Dr. Amr Abd El-Monem

10/06/2026

حوار بين طبيب تغذيه وسيده تعيش مع السمنه والضغط والسكر والكبد الدهني وارتفاع في وظائف الكلي !
ط: يلا بينا نبتدي بروح جديدة، ولكن بشرط: إنك تنوي فعلاً على التغيير!
س: (بتنهيدة) أنا زهقانة وحاسة إن الموضوع صعب.. علطول مجهدة ومش قادرة أعمل أي حاجة
ط: معلش، أنا عارف إن الموضوع مش سهل.. بس إن شاء الله هتقدري، وكل اللي محتاجينه دلوقتي إننا نشحن البطارية من جديد
س:صدقني حاولت كتير قبل كده، وبقع في النص ومش بقدر أكمل.
ط:عشان نحل أي مشكلة، محتاجين نجيبها من جذورها مش مجرد مسكنات
س:أنا بجد مش عارفة إيه اللي حصل! وزني ابتدى يزيد شوية، وراحت جرة وراها كل الأمراض دي.. ضغط وسكر وكبد دهني، وحالياً وظائف الكلى كمان بدأت تعلى! كنت خايفة من الأدوية أحسن أكمل بيها طول العمر.
ط: (مبتسماً) أنا فاهمك.. على فكرة، الدكاترة أكتر ناس مش بتحب الأدوية! (ههههه)
س: بجد؟ (هههه)
ط: طبعاً! بس في الآخر بناخدها كـ "عكاز" عشان نعرف نعيش ونكمل حياتنا صح
س:حقيقي.. الواحد لما يمشي بشنطة أدوية بيبقى موضوع متعب ونفسيته بتشيل.. وطبعاً الحمد لله على كل شيء
ط: طب يلا بقى نفتح صفحة جديدة بروح جديدة، وإن شاء الله اللي جاي أحسن بكتير.
س:بس هو إيه اللي حصل يا دكتور؟ أنا كنت زي الفل! حياتي انقلبت فجأة لما غيرت طريقة أكلي وبقيت غير منظمة.. لا مواعيد نوم، ولا مواعيد وجبات، والدنيا اتلخبطت خالص.
س: (مستدركة) طيب تصدق؟ أنا كنت زمان باكل أكتر من كده ومش بتخن.. قبل ما أشقلب حياتي وتبطل تبقى منظمة!
ط:طبعا عنك حق ميه بالميه ! لانك لما بقيتي مش منظمه الجسم دخل في حاله " التهاب مزمن صامت " كأنك جالك التهاب بكتيري بالظبط ، بس الفرق ان مناعتك الطبيعيه اتقلبت مرضيه وبدأت تهاجم خلايا جسمك وتدمرها ، وهي دي الي خلت خلايا جسمك تكبر بدري وشرايينك تتأثر وضغطك يعلي وسكرك يعلي وتراكمت الدهون علي الكبد وارتفعت وظائف الكلي وكمان انتاج الطاقه قل وعشان كده بقيتي مجهده علطول وطاقتك قلت
س: (باندهش) يعني مناعتي الطبيعية هي اللي اتقلبت ضدي وبقت مرضية؟!
ط:أيوا بالظبط.. الخلايا الدهنية لما كبرت وبقت غير منظمة، بدأت تفرز مواد سامة تتعب الجسم
س: طب على كده.. ممكن نظبطها تاني ونرجعها لطبيعتها؟
ط:طبعاً طبعاً، إن شاء الله كل ده يتصلح
س:أنا كدة اتفائلت وتشجعت ونويت فعلاً.. بس أخدت بالي من حاجة يا دكتور؛ أنت مكلمتنيش خالص عن الأكل في الأول! فين الممنوع والمسموح؟
ط:الأهم والأولى هو إننا نخلي "ساعة الجسم البيولوجية" تنتظم، ونهدي حاله الالتهاب دي ، ونغير أسلوب حياتك ونومك وحركتك.. بعد كده الأكل مقدور عليه وسهل جداً.
س: ياه! للدرجة دي الأكل آخر حاجة؟!
ط:طبعاً.. لأنك لو غيرتي أسلوب حياتك، جسمك وخلاياكي هيرجعوا يعرفوا يتعاملوا مع الأكل والحرق بشكل ممتاز، وتقدري تستمتعي بحياتك.. ومش بعيد كمان تبطلي الأدوية دي كلها لما تحاليلك تنتظم وتحافظي على التغيير.
س:وأنا اللي كنت فاكرة إن الدايت والأكل هو نمرة واحد، ومش مهم أسلوب حياتي عامل إزاي!
ط:للأسف، ناس كتير جداً فاكرة كدة وضغطة نفسها في حرمان ملوش لازمة.
س: يلا بينا.. أنا كلي حماس ونويت بجد.
ط: يلا بينا نحط خطة تغيير أسلوب الحياة خطوة بخطوة.. وللحديث بقية إن شاء الله!

