Dr Asmaa yehia chest clinic

03/04/2026

الحمدلله دائما وابدا

مش صدفة إن اسم عيادات الدلجمون التخصصية بقى بيتقال بثقة

المكان قدر في وقت قليل يثبت إنه واحد من أقوى الأماكن الطبية،
وده بسبب اختيار دكاترة على أعلى مستوى فعلاً مش مجرد كلام 💯

وانضمت لفريقنا د.اسماء يحيى، أخصائية أمراض الصدر، حاصلة على الزمالة المصرية، وتعمل في مستشفى صدر طنطا
🔸كمان استشاري بالتأمين الصحي 👩‍⚕️
خبرة كبيرة وتشخيص دقيق واهتمام بكل حالة من أول زيارة

في الدلجمون… أنت في إيد أمينة فعلًا ❤️

📍العنوان / الدلجمون بعد مزلقان البحر أمام صيدلية دكتور محمود شلتوت ♥️
📩 للحجز والاستفسار التواصل من خلال رسائل الصفحه ( عيادات الدلجمون التخصصية)
او من خلال الأرقام 01289639152

10/03/2026

# حالات العيادة القمر

18/02/2026

08/02/2026

⛔️ ليه واحد بيبدأ دور برد عادي،
وبعد أسبوع بنلاقيه في العناية المركزة بـ "التهاب رئوي عنيف"؟

⚠️ وليه واحد تاني خف في يومين؟
الفرق مش في "قوة المناعة" بس..
الفرق في "الروشتة اللي قلبت دور البرد لمشكلة في الرئة وهي فاكرة إنها بتعالجها".
​
⚠️ الفخ الأول: "تنشيف البرد" هو بداية الغرق!

​🔴 بعض أدوية الحساسية والبرد التقليدية بتعمل حاجة اسمها (Anticholinergic effect).

​بالبلدي: إنت بتبلع الدواء عشان "تنشف" الرشح، فتقوم "منشف" السوائل اللي ربنا خلقها عشان البلغم يتزحلق عليها ويخرج!

​النتيجة: البلغم بيتحول لـ "خرسانة" بتقفل الشعب الهوائية، وبدل ما الرئة تنضف، بتبقى بيئة مثالية لنمو بكتيريا شرسة بتموت الأنسجة.

​⚠️ الفخ الثاني: جريمة "كتم الكحة"

​الكحة مش عدوك، الكحة هي "المكنسة" اللي بتنظف رئتك. لما بتاخد دواء يهدي الكحة بزيادة، إنت بتوقف المكنسة..
الرئة بتتملي إفرازات، الحويصلات بتنهار، والأكسجين بيقل.
إنت سكتت الكحة، بس خنقت الرئة!

​⚠️ الفخ الثالث: حقنة "الديكسا" (الكورتيزون) ..
الهدوء الذي يسبق العاصفة
​أخطر حاجة ممكن تعملها هي حقنة كورتيزون "طايرة" عشان تفوق.

​اللي بيحصل: الكورتيزون بينيم المناعة، الفيروس بيفرح وبيدخل يتكاثر براحته جوه خلاياك وإنت مش حاسس بألم.

​الكارثة: أول ما مفعول الحقنة يخلص، الجسم بيفوق على جيش من الفيروسات،
فبيعمل رد فعل مجنون (Cytokine Storm) أو عاصفة بتدمر نسيج الرئة نفسه، ومع بعض الحالات ندخل في سكة التليف !

​✅ الحل الصح (عشان تعيش وتخف):
​
الترطيب (Hydration): اشرب ميه وسوائل كأن حياتك واقفة عليها، عشان البلغم يفضل سايل ويخرج.

​مذيبات مش مهدئات: استخدم مذيبات بلغم بتساعد "المكنسة" مش بتوقفها.

​بلاش عشوائية: المضاد الحيوي مش "بونبوني"، استخدامه غلط بيخلق بكتيريا "سوبر مان" مش بتأثر فيها الحقن بعد كدة.

​🛠️ "روشتة النجاة".. تعمل إيه من أول دقيقة؟

​1. "الاستنشاق" هو البطل الحقيقي (Inhalation Strategy):
بدل ما "تبلع" دواء ينشف جسمك كله عشان يوصل للرئة، استهدف الرئة مباشرة. جلسات استنشاق المحلول الملحي (Saline 0.9%) أو المحلول التشعبي بتخلي "الخرسانة" اللي اتكونت في صدرك تفك وتبقى مية. إنت هنا بتغسل رئتك من جوه.

​2. وضعية النوم (Postural Drainage):
لو صدرك "مزيّق"، متنامش فلات على ضهرك. النوم على الجنب أو "الوضعية المائلة" مع الطبطبة الخفيفة على الظهر (Chest Percussion) بتخلي الجاذبية تساعد "المكنسة" إنها تطرد البلغم المحبوس في الفصوص السفلية للرئة.

​3. "بروتوكول السوائل الذكي" (The 3-Liter Rule):
مش مجرد "اشرب مية".. إنت محتاج حد أدنى 3 لتر سوائل دافئة يوميا ما لم يمنعك طبيبك بسبب حالة مزمنة. المية هي "الوقود" اللي بيخلي الغدد تفرز الطبقة المائية (Airway Surface Liquid). لو جسمك عطشان، رئتك هتتحجر.

​4. فيتامينات "إدارة المعركة" (The Defense Trio):
• ​Zinc & Vitamin C: مش عشان يمنعوا الدور، عشان يقللوا مدة بقاء الفيروس (Viral Shedding) ويمنعوه من السيطرة على الخلية.
• ​Vitamin D: ده مش فيتامين، ده "المايسترو" اللي بيمنع مناعتك إنها تتجنن وتعمل (Cytokine Storm). هو اللي بيفرمل الهجوم الانتحاري للمناعة على رئتك.

