مركز الدلتا للعلاج الطبيعي والتخسيس

15/06/2026

14/06/2026

"الحالة دي مستحيل تقوم تاني..."
دي كانت الجملة اللي اتقالت كتير عن محمود بعد حادثة الموتوسيكل.
نزيف بالمخ... أكتر من 60 يوم داخل العناية المركزة... درجة وعي 6... وجسم فقد تقريبًا كل أشكال التحكم والحركة.
لما محمود دخل المركز، كان مش قادر يتحكم في الحوض، ولا الجذع، ولا الأطراف الأربعة. كان مجرد جسد ساكن... لكن جواه روح لسه بتحارب.
ناس كتير شافت النهاية... وإحنا شوفنا بداية.
بدأت رحلة طويلة جدًا... أيام من التعب، والتمارين، والمحاولات اللي كانت أحيانًا بتبان مستحيلة. كل حركة صغيرة كانت بالنسبة لنا انتصار. كل استجابة كانت أمل جديد.
مرة بعد مرة... واسبوع ورا اسبوع .
بدأ محمود يثبت للجميع إن إرادة ربنا فوق أي توقعات، وإن المستحيل أحيانًا بيكون مجرد كلمة بنقولها قبل ما نشوف المعجزة.
النهارده محمود بيتحرك. بيمشي. بيتكلم. بياكل. وبيستعيد حياته خطوة بخطوة.💪
ولو سألتنا إيه أكتر حاجة فرحتنا؟ مش إنه بقى يمشي... لكن إننا شفنا الفرحة رجعت لعين أهله بعد ما كانوا فاقدين الأمل.,❤️
محمود مش مجرد حالة علاج طبيعي... محمود دليل حي إن الأمل لا يموت، وإن وراء كل خطوة صغيرة قصة كفاح كبيرة.
﴿وَيُحْيِي الْعِظَامَ وَهِيَ رَمِيمٌ﴾
ولسه بإذن الله القادم أجمل.

11/06/2026

بعد رحلة طويلة من العياط والزعيق والمفاوضات الصعبة... نعلن رسميًا انتهاء قضية أحمد! 🤣❤️
أحمد كان من الحالات النكدية جدًا لدرجة إننا كنا بنتسابق على الجلسة... بس عشان نشوف مين هيخلع منها الأول! 😅
جالنا بعد كسر مفتت في الكوع مع شرائح ومسامير وتيبس شديد في المفصل، والحقيقة أول ما شفناه قلنا المشوار هيبقى طويل... وفعلاً كان طويل، لكن الحمد لله بالإصرار والتزام أحمد وأهله ومجهود الفريق كله قدرنا نوصل لنتيجة جميلة جدًا.
النهارده كانت آخر جلسة لأحمد، والولد اللي كان رافع شعار "أنا مش موافق على العلاج الطبيعي" بقى ما شاء الله راجع لحياته الطبيعية وحركة الكوع اتحسنت بشكل كبير جدًا. 💪👏
كل التحية لفريق العمل اللي استحمل الزعيق أكتر ما استحمل التمارين 😂، وكان هدفه من أول يوم إن أحمد يوصل لأفضل نتيجة ممكنة.
مبروك يا أحمد ❤️ هنفتقدك... أو يمكن هنفتقد هدوء العيادة بعد ما مشيت! 🤣🎉 :::
💪❤️

09/06/2026

قبل ما أكتب البوست ده، ملخص يوم في العيادة النهارده شفت فيه 5 حالات، وكل حالة منهم كانت رسالة مختلفة نفتكر بيها نعمة ربنا عليك...

حالة طفل 8سنين بجري ويتحرك مره واحده رجليه نقلت وأيده نكشف يبقي ورم في المخ وعمله شلل رباعي.

وحالة تانية لشابة عندها 25 سنة، نامت وصحيت لقت نفسها مش قادرة تتحرك بشكل طبيعي، وبعد الفحوصات اتضح إنها تعاني من التصلب المتعدد.

وطفل صغير جاي مع والدته، وهي كلها أمل تسمع إن ابنها طبيعي ومفيش أي مشكلة، لكن بعد الفحص وطلب الأشعات كانت النتيجة وجود ضمور بالمخ.

طفل تاني واقف جنب البيت ماسوره وقعت عليه عملتله نزيف داخلي وعملتله شلل نصفي .

ساعات الناس بتفتكر إن المرض أو فقدان القدرة على الحركة حاجات بعيدة عنها، لكن الحقيقة إن الحياة ممكن تتغير في لحظة واحدة وبدون أي مقدمات.
ولو فيه حاجة مميزة فعلًا في شغل العلاج الطبيعي، فهي إنك كل يوم بتشوف نعم ربنا على الناس وبتفتكر نعم ربنا عليك...

بتشوف شخص كان بيجري ويشتغل ويتحرك بشكل طبيعي، وفجأة إصابة أو جلطة أو مرض غيّر حياته كلها، وبقى بيحاول يتعلم يمشي من جديد أو يحرك إيده أو حتى يقف لوحده.