05/05/2026

سيد وسيدة زوجان سعيدان يعيشان مع السمنة و سيد بيقول لسيدة شوفتي احنا طلعنا احسن من الي وزنهم كويس لو جالنا مشاكل في القلب احنا نستحمل وهما لا .. و سيد عنده بعض الحق ولكن لايضاح الصورة بشكل قاطع اتحدث يوم الجمعة ان شاء الله عن هذا الموضوع وفكره ان مرض الخلايا الدهنية وليس مجرد حجمها هو الذي يحدث كل المشاكل مع الحل العلمي النهائي بعيدا عن الوهم.. هذا الحديث من خلال محاضرة في تجمع علمي رائع لاساتذة الكبد في مصر والعالم وذلك من حلال دعوة مؤسسة UCHID المصرية وهي مؤسسة تضم تجمع رائع لاساتذة الكبد والجهاز الهضمي في مصر .. وفي ذات اليوم انتقل ان شاء الله لالقاء محاضرة في مؤتمر جمعية MED Delta لامراض الغدد الصماء والسكر برئاسة ا د السيد عبد الفتاح وفي هذا المحاضرة اتحدث عن القاسم المشترك بين شيخوخه الخلايا من تقدم العمر او من الاصابة بالسمنة وفكرة Longevity الحقيقية وليست الوهمية وكيف يمكن الحفاظ علي حيوية الخلايا مع السمنة او تقدم العمر

16/02/2026

كل سنة وحضراتكم طيبين ورمضان كريم و زي كل سنة بكره ان شاء الله الثلاثاء الساعة الثالثة عصرا علي تليفزيون النهار وبرنامج الستات وفي ضيافة الاعلاميتين المتميزتين سهير جودة ومفيدة شيحة في حلقة عن التغيرات الفسيولوجية للجسم في رمضان وازاي نتعامل معاها علي اكمل وجه

08/02/2026

https://www.facebook.com/share/r/1B9HMA1jZn/?mibextid=wwXIfr

15/01/2026

🗣️ حوار بين د. لارا ود. لينا
عن التوصيات الغذائية الأمريكية 2025–2030 🍽️
والهرم الغذائي المعدل… المقلوب! 🔺⬇️
لينا:
هو إيه اللي حصل في الهرم الجديد؟!
إزاي يشيلوا الأرز والمكرونة البيضا خالص
ويخلّوا الحبوب الكاملة في أقل جزء؟!
لارا:
وإيه المشكلة؟
دايت البحر المتوسط أساسه حبوب كاملة
ومن غير رز أبيض ولا مكرونة بيضا.
لينا:
بس دايت البحر المتوسط أصلاً
بيقلل اللحوم الحمراء
ويركّز أكتر على السمك والمأكولات البحرية.
لارا:
يعني منطقي نخلي البروتين أعلى حاجة
والنشويات 2–4 حصص بس
لناس مش عندها سمنة؟!
لينا:
طالما التوصيات مبنية على أبحاث قوية…
فين المشكلة؟
لارا:
الحقيقة؟
مش كلها مبنية على أدلة عالية القوة
هي اجتهاد خبراء أكتر من كونها حقائق علمية قاطعة.
لينا:
والأغرب موضوع اللحوم الحمراء
حطّوها جنب الفراخ والسمك والبيض
من غير تحديد واضح!
وده عكس كل الاتفاقات العلمية السابقة.
لارا:
والدهون؟ قصة محيّرة!
بعد ما كانوا مع خالي الدسم
بقوا يشجّعوا كامل الدسم
وفي نفس الوقت
الدهون المشبعة أقل من 10٪؜!
طب إزاي؟!
لينا:
في التغذية
مينفعش نقدّس نوع أكل
من غير دليل قوي
أو سياق صحي واضح.
لارا:
بالظبط
استجابة الناس للأكل مختلفة
وراثة، نمط حياة، نوم، توتر، حركة
حتى الحمل والطفولة…
كل ده بيغيّر المعادلة.
لينا:
فعلاً
الأكل جزء من أسلوب الحياة
ومش كل الحكاية.
لارا:
يعني ليه حرمان؟
حلويات؟ عيش طازه؟ مكرونة؟
هو الناس غلطت في إيه؟!
لينا:
والأطرف
إن ناس كتير بتدافع عن التوصيات دي
وهي نفسها مش قادرة تطبّقها!
لارا:
ده اسمه انفصال عن الواقع.
لينا:
أسلوب حياة متوازن
من غير حرمان
هو الحل.
لارا:
وطبعًا مع السمنة أو الأمراض
بيبقى في تدخلات خاصة
بس برضه جوه أسلوب حياة منظم.
لينا:
تيجي ناكل؟
في مطعم جديد فتح
ومكرونته تحفة
وعيشه سخن 😋
لارا:
والتوصيات؟
لينا:
يوم ويوم… عشان نعيش 😉
✨ وانطلقت لينا ولارا إلى المطعم الجديد…
✨ ولا عزاء للتوصيات الجديدة 😄

