16/08/2026
لما الطفل يكتشف إن الصراخ وسيلة ضغط... هيبدأ يستخدمه كل مرة عايز يوصل للي هو عايزه.
في الحالة دي مثلًا:
الطفل عايز يأكل ➡️ يصرخ ➡️ الأهل يستجيبوا ويقدموا له الأكل.
هنا الطفل بيتعلم إن:
"لما أصرخ... هاحصل على اللي أنا عايزه."
ومع تكرار الموقف، الصراخ ممكن يترسخ أكتر عند الطفل؛ لأنه أصبح وسيلة فعّالة للحصول على احتياجه.
طيب نعمل إيه؟
الطفل يصرخ ➡️ ما نخليش الصراخ هو الوسيلة اللي يحصل بيها على طلبه.
لكن في نفس الوقت مش بنسيبه من غير بديل.
بنعلمه طريقة مناسبة يطلب بيها الأكل، حسب قدراته:
🗣️ يقول "أكل"
👉 يشاور
🖼️ يستخدم صورة
أو أي وسيلة تواصل مناسبة له.
ولما يستخدم الطريقة الصحيحة ✓ يحصل على التعزيز.
ومهم جدًا نكون ثابتين؛ لأن لو الطفل صرخ 5 مرات ورفضنا، وفي المرة السادسة نفذنا طلبه، ممكن يتعلم إن:
"لازم أصرخ أكتر وأطول عشان أوصل للي عايزه."
وده ممكن يؤدي إلى زيادة مؤقتة في شدة السلوك أو تكراره في بداية تغيير السلوك، وده يُعرف بـ طفرة الإطفاء (Extinction Burst).
✔️ الهدف مش إننا نمنع الطفل من التعبير عن احتياجاته، لكن إننا نغيّر الطريقة اللي بيستخدمها للتعبير عن طلبه.
احنا مش بنمنع الطفل من الحاجة اللي بيحبها ..
إحنا بنعلمه يطلبها بطريقة مناسبة. ❤️
#التعزيز
