12/04/2026
الرياضة أمانة.. والمدرب قدوة 🥋
رسالة أخوية لكل مدرب شايل أمانة تربية جيل جديد.. يا ريت نراعي ربنا شوية في أولياء الأمور واللاعيبة.
ولي الأمر بيضحي عشان يشوف ابنه بطل، وبيسلمك ابنه وهو كلك ثقة فيك وفي أمانتك.
الاشتراكات: من حقك تاخد المقابل اللي يرضيك مقابل مجهودك وخبرتك.
المكسب: اكسب وده حقك.. بس من غير جشع! الجشع في أسعار الأدوات، أو المبالغة في رسوم البطولات، وكارنيهات الاتحاد، واختبارات الأحزمة.. كل ده بيضغط على الناس وممكن يخلي موهبة حقيقية تقعد في البيت بسبب الماديات.
الفرق كبير بين إنك "تترزق" من مهنتك، وبين إنك "تسرق" ثقة ولي الأمر اللي آمن بيك.
الرزق الحلال فيه بركة، والمدرب اللي بيراعي ظروف الناس، ربنا بيفتح له أبواب رزق ويحبب فيه خلقه ويصنع له اسم يعيش سنين.
