مجموعة بشكل مختلف

3) طريقة “اسأل عشان تبيع”
بدل ما تقول:“عندنا عرض على فيتامين C”
اسأل الأول:* “مين مهتم يقوي مناعته الفترة دي؟”
اللي يرد… هو اللي تبيعه

📌 هنا أنت: وفّرت مجهود وكلمت ناس مهتمة فعلًا

4) طريقة “المتابعة الهادية”
أغلب الصيدليات بتقع هنا…
العميل يسأل>> يختفي >> خلاص انتهى
لكن الصح:
* بعد يوم: “لسه مهتم بالمنتج؟”
* بعد 3 أيام: “فيه بديل مناسب ليك”

📌 ده مش إزعاج ده اهتمام… لو معمول بشكل ذكي

5) طريقة “العرض المناسب للشخص المناسب”
مش كل الناس تشوف نفس الحاجة
مثال بسيط:

* واحدة سألت عن شعرها → ابعتلها روتين Hair Care
* أم سألت عن طفل → ابعتلها منتجات أطفال
* حد عنده برد → ابعتله باكدج مناعة

📌 هنا التحول الحقيقي: من بيع عشوائي الي بيع موجه

# # خلينا نبسّط الصورة أكتر
تخيل عندك:

* 2000 رقم واتساب
* 6 أنواع عملاء
لو كل يوم كلمت 10 بس بشكل مخصص…

حتى لو 2 بس اشتروا
أنت كده عملت مبيعات… بدون إعلان

# # المشكلة الحقيقية مش في الأدوات
انت مش محتاج: سيستم معقد ولا برامج غالية
محتاج بس: * تسجل * تصنف * تتابع

# # الصيدليات نوعين:
1. صيدلية كل عميل عندها “بيبدأ من الصفر”
2. صيدلية كل عميل عندها “ليه ملف وتاريخ”

والفرق بينهم…
هو اللي بيحدد مين هيكسب على المدى الطويل

سؤال مهم ليك 👇

أنت دلوقتي بتتعامل مع العملاء…
ولا بتبني قاعدة عملاء؟

04/03/2026

وصلتني رسالة بتقول:
“محتاج آخد كورس في إدارة الصيدليات وازاي أكون بيزنس مان وتاجر شاطر… محتاج نصايح.”
خليني أجاوبك قدام الكل 👇
أولًا…
إدارة الصيدلية مش كورس واحد.
ومش شهادة تتحط في CV.
هي **منظومة كاملة + ممارسة يومية**.
الكورسات بتديك إطار تفكير…
لكن اللي بيحوّلك لمدير ناجح هو التطبيق، الغلط، المراجعة، والانضباط.
لو عايز تمشي صح… اشتغل على الـ 6 محاور دول:

1-Financial Management افهم أرقامك قبل أي حاجة:

* COGS
* Gross Margin
* Cash Flow
* المصاريف الثابتة والمتغيرة
* نقطة التعادل
الصيدلية اللي أرقامها مش متراقبة… ممكن تكسب في الدرج وتخسر في الحساب.

2- Inventory Management مخزنك
مش المهم تزود بضاعة… المهم تلف فلوسك أسرع.
* معدل دوران المخزون
* Reorder Point
* ABC Analysis
* تقليل الراكد
* شراء على أساس حركة مش خصم
المخزون الصح = كاش شغال.

3- Marketing التسويق مش اعلان ممول
هو:
* تجربة عميل
* سمعة
* هوية واضحة
* عرض ذكي
* قيمة مضافة
الناس مش بتشتري دواء بس…
بتشتري ثقة وراحة.

4- Communication Skills مهارات التوصل
طريقة كلامك ممكن تزود المبيعات بدون ما تزود صنف واحد.
* استماع كويس
* فهم احتياج
* نبرة صوت
* وضوح
* تعاطف
الصيدلي الشاطر بيسأل قبل ما يرشح.

5- Patient Consulting نصحك للمريض
الفرق بين بائع وصيدلي… هو الاستشارة.
* تحليل الحالة
* اقتراح بدائل
* شرح الجرعات
* التنبيه للتداخلات
* المتابعة
العميل بيرجع للي فهمه مش للي صرف له.

6- Negotiation Skills مهارات التفاوض
سواء مع:
* شركات
* موزعين
* موظفين
* ملاك
التفاوض = أرقام + بدائل + توقيت.

