Taha Kids Clinic

Taha Kids Clinic Taha kids clinc

💛 فيتامين A لطفلك… جرعة بسيطة لكن أهميتها كبيرة! 👶🏻فيتامين A مش بس مهم للنظر 👀ده كمان له دور أساسي في:🛡️ دعم جهاز المناع...
26/08/2026

💛 فيتامين A لطفلك… جرعة بسيطة لكن أهميتها كبيرة! 👶🏻

فيتامين A مش بس مهم للنظر 👀
ده كمان له دور أساسي في:

🛡️ دعم جهاز المناعة
👁️ الحفاظ على صحة العين والنظر
🧒 النمو والتطور الطبيعي للطفل
🧴 الحفاظ على صحة الجلد والأغشية المخاطية

💊 طيب الطفل بياخده إمتى؟

في مصر، فيتامين A بيُعطى للأطفال بشكل دوري من خلال برنامج وزارة الصحة، وبحسب العمر والجرعة المقررة لكل مرحلة.

📅 وغالبًا بتكون الجرعات كل 6 شهور ضمن برنامج الرعاية والتطعيمات.

لكن لو جرعة فيتامين A مش متوفرة في الوحدة الصحية، ممكن استخدام مستحضر يحتوي على فيتامين A مثل A-Viton كبديل، بالجرعة المناسبة لعمر الطفل وتركيز المستحضر.

⚠️ وهنا نقطة مهمة جدًا:
ماينفعش الطفل ياخد جرعة من الوحدة الصحية + A-Viton في نفس الفترة، ولا نكرر الجرعة من نفسنا لمجرد إن فيتامين A مفيد.

لأن فيتامين A من الفيتامينات التي تذوب في الدهون، والجرعات الزائدة منه ممكن تتراكم في الجسم وتسبب مشاكل.

❤️ الخلاصة:
لو طفلك في السن المقرر له جرعة فيتامين A، خليه يحصل عليها في موعدها.

ولو الجرعة غير متوفرة في الوحدة الصحية، اسأل طبيب الأطفال عن البديل والجرعة المناسبة بدل ما نوقف الجرعة أو نديها بشكل عشوائي.

👨🏻‍⚕️ Taha Kids Clinic
الوقاية دايمًا أسهل وأهم من العلاج. 💙

“يعني كده نشيل اللوز يا دكتور؟!” 😂الجملة دي تقريبًا أول سؤال بسمعه لما أقول لحد:“ابنك عنده التهاب وصديد في اللوز.”وأنا ه...
17/08/2026

“يعني كده نشيل اللوز يا دكتور؟!” 😂

الجملة دي تقريبًا أول سؤال بسمعه لما أقول لحد:

“ابنك عنده التهاب وصديد في اللوز.”

وأنا هنا برد بكل هدوء:

“أنا ما قلتش كده! 😅”

وجود التهاب أو صديد في اللوزتين مش معناه إننا لازم نستأصلهم.

اللوز ممكن تلتهب بسبب عدوى فيروسية أو بكتيرية، وقرار استئصالها مش بيتاخد لمجرد إن شكلها فيه صديد في زيارة واحدة.

استئصال اللوزتين له معايير طبية واضحة، ومن أهم الحالات اللي ممكن نبدأ فيها نفكر في الاستئصال:

🔹 التهابات متكررة وموثقة بصورة واضحة:
٧ مرات أو أكثر خلال سنة،
أو ٥ مرات سنويًا لمدة سنتين،
أو ٣ مرات سنويًا لمدة ٣ سنوات.

🔹 حدوث خراج حول اللوزة (Peritonsillar abscess)، خصوصًا إذا تكرر.

🔹 تضخم اللوزتين بدرجة تسبب انسدادًا أثناء النوم، مع شخير شديد أو انقطاع النفس أثناء النوم.

🔹 وجود صعوبة مؤثرة في البلع أو الأكل أو التنفس بسبب تضخم اللوزتين.

🔹 التهابات مزمنة أو متكررة رغم العلاج المناسب، وتؤثر بشكل واضح على حياة الطفل.

🔹 وفي حالات نادرة جدًا، وجود تضخم أو تغير غير طبيعي في إحدى اللوزتين يحتاج إلى تقييم متخصص.

