نزولاً عند رغبتكم... كان لازم نخصص وقت لتحليل الجدل المستمر حول نظام الطيبات للدكتور ضياء العوضي رحمه الله...
هدفنا مش الانحياز لجهة ضد تانية،،،لكن هدفنا تقديم وعي حقيقي مبني على أسس علمية ودينية وأخلاقية...
في الفيديو ده⬅️ جاوبنا على أكتر الأسئلة اللي بتوصلنا⬇️
✅️هل النظام ده فعلًا سحري لكل الأمراض؟
✅️ايه هي الأبعاد الاجتماعية والدينية في التعامل مع التوجيهات الصحية؟
✅️ازاي نقدر نختار الأنسب لصحتنا من غير ما ننساق وراء تريندات قد تكون غير دقيقة؟
رحم الله الدكتور ضياء العوضي وغفر له، مجهوده ونيته عند ربنا... احنا هنا دورنا نكمل بوعي وأمانة مهنية عشان نجاوب على كل اللي شاغل بالكم😊
#الطيبات
#طب #تغذية
11/02/2026
نصائح للمتبدئين في الجيم
30/01/2026
لو انت مبتدئ و مش عارف تلتزم باي دايت
اسمع الكلام ده
انما لو عايز تعمل تحول جسدي و تحدي في شهر لشهرين
يبقى تعالى العيادة😉
17/01/2026
فيتامين د هو البطل الحقيقي 🦸♂️
الأسنان علشان تتكون وتطلع قوية محتاجة عملية اسمها ترسيب المعادن
✅️ببساطة فيتامين د هو اللي بيساعد الجسم ياخد الكالسيوم والمعادن من الأكل ويحطّهم جوّه تكوين السنة، فتبقى قوية ومستحملة 🦷
طيب لو فيتامين د قليل عند الأم أو الطفل، إيه اللي بيحصل؟
🔹 ضعف طبقة المينا
السنان بتطلع طبقتها الخارجية ضعيفة (تبان مطفية أو فيها بقع).. وده يخليها تتسوّس بسهولة أول ما تطلع
🔹 تأخر التسنين
نلاقي الطفل اتأخر جدًا في التسنين، وده طبعًا بيقلق الأهل
🔹 هشاشة الأسنان
السنان ممكن تتكسر بسهولة مع أبسط خبطة أو حتى مع الأكل
🔹 مشاكل اللثة
نقص فيتامين د يخلي اللثة ضعيفة وعرضة للالتهابات من سن صغير
🌸 نصيحتي لكل أم وأب
الاهتمام بتحليل فيتامين د والمتابعة مع دكتور النسا من وقت الحمل، لأنك حرفيًا بتبني سنان ابنك وهو لسه في بطنك 🤍
🌸 وبالنسبة للأطفال
جرعة فيتامين د الوقائية (اللي بيحددها دكتور الأطفال) لازم تكون جزء أساسي من يومهم
✨ استنونا في الفيديو الجاي
هنتكلم عن إزاي نزود من فعالية فيتامين د اللي بناخده ...ونستفيد منه لأقصى درجة 👌
وجبر الله قلوبكم جميعا ولا حرمكم الصحة والعافية ⚘️⚘️
15/01/2026
زمان كان "النفس" والبركة هما سر الطعم، والأكل كان بيشبع الروح قبل المعدة ببساطة مكوناته الطبيعية. لكن دلوقتي، انحصر طموح أمهات الجيل ده في تقليد "أكل الشارع" عشان ترضي ولادها بالصوصات والخلطات الجاهزة🍟🍔🍜
تعالى أقولك أصول اللعبة فين..
⚠️السر كله في الـ MSG!
مادة "جلوتامات أحادي الصوديوم" موجودة طبيعي في أكلنا وهي اللي بتخلق الطعم الغني واللحمي (مذاق الأومامي)
لكن الفرق كبير‼️
✅️في الطبيعة: بتتحرر بتوازن، فبتخلينا نستمتع بالأكل بوعي😊
❎️في المصنعات: بتتحرر بقوة "انفجارية" بتخلي اللسان يدمن النكهة دي!
