Dr /Eman Refeat د.إيمان رفعت

Dr /Eman Refeat د.إيمان رفعت Contact information, map and directions, contact form, opening hours, services, ratings, photos, videos and announcements from Dr /Eman Refeat د.إيمان رفعت, Health & Wellness Website, El Shohada.

Dr/Eman Refeat Clinical Nutritionist
🔹 د/ إيمان رفعت
أخصائية تغذية علاجية وأمراض السمنة والنحافة
وتغذية الرياضيين
🔹 تغذية الأطفال والحوامل والمرضعات
🔹 تغذية مرضى القلب والكبد والكلى وأمراض الجهاز الهضمي
🔹 متابعة التغذية بعد العمليات الجراحية

🤔 "هو البيض مفيد ولا مضر؟"من أكتر الأسئلة اللي بتتكرر كل يوم تقريبًا...ولسنين طويلة كان البيض متهم إنه بيرفع الكوليسترول...
11/06/2026

🤔 "هو البيض مفيد ولا مضر؟"
من أكتر الأسئلة اللي بتتكرر كل يوم تقريبًا...
ولسنين طويلة كان البيض متهم إنه بيرفع الكوليسترول وبيضر القلب 😅
لكن الحقيقة إن العلم في السنوات الأخيرة قال كلام مختلف تمامًا.
🥚 البيض من أفضل وأرخص مصادر البروتين الكامل. 🥚 فيه عناصر مهمة للمخ والذاكرة وصحة العين.
🥚 بيساعد على الشبع لفترة أطول، وده بيخلي التحكم في الأكل أسهل.
🥚 مفيد للأطفال في مرحلة النمو، وللحوامل، وكمان لكبار السن للحفاظ على الكتلة العضلية.
والأهم...
✅ بالنسبة لمعظم الأشخاص الأصحاء، تناول بيضة يوميًا يعتبر آمنًا ضمن نظام غذائي متوازن.
لكن في نقطة مهمة جدًا 👇
المشكلة غالبًا مش في البيض...
المشكلة في اللي بناكله مع البيض! 😄
🍳 بيض مع سلطة وخضار وخبز بلدي أو حبوب كاملة؟ ممتاز.
🥓 بيض مع لحوم مصنعة ومقليات بشكل يومي؟ هنا لازم نراجع الوجبة كلها، مش البيض فقط.
في التغذية مفيش أكل "ملاك" وأكل "شيطان"... فيه نمط حياة كامل هو اللي بيصنع الفرق. ❤️
قولولي بقى... أنتم من فريق البيض المسلوق؟ 🥚 ولا الأومليت؟ 🍳😋

لو استغلّيتي العشر الأوائل من ذي الحجة بطريقة صح، ممكن تنزلي من ٢–٤ كيلو قبل العيد بدون حرمان، عشوائي أو دايت قاسي.الفكر...
16/05/2026

لو استغلّيتي العشر الأوائل من ذي الحجة بطريقة صح، ممكن تنزلي من ٢–٤ كيلو قبل العيد بدون حرمان، عشوائي أو دايت قاسي.
الفكرة مش “تجويع”...
الفكرة تنظيم الأكل والصيام بطريقة تقلل السعرات وتحافظ على الشبع والطاقة.
✨ نظام مناسب للعشر من ذي الحجة:
🌙 وقت الإفطار: • ٢ كوب ماء
• ٢ تمر فقط
• شوربة خضار أو شوربة بروتين خفيفة
🕌 بعد الصلاة بـ ١٥–٢٠ دقيقة:
🍽️ الوجبة الأساسية: • مصدر بروتين:
دجاج / تونة / سمك / لحم خالي من الدهون / بيض
• طبق سلطة كبير
• كمية كارب معتدلة:
½ كوب أرز أو شريحة توست أو بطاطس متوسطة
⏰ بعد الإفطار بساعتين:
🍏 سناك خفيف: • زبادي يوناني
أو
• ثمرة فاكهة
أو
• قهوة بدون سكر + حفنة مكسرات
🌅 السحور: • بيض + جبنة قريش + خضار
أو
• زبادي يوناني بالشوفان
أو
• فول بكمية معتدلة + سلطة
📌 مهم جدًا أثناء النظام: ✔️ شرب ٢–٣ لتر ماء
✔️ تقليل الحلويات والعصائر
✔️ المشي ٢٠–٣٠ دقيقة يوميًا
✔️ النوم الكافي لتقليل الجوع
✨ النظام يساعد على: • تقليل احتباس السوائل
• التحكم في الشهية
• نزول الدهون بشكل تدريجي
• تقليل الانتفاخ قبل العيد
👌 مناسب لمين؟ • الأشخاص اللي هدفهم نزول وزن سريع نسبيًا قبل العيد
• اللي بيعانوا من الأكل العشوائي بعد الإفطار
• الأشخاص القادرين على الصيام بدون مشاكل صحية
⚠️ غير مناسب لـ: • الحوامل والمرضعات
• مرضى اضطرابات الأكل
• مرضى السكر غير المنتظم
• بعض مرضى المعدة والكلى إلا بعد مراجعة مختص
❤️ النزول الحقيقي مش بيكون من “المنع” لكن من نظام مناسب لجسمك وحياتك.
📩 لو عايزة أساعدك بنظام يناسب جسمك وهدفك ابعتي:
“عايزة نظام” 👇