أما إن الطفل جالك النهارده عنده:

حرارة + التهاب + صديد على اللوزتين…

فمش أول قرار يكون:

❌ “نشيل اللوز!” 😂

الأول نشوف الطفل، ونحدد سبب الالتهاب، ونعالجه بشكل مناسب.

وبعد كده نسأل:
كم مرة حصلت المشكلة قبل كده؟
هل الالتهابات متكررة؟
هل فيه شخير أو انقطاع نفس أثناء النوم؟
هل التضخم مأثر على البلع أو التنفس؟
وهل الطفل مستفيد من العلاج أم المشكلة مستمرة؟

اللوزتين مش أعضاء ملهاش لازمة، واستئصالهم مش قرار بيتاخد من شكلهم في زيارة واحدة.

القرار بيتاخد من قصة الطفل كاملة + الأعراض + عدد مرات التكرار + المعايير الطبية.

فالمرة الجاية لما أقول لك:

“ابنك عنده التهاب وصديد في اللوز”

ما تستعجلش وتسألني:

“نعملها يا دكتور؟!” 😂

خلينا نعالج الأول…

وبعدين لكل حادث حديث ❤️

😴💧 التبول اللاإرادي عند الأطفال… مشكلة شائعة ولها حل“دكتور.. ابني لسه بيبل السرير كل ليلة، هل ده طبيعي؟”الحقيقة إن التبو...
27/07/2026

😴💧 التبول اللاإرادي عند الأطفال… مشكلة شائعة ولها حل

“دكتور.. ابني لسه بيبل السرير كل ليلة، هل ده طبيعي؟”

الحقيقة إن التبول اللاإرادي من أكثر المشاكل اللي بنقابلها في عيادات الأطفال، وغالبًا بيكون له أسباب بسيطة ومش معناه إن الطفل عنده مشكلة خطيرة أو إنه بيعمل كده بإرادته.

✅ يُعتبر طبيعيًا قبل سن 5 سنوات، وبعد السن ده لو استمر أثناء النوم مرتين أو أكثر أسبوعيًا لمدة 3 أشهر أو أكثر، يفضل تقييم الطفل.

🔹 من الأسباب الممكنة:
• تأخر نضج التحكم في المثانة.
• عامل وراثي (لو أحد الوالدين كان بيعاني منه وهو صغير).
• النوم العميق.
• الإمساك المزمن.
• التهابات البول أو بعض الأمراض مثل السكر (في حالات معينة).

🚫 تجنب تمامًا:
❌ معاقبة الطفل.
❌ السخرية أو إحراجه أمام الآخرين.
❌ مقارنته بإخوته أو أصدقائه.

✅ للمساعدة في العلاج:
• تقليل شرب السوائل قبل النوم بساعتين.
• دخول الحمام قبل النوم مباشرة.
• علاج الإمساك إن وجد.
• تشجيع الطفل ومكافأته على الليالي الجافة، بدون عقاب في الليالي الأخرى.
• وفي بعض الحالات قد يحتاج الطفل لعلاج دوائي أو جهاز إنذار التبول بعد تقييم الطبيب.

🚨 راجع طبيب الأطفال إذا كان التبول بدأ فجأة بعد فترة كان الطفل فيها متحكمًا في البول، أو صاحبه حرقان أثناء التبول، كثرة عطش، فقدان وزن، أو تبول أثناء النهار.

🌟 تذكروا… التبول اللاإرادي ليس ذنب الطفل، ومعظم الأطفال يتحسنون تمامًا مع الوقت والعلاج المناسب.

#

📍حالة من عيادتنا.. عندما كان السبب “تقرحات الحلق” وليس التهاب اللوز!حضر إلينا طفل يشكو من ارتفاع في درجة الحرارة منذ يوم...
11/07/2026

📍حالة من عيادتنا.. عندما كان السبب “تقرحات الحلق” وليس التهاب اللوز!

حضر إلينا طفل يشكو من ارتفاع في درجة الحرارة منذ يومين، مع رفض تام للأكل والشرب، وكانت والدته قلقة جدًا لأنها اعتقدت أنه يعاني من التهاب شديد في اللوز ويحتاج إلى مضاد حيوي.

بعد توقيع الكشف، وجدنا أن اللوز ليست هي المشكلة الأساسية، بل كانت هناك تقرحات صغيرة مؤلمة في آخر الفم وسقف الحلق، وهي الصورة المميزة لمرض الهيربانجينا (Herpangina)، وهو مرض فيروسي شائع بين الأطفال.