الكورس مهم…
لكن الممارسة أهم.
المعلومة سهلة…
الالتزام اليومي هو اللي صعب.
إدارة الصيدلية علم…
لكن نجاحها ممارسة وانضباط.
أنك تسأل السؤال ده…
أول خطوة إنك تبقى مدير مشروع حقيقي مش مجرد واقف شيفت.
وربنا يوفق كل صيدلي قرر يشتغل على نفسه بجد

Send a message to learn more

17/02/2026

كل عام والامة الاسلاميه بخير ويمن وبركات... #رمضان٢٠٢٦

02/02/2026

لكل … هل نظام تجديد الترخيص الجديد خطوة لتطوير المهنة… أم عبء جديد؟
عاوز اشوف رايكم علشان ما يحدث من قرارات فرديه من هيئه الدواء وما يسمي بالمجلس الصحي المصري
اللذي أعلن بخبر عاجل
🚨

ان الصيادلة اللي حصلوا على ترخيص بعد امتحان مزاولة المهنة السنة اللي فاتت واللي قبلها هتطبق عليهم التجديد كل 5 سنوات.

الصيادلة القدامى بترخيص دائم مش مطالبين بالتجديد.

الترخيص ساري 5 سنوات، وبعدها لازم تجديد من غير امتحان، لكن بشرط جمع 200 نقطة CPD خلال 5 سنوات، موزعة على 3 سنوات على الأقل.

نقاط CPD ممكن تجمعها من: دورات معتمدة، مؤتمرات، ورش عمل، نشر أبحاث علمية، المشاركة في امتحانات، أنشطة الجودة، والدراسات العليا.

أعلى مصدر نقاط: الدراسات العليا

ماجستير/دكتوراه أكاديمية = 50 نقطة/سنة (حد أقصى 3 سنوات)

دبلوم/ماجستير مهني/دكتوراه مهنية/بورد/زمالة = 40 نقطة/سنة (حد أقصى سنتين)

فترة سماح بعد انتهاء الترخيص: شهرين وقد تمتد حتى سنة لاستكمال النقاط.

رسوم فحص أوراق التجديد: 500 جنيه، وشهادة الساعات التدريبية: 200 جنيه للمتدرب، 400 جنيه للمدرب.

💥 السؤال الكبير:
هل التجديد فعلًا هيخلي المهنة أقوى؟
ولا مجرد ورق، شهادات، ونقاط على ورق؟

💬 رأيك مهم… هل النظام في صالحكم أم عبء جديد؟
الكومنتات مفتوحة 👇

13/01/2026

… ما بقاش كفاية عشان تكمل. و لو لسه معتمد على بيع الدوا بس، السوق هيخرجك برا اللعبة للاسف..الدوا مش خطة بقاء. الدوا كان بداية… مش مستقبل.

السوق اتغير.
القوة الشرائية قلت.
هامش الربح عمال يتاكل والمصاريف التشغيلية بتزيد.

النتيجة؟
أي صيدلية معتمدة على بيع العبوات فقط، داخلة مرحلة خطر حتى لو شكلها “شغّال”.

الحل مش في:
تزود مخزون
ولا تزود خصومات
ولا تستنى المواسم

الحل في إنك تبني مصادر دخل تانية بجانب الدوا.

يعني إيه؟

يعني الصيدلية تبقى:
بتبيع منتج
وبتقدّم خدمة
وبتبني هامش تقدر تتحكم فيه.
ز
ى ايه ؟؟
• جلسات متابعة وزن وتغذية
• قياس InBody + خطة شهرية مدفوعة
• باكدجات ضغط / سكر شهرية
• استشارات دوائية مدفوعة للحالات المزمنة
• خدمات حقن – نيبيولايزر – فيتامينات
• تعاقدات Instashop وطلبات بباكدجات مخصصة
• منتجات شبه Private Label (عطور – نظارات – كوزمتكس باسمك)

ليه ده مهم؟

لأن:
gross profit هنا في إيدك مش في تسعيرة الشركة
ولا في خصم المورد
وده بيشيل ضغط المصروفات التشغيلية، وبيخليك تكسب حتى في وقت الركود.
بس خد بالك…
أي خدمة أو منتج لازم يكون Relevant:
طبي محترم ويحافظ على صورة البراند مش أي حاجة “بتبيع وخلاص”.