بتعمل دايت ومش شايف نتيجة رغم إنك ملتزم؟ 🤔غالبًا المشكلة مش فيك… المشكلة في شوية أخطاء صغيرة بتعطل النتيجة 👌في البوست ده...
09/05/2026

بتعمل دايت ومش شايف نتيجة رغم إنك ملتزم؟ 🤔
غالبًا المشكلة مش فيك… المشكلة في شوية أخطاء صغيرة بتعطل النتيجة 👌
في البوست ده جمعنالك أشهر أخطاء الدايت + طريقة تصليحها 💚👇
❌ الأكل الصحي بكميات مفتوحة
✔️ حتى الأكل الصحي لازم يكون بحساب وكميات مناسبة.
❌ الاستسلام بعد وجبة مفتوحة
✔️ وجبة مش هتبوظ كل حاجة… ارجع لنظامك عادي وكمل.
❌ تقليل الأكل بشكل مبالغ فيه
✔️ جسمك محتاج توازن، مش حرمان.
❌ الاعتماد على الميزان بس
✔️ تابع المقاسات، الصور، وطاقة جسمك كمان.
❌ قلة النوم والتوتر
✔️ النوم الجيد بيفرق جدًا في الشهية والحرق.
❌ شرب سعرات من غير ما تحس
✔️ انتبه للمشروبات والسكر المضاف طول اليوم.
❌ مقارنة نفسك بغيرك
✔️ كل جسم له سرعته وطبيعته… المهم الاستمرار 💪
✨ السر الحقيقي مش “الكمال”
السر إنك تعمل نظام تقدر تكمل عليه براحة واستمرارية.
ولو نفسك تخس بشكل صحي ومن غير حرمان…
ابعتلنا رساله ع الصفحه 💚
هنمشي خطوة بخطوة لحد ما توصل لوزنك اللي يريحك ويخليك فخور بنفسك ✨
د. إيمان رفعت
أخصائية التغذية العلاجية

🥖 العيش الأبيض ولا العيش البني؟الفرق مش في اللون بس 👌🔸 العيش الأبيض(الفينو – التوست الأبيض – المخبوزات بالدقيق الأبيض)بي...
08/05/2026

