صيدلية بحيرى

صيدلية بحيرى صيدلية بحيري تقدم لكم محتوى طبى بطريقة مختلفة مميزة
دمياط/فارسكور/خلف مدرسة الأنصاري
واتس01015754570

معلومة x علبة ❤صيدلية بحيرى
02/06/2026

معلومة x علبة
❤
صيدلية بحيرى

لست مع الطيبات ❌ولا أحل الخبائث ✅بما ان الموضوع مازال مثار وعليه جدل حبيت اوضح كذا نقطة لعل وعسي ننتفع بيها :✅ رحمة الله...
02/06/2026

لست مع الطيبات ❌
ولا أحل الخبائث ✅

بما ان الموضوع مازال مثار وعليه جدل حبيت اوضح كذا نقطة لعل وعسي ننتفع بيها :

✅ رحمة الله علي الدكتور ضياء في كل الاحوال اللهم اعف عنه واغفر له وتجاوز عنه

✅ هو لازم اكون مع الطيبات او ضد الطيبات ! مينفعش اقف موقف موزون متوازن 🤐

✅ انا هاخد الحلو من النظام دا انه بيخفف عن معدتي كاهل العشوائية في الاكل ودا بالفعل نقطة عامة متفق معاها جدا لان المعدة هي بيت الداء لو انصلح أمرها انصلح أمر الجسم كله 🙋

✅ في الوقت نفسه لا أحرم أي أكل عن الناس طالما انه اكل صحي غير معلوم الضرر ✏️

✅ متفق ان فيه اغذية غير سليمة وغير صحية ومعلومة الضرر زي الفاست فود وما اشبع بالزيوت النباتية كالنخيل وخلافه دي ابعد عنها بالفعل قدر الامكان

✅ متفق في نفس الوقت ان للاسف صناعة الادوية دخل فيها مافيا كبيرة هدفها الربح التجاري فقط دون النظر لما يفيد الناس 💲

✅ لكن ف نفس الوقت مش معني كدا ان الادوية كخة واستغني عنها ، هو علم اوجد الله فيه شفاء للناس ان أحسن استخدامه من البشر

✅ مافيا الاغذية زيها زي مافيا الادوية هدفها التربح المالي فحسب ولا يعنيها الصحة العامة للبشر 💲

✅ هل دا معناه استغني بالكلية عن الغذاء ولا انقح ماهو ضرر واستغني عنه واحسن استغلال الغذاء بتوازن وأبتاع من مصادر موثوقة لتجار الدواجن واللحوم والفواكه والخضروات 🛡

✅ هو ليه ف أي موضوع لازم كل طرف يشتم الطرف التاني مينفعش نتعايش بهدوء وعادي بدون دوشة 🙏

✅ الدكتور ضياء رحمة الله عليه اكيد كان هدفه يوعي الناس لبعض المخاطر لكن لا اعتقد انه تعدي علي من يخالفه بالسب او القدح لكن كان بيعرض وجهة نظره في هدوء 😊

✅ مينفعش اعمل زي بنو اسرائيل واحرم واحلل بمزاجي ف الاكل ، دول استبدلو الطير بالبصل والفول 🤔

✅ يا جماعة اللي عاوز يجرب تجربة فردية للطيبات هو حر طالما هيتحمل نتيجتها لوحده سواء بالخسارة لا قدر الله او النجاح ، لكن نصيحة من القلب اوعي تدعو ناس عندها امراض مزمنة لترك ادويتها بالكلية واتباع اي نظام بغينه لان والله لو حصل ضرر لاي حد فيهم هتسأل عن دا يوم القيامة لانهم اتبعوك وظنو انك بتتكلم بعلم

✅ جرب لوحدك ولا تؤذي غيرك

✅ يا هوووه يا نااااس .. انا بحب الفراخ هستغني عنها ازاي مقدرش انا راجل متريش 😁😂😂😂😂

أحبكم جميعا ولكم وافر الصحة والسعادة
❤

اتصبحو بالخير يا بشر ❤😁
02/06/2026

اتصبحو بالخير يا بشر ❤😁

02/06/2026

" إن قرآن الفجر كان مشهودا "

