Farh Pharmacy _ صيدلية فرح

20/05/2026

يسعدلي مسائكم 🌷🌷

بما أن عيد الاضحى على الأبواب ❤️❤️

كل سنة و انتم بالف خير و طيبين ❤️❤️

ننصح باستخدام القفازات 🧤🧤 عند ذبح 🐑 الاضاحي تجنبًا للانتقال 😔👇🏻
مرض أورف (Orf Disease )

مرض البثار الجلدي المعدي من الأمراض الجلدية اللى تحدث غالبا بعد أسبوع من عيد الاضحى (بعد انقضاء فترة الحضانة)

مصدر العدوى 👈
هو الخروف او الماعز
حيث تكون مصابة بفيروس مسبب لهذا المرض
ومع التعامل معها " خصوصا منطقة الرأس للذبيحة " ينتقل هذا الفيروس لجسم الانسان مسبباً مرض جلدي يصيب عادة اصابع اليدين

شكل المرض 👈
يكون على شكل بقع حمراء تتحول إلى بثور مؤلمة في اليدين و الوجه
قد يصاب به الاشخاص وخاصة ربات البيوت والجزارين نتيجة تعاملهم مع الأضاحي المصابة بهذا المرض.
يتستمر فترة المرض حتى ٦ أسابيع حيث يتغير شكل الإصابة كل اسبوع ...

العلاج 👈
احيانا بيشفى بدون علاج من أسبوع ل 4 أسابيع رغم شكله اللى ممكن يسبب هلع للمريض و يكون العلاج من خلال استخدام محلول مطهر للجلد ومضادات حيوية فى حالة حدوث التهاب بكتيرية عليها،

11/05/2026

Since 1997

11/05/2026

🚨 إوعى تعمل كده لو كلب عضّك… حتى لو الناس حواليك بيقولوا كده بثقة.! ⚠️
90% من اللي بيتعضوا من كلب في مصر… بيعملوا نفس الغلطة أول 5 دقايق

في عز زحمة الكلام عن أزمة الكلاب في شوارعنا والجدال اللي مبيخلصش بين (المحبين والمعارضين) في فجوة وعي مرعبة ممكن تضيع حياتك في ثانية إحنا مش قدام مجرد جرح إحنا قدام سباق مع الزمن ضد فيروس (السعار) اللي لو تمكن من الجهاز العصبي بتبقى نسبة الوفاة 100%.. ملوش علاج في العالم كله 🛑

الخطورة مش في العضة بس الخطورة في سيستم الجدعنة"
الغلط اللي بنشوفه في الشارع من الناس اول ما تلاقي حد اتعض من كلب : 👇
🚫 أوهام الإنقاذ اللي بتسرّع الموت:
📍كتم الجرح بالبن : أول ما حد بيتصدم بمنظر الدم بعد العض .. تلاقي اللي بيجري ويقولك اكتم الجرح بسرعه بشوية بُن عشان النزيف يوقف
بس الحقيقة أن البُن بيعمل سدادات خشنة بتحبس لعاب الكلب الملوث بالفيروس جوه الأنسجة وبتحميه من الماية والمطهرات. إنت كدة بتخزن الفيروس جوه جسمك وبتديله الأمان عشان يوصل لأعصابك أسرع

📍 مشكلة الرباط الضاغط : بتشوف الناس بتربط فوق العضة بحزام أو قماشة جامد جداً فاكرين إن اللى دخل جسمهم سِم و بيمشي في الدم وعايزين يمنعوه يوصل للقلب بسرعة

بس الحقيقة أن فيروس السعار (Rabies) بيمشي في الأعصاب (زي سلك الكهرباء) مش في الدم. الربط ده مش هيوقفه ثانية واحدة لكنه هيقطع الدورة الدموية عن إيدك أو رجلك تماماً لحد ما تموت الخلايا وتعمل (غرغرينا) تضطرنا للبتر.. وإنت لسه في خطر السعار

📍جريمة خياطة الجرح: أحياناً الجرح بيكون واسع فالناس تجري على دكتور (مش متخصص) عشان يلم الجرح ويخيطه فوراً
و الحقيقة أن خياطة جرح عضة الكلب مُحرمة طبياً في البداية لأن الفيروس ده (لاهوائي) وخياطة الجرح يعني إنك بتقفل عليه الأوكسجين وبتوفر له البيئة المثالية عشان يتكاثر بجنون جوه جسمك