🥖 العيش الأبيض ولا العيش البني؟
الفرق مش في اللون بس 👌
🔸 العيش الأبيض
(الفينو – التوست الأبيض – المخبوزات بالدقيق الأبيض)
بيتعمل من دقيق مكرر اتشال منه الردة والألياف،
وده بيخليه: • يهضم بسرعة
• يرفع السكر بسرعة
• يشبع لفترة أقل
لكن 👇
العيش الأبيض مش “عدو” زي ما ناس كتير فاكرة 😊
بالعكس، أوقات بيكون اختيار مناسب جدًا، خصوصًا للرياضيين بعد التمرين 💪
لأن الجسم وقتها بيكون محتاج Simple Carbs سريعة الامتصاص علشان تساعد في تعويض مخزون الجليكوجين وتغذية العضلات.
🔸 العيش البني / الحبة الكاملة
بيتعمل من دقيق كامل فيه الألياف والردة،
وده بيساعد على: • شبع لفترة أطول
• تنظيم سكر الدم
• تحسين الهضم
✨ والأهم نعرف إن:
✅ مفيش فرق كبير في السعرات الحرارية بين العيش الأبيض والبني
لكن الفرق الأساسي بيكون في: • كمية الألياف
• سرعة الهضم
• الإحساس بالشبع
• التأثير على سكر الدم
⚠️ ومش أي عيش لونه بني يبقى صحي!
لازم نتأكد إنه مصنوع من دقيق حبة كاملة 100٪.
✨ صحتك مش محتاجة حرمان… محتاجة فهم واختيارات أذكى 🤍
د. إيمان رفعت
أخصائية التغذية العلاجية 🩺🌿
تابعوا الصفحة لكل المعلومات الصحية الصح بطريقة بسيطة وعملية

🤰🔥 الحموضة وارتجاع المرئ في الحمل؟ الحل في خطوات بسيطة!لو بتعاني من حرقان في المعدة أو ارتجاع… البوست ده ليكي 💛✨ إرشادات...
23/04/2026

🤰🔥 الحموضة وارتجاع المرئ في الحمل؟ الحل في خطوات بسيطة!
لو بتعاني من حرقان في المعدة أو ارتجاع… البوست ده ليكي 💛
✨ إرشادات مهمة هتفرق معاكي:
🍽️ كلي وجبات صغيرة ومتكررة (حوالي 6 وجبات يوميًا)
😌 كلي براحة وببطء وامضغي الأكل كويس
🚫 بلاش تملي معدتك مرة واحدة
💧 اشربي 8–10 أكواب مياه يوميًا (بين الوجبات مش أثناء الأكل)
☕ ابعدي عن: القهوة – الشاي – النسكافيه – الكولا
🚭 ابتعدي عن التدخين والمشروبات الضارة
🪑 اقعدي بشكل مستقيم بعد الأكل لمدة ساعتين على الأقل
🛌 ما تناميش إلا بعد آخر وجبة بساعتين
🛏️ ارفعي رأسك وكتفيك أثناء النوم (زاوية 45°)
👗 اختاري ملابس واسعة ومريحة
🍊 قللي الأكلات اللي بتزود الحموضة زي:
الحمضيات (البرتقال – اليوسفي – الليمون)
النعناع – الشوكولاتة – المقليات – الأكل الحار
⚠️ مهم جدًا:
ممنوع تاخدي أي أدوية للحموضة من غير استشارة الطبيب
💬 واحكي لنا في الكومنتات: إيه أكتر حاجة بتتعبك في الحموضة؟
📌 احفظي البوست وابعتيه لأي حامل محتاجة النصايح دي 🤍

🤰💛 الغثيان والقئ في الحمل… طبيعي لكن نقدر نخففهكتير من الحوامل بيعانوا من الغثيان خاصة في الشهور الأولى بسبب التغيرات ال...
21/04/2026

🤰💛 الغثيان والقئ في الحمل… طبيعي لكن نقدر نخففه

كتير من الحوامل بيعانوا من الغثيان خاصة في الشهور الأولى بسبب التغيرات الهرمونية 👇اتبعي الإرشادات دي بالترتيب عشان تحسي بفرق 👌

🌿 أولاً: نظام أكلك مهم جداً
1️⃣ كُلي حاجة خفيفة قبل ما تقومي من السرير بـ15 دقيقة (بسكويت سادة / توست / بقسماط).
2️⃣ قسّمي أكلك لـ 5–6 وجبات صغيرة بدل 3 وجبات كبيرة.
3️⃣ تجنبي شرب السوائل أثناء الأكل، وخليها بين الوجبات بنص ساعة.
4️⃣ اهتمي بشرب الميه بكميات كافية على مدار اليوم.
5️⃣ ممكن تناول الزنجبيل يساعد في تقليل الغثيان.