​5. قاعدة الـ 48 ساعة (The 48-Hour Observation):
لو الحرارة مابتنزلش بعد 48 ساعة برغم خافض الحرارة، أو ظهر "نهجان" مع أقل مجهود.. ارمِ كل المسكنات و راجع طبيب فورًا، وغالبًا هيطلب إشعة مقطعية.. هنا جسمك بيقولك إن "الفيروس" بدأ يفتح الباب لـ "تليف"، والوقت هنا بيساوي حياة.

​💡 كلمة السر :
​"أدوية البرد بتعالج شكلك قدام الناس (بتوقف الرشح والكحة)، لكنها بتدمر معركتك الحقيقية جوه صدرك."

​⚠️ متبقاش "فاعل خير" وتشتري لحد "مجموعة برد".. إنت ممكن تكون بتدمر رئته وأنت مش فاهم!
انشر البوست ده في جروبات العيلة، وابعت التحذير ده لكل واحد لسه بيستسهل وبياخد "حقنة الهتلر".. وعي غيرك، لعلها تكون سبب في إنقاذ حياة.

11/12/2025

حساسية الصدر في الشتا للأطفال 👶
📢 يا ترى ابنك هيعرف يتنفس كويس الشتا ده؟
🥶 كلام من القلب للأهل:
كل أم وأب شافوا طفلهم وهو صدره بيزيق وبيكح بالليل ومش عارف ياخد نفسه في عز البرد، عارفين الإحساس ده!
الشتا يعني نزلات برد متكررة ونوبات حساسية صدر (الربو) بتقلب حياتنا.
مش لازم طفلك يتعذب كل شتا!
🩺 الحل مع دكتور صدر متخصص
في العيادة، احنا متخصصين إننا نخلص طفلك من المعاناة دي:
* تشخيص مظبوط: بنشوف إيه اللي بالظبط بيخلي الحساسية تزيد عند ابنك.
* علاج وقائي بيجيب من الآخر: خطة علاج بتشتغل قبل ما الأزمة تبدأ عشان ما يجيلوش نوبات كحة أو ضيق نفس.
* بنعلمك إزاي تتصرف: بنطمنك ونفهمك إزاي تتعاملي مع أي نوبة مفاجئة في البيت بكل هدوء.

📲 الحق احجز قبل ما الشتا يدخل بقوته!
ماتستناش لما الأزمة تحصل. صحة ابنك أهم.
⚡مع د/ اسماء يحيي اخصائية الأمراض الصدرية والحساسيه

للحجز والاستفسار التواصل من خلال ارقامنا:
📞 [01289639152 - 01557927211]
📍 الدلجمون بعد مزلقان البحر أمام صيدلية دكتور محمود شلتوت 🌸

# #عيادات الدلجمون التخصصية # #

24/06/2025

📌 هل لاحظت تغيّر في شكل أظافرك أو أطراف أصابعك؟

🔍 ما هو تضخم نهايات الأصابع (Clubbing)؟
هو تغيّر في شكل الأصابع والأظافر، حيث تصبح نهايات الأصابع منتفخة وتظهر الأظافر منحنية للخارج بشكل غير طبيعي.

📸 شكلها قد يشبه "الملعقة المقلوبة" أو "رأس العصا".

---

⚠️ قد تكون علامة على مشاكل صحية مزمنة مثل:

✅ أمراض الرئة المزمنة (مثل التليف أو توسع الشعب الهوائية)
✅ سرطان الرئة

---

🩺 متى تزور الطبيب؟

إذا لاحظت أي تغيّر في شكل الأظافر أو تورم الأصابع، احجز فحصًا للاطمئنان، خاصة إذا كان مصحوبًا بـ:

كحة مزمنة

ضيق تنفّس

فقدان وزن غير مبرر

تعب عام

---

📍 عيادة د. أسماء يحيى
أمراض الصدر والحساسية للكبار والأطفال
📍 كفر الزيات – شارع المستوصف متفرع من شارع الجيش (أمام أسواق المنشاوي)
📞 01012429545

23/06/2025

🌬️ الكحة اللي مش بتروح.. مش لازم تكون دور برد! 🤧

بتكح بقالك أسابيع؟
الكحة بقت تزيد بالليل أو بعد مجهود؟
خدت أدوية كتير ولسه الكحة موجودة؟

📌 اعرف إن الكحة المستمرة ممكن يكون وراها أسباب كتير، منها:

1. 🔹 حساسية الصدر – خاصة لو بتحصل مع تغير الجو أو في مواسم معينة

2. 🔹 الارتجاع المريئي – الكحة بعد الأكل أو لما تنام؟ راجع المعدة

3. 🔹 التدخين أو التعرض للمدخنين

4. 🔹 ما بعد كورونا أو إنفلونزا شديدة

5. 🔹 الجيوب الأنفية – البلغم بينزل من ورا الأنف

6. 🔹 أدوية الضغط (بعض الأنواع)

7. 🔹 امراض خظيرة زى التليف الرئوي (لو معاها نهجان)
أو الدرن أو السرطانات

⚠️ الكحة اللي ما بتروحش مش لازم تتساب، عشان ما تتحولش لحاجة مزمنة أو خطيرة.

🏥 للحجز والاستشارات:
عيادة د. أسماء يحيى – أخصائية أمراض الصدر والحساسية للكبار والأطفال
📍 كفر الزيات – شارع المستوصف، متفرع من شارع الجيش ( المطافي)، أمام أسواق المنشاوي
📞 01012429545