Dr/Alaa hussien”therapist”

Dr/Alaa hussien”therapist” Contact information, map and directions, contact form, opening hours, services, ratings, photos, videos and announcements from Dr/Alaa hussien”therapist”, Medical and health, Damiette, Damietta.

أخصائي نفسي ومرشد أسري � جلسات إرشاد فردية وزوجية | التربية الإيجابية والوعي الذاتي.


مساعدك تبني علاقة أهدأ وأقوى ♥️
احجز استشارتك 👇التواصل علي رسايل الصفحه

في مشكلة بشوفها في أغلب الاستشارات…إن الشخص بيكون عنده مشكلة ومش قادر يتخطاها ولما أسأله: يومك ماشي إزاي؟أكتشف إنه… وا...
09/05/2026

في مشكلة بشوفها في أغلب الاستشارات…

إن الشخص بيكون عنده مشكلة ومش قادر يتخطاها
ولما أسأله: يومك ماشي إزاي؟

أكتشف إنه…
واقف حياته كلها على المشكلة دي!

ساب شغله
ساب اهتماماته
ساب نفسه أصلاً
ومركز كل طاقته جوا نفس الدائرة

طيب طبيعي تسأل نفسك:
إزاي هتخرج منها…
وإنت قافل على نفسك جواها؟!

أنا مع إن أي مشكلة تاخد حقها
تحس بيها… تعبّر… تفهم نفسك

بس مش مع إنك تستسلم
وتحبس نفسك جواها

الحل اللي دايمًا بقوله في الجلسات 👇
"فكرة الكوبايات"

تخيل إن حياتك عبارة عن كذا كوباية:
شغل – علاقات – نفسيتك – اهتماماتك

لما تيجي تركز على كوباية واحدة بس (المشكلة)…
وتسيب باقي الكوبايات فاضية

هتلاقي نفسك بتغرق فيها

لكن لما تبدأ تملا باقي الكوبايات…
المشكلة بتصغر لوحدها

مش عشان اختفت…
لكن عشان حياتك بقت أكبر منها

لو حابب أشرح لك نطبق الفكرة دي إزاي عمليًا
اكتبلي "كوبايات" في الكومنت
لو حاسس انك محتاج مساعده اطلب دا
عشان كدا انا معاكم
الاء حسين استشاري نفسي و اسري بساعدك ترتب افكارك و تعيش حياه اكثر واقعيه و ايجابيه
للحجز و الاستفسار التواصل خاص

من أكتر أخطاء التفكير اللي بتسيطر علينا في العلاقات هو التفكير الإلزامي.تلاقي نفسك بتقولهو لازم يقول كذاهي لازم تتصل.كان...
22/04/2026

من أكتر أخطاء التفكير اللي بتسيطر علينا في العلاقات هو التفكير الإلزامي.

تلاقي نفسك بتقول
هو لازم يقول كذا
هي لازم تتصل.
كان المفروض ييجي

استنى لحظة بس…
مين قال إنه لازم

هل ده فرض؟
ولا قانون؟

الحقيقة إن غالبًا دي حاجات إحنا اللي حطيناها كقواعد في دماغنا
وممكن جدًا الطرف التاني أصلًا ما يكونش شايفها كده

وغالبًا ده بييجي من التوقعات
إنك بتقول
طالما أنا عملت كذا، طبيعي جدًا يبقى في رد فعل قدامه

طيب لو رد الفعل ما حصلش؟
الأفضل ساعتها إننا نسأل ونفهم
من غير ما نهاجم الطرف التاني أو نفترض الأسوأ.

الخلاصه
ما ترفعش سقف توقعاتك للسما
وبعدين تزعل لما الواقع ما يبقاش زي ما تخيلت

خلي توقعاتك واقعية،
واتكلم وافهم قبل ما تحكم.

