07/05/2022
المصايب اللي بقع فيها معظم اخواتنا البنات وهي لما بتكون عايزة تزيد كيلو تطلع تجري ع اول صيدلية بدون تفكير
وتروح لصيدلي معندوش باربعة جنيه ضمير يديها
ديكسازون و ترايكتين خبط لزق كده
انت تعرفي يابنتي دول بيعملو ايه في جسمك وتاخديهم ليه
تعالي بقي افهمك خطوره الاتنين دول
ديكسازون
اولا اي دوا تلاقيه منتهي بمقطع زوون دا يبقي كورتيزون وربنا يحفظكم من اضرار الكورتيزون
كورتيزون يستخدم اساس لعلاج التهابات الشديده والحساسيه
يعني مش فاتح شهيه ولا بيزود الوزن والعبط ده
من اعراض الكورتيزون انه بيحبس مايه داخل الجسم وهنا الوزن بيزيد فالناس اللي معندهمش ضمير بيوصفوه لزياده الوزن عشان يوهمك انك فعلا زدت وزن بس متعرفش ان جسمك اللي زاده مايه واصلا هو مزدش وبيضحك عليه عشان يعمل مبيعات سخيفة علي حساب صحتك
اضرار الكورتيزون كفايه اني اقولك انه بيستخدم لعلاج الالتهابات يعني
ملوش اي علاقه بزياده الوزن علي المده القريب او البعيد هتتبهدل اضرار في الكبد
اضرار في العظام - اضرار في الجهاز الهضمي وغيره
وديه ابحاث موضحه اضرار الكورتيزون
https://www.ncbi.nlm.nih.gov/pubmed/11588541
تعالو للتاني الحنين في مصايبه شويه بس برضه مصيبه
ترايكتين اغلبيه الناس بتستخدمه لعلاج ضعف الشهيه
ماده فعاله اسمها سيبروهيبتادين بتاثر علي ناقلات عصبيه زي سيروتونين والهستامين
بس احب اوضحلك انه بيستخدم اصلا للالتهابات والحساسيه
يعني صنعوه اصلا عشان يعالجو بيه اعراض تانيه
مش صنعوه عشان يعالجو ضعف الشهيه ولا حاجه
بس هو من اثاره انه هو بيفتح الشيه لانه بياثر علي جهاز العصبي
وابعد عن ايه حاجه بتاثر علي جهازك العصبي
يستخدم بس من جهه الطبيب المختص لعلاج ضعف شهيه في الاطفال والكبار اللي مصابين بامراض مزمنه سواء امراض نفسيه او عصبيه او جسديه معينه مليون خط تحت حالات معينه ديه
يعني مش اي حاجه عاوز فاتح للشهيه اخد ترياكتين او اي دوا حتي لو دكتور وصفهولك
ربنا ادالك عقل وميزك عن البهايم انك تقدر تبحث وتشوف الصح والغلط بنفسك
اضراره كتير جدا جدا جدا ومنها هبوط في الضغط والدوره الدمويه الخ
عاوز تعرف اكتر عن اضراره واعراضه خش هنا وشوف ماده فعاله بتعمل ايه
وازاي اصلا بتفتح الشهيه عن طريق تاثيرها علي جهازك العصبي
https://en.wikipedia.org/wiki/Cyproheptadine
عاوز تعرف الابحاث اللي اتعملت علي ماده ديه واللي بتاكد كلامي
https://www.ncbi.nlm.nih.gov/pubmed/?term=cyproheptadine+appetite
هتلاقي ابحاث قالت مفيش اضرار وابحاث قالت فيه اضرار لاشخاص معينه
وابحاث قالت انه بيستخدم لامراض معينه
ليه تدخل في دايره مغلقه سودا متعرفش نهايتها
خلوا بالكم من نفسكم شويه مفيش اغلي من نعمة الصحة
شير في الخير ووعي صحابك وقرايبك اكيد هتلاقي ناس بتستخدمهم وانت تكون السبب انك تنفعهم وتوجهم صح
ولازم تنقذهم من مصايب اللي ممكن تحصل لصحتهم بسبب انهم مش لاقين اللي يوجهم صح
متخليش المعلومه تقف عندك
وكل سنه وانتم طيبين 💙