✅ تعالى بقي أقولك البروتوكول المنقذ (إزاي تدمر الفيروس قبل ما يدمرك) :
1️⃣ الصابون هو (السلاح السري): الناس بتستهون بالصابون وبتبحث عن مطهرات غالية لكن العلم بيقول إن فيروس السعار محاط بغلاف دهني الصابون هو المادة الوحيدة اللي بتعمل (Dissolve) وتذويب للغلاف ده فتدمر الفيروس فوراً. اغسل الجرح بماء جاري مع اى نوع صابون لمدة 15 دقيقة متواصلة.. الخطوة دي أهم خطوة قبل خطوة المصل نفسه

2️⃣ سيب الجرح ينزف ويتهوى: النزيف البسيط في الأول مفيد لأنه بيطرد اللعاب لبره. والجرح لازم يفضل مكشوف وممنوع تغطيه ببلاستر أو شاش مكتوم نهائياً .. لازم يفضل مكشوف

3️⃣ سباق الـ 24 ساعة: لازم تتوجه بعدها فوراً لمستشفى (الحميات) لعمل اللازم المصل (Immune Globulin) بيتحقن حوالين الجرح لمحاصرة الفيروس واللقاح بيتاخد بجدول محدد لبناء المناعة

🔑 الخلاصة
حياتك مش مجال للتجارب ولا للوصفات البلدي. السعار ملوش فرصة تانية.. الماية والصابون والمصل هما طوق النجاة

19/04/2026

و أخيراً الميروجابلين نزل مصر 🇪🇬🔥
بشري سارة لكل مرضي السكر و الكوليسترول اللي بيعانوا دايماً بالتهابات مُزمنة في الأعصاب الطرفية و مرضي الروماتويد و الإنزلاق الغضروفي و عرق النسا
و العصب الخامس..
المرضي اللي كانوا بيعانوا من الألم و مش لاقيين علاج قاطع للوجع ده و تعبت من إستخدام الجابابنتين و الدولوكستين بسبب الأعراض الجانبية و زهقوا من التدوير علي الليريكا و مش لاقيين البريجابلين
شركة بايوميد بتقدملكم الحل السحري الأمن و الأول في السوق المصري في دواء *PEROLAD*(بكل تركيزاته ) بمادته الفعالة الميروجابلين و هي التطور الأحدث في عائلة ال Gabapentoids من البريجابلين و تأثيره 5 أضعاف و امتصاصه أسرع فالجسم.
و غير كده كمان مش بيعمل تعود ولا بيسبب إدمان و أعراضه الجانبية أقل من الجابابنتين و البريجابلين. 💪
انتظروه قريبا بإذن الله كل ما هو جديد في عالم الدواء مع
-صيدلية فرح هي إختيارك الأول للدواء لأن صحتكم هي مهمتنا الأساسية❤️

03/04/2026

١٠ معلومات مهمة تحافظ بيهم على نفسك وتقلل خطر الإصابة بأمراض القلب والشرايين التاجية المنتشرة بقوة ؟؟؟

١. الحفاظ على الوزن المثالى
السمنة خصوصًا في منطقة البطن، تزيد من خطر الإصابة بأمراض القلب
حافظ على محيط خصرك أقل من
102 سم للرجال ، 88 سم للنساء
استخدم مازورة القياس لنفسك وشوف الحلاوة 😬

٢. ممارسة الرياضة نصف ساعة يوميا من التمارين متوسطة الشدة زى المشى السريع " الهرولة "
أو 75 دقيقة على الأقل أسبوعيا من التمارين العالية زى ماتش كورة أو تدريبات الجيم أو السباحة.

٣. التوقف عن التدخين ، أشرب شاى بلبن وخليك مؤدب، مافيش إنسان شرير على وجه الأرض بيشرب شاى بلبن .

٤. ضغط الدم أقل من ١٣٠/٨٠ ، لو أعلى من ١٤٠/٩٠ بشكل دائم يبقى خد علاج للضغط وسيبك من الكركدية، الكركدية دة تبله يوم فرحك إن شاءالله مش علاج !

٥. أكل ماما الصحى من اللى بيكبر ...

الخضروات والفاكهة والبقوليات
وأبعد عن الدهون المشبعة زى السمنة الصناعى وطاسة القلية واللنشون والبلوبيف والسجق وغيرها من اللحمة اللى مالهاش علاقة باللحمة !