تابعوا لو حابين تعرفوا اكتر عن ليه كل شخص بيفهم الموقف بطريقه و ازاي طريقه التفكير

في ناس حوالينا…بتضحك طول الوقت،بس أول ما تبقى لوحدها… بتنهار.ناس بتقول “أنا كويس”وهي أصلاً مش فاهمة هي تعبانة من إيه…اتع...
13/04/2026

في ناس حوالينا…
بتضحك طول الوقت،
بس أول ما تبقى لوحدها… بتنهار.

ناس بتقول “أنا كويس”
وهي أصلاً مش فاهمة هي تعبانة من إيه…

اتعودت تكتم
اتعودت تستحمل
لحد ما بقى الألم جزء من يومها

إحنا بنشوف اللي ظاهر بس
لكن محدش شايف اللي بيحصل جوا كل واحد فينا محدش بيشوف الكواليس

علشان كده
بلاش نحكم على حد
ولا نقلل من وجعه حتى لو مش مفهوم لينا

وإنت
لو حاسس إنك تايه أو تقيل من جوا
مش لازم تكمل لوحدك

طلب المساعدة مش ضعف…
دي أول خطوة حقيقية إنك تبقى أحسن.

أنا هنا علشانك 🤍
مش بس أسمعك
لكن أفهمك كمان

الاء حسين
أخصائي نفسي ومرشد أسري
بساعدك تفهم نفسك تعرف افكارك ومشاعرك

🎁 عرض خاص على الجلسات لمدة شهر

13/04/2026

أماكن للعلاج النفسي بأسعار رمزية في القاهرة واسكندرية واونلاين

أولا اي حد حاسس انه محتاج مساعده نفسية عاجلة يتواصل مع الخط الساخن للصحة النفسية (وزارة الصحة)
📞 16328

وحدة الدعم النفسي في الأزهر الشريف ١٩٩٠٦ بسعر المكالمة العادية .

🔹 مستشفى الدمرداش
- الكشف: ٥ جنيه
- أيام: الأحد والاثنين والأربعاء
- من ٨ لـ ١٠ صباحًا
- الجلسات بتبدأ من ٢٠ جنيه (ومش شرط أسبوعية)

🔹 مستشفى العباسية
- الكشف: ١ جنية فى العيادات الخارجية
- الجلسات النفسية بنفس السعر تقريبًا


🔹 مركز الإرشاد النفسي - جامعة عين شمس
- الجلسة بـ ٢٠ جنيه
- خدمات نفسية للأطفال والكبار

🔹مستشفى جيهان بالاسكندرية "شرق المدينة "
- فيها عيادة نفسي وبأجر رمزي

لازم تعرفوا إن القائمين على العلاج أكبر الأساتذة

فلو تعرف حد محتاج دعم نفسي ومش قادر ماديًا، ساعده يعرف الأماكن دي.
الأطباء محترمين، والعلاج متاح، والفرص حقيقية.

✋ بلاش نستهين بالاكتئاب أو أي اضطراب نفسي
✋ وبلاش نتنمر على اللي بيروحوا لطبيب نفسي

اللي محتاج يتكلم، يسمع، أو حتى ياخد استشارة... يستاهل فرصة.

في حاجة بسيطة ممكن تغيّر يومك كله…بس لو فكرت فيها بصدق 💭"استشعار النِعم"هتحس فجأة إنك كنت في نعمة كبيرة بس متعود عليهام...
10/04/2026

في حاجة بسيطة ممكن تغيّر يومك كله…

بس لو فكرت فيها بصدق 💭

"استشعار النِعم"

هتحس فجأة إنك كنت في نعمة كبيرة
بس متعود عليها

مش بقولك متزعلش…
ولا متحسش بوجعك

بس بقولك:
وسع نظرتك شوية

مش كل حياتك هي الحاجة اللي ناقصة

جرب كل يوم قبل ما تنام:
اكتب 3 حاجات حلوة حصلت معاك
حتى لو بسيطة

يمكن المشكلة لسه موجودة
بس انت بقيت أقوى منها

"اقلع النظارة السودة… وهتشوف نعِم كتير حواليك" ✨

03/04/2026

"}
عارف المشكلة فين؟

إنك مش عارف نفسك…
مش عارف إنت عايز إيه
ولا محتاج إيه فعلًا

وأحيانًا…
بتبقى عارف احتياجك
بس مش عارف تلبيه بطريقة صح

لو حاسس نفسك تايهه ومش عارف نفسك اطلب المساعده
انا معاكم
الاء حسين اخصائي نفسي و اسري بساعدك ترتب افكارك و تفهم مشاعرك
للحجز و الاستفسار عن الجلسات التواصل خاص