🔹 ما هي الهيربانجينا؟
هي عدوى فيروسية تصيب الأطفال، خاصة في الصيف وبداية الخريف، وتنتج غالبًا عن فيروسات الكوكساكي، وتنتقل بسهولة بين الأطفال عن طريق الرذاذ أو ملامسة الأدوات والأسطح الملوثة.

🔹 أهم الأعراض:
✅ ارتفاع مفاجئ في درجة الحرارة.
✅ التهاب وألم شديد بالحلق.
✅ تقرحات أو حويصلات صغيرة في آخر الفم وسقف الحلق.
✅ رفض الرضاعة أو الطعام بسبب ألم البلع.
✅ زيادة إفراز اللعاب عند بعض الأطفال.
✅ أحيانًا قيء أو ألم بالبطن.

⚠️ أهم نقطة:
كثير من الأطفال يتم إعطاؤهم مضادًا حيويًا بمجرد وجود حرارة والتهاب بالحلق، بينما في هذه الحالة المضاد الحيوي لا يفيد لأنها عدوى فيروسية.

💊 العلاج يعتمد على:
✔️ خافض للحرارة بالجرعة المناسبة.
✔️ مسكن لتخفيف ألم الحلق عند الحاجة.
✔️ الإكثار من السوائل لتجنب الجفاف.
✔️ تقديم أطعمة باردة ولينة مثل الزبادي والمهلبية والآيس كريم (إذا كان العمر مناسبًا).
✔️ الراحة، وغالبًا تتحسن الحالة خلال 5–7 أيام.

🚨 متى يجب مراجعة الطبيب فورًا؟

* رفض شرب السوائل تمامًا.
* علامات الجفاف مثل قلة التبول أو جفاف الفم.
* خمول شديد.
* استمرار الحرارة أو تدهور الحالة.

🌸 رسالتنا لكل أم وأب:
ليس كل التهاب حلق يحتاج إلى مضاد حيوي، والتشخيص الصحيح هو أساس العلاج الصحيح. لذلك لا ننصح بإعطاء أي دواء دون توقيع كشف طبي.

💙 نسأل الله الصحة والعافية لجميع أطفالنا.

؟يستغرب كثير من المرضى من تكرار التهاب اللوز مع دخول فصل الصيف، معتقدين أن هذه المشكلة تقتصر على الشتاء فقط. لكن الواقع ...
18/06/2026

؟

يستغرب كثير من المرضى من تكرار التهاب اللوز مع دخول فصل الصيف، معتقدين أن هذه المشكلة تقتصر على الشتاء فقط. لكن الواقع أن بداية الصيف من الفترات التي نلاحظ فيها زيادة واضحة في شكاوى التهاب الحلق واللوز، سواء عند الأطفال أو الكبار.

🔹 ما الأسباب؟
مع ارتفاع درجات الحرارة يلجأ الكثيرون إلى التكييفات والمراوح بشكل مكثف، ويحدث انتقال متكرر بين الجو الحار خارج المنزل والجو البارد داخله، مما قد يهيئ الحلق لحدوث الالتهابات أو يزيد من تهيج الأغشية المخاطية. كما أن الإقبال على المشروبات المثلجة وقلة شرب المياه أحيانًا يؤديان إلى جفاف الحلق وزيادة الإحساس بالأعراض.

بالإضافة إلى ذلك، تستمر الفيروسات المسببة لالتهابات الجهاز التنفسي في الانتشار خلال الصيف، ولذلك فليس كل التهاب بالحلق أو اللوز سببه البكتيريا أو يحتاج إلى مضاد حيوي.

🔹 ما علاقة حساسية الأنف باللوز؟
تُعد حساسية الأنف من أكثر الأسباب التي تجعل المريض يشعر بأن “اللوز ملتهبة باستمرار”. فاحتقان الأنف المزمن يؤدي إلى التنفس من الفم خاصة أثناء النوم، ما يسبب جفاف الحلق وتهيجه. كما أن الإفرازات الأنفية الخلفية (التي تنزل من الأنف إلى الحلق) قد تؤدي إلى التهاب واحتقان متكرر بالحلق والشعور بالألم أو الرغبة المستمرة في تنظيف الحلق.