كتر من زيت الزيتون والمكسرات النية زى عين الجمل واللوز كمصدر صحى للدهون.
كل أسماك دهنية مرتين فى الاسبوع لو تقدر وتحت بيتكم شادر سمك (السلمون، السردين والماكريل والتونة).

٦. الكوليسترول الضار LDL خليه منخفض بانك تعمل كل الحاجات اللى فوق دى ☝️

٧. لو كنت مريض سكر ، حافظ على السكر التراكمي أقل من 7% ، ولو مش مريض سكر يبقى اقل من 6%
تجنب السكريات والمقليات قدر الإمكان سواء كنت مريض سكر او لأ ...

٨. تقليل التوتر اليومي والعصبية
، نام 7–8 ساعات يوميًا.

٩. تجنب قعدة الكنبة وأعمل شوية تمارين يومية ، أتحرك الجبل بيتحرك !

١٠. قلل السموم البيضاء قدر الإمكان( الملح، السكر، الدقيق )

27/03/2026

ويسألونك عن الحساسية (Allergy) قل فيها نصف معاناتنا.
يظن الكثيرون ان الحساسية تقدم نفسها على شكل طفح جلدي، حكة، بقع لونية، احمرار، ثآليل مائية إلى نهاية القائمة الظنية عند العامة، وهذا لا يكفي.

إليك حقائق صادمة لم تتناولها المعارف العامة حول اصابتك بالحساسية من ادوية واكلات وملبوسات وروائح واطعمة وانت لا تدري.

قد تعلن الحساسية عن نفسها في شكل اعراض مثل الصداع، اضطراب النوم، إسهال او أمساك، غثيان او قيئ، تسارع النبض، تسارع التنفس او صعوبته، وحتى اضطراب المزاج والاحساس بالخوف.

دعنا نتفق على ان الحساسية ليس مقرها الجلد وحده، بل قد تسكن الدورة الدموية وتتعارك مع الخلايا الحمراء أو البيضاء او الصفائح الدموية، وقد تسكن الجهاز العصبي او المناعي في صمت وانت لا تدري، فالعبرة بما يقرره جهاز المناعة من تحديد مكان المعركة في أي من انسجة الجسم، واشهرها صمامات القلب والمخ.

للناس في العموم، والاطباء في الخصوص، أضف هذه القاعدة إلى قاموس معرفتك:

✅ الحساسية ما هي إلا ردة فعل الجهاز المناعي لأي مادة لم يتفاهم معها جهاز المناعة فيتعارك معها، وبعد المعركة، قد يودعها الجلد، او نسيج الكلى، او أي عضو آخر يتوافر فيه اكواد بروتين معين.

✅ بعض المواد الآمنة التي لا تسبب الحساسية في الاحوال العادية قد تتحد مع مادة أخرى أمنة ايضا تعرف بالهابتين (Hapten) وينتج عن اتحادهما مادة مؤذية قد تدخل بدنك في عراك قاس مع جهاز المناعة وتأتي بنتائج مؤذية او قاتلة.

✅ ما يصلك من أعراض بعد الحساسية هو عادم المعركة من كيماويات وانزيمات وناقلات عصبية، ومهيجات الخلايا تعرف جميعها بعائلة الـ (Cytokines).

✅ دعك من الاضحوكة المتوارثة عبر الاجيال التي يستجوب فيها الطبيب مريضا قبل التخدير ويسأله:
- عندك حساسية؟
- لا.
- إذا توكلنا على الله 😂.

واليك التفسير:
ما سبب لك الحساسية قبلا، ليس بالضرورة مستمرا معك، وما كان آمنا قبل اللحظة، قد يقتلك اللحظة التالية.

كيف تعرف ان هناك متهما يسبب الحساسية دون ان تدري؟:

يستخدم للتحري ما يعرف بخريطة الجلد، وفيها نرسم مربعات على الظهر، ونحقن في كل منها خلاصة احد المواد موضع الشك (عطر/دواء/بروتين/ملح، ...)

✅أصبح الطب حاضر الذهن تجاه الحساسية كسبب لفك غموض بعض الامراض غير المبررة والأعراض الغريبة التي كانت تودع تحت مظلة (الاشعات والتحاليل سليمة، يبقى بيدلع وناقصة شوية حنية)

20/11/2025