النتيجة؟ طعم الخضار والأكل البيتي بقى "باهت" في عيوننا، لأن النكهات الصناعية خدرت لساننا ونسيتنا طعم الخير الحقيقي. 🥲
🪄الحل السحري "بودرة الأومامي" الطبيعية في بيتك!
مش هسيبك لادمان الطعم الصناعي، تقدري تجهزي توابل في البيت تحفز نكهة (جوهر اللذة) بشكل طبيعي تماماً:
المكونات⬇️⬇️
🍅 قشر طماطم
🍄 مشروم مقطع شرائح
🌿 ورق كرفس
🍴الطريقة
جففيهم في الفرن على درجة حرارة 160°C
بعد ما ينشفوا تماماً، اطحنيهم وبس كده!
بقى عندك أحلى وأطعم Umami Seasoning طبيعي 100%، يرجع لأكلك "النفس" واللذة من غير تزييف. 😋
⚘️جربوا خلطة الأومامي الطبيعية دي في طبختكم الجاية، وقولولنا هل فعلاً حسيتوا بفرق؟
ولو في أفكار جربتوها بنفسكم ياريت تشاركونا بيها...
هسنتناكم في الكومنتات! 💬
13/01/2026
قال رسول الله صلى الله عليه وسلم
"من أحيا سنةً من سنتي فعمل بها الناس كان له مثل أجر من عمل بها، لا ينقص من أجورهم شيئًا"
صدق رسول الله صلى الله عليه وسلم 🌟
السواك من السنن المهجورة اللي تستحق نرجعلها ❤️
وعلى قد ما فوايده عظيمة… مهم كمان نعرف إزاي نختاره ونستخدمه بطريقة صح 👌
🌿🌷 اختيار السواك
▪️ يكون محفوظ في باكيت مقفول
▪️ لونه فاتح مش غامق
▪️ طري مش ناشف
▪️ حجمه متوسط لا سميك ولا نحيف
🌿🌷 طريقة تحضيره قبل الاستخدام
1️⃣ نغمر أحد طرفي السواك في مياه لمدة ربع ساعة
2️⃣ نحدد حوالي 1 سم من الطرف ونقشر الطبقة الخارجية بالسكين
3️⃣ نضغط على الشعيرات بين الأسنان عشان تتفرق وتتحول لفرشاة طبيعية
🌿🌷 طريقة استخدامه
▪️ نمسك السواك زي القلم بالظبط ✏️
▪️ نحركه بلطف على سطح الأسنان من اللثة إلى اتجاه الأسنان (وليس العكس)
▪️ ممكن كمان نستخدمه لتنظيف اللسان برفق 👅
▪️ بعد كل استخدام نغسله بالمياه كويس 💧
▪️ استخدام شخصي فقط لكل فرد
▪️ بعد يومين إلى 3 أيام من الاستخدام، مهم جدًا نقطع الطرف المستخدم ونبدأ في جزء جديد من السواك ✂️
🌿 طريقة حفظه
▪️ نرجعه في الحافظة الخاصة بيه مع ضمان تهوية الشعيرات 🌬️
▪️ ممكن كمان نحفظه في الثلاجة عشان يظل رطب أطول فترة ممكنة ❄️
🌿🌷 وأخيرًا
من المهم نعرف إننا بنستخدم السواك بعد غسيل الأسنان بالمعجون وليس قبله 🪥
علشان نضمن أكبر استفادة منه 🌿
السواك مش بديل عن الفرشاة والمعجون، خصوصًا مع نمط الأكل الحالي 🍽️
لكن يفضل دايمًا لأنه أولًا سنة عن الحبيب صلى الله عليه وسلم ❤️ ولفوايده العظيمة 🌸 ولسهولة استخدامه في أي وقت وأي مكان 🌼
🦷اسنان طفلي كلها مسوسة وهو لسه حتى مكملش
السنتين..معقول؟؟؟😔😱
الحقيقة اني دي شكوى بنسمعها من أمهات كتييير جدا
⚘️في الفيديو ده،
د. سارة نجاح (طبيبة الأسنان) هتوضح لنا إن المشكلة مش بس في "الكمية" لكن في عادات يومية بنعملها بحسن نية وهي "كارثة" حقيقية لأسنان طفلك:
❌ فخ "النقنقة": المشكلة مش في السكر نفسه، لكن في "تكرار" الأكل اللي بيخلي الفم في حالة حمضية مستمرة.