وفي كثير من الحالات، يكون علاج حساسية الأنف والتحكم فيها سببًا مهمًا في تقليل نوبات التهاب الحلق المتكررة وتحسين الأعراض بشكل ملحوظ.

🔹 متى نشك في التهاب بكتيري باللوز؟

* ارتفاع ملحوظ في درجة الحرارة.
* ألم شديد بالحلق وصعوبة البلع.
* ظهور صديد أو بقع بيضاء على اللوز.
* تضخم مؤلم بالغدد الليمفاوية بالرقبة.
* غياب أعراض الرشح والكحة في بعض الحالات.

🔹 كيف نقلل فرص تكرار المشكلة؟
✅ شرب كميات كافية من المياه يوميًا.
✅ تجنب التعرض المباشر لتيارات التكييف الباردة.
✅ علاج حساسية الأنف وعدم إهمالها.
✅ النوم لساعات كافية وتقليل الإجهاد.
✅ الاهتمام بغسل اليدين وتجنب مخالطة المصابين بالعدوى التنفسية.

⚠️ معلومة مهمة: تكرار التهاب اللوز لا يعني دائمًا الحاجة إلى استئصالها، فالأمر يعتمد على عدد النوبات سنويًا، شدتها، وتأثيرها على حياة المريض، ويُحدد ذلك بعد تقييم طبيب الأنف والأذن

في ظل الزيادة الملحوظة في حالات الروتا والنزلات المعوية خلال هذه الفترة، قد يختلط الأمر على الكثيرين عند ظهور آلام البطن...
09/06/2026

في ظل الزيادة الملحوظة في حالات الروتا والنزلات المعوية خلال هذه الفترة، قد يختلط الأمر على الكثيرين عند ظهور آلام البطن الشديدة. لكن بفضل الله ثم الفحص الإكلينيكي الدقيق وقراءة الأعراض بصورة صحيحة، تم الاشتباه مبكرًا في أن الحالة ليست مجرد نزلة معوية، بل التهاب حاد بالزائدة الدودية، وهو ما أكدته الفحوصات لاحقًا. هذا يؤكد أهمية عدم الاعتماد على التشخيص الذاتي وضرورة التقييم الطبي السليم لكل حالة على حدة.

استقبلنا حالة تعاني من مغص شديد وآلام حادة بالبطن. وبعد توقيع الكشف الطبي وإجراء الفحص الإكلينيكي الدقيق، كان هناك اشتباه قوي في وجود التهاب بالزائدة الدودية، فتم طلب الفحوصات والتحاليل اللازمة بشكل عاجل للتأكد من التشخيص.

وبفضل الله جاءت النتائج مؤكدة للاشتباه، وتم على الفور تحويل الحالة إلى المستشفى لاستكمال التدخل الجراحي اللازم. وبعد إجراء العملية الجراحية تبين وجود التهاب شديد ومتقدم بالزائدة الدودية، وكانت في مرحلة خطيرة وقريبة من الانفجار، وهو ما كان قد يعرض المريض لمضاعفات كبيرة لو تأخر التشخيص أو العلاج.

الحمد لله تم التعامل مع الحالة في الوقت المناسب، وتمت الجراحة بنجاح، وتحسنت الحالة بصورة جيدة.

تؤكد هذه الحالة أهمية عدم التهاون مع آلام البطن الشديدة أو المستمرة، خاصة عندما تكون مصحوبة بأعراض غير معتادة، فالتشخيص المبكر والتصرف السريع قد يكونان السبب بعد توفيق الله في تجنب مضاعفات خطيرة والحفاظ على سلامة المريض

} 🤱❤️ بوست مهم جدًا لكل أم جديدة… ولكل حد حواليها كمانالرضاعة الطبيعية من أكتر الحاجات اللي ربنا خلقها كاملة ومناسبة ل...
25/05/2026

}
🤱❤️
بوست مهم جدًا لكل أم جديدة… ولكل حد حواليها كمان

الرضاعة الطبيعية من أكتر الحاجات اللي ربنا خلقها كاملة ومناسبة للطفل، لكن للأسف بقت من أكتر الحاجات اللي بنشوف فيها مشاكل اليومين دول.

زمان أغلب الأطفال كانوا بيرضعوا طبيعي بسهولة نسبيًا، دلوقتي بقينا نشوف أطفال كتير جدًا معتمدين على اللبن الصناعي من أول أيام الولادة… مع إن جزء كبير من الحالات دي كان ممكن يرضع طبيعي لو اتفهمت كام نقطة بسيطة من البداية.

