𝔻𝕣/ 𝕣𝕒𝕟𝕒 𝕤𝕒𝕞𝕚𝕣

03/04/2026

امشي ورا الخطوات دي وعالجي لابنك فرط الحركه في البيت اتمني من الله الفيديو يعجبكم💛
#تخاطب

12/09/2025

15/07/2025

تلخيص سريع لطريقة التعامل مع الطفل المندفع:
لو الاندفاعية عالية جدا وممكن الابن المندفع يؤذي نفسه أو غيره (ونتأكد من درجتها من خلال الاختبارات) يبقى لازم علاج دوائي.
نتذكر دائما إن مشكلة الطفل المندفع مشكلة سلوكية وليست من قبيل الكسل ولا الدلع.
ممنوع ضرب الطفل المندفع، لأن الضرب هيزود المشكلة وهيصبح عدوانى على نفسه والآخرين.
علاج اضطراب تشتت الانتباه وفرط الحركة أولا ثم الاندفاعية.
الصبر ثم الصبر.
لو هتنتقد الطفل 5 مرات، حاول تخليها مرة واحدة-- نقلل النقد ونقلل مرات الإنفعال على الطفل المندفع قدر الامكان.
كثرة اللوم والانتقاد ممكن تدخله في اكتئاب أو عدوان أو إدمان.
أهمية الحوار والمناقشة مع الطفل وتعرفه عواقب التصرف قبل التفكير وخطورة الاندفاع وتضرب له امثلة بالمواقف الي بتصدر عنه هو بالفعل.
كثرة اللمس والاحتضان والتقبيل للطفل المندفع لأنه بيكون متوتر وعصبي وقلق فمحتاج يهدأ.
أهمية الحزم والحنان: مش قسوة زايدة ولا تدليل زايد لا، خليط من الحزم والحنان.
الطفل المندفع محتاج قوة (مش عنف) ولازم نبص له في عينيه (ضروري) وتعرفه الغلط الي عمله.
جسد الأب والأم خط أحمر.
المعاملة بالمثل (أحيانا). وده هيساعده يفهم كويس أثر السلوك السيء الي هو بيعمله وهو مش واخد باله. (زي ما هو زنان أثناء مكالمة الأهل في التليفون مثلا، هنحاول نعمل نفس السلوك أثناء ما بيعمل حاجة بيحبها لعبة او مشاهدة برنامج مثلا).
اعادة بناء العلاقة بين الأم والابن ومحاولة الوصول إلى الرضا عن النفس والثقة وتقدير الذات.
تعديل السلوكيات ومكافئة الطفل عن كل سلوك ايجابي يعمله.
لو عمل سلوك سيء تحذف منه نقاط أو يلغى السلوك الايجابي.
التركيز على السلوكيات الايجابية مع قدر من التغافل عن السلوكيات السلبية

01/05/2025

خرافات عن الحزن والفقد:

في بعض الخرافات في تعاملنا مع الحزن والفقد توارثناه من جيل لجيل وده اللي اتكلم عنه كتاب The Grief Recovry
وقال الكاتب ان الخرافات دي مش بتساعد في تجاوز الحزن والفقد

والخرافات زي:
Dont feel bad
Replace the loss
Grieve alone
Just give it time
Be strong for others
Be busy
طب تعالوا نتكلم بالتفصيل اكتر عنهم:

١)كتير بيحصل لما حد بيحاول يواسي حد انه يقوله متعيطش وتماسك شوية وبلاش تنهار كده
كل ده كلام مش بيساعد خالص الشخص اللي بيمر بفقد او بيخفف عنه بل بالعكس بيخليه يداري دموعه ويكبتها.

٢) replace the loss

الكاتب وضح النقطة دي بمثال بسيط ان فيه طفل فقد الكلب بتاعه فأهله عشان يواسوه قالوله ماتزعلش احنا هنجبلك كلب غيره، وتجاهلوا تماما حزنه الولد علي كلبه اللي اتعلق بيه ومسمحوش حتي انه ياخد وقته ويعيط عليه.

٣)Grieve alone
وهنا الشخص لما بيحس انه حزنه مش مقبول عند الناس اللي حواليه فبيضطر يعزل نفسه ويحزن بعيد علي الناس واللي بيضاعف شعور الحزن عنده وبيبقي جزن ووحدة.

٤)Just give it time
كتير بنلاقي ناس بيمر عليها سنين وسنين من الفقد وحزنهم بيزيد ما بيقلش، وده عكس اللي الناس دايما بتقول ان الوقت هو اللي هيعالج الجروح، لكن الكلام ده مش حقيقي لان الزمن نفسه مش لوحده كفاية يعالج حزننا لكن اللي بنعمله في الوقت ده تجاه حزننا هو اللي بيساعدنا نخفف الالم والحزن.

في جملة بنسمعها كتير بردو وهيا
٥)be strong for others
بنبقي فاكرين اننا بنشجع الشخص وقتها وانه لازم ميبينش زعله ويبقي قوي عشان اخواته الاصغر منه او اولاده ميتأثروش
وده بيبقي حمل كبير او عالشخص لانه بيتظاهر بعكس اللي حاصل جواه.
٦)Be busy
ودي اخر خرافة معانا بخصوص الفقد والحزن
بنبقي فاكرين ان الشخص لما بيشغل نفسه بأي حاجة تانيه بيساعده يتجاوز الالم لكن ده بيبقي مجرد تشتيت او الهاء، واللي للاسف بيخلي حزنه مستخبي جواه وبيتضاعف طول ما حنا مش سايبين له مساحه يخرج للنور

اخر حاجة بنقولها ان الحزن شعور زي اي شعور لما بنقبل وجوده وبنسمح لنفسنا نعيشه بيعدي وبيمر بسلام🕊

31/03/2025

كل سنه وحضراتكم طيبين وينعاد عليكم بالخير يارب😍❤️