🌿 ثانياً: ابعدي عن الحاجات اللي تزود الغثيان
6️⃣ تجنبي المشروبات اللي فيها كافيين زي الشاي، القهوة، والنسكافيه.
7️⃣ بلاش المشروبات الغازية لأنها بتزود الإحساس بالغثيان والانتفاخ.
8️⃣ قللي من الأطعمة الدسمة والمقلية والسكريات الكتير.
9️⃣ تجنبي الأكل الحار والروائح النفاذة.

🌿 ثالثاً: الراحة أساسية
🔟 خدي قسط كافي من النوم واهتمي بتهوية المكان كويس.
حاجه اخيره ياريت نعتمد في الاكل ع الاطعمه التي تحتوي علي الكربوهيدرات المعقده زي الفول والعدس واللوبيا ونتجنب السكريات البسيطه زي السكر والعسل والمربي
🚨 لو القئ مستمر طول اليوم أو مش قادرة تحتفظي بالأكل أو السوائل، لازم مراجعة الطبيب فوراً.

✨ استنونا في البوست الجاي هنتكلم بالتفصيل عن الحموضة وارتجاع المرئ أثناء الحمل وإزاي نتعامل معاهم.

👶🍽️ سلسلة التغذية الصحيحة لطفلك📍 الجزء الثاني: بداية الأكل عند 6 شهورطفلك تم 6 شهور؟ 👀مبروك… دخلنا أهم مرحلة في تكوين عل...
08/04/2026

👶🍽️ سلسلة التغذية الصحيحة لطفلك
📍 الجزء الثاني: بداية الأكل عند 6 شهور
طفلك تم 6 شهور؟ 👀
مبروك… دخلنا أهم مرحلة في تكوين علاقته بالأكل 💚
أول قاعدة مهمة 👇
🍼 الرضاعة (طبيعي أو صناعي) تفضل المصدر الأساسي للتغذية لحد عمر سنة.
الأكل هنا “تكميلي” مش بديل.
👀 إزاي تعرفي إن طفلك جاهز؟
✔️ يقعد بمساعدة
✔️ يتحكم في رقبته كويس
✔️ يفتح بقه لما يشوف الأكل
✔️ يبلع الأكل بدل ما يزقه بلسانه
🥄 نبدأ إزاي؟
• كميات صغيرة جدًا (2–3 ملاعق)
• مرة أو مرتين يوميًا
• قوام ناعم جدًا ومهروس كويس
🥣 نبدأ بإيه؟
🥕 خضار مهروس (كوسة – جزر – بطاطس)
🍎 فاكهة مهروسة (تفاح – كمثرى – موز)
⚠️ قواعد مهمة:
🔹 صنف واحد جديد كل 3 أيام
🔹 من غير ملح
🔹 من غير سكر
🔹 من غير عسل
🔹 القوام يكون آمن وناعم
💡 معلومة تطمنك:
طبيعي جدًا يرفض الأكل أول مرة…
الطفل ممكن يحتاج يجرب الأكل 8–10 مرات قبل ما يتقبله ❤️
الصبر هو السر.
📌 احفظي البوست عشان ترجعي له
📌 اكتبي في الكومنت: بدأتي أكل إيه الأول؟

👶💚سلسلة التغذية الصحيحة لطفلك📍 من الولادة حتى 6 شهوروفق التوصيات الغذائية للأطفال:🍼 يُنصح بالرضاعة الطبيعية الحصرية أول ...
07/04/2026

👶💚
سلسلة التغذية الصحيحة لطفلك
📍 من الولادة حتى 6 شهور
وفق التوصيات الغذائية للأطفال:
🍼 يُنصح بالرضاعة الطبيعية الحصرية أول 6 شهور.
وعند عدم توفرها → لبن صناعي مدعم بالحديد.
❗ لا يُنصح بإعطاء:
الماء أو الأعشاب أو أي أطعمة صلبة قبل 6 شهور.
💊 جميع الأطفال الذين يعتمدون على الرضاعة الطبيعية
(أو يتناولون أقل من 950 مل لبن صناعي يوميًا)
يحتاجون مكمل فيتامين د بجرعة 400 وحدة دولية يوميًا.
🔎 بعض الأطفال قد يحتاجون مكمل حديد حسب التقييم الطبي.
🧡 الرضاعة الطبيعية يمكن استمرارها حتى سنتين حسب رغبة الأم والطفل.
التغذية السليمة في هذه المرحلة = أساس المناعة والنمو الصحي طويل المدى.
الجزء القادم 👇
🍽️ بداية إدخال الطعام عند 6 شهور خطوة بخطوة.