✨ عيد فطر سعيد عليكم جميعًا 🤍يارب يكون عيد مليان راحة وطمأنينة وفرح حقيقي لكل واحد فيكم.العيد مش بس لبس وخروجات…العيد كم...
18/03/2026

✨ عيد فطر سعيد عليكم جميعًا 🤍
يارب يكون عيد مليان راحة وطمأنينة وفرح حقيقي لكل واحد فيكم.

العيد مش بس لبس وخروجات…
العيد كمان فرصة نرجع نهتم بنفسنا وبصحتنا النفسية 💫

لو حاسس إنك محتاج تبدأ بداية جديدة،
أو تتكلم وتفهم نفسك أكتر… أنا موجودة معاك 🤍

🎁 بمناسبة العيد في عروض خاصة على الجلسات
📩 اسأل عن التفاصيل في الخاص

يسعدني أكون سبب في راحتكم وسعادتكم،
وإنكم تعيشوا حياة أهدى وأجمل 💛

✨ عيدكم مبارك وكل سنة وأنتم طيبين

مش كل مرة أختار راحتي يبقى أنا معقدة أو مصعبة الأمور.في فرق كبير بين🔹 الحزم🔹 التشددالحزم إنك✔ تحطي حدود واضحة✔ تحترمي اح...
24/02/2026

مش كل مرة أختار راحتي يبقى أنا معقدة أو مصعبة الأمور.
في فرق كبير بين
🔹 الحزم
🔹 التشدد

الحزم إنك
✔ تحطي حدود واضحة
✔ تحترمي احتياجاتك
✔ تدوري على حل وسط يرضي الجميع بدون ما تلغي نفسك

التشدد هو
✖ التمسك برأيك على حساب راحة الكل
✖ رفض أي مرونة
✖ تحويل أي اختلاف لمعركة

✨ الحزم نضج… مش قسوة.
✨ اللي يعرف قيمتك مش هيشوف حدودك مشكلة.

💌 “لو حسّيتي الكلام ده قريب منك، اكتبي (حزم) في التعليقات و هتكلم المره الجايه عن ازاي نطبق الحزم 👇”
💬 “شارك/ي البوست مع حد محتاج يسمع ده 🤍”

لو شايف انك محتاج مساعده متتردتش ابدا انك تلجأ لمتخصص
انا معاكم
الاء حسين اخصائي نفسي واسري
بساعدك ترتب افكارك و مشاعرك و تفهم نفسك اكتر و تعيش حياه اكتر واقعيه و ايجابيه
التغير بيبدأ بخطوه

08/02/2026

إنت مش شخص وحش…
إنت إنسان غلط
والإنسان ما بينضجش غير جوه الغلط

كتير من اختياراتك اللي شايفها دلوقتي “غلط”
مكنتش اختيارات أخلاقية فاسدة عن قصد
كانت هروب من ألم
ومحاولة لتنظيم جهاز عصبي اتلخبط
بسبب بيئة صعبة عشت فيها

ده كله ماضي
النهارده إنت واقف قدام اختياراتك إنت

أول اختيار حقيقي
هو إنك تعيد تنظيم جهازك العصبي
من أول وجديد

عشان كدا انا معاكم
الاء حسين
اخصائي ومرشد اسري
بساعدك تنظم مشاعرك و افكارك و تعيش حياه اكثر واقعيه وايجابيه

