30/08/2025
📢 فيتامين «د» Vitamin D
✍🏻فيتامين د من الفيتامينات المهمه والخطيرة فى الجسم، ودا لأنه ليه دور مهم جدا، علشان كدا ساعات بنعتبره هرمون أكثر من كونه فيتامين.. 🙂
إزاى يادكتوره.. 🤔؟
تعالوا بس نتعرف سوا على أهم فوايده.
✨فيتامين د هو المسئول عن ان الكالسيوم يحصله امتصاص من المعده، وبالتالى الكالسيوم هيترسب فى العظام بشكل كويس ودا هيحافظ معايا على الكتله العظميه والعضليه💪🏻، وبيحافظ على صحة الفم والاسنان🦷 وبيقلل خطر التسوس والتهابات اللثة.
✨بيدعم الجهاز المناعى وبيساعد الجسم على مقاومة الالتهابات والعدوى زى نزلات البرد 😤 وأمراض الجهاز التنفسي.
✨ بيقلل أعراض الاكتئاب وبيحسن المزاج.
✨بيزود مستويات هرمون الذكوره «التستوستيرون» وبيحسن الخصوبة.
🌟طيب يادكتوره فيتامين د أخده منين وازاى أحافظ على مستوياته فى الجسم.. 🤔؟
1️⃣ من الأطعمة الغنية بفيتامين د زى:
✅الأسماك الدهنية ( السلمون والسردين..).
✅صفار البيض.
✅منتجات الألبان🥛 ( الحليب والزبادى وبعض أنواع الأجبان🧀).
2️⃣ التعرض لأشعة الشمس 🌞.
3️⃣ تناول المكملات الغذائية💊 ( فى حالة عدم الحصول على كمية كافيه من الغذاء والشمس).
👈🏻خليك فاكر: فيتامين د مهم جدا لكل الفئات العمريه أطفال أو شباب أو شيوخ ونقصه بيأثر بشكل سلبى.
✨وعلشان صحتك مهمه ولازم تحافظ عليها تابع معانا علشان تتعرف على كل اللى يفيدك ويدعم صحتك.. 🤍.