👶💚 لأن صحة طفلك تبدأ من أول لقمة…بنقدملك سلسلة التغذية الصحيحة لطفلك من الولادة لـ 4 سنين 🌟لو دايمًا بتسألي نفسك:❓ أبدأ ...
06/04/2026

👶💚 لأن صحة طفلك تبدأ من أول لقمة…
بنقدملك سلسلة التغذية الصحيحة لطفلك من الولادة لـ 4 سنين 🌟
لو دايمًا بتسألي نفسك:
❓ أبدأ أكل إمتى؟
❓ أدخل إيه الأول؟
❓ أعمل إيه لو بيرفض الأكل؟
❓ إمتى أحول للبن كامل الدسم؟
❓ وإزاي أحميه من الحساسية؟
السلسلة دي هتكون دليلك خطوة بخطوة 👌
معلومات واضحة، بسيطة، وتقدري تطبقيها بسهولة في بيتك 💛
هنمشي مع بعض مرحلة مرحلة:
1️⃣ من الولادة لـ 6 شهور (الرضاعة والمكملات)
2️⃣ بداية الأكل عند 6 شهور
3️⃣ إدخال البروتين والحديد
4️⃣ إدخال الأطعمة المسببة للحساسية
5️⃣ من 9–12 شهر (تنويع القوام والوجبات)
6️⃣ بعد عمر سنة (التحول للبن كامل الدسم)
7️⃣ أخطاء شائعة لازم نتجنبها
8️⃣ إزاي نربي طفل بيحب الأكل الصحي
📌 احفظي البوست علشان ترجعي له
📌 اعملي متابعة للصفحة
📌 واكتبي في الكومنت عمر طفلك
واستني أول جزء 👶✨

لسه مكملين سلسلة الكورتيزول 🔥وقولنا قبل كده إيه علامات ارتفاعه…طيب النهارده السؤال الأهم 👇✨ إزاي نقلل الكورتيزول طبيعيًا...
03/04/2026

لسه مكملين سلسلة الكورتيزول 🔥
وقولنا قبل كده إيه علامات ارتفاعه…
طيب النهارده السؤال الأهم 👇
✨ إزاي نقلل الكورتيزول طبيعيًا من غير أدوية؟
1️⃣ ابدأي يومك صح
متشربيش قهوة على معدة فاضية ☕❌
الأفضل تاكلي حاجة فيها بروتين + دهون صحية (بيض – زبادي يوناني – مكسرات).
2️⃣ نظمي سكر الدم
وجبات متوازنة كل 3–4 ساعات
بروتين + ألياف + دهون صحية
عشان تمنعي تقلبات السكر اللي بترفع التوتر.
3️⃣ نامي بجد مش مجرد عدد ساعات 😴
اقفلي الموبايل قبل النوم بساعة
حاولي تنامي قبل 11
الظلام الكامل بيساعد جسمك يظبط هرموناته.
4️⃣ قللي الكافيين لو نومك متلخبط
مش لازم تمنعيه… بس بوعي.
5️⃣ دخّلي أكلات مهدئة للجهاز العصبي 🌿
خضار ورقي – أفوكادو – سمسم – شوفان – مغنيسيوم طبيعي من الأكل.
6️⃣ اتحركي… بس من غير إفراط
الرياضة العنيفة جدًا يوميًا ممكن تعلي الكورتيزول
المشي + تمارين مقاومة خفيفة أفضل لو جسمك مرهق.
التوازن الهرموني مش دايت مؤقت…
هو أسلوب حياة 💚
البوست الجاي هنتكلم عن
أخطاء يومية بتخلي الكورتيزول عالي وانتي مش واخدة بالك 👀
#الكورتيزول

Address

El Shohada

Website

Alerts

Be the first to know and let us send you an email when Dr /Eman Refeat د.إيمان رفعت posts news and promotions. Your email address will not be used for any other purpose, and you can unsubscribe at any time.

Shortcuts

Share

Category