❌ رضعة النوم: اللبن (حتى الطبيعي) لو فضل على السنان طول الليل بيعمل "تسوس الرضاعة".
❌ خدعة العصير: العصير بيتركز فيه السكر وبيفقد الألياف، فبيلزق على الاسنان أسرع من الفاكهة الكاملة الغنية بالالياف اللي بتعمل مساج وتنضيف طبيعي لسطح الاسنان.
❌ السناكات اللزجة: الكراميل والكاندي هما العدو
الأول لأن تنظيفهم صعب جداً وبيدخلوا في تفاصيل الضروس .
✅ الروشتة السحرية للحماية 😉
1️⃣ نحدد وقت معين للحلويات (مش طول اليوم).
2️⃣ الفاكهة تتاكل "قضم" مش عصير.
3️⃣ غسيل السنان (مرتين يومياً) أهمهم اللي قبل النوم مباشرة.
4️⃣ زيارة الطبيب كل 6 شهور للاطمئنان.
⚘️في النهاية، صحة أسنان طفلك بتبدأ من عاداتك أنتي في البيت...قولولنا في الكومنتات، إيه أكتر عادة من اللي قولناهم كنتو بتعملوها ومكنتوش تعرفو إنها مضرة؟
28/12/2025
صحتك أمانة.. والدقيقة دي بتفرق كتير 💖
يا ست الكل، يا غالية على قلوبنا.. الفيديو ده معمول عشانك، عشان نطمنك ونفكرك إن "الوقاية والوعي" هما أول خطوة في حب الذات. الفحص الذاتي بسيط جداً ومش بياخد من وقتك دقايق، بس نتيجته بتديكي راحة بال لا تقدر بتمن.
✨ امتى تعملي الفحص؟
أنسب وقت هو بعد انتهاء الدورة الشهرية بـ 3 لـ 5 أيام، لأن في الوقت ده التغيرات الهرمونية بتهدأ، وبيبقى سهل تحسي بأي حاجة غريبة... (ولو كنتي في سن الأمل، حددي يوم ثابت كل شهر تفحصي فيه مثلا اول يوم في كل شهر )
✨ إزاي تعملي الفحص؟ (بكل بساطة)
الموضوع بيتم على خطوتين ⬇️⬇️
✅️بالملاحظة (بالعين)
هنقف ادام مرايا.. افردي ضهرك و لاحظي لو فيه أي تغيير في الشكل، اللون، أو ملمس الجلد
✅️باللمس (ببطن صوابعك) استخدمي التلات صوابع اللي في النص وانتي نايمة .. وبحركات دائرية بضغط خفيف افحصي كل منطقة، من تحت الإبط لحد عظمة القص، ومن فوق لتحت
⚠️ إيه العلامات اللي لو شفتيها لازم تستشيري طبيب؟
1️⃣وجود كتلة مكنتيش حاسة بيها قبل كده.
2️⃣تغير في شكل الجلد (زي قشر البرتقانة)
3️⃣إفرازات غير طبيعية
4️⃣وجع مستمر في مكان محدد مش مرتبط بفترة الدورة الشهرية
🌸خليكي فاكرة⬅️ أغلب التغيرات بتكون حميدة وبسيطة...
بس الاطمئنان واجب عشان نفضل دايماً شايفين ضحكتك منورة الدنيا 🎀
Be the first to know and let us send you an email when Dr Sarah Nagah posts news and promotions. Your email address will not be used for any other purpose, and you can unsubscribe at any time.