Send a message to learn more

04/12/2025

حديثي عن التدرج في تناول النشويات مع الحفاظ علي المشي الهادئ و تنظيم مواعيد الاكل للحفاظ علي صحة من يعيشون مع مرض السكر

13/11/2025

غدا الجمعة ١٤/ ١١ان شاء الله اقوم بالقاء محاضرتين في مؤتمرين مختلفين وفي موضوعين مختلفين ايضا .. الاولي في مؤتمر وزارة الصحة المصرية عن الشد والجذب الذي يحدث بين اطباء الرعاية واطباء التغذية في تغذية الحالات الحرجة وكل يريد صحة المريض مع اختلاف المدخل وبم اني احمل التخصصين فسوف اقوم بالفصل بينهم من خلال حالة عانت من تسمم ادي الي استئصال جزء من الامعاء ووصولها الي منزلها في احسن حال ودور التغذية العلاجية في شفاء الحالة بعد فضل الله وستره .. اما الموضوع الآخر فهو في مؤتمر Sheda فهو عن حالة تعاني من السكر واقنعها احد المدعين بالابتعاد عن الانسولين وادوية السكر حتي اصيب بمشاكل في النظر والكلي من خلال ما يعرف بالذاكرة الميتابوليزمية وهي تعني ان اهمال تنظيم السكر قد يؤدي الي مشاكل صحية حتي بعد تنظيمه ولكن بعد وقت طويل حتي ولو انتظم السكر وفي هذه المحاضرة اخوض في كل التفاصيل المتعلقة بهذا الموضوع من pathophysiology الي كيف نجعل التغذية شريكا رئيسيا لمنع حدوث الذاكره الميتابوليزمية .. متعكم الله جميعا بالصحة والعافية

14/07/2025

ادوية علاج السمنة .. لمين وناخدها ازاي ولازم نعرف ايه قبل ما ناخدها وهل هي آمنه.. هذا هو محور الحديث غدا ان شاء الله في قناة النعار برنامج الستات الساعة ٣.٣٠ عصرا ودائما اسعد جدا بالاستضافة من الصديقتين الاعلاميتين البارزتين سهير جودة ومفيدة شيحة

30/05/2025

Ready to Dive Deeper?
After laying the scientific foundation, it’s time to take the next step.

AdipoDoc | Level 2: Macronutrients
Should We Abandon Any to Live Without Obesity?

Join Dr. Amr Abdel Moneim on July 3rd for a powerful day of applied learning and clinical insight.

Location: Steigenberger Hotel El Tahrir – 2 Kasr El Nil Street
Register now: https://forms.gle/rgJAFEjfw318cya4A
Contact us on WhatsApp: +20 102 855 4552

The journey continues — don’t miss Level 2.