12/08/2026
📖 حواديت من العيادة
من كام يوم دخل لي شاب، شكله كان مرهق جدًا.
أول ما قعد قال:
"يا دكتورة، أنا تعبت... بقالي 5 سنين بلف على الدكاترة، وكل مرة أسمع نفس الكلمة: قولون عصبي."
كان يحكي إنه كل فترة يجيله وجع بطن رهيب، لدرجة إنه يروح الطوارئ، وبعد يومين أو ثلاثة يختفي الألم لوحده، ويرجع يعيش طبيعي كأن مفيش حاجة حصلت.
عمل مناظير، وأشعات، وتحاليل... وكل مرة النتيجة:
"كل حاجة كويسة."
وأنا بسمعه... قال جملة عابرة جدًا.
لكن الجملة دي خلتني أوقفه وأبدأ أسأله أسئلة مختلفة تمامًا.
ساعتها عرفت إننا غالبًا مش قدام قولون عصبي.
لو كنت مكاني...
إيه أول سؤال كنت هتسأله؟
وإيه التشخيص اللي هيخطر في بالك؟
مستنية أشوف توقعاتكم، وبكره هحكيلكم إيه كانت الجملة اللي غيرت كل حاجة، وإزاي وصلنا للتشخيص.
