01/04/2026
الالتهاب السحائي (الحمى الشوكية) وتطعيماتها ..
👈 المرض ده عبارة عن إلتهاب الأغشية المحيطة بالمخ والحبل الشوكى🧠 وده بيتسبب في ظهور أعراض زي الصداع والحمى وتصلب الرقبة والتهاب المخ.
👈يمكن أن تصيب أي شخص، ولكنها شائعة عند صغار السن منذ الولادة وحتى مرحلة البلوغ.
👈تنتقل أغلب أنواع الحمى الشوكية عن طريق إفرازات الجهاز التنفسي.
👈اللقاح هو الوسيلة الوحيدة للوقاية وانواعها المتاحة كما يلي:
🥼 أولا: تطعيم المدارس:
📌دة تطعيم ثنائى متعدد السكريات بيحمى من البكتيريا A,C
📌️الدولة بتوفره للسنة الأولى من كل مرحلة دراسية.
📌️بيدى حماية لمدة سنتين ولكنه مبيمنعش الطفل انه يكون حامل للمرض ( يعنى معندوش اعراض بس ممكن يعدى غيره)
🥼 ثانيا: تطعيم الرباعي المقترن:
📌بنسميه تطعيم الرباعى المقترن لانه بيحمى من ٤ انواع من البكتيريا A,C,W,Y.
📌 ده تطعيم غير مدرج بجدول التطعيمات الاجبارية.
📌️فيه منه نوعين متوفرين فى مصر فى المصل واللقاح .. الاتنين زى بعض فى الكفاءة لكن اختلافهم فى السعر والشركة المصنعة وجدول التطعيمات كالتالي:
1️⃣ تطعيم نيمنركس (Nimenrix):
☑️لو طفلك من ٦ أسابيع : ٦ شهور بناخد جرعتين بينهم شهرين ➕️ جرعة منشطة عند عمر السنة.
☑️من ٦ شهور : سنة بناخد جرعة واحدة أساسية ➕ ️جرعة منشطة بعد السنة (بفاصل شهرين على الاقل عن الجرعة الأساسية).
☑️أكبر من سنة بناخد جرعة واحدة تعطي مناعة طول العمر وتمنع حَمّل المرض (مش هَيعِدى غيره).
2️⃣ تطعيم ميناكترا (Menactra):
☑️من ٩ شهور: ٢٣ شهر بناخد جرعتين بينهم فاصل ٣ شهور على الأقل.
☑️من سنتين فيما فوق بناخد جرعة واحدة.
🥼 ثالثا: تطعيم بيكسيرو Bexero:
📌 ️بيحمى من البكتيريا B اللى بتسبب من ٦٠ : ٧٠ % من مرض الالتهاب السحائى.
📌 ده تطعيم غير مدرج بجدول التطعيمات الاجبارية.
📌جدول تطعيماته:
☑️طفلك من شهرين : ٥ شهور بناخد جرعتين بينهم على الأقل شهرين ➕️ جرعة منشطة فى السنة الثانية من العمر (بفاصل زمنى ٦ شهور او اكثر) عن اخر جرعة.
☑️ ٦ شهور : ١١ شهر بناخد جرعتين بينهم على الأقل شهرين ➕️ جرعة منشطة فى السنة الثانية من العمر (بفاصل زمنى شهرين او اكثر) عن اخر جرعة.
☑️من سنة : ٢٣ شهر بناخد جرعتين بينهم على الأقل شهرين ➕️جرعة منشطة (بعد ١٢ : ٢٣ شهر) من اخر جرعة.
☑️الاطفال اكبر من سنتين بناخد جرعتين بينهم شهر.
ربنا يحافظ عليكم وعلي واطفالكم ..