أي تشهدها الملائكة
لا تترك صلاة الفجر مهما كانت الظروف

هتنفعك ف قبرك وتشفعلك عن خطاياك

اللهم صل وسلم وبارك علي سيدنا محمد وعلي آله وصحبه وسلم تسليما كثيرا

لما اكون واقف في أمان الله :✅ واحد داخل بروشتة وبطلعله العلاج يقولي هو ايه لازمة دا ولازمة دا طب مسألتش الدكتور ليه ياع...
01/06/2026

لما اكون واقف في أمان الله :

✅ واحد داخل بروشتة وبطلعله العلاج يقولي هو ايه لازمة دا ولازمة دا طب مسألتش الدكتور ليه ياعم الحاج جاي تطلع الطالب النابغة الفضولي ف اسئلته عندي انا 😁

✅ واحد داخل بروشتة وصرفتلع العلاج شافه الاقيه يقولي هو الدكتور دا كويس ؟ هو حضرتك بتسأل علي العروسة بعد ما كتبت عليها 😂

✅ واحد داخل مع مراته وشكلها ضارباه علقة باين ومكشر وصرفتله روشتته ، ودا متأفف ويبرطم ايه اللي ودانا ويارتنا مارحنا ياعم انا مالي هو انا امك اللي اخدتك غصب عنك للدكتور 😂

✅ يكون معايا زبون ويدخل زبون تاني يسالني عن شكوي معينة الاقي الاولاني يقوله خد كذا وكذا واوعي تاخد كذا ، تعالا استلم الشيفت مكاني حضرتك 😂

✅ واحدة داخلة تسالني عن احلي حاجة لتنظيف البشرة اقولها اسعار اي تقولي ميهمكش افضل حاجة لما اجبلها مليون حاجة تقولي سعرها غالي ، الصابون الاسود بتاع الغسالة حلو للبشرة وبلاش فردة الصدر دي تاني 😁

✅ عيل امه بعتاه بشريط برشام والله ما باينله ملامح ولا اسم ولا رقم جلوس وعاوزاني اجيبه ، احنا نقدملك في برنامج العباقرة وتحلوها سوا بمعرفتكم 😁

✅ اااه بقا من واحد معرفة يجيلك يصدع راسك بمليون سؤال وسؤال وف الاخر والله ما بيشتري بجنيه ، انت علي دماغي يا حاج فخدها وروح واتفاهمو مع بعض ف بيتك 😁

✅ يسلام بقا علي المدمن اللي يدخلك دخلة محترمة عاوز قطرة لحام ، لا عاوز جابانتين للحاجة أمي التعبانة بتاع الاعصاب ، مفقوس مفقوس ياولدي متحاولش والله 😂

✅ واحدة بقا جنتل جدا تصرف روشتة لو حسابها 3002 تدفع ال 2 جنيه كمان دي يسلام روحي يا شيخة ربنا يكتر من امثالك ويقلل من امثال اللي فوق 💞

✅ دي بقا حصلت كتير واحدة تقولي ماشاء الله عليك وصفتلي الدوا المرة اللي فاتت جاب نتيجة وانا عمال اوزع ابتسامات واهز راسي واقولها دا بفضل ربنا، اقسملك بالله انا مش مصدق ان انا وصفتلك دوا وجاب نتيجة والله لو فاكرك او فاكر الدوا مش هنكر 😂

✅ واحد جاي مع مراته يطلب احسبله العلاج بعدها يقولي غالي ويتخانق مع مراته مش جايبه ويعلي صوته طب ياجماعة متحسسونيش اني السبب 😁 المضحك بعدها الاقيه مدلدل راسه وجاي ياخد العلاج 😂

✅ واحدة بتوزن فماشية مع نفسها من غير ماتدفع وقفتها قلتلها لو سمحت الحساب كذا قالتلي ليه المفروض يعني وسكتت ، كملتلها المفروض اعمله مجانا صح 😂 ، وحق الميزان وصيانته يا ولية
اتقي الله 😁

لو بصيت لاغلب المواقف او يمكن كلها مواقف عاطفية
البيع والشرا فعلا مبني ع العاطفة وقبلها تقدير الله

ملحوظة : المواقف حقيقية بالفعل وحدثت

Address

دمياط فارسكور امام باتا
Damietta
057

Opening Hours

Monday 10am - 12am
Tuesday 10am - 12am
Wednesday 10am - 12am
Thursday 10am - 12am
Saturday 10am - 12am
Sunday 10am - 12am

Telephone

+201015754570

Website

Alerts

Be the first to know and let us send you an email when صيدلية بحيرى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category