14/06/2026
إزيكم 💚
حالة جديدة وقصة جديدة تعرفنا على سحر الغدد
إحنا هنا أمام حضرة ال secondory hypogonadism أى نقص هرمون التيستيرون بسبب مشكلة فى الغدة النخامية
طب إزاى أقدر أعمل ببساطة interpretation للنتايج وهل هى متماشية سوياً ومتماشية مع الحالة الأكلينكية أم لا؟
أنا أقولك
ببساطة ال hypothalamus بتطلع GRH ( gonadotropin releasing hormone) الى بيروح يخبط على الغدة النخامية ف تطلع هرمونى ال LH وال FSH الى بدورهم بيروحو لل tests الخصيتين عشان يخلوها تطلع هرمون ال testesterone الى لية دور أساسى فى تكوين ال sperms من الخصية
طول م ال cascade دة طبيعى طول م التحاليل هتطلع طبيعة والدنيا تمام
طب لو أختل ؟
هتختل النتايج والدنيا مش هتبقى تمام
طب إزاى أقد افرق ان نقص التيستيرون دة ثانوي بسبب النخامية ولا أولى بسبب مشكلة ف الخصية نفسها ؟
ببساطة عينك على ال fsh طول م ال fsh منخفض او حتى low normal مع التيستستيرون منخفض ف انت شكوكك كلها حول النخامية
لية ؟
ببساطة لأن لو التيستيستيرون قل ده بيحفز ال hypothalamus انها تطلع GRH الى بيروح للنخامية عشان تطلع fsh الى هيروح للخصية تطلع تيستيستيرون
ف كون ان الtestesterone منخفض وال fsh مارتفعش قليلاً حتى عشان يعوض الأنخفاض دة إذن الغدة النخامية غير قادرة على الأنتاج بشكل كافى ونتأكد من دة بعمل MRI على الغدة النخامية ودة زى الحالة الى معانا الى بالفعل طلع بيعانى من مشكلة ف النخامية من سنين طويلة والوضع كدة متحسن كتير عن قبل
طيب لو لقية ال testesteron منخفض وقصادة fsh مرتفع؟
طبعاً هتفكر إن الخصية هى الى ممكن تكون فيها مشكلة ودى حالة ال primary hypogonadism الى فيها ال تيسترون منخفض ف هيخفز ال hypothalamus يطلع GRH الى هيحفز النخامين تطلع fsh اكتر ( ف (يعلى ف الدم) ف يحفز الخصية تطلع testesteron ف الخصية ماتستجبش
ف يفضل التيسترون منخفض مع ارتفاع ال fsh كدلالة على مشكلة ف الخصية
وهكذا يفضل ال fsh يرتفع عشان يحفز الخصية تطلع testesterone ولكن الهرمون مابيرتفع خالص ودة الى بيأكد ان المشكلة ف الخصية مع فحوصات أخري زى دوبلر عالخصية مثلا ً
طب هتقولى واية ال prolactin العالى دة كمان ?
هقولك دة فى علاقة وطيدة بين ال prolactin العالى والتستسترون المنخفض
ودة اصلاً الى بيأكدلك ان النتايج make sense ولا تفتقد للمنطق
ببساطة تانى ال prolactin أول م بيعلى بيساهم أكتر ف إنخفاض التيستيرون الى هو أصلاً منخفض
طب لية ؟
لأن ارتفاع البرولاكتن بيعمل feed back inhibition ال GRH الى كان بيخرج من ال hypothalmus ف بتالى بتقل الاشاره التحفيزية الى رايحة للنخامية عشان تطلع ال fsh الى اصلاً هنا فى مشكلة ف الغدة للنخامية ف للانتاج ف البرولاكتن يكمل عليها ان يقلل التحفيز الى بيوصلها ف يقل اكتر ال testesterone
ودة يأكد أكتر ان المشكلة جاية من فوق من النخامية
الى ف النهاية سواء قل بسبب النخامية أو بسبب الخصية هيشتركوا ف نفس الأعراض الى هى إنعدام الرغبة الجنسية وضعف الحيوانات المنوية وغيرها من الأعراض
عشان كدة الغدد ليها سحر وتبينلك عظمة الخالق جل فى علاة إن كل حاجة بتسبح فى ملكوت وأن مفيش اى حاجة مخلوقة هبائاً
ماتشوفش شر 💚