الصيدلية اللي هتعيش…
هي اللي هتنوّع مصادر دخلها.
مش اللي هتزود عدد العبوات على الرف.

لو حابين نبدا نشرح بشكل واقعى خدمة خدمة وازاى نطبقها ... اكتبولى ف الكومنتات 👇👇

06/01/2026

…مش بس ذكرى،
ده دعوة لبداية جديدة، لإنك تصدّق أحلامك من تاني،
وتدي نفسك فرصة تحقق اللي اتأجل، وتكمّل الطريق بقلب أخف وأمل أكبر.

كل سنة وكل المسيحيين الشرقين طيبين 🤍
عيد ميلاد مجيد عليكم وعلى بيوتكم،
ربنا يملأ أيامكم سلام،
ويحفظ لكم اللي بتحبوهم،
ويجعل السنة الجديدة أقرب لأحلامكم وأغنى بالخير.

04/01/2026

“صيدليتك بتكسب فعلاً… ولا بس بتغطي المصاريف؟”
أغلب أصحاب الصيدليات بيشتغلوا طول الشهر، والمبيعات بتدخل…لكن في آخر الشهر يكتشف إن الفلوس “بتتبخر” ومش عارف ليه.والسبب غالبًا مش في البيع…
السبب في مصاريف ثابتة ومتغيرة بتاكل الربح واحدة واحدة من غير ما تحس.

في الصيدليات، في نوعين مصاريف:
مصاريف بتدفعها حتى لو مفيش ولا عميل
ومصاريف بتزيد كل ما البيع يزيد
والخطورة إن أغلب الخسارة بتبدأ لما الاتنين يسيبوا بعض.


دي اللي بتدفعها غصب عنك كل شهر:
إيجار – مرتبات أساسية – كهرباء – إنترنت – أنظمة – اشتراكات – تأمين.

دي لازم تفضل تحت السيطرة
لأنها بتحدد نقطة التعادل
يعني: أقل رقم مبيعات لازم توصله عشان ما تخسرش.
كل جنيه تزوده هنا
بيرفع السقف اللي لازم تجيب مبيعات تحته.


دي اللي بتزيد مع البيع:
خصومات – هدايا – عمالة إضافية –
تعاقدات إنستاشوب وطلبات – تالف – مرتجعات – عمولات – دعايا وإعلانات.
ودي أخطر
لأنها بتاكل من الربح وانت فاكر إن البيع زاد.

الغلطة الشائعة:
صيدلية تفرح بالمبيعات…
لكن صافي الربح يفضل ثابت أو يقل.

ليه؟
لأن كل جنيه زيادة في البيع
بيطلع قدامه جنيه مصروف زيادة.

تتحكم فيهم إزاي؟

ابدأ بالثابت:
اسأل نفسك:
هل الإيجار مناسب لحجم البيع؟
هل عدد العاملين متناسب مع حركة الفرع؟
هل كل اشتراك بتدفعه له عائد؟

أي مصروف ثابت مالوش عائد مباشر
بيأخرك خطوة في الربح.

وبعدين المتغير راجع:
هل الخصومات ليها هدف؟
هل التعاقدات أضافت مبيعات حقيقية ولا بس زوّدت مصاريف؟
هل في تالف بيتكرر؟
هل في منتجات بتبيعها وبتخسر فيها؟
هل الدعايا ليها هدف واضح؟
(زيادة عدد العملاء – رفع متوسط الفاتورة – تصريف راكد… ولا “حضور على الفيسبوك وخلاص؟”)

الربح الحقيقي مش في البيع…
الربح في السيطرة.

الصيدلية اللي بتتحكم في مصاريفها حتى لو مبيعاتها أقل
ممكن تكسب أكتر من صيدلية بتبيع ضعفها.

30/12/2025

🎉✨ سنة جديدة، بداية جديدة! ✨🎉

مع بداية 2026، بتمنى لكم:
💡 طاقة إيجابية لا تنتهي
🏆 نجاحات كبيرة في شغلكم وحياتكم
❤️ صحة وسعادة لكل أيامكم

خلي السنة دي تكون عام الإنجازات والفرص اللي مستنيها تتحقق !