مشكلتك مش ضعف…هي رسالة محتاجة فهممشاعر اللخبطة، التعب، العصبية، أو حتى البرودمش معناها إن فيكِ حاجة غلطغالبًا معناها إن ...
07/02/2026

مشكلتك مش ضعف…
هي رسالة محتاجة فهم

مشاعر اللخبطة، التعب، العصبية، أو حتى البرود
مش معناها إن فيكِ حاجة غلط
غالبًا معناها إن في احتياج متشافش
أو ضغط اتشال لوحدك فترة طويلة

في الإرشاد النفسي والأسري
بنفهم المشكلة من غير لوم
وبنشتغل على العلاقة من غير كسر
وبنعلّم تربية إيجابية تحمي قلبك وقلب ولادك

إرشاد نفسي وأسري | تربية إيجابية

انا معاكم
الاء حسين اخصائي نفسي و مرشد اسري
هساعدك تنظم افكارك و مشاعرك و تعيش حياه اكتر ايجابيه وواقعيه
📩 احجزي جلستك وابدئي رحلة أهدى لكِ ولأسرتك

“عمرك حسيت إن في شخص في حياتك مش طبيعي…بس في نفس الوقت مش مريض؟”شغله ماشي ✔️بيضحك ويهزر ✔️من وجهة نظره هو تمام التمام ✔️...
25/01/2026

“عمرك حسيت
إن في شخص في حياتك مش طبيعي…
بس في نفس الوقت مش مريض؟”

شغله ماشي ✔️
بيضحك ويهزر ✔️
من وجهة نظره هو تمام التمام ✔️

بس اللي حواليه؟
متعبين… مرهقين… تايهين في التعامل معاه.

خليني أرتّب الصورة 👇

في الحياة غالبًا بنقابل ٣ أنماط من الناس:

1️⃣ شخص طبيعي
بيغلط وبيصلّح، بيزعل وبيفهم، بيعرف يراجع نفسه لما حد ينبهه.

2️⃣ شخص مضطرب (شخصية صعبة)
وده الأخطر في العلاقات 👀
• مش حاسس إن عنده مشكلة
• شايف إن الدنيا كلها هي اللي غلطانة
• أداءه الوظيفي تمام، شغله ماشي، حياته ماشية
• بس الناس اللي حواليه هي اللي بتتأذى

المشكلة الأساسية هنا؟
👉 عدم الاستبصار
هو مش شايف نفسه محتاج يتغير.

3️⃣ شخص مضطرب نفسيًا
وده غالبًا:
• حاسس بالتعب
• في خلل واضح في حياته
• شغله متأثر
• علاقاته متلخبطة
• وبيطلب مساعدة أو على الأقل معترف إنه مش كويس

⸻

طيب نعرف إزاي إن ده اضطراب شخصية؟
لو الشخص عنده خللين على الأقل من أصل 4 في الآتي:
• 🧠 أفكاره
• ❤️ مشاعره
• 👥 الجانب الاجتماعي
• ⚡ اندفاعيته وقدرته على التحكم في نفسه

ساعتها إحنا مش قدّام شخص “صعب شوية”…
إحنا قدّام نمط محتاج وعي وحدود واضحة.

الخلاصة 👇
مش كل اللي بيتعبنا مريض…
ومش كل مريض مش حاسس بنفسه.
الفهم هنا مش عشان نبرر الأذى،
لكن عشان نعرف نتعامل صح ونحمي نفسنا

عشان كدا انا موجوده
أنا آلاء حسين
أخصائي نفسي وإرشاد أسري
بساعدك:
• تفهمي نفسك أكتر
• تفكي الضغط اللي مأثر على نفسيتك وجسمك
• وتستعيدي إحساس الأمان والاتزان
لحجز الجلسات للتواصل خاص

Address

Damiette
Damietta

Website

Alerts

Be the first to know and let us send you an email when Dr/Alaa hussien”therapist” posts news and promotions. Your email address will not be used for any other purpose, and you can unsubscribe at any time.

Shortcuts

Share

Category