وده مش معناه إن الصناعي “وحش” أو إن الأم مقصرة… أحيانًا بيكون ضروري فعلًا، لكن المشكلة إننا ساعات بنلجأ له بدري جدًا بسبب معلومات غلط أو خوف أو توتر أو تدخلات كتير حوالين الأم.

تعالوا نتكلم بهدوء عن أهم الحاجات اللي تساعد الرضاعة الطبيعية تنجح 🌸

━━━━━━━━━━━━━━━

✅ أول سؤال دايمًا بيتسأل:
“أنا رفيعة… هعرف أرضع؟”

الإجابة: آه طبعًا.

وزن الأم أو جسمها غالبًا مش هو العامل الأساسي في نجاح الرضاعة.
شفنا أمهات وزنها قليل جدًا وبيرضعوا طبيعي ممتاز، وشفنا العكس.

نجاح الرضاعة بيعتمد أكتر على:
- طريقة تعلق الطفل على الثدي
- عدد مرات الرضاعة
- الدعم النفسي للأم
- علاج المشاكل بدري
- الصبر أول أيام

━━━━━━━━━━━━━━━

✅ إمتى اللبن بينزل؟

أول لبن بينزل اسمه “السرسوب”، وده بينزل من أول يوم بعد الولادة حتى لو الكمية قليلة.

والسرسوب ده مهم جدًا لأنه:
- غني بالأجسام المضادة
- بيقوي المناعة
- بيساعد أمعاء الطفل تشتغل
- مفيد جدًا للصفرا

بعد كده اللبن بيزيد تدريجيًا غالبًا من اليوم التاني أو التالت، وده طبيعي جدًا.

⚠️ مهم جدًا:
قلة اللبن أول يومين لا تعني إن الأم “معندهاش لبن”.

الطفل معدته أصغر بكتير مما الناس متخيلة، وبيحتاج كميات بسيطة جدًا في البداية.

━━━━━━━━━━━━━━━

✅ أهم نقطة في نجاح الرضاعة:
التعلق الصحيح على الثدي

مش مجرد إن الطفل يحط الحلمة في بقه وخلاص.

الطفل لازم ياخد جزء كبير من الهالة البنية حوالين الحلمة، لأن الرضاعة الصحيحة:
- تقلل الألم
- تمنع التشققات
- تساعد الطفل يشبع
- تزود إفراز اللبن

ولو الطفل متعلق غلط:
- هيتعب الأم
- هيبلع هوا
- هيجوع بسرعة
- وممكن الوزن ميزدش كويس

━━━━━━━━━━━━━━━

✅ ملامسة الجلد للجلد بعد الولادة مهمة جدًا ❤️

أول ساعات بعد الولادة مهمة جدًا في تنظيم الرضاعة.

لما الطفل يلامس جلد مامته:
- بيهدى
- ضربات قلبه تنتظم
- يبتدي يدور على الرضاعة
- هرمونات اللبن تزيد عند الأم

حتى في القيصري نحاول نعمل ده أول ما الأم تبقى قادرة.

━━━━━━━━━━━━━━━

✅ القيصري والطبيعي

ناس كتير فاكرة إن القيصري يعني خلاص الرضاعة هتفشل… وده غلط.

القيصري ممكن يخلي البداية أصعب شوية بسبب:
- الألم
- التعب
- تأخر الحركة
- التوتر

لكن معظم الأمهات يقدروا يرضعوا طبيعي بنجاح جدًا مع المساعدة الصح.

⚠️ ومهم نعرف إن أغلب المضادات الحيوية والمسكنات اللي بتتاخد بعد الولادة آمنة مع الرضاعة، لذلك ممنوع نوقف دواء أو نغيره من نفسنا.

━━━━━━━━━━━━━━━

✅ أكبر غلط بيحصل أول أيام:
الاستسلام بسرعة للببرونة

الطفل في أول أيام بيحتاج يتعلم يرضع من الثدي، وده محتاج صبر شوية.

الببرونة أسهل للطفل لأن اللبن بينزل بسرعة، فبعض الأطفال يكسلوا بعدها يرضعوا طبيعي.

عشان كده لو الرضاعة لسه