وبتشوف أطفال كل ذنبهم إنهم اتولدوا بظروف صحية صعبة، ومع ذلك بيحاربوا كل يوم عشان يقعدوا أو يقفوا أو ياخدوا خطوة، بينما كل همّهم الحقيقي إنهم يلعبوا ويعيشوا طفولتهم زي باقي الأطفال. ❤️

وأكتر جملة بنسمعها: "أنا كنت كويس جدًا وفجأة بقيت مش قادر أعمل أبسط حاجة لوحدي."
ساعتها بتدرك إن الحركة نعمة، وإن القدرة على المشي نعمة، وإن إنك تقوم من سريرك وتلبس هدومك وتتحرك من غير مساعدة دي نعم عظيمة ممكن الإنسان ميحسش بقيمتها إلا لما يشوف غيره محروم منها.
فكل ما الواحد تاخده الدنيا أو يحس إن الأمور مضمونة، يفتكر إنه ماشي بفضل وستر ربنا، وإن الصحة والعافية والحركة والاستقلالية نعم لا تُقدّر بثمن.
الحمد لله على نعمة الصحة والعافية والحركة... وربنا يشفي كل مريض، ويعين كل أسرة بتواجه ابتلاء، ويجبر خاطر كل أب وأم متعلقين بأمل الشفاء. 🤍☝️
الحمد لله دائمًا وأبدًا.

07/06/2026

في مركزنا دايمًا بنؤمن إن النجاح الحقيقي بيبدأ من العلم والتطوير المستمر ❤️
علشان كده بنفتخر بالدكتور أحمد عصام عوض بعد اجتيازه اليوم العلمي التعليمي بعنوان
“Advanced Evidence Based on Pediatric Rehabilitation”
تحت رعاية نقابة العلاج الطبيعي 👏🌟
إحنا مش مجرد فريق شغال… إحنا تيم هدفه يقدّم أفضل خدمة علاجية مبنية على العلم والـ Evidence Based Practice، ودايمًا بنسعى نتطور علشان كل حالة تدخل عندنا تاخد أفضل رعاية ممكنة 💙
فخورين بيك يا دكتور، وبكل خطوة نجاح وتطوير بتضيفها لفريقنا ❤️
ومن نجاح لنجاح دايمًا إن شاء الله 💪

02/06/2026

دي بقي سيلا القمر ❤️✨
بدأنا رحلتنا معاها وهي كانت لسه مش قادرة تتحكم في راسها، لا بتتقلب ولا بتقعد…
لكن بالإصرار، والتعب، والصبر، وحب أهلها، وشغل فريقنا يوم ورا يوم… الحمد لله النهارده سيلا بقت فاكهة العيادة كلها 🥹❤️
رحلة طويلة مليانة تعب وكفاح، لكن كل خطوة فيها كانت تستاهل 💪
اشتغلنا معاها بأحدث الطرق العلمية في العلاج الطبيعي، مع اهتمام كبير جدًا بالـ Manual Therapy والعلاج المائي 🏊‍♀️
لأننا مؤمنين إن كل طفل يستحق فرصة حقيقية يعيش حياته بشكل طبيعي ويستمتع بكل تفاصيل طفولته 🌸
النجاح ده مكنش مجهود شخص واحد…
ده تعب أهل آمنوا ببنتهم، وفريق كامل بيشتغل بحب وإخلاص، وكل دكتور في المركز كان ليه دور حقيقي في الرحلة دي ❤️🙏
الحمد لله… خلاص قربنا نخلص رحلتنا العلاجية، وسيلا تبدأ تعيش حياتها زي أي طفل في سنها، تلعب وتتحرك وتفرح ❤️✨
فخورين بكل خطوة وصلنالها… وفخورين إننا جزء من ضحكتها النهارده 🫶
مركزنا مش مجرد مكان جلسات… إحنا رحلة دعم، وأمل، وتعب، ونتيجة بنشوفها بعنينا كل يوم ❤️

26/05/2026

كل عام وأنتم بخير ❤️
بمناسبة عيد الأضحى المبارك، أتقدم إليكم بأصدق التهاني وأطيب الأمنيات، سائلًا الله أن يعيده عليكم وعلى أحبابكم بالخير واليمن والبركات، وأن يتقبل منا ومنكم صالح الأعمال والطاعات.
عيد أضحى مبارك 🌙🐑
د. أسامة عماد مدير مركز الدلتا للعلاج الطبيعي والتخسيس والتأهيل المكثف للأطفال ذوي الاحتياجات الخاصة

15/05/2026

وراء كل نجاح… فريق كامل بيشتغل بإخلاص ❤️💪
فخور جدًا إن عندنا اكبر فريق طبي علي مستوي مركز دكرنس والمراكز المجاوره ، كل واحد فيهم ليه بصمته ودوره الحقيقي في نجاح أي حالة بنستقبلها 🙏
ناس بتتعب، وتجتهد، وتتعلم كل يوم، علشان تطلع أفضل نتيجة ممكنة لكل مريض يدخل عندنا.
النجاح اللي بنوصله النهارده مكنش هيحصل بمجهود شخص واحد، لكنه نتيجة روح فريق حقيقية، فيها تعاون، ودعم، وخبرة، وثقة بين كل فرد موجود ❤️
كل حالة بتتحسن وراها ساعات شغل طويلة، مناقشات، تقييمات دقيقة، ومتابعة مستمرة من تيم كامل هدفه الأول والأخير إن المريض يرجع أحسن من الأول بإذن الله ✨
فخور بكل شخص موجود وسط الفريق ده…
وفخور إننا قدرنا نكوّن مكان قائم على العلم، الاحترام، والتطوير المستمر 🏥🔥
وفخور باضافه اي طبيب علاج طبيعي بيسعي للعلم والتعليم والتطوير المستمر 🌹
وإن شاء الله اللي جاي أكبر، وأقوى، وأفضل دايمًا بوجود الناس اللي بجد تستحق التقدير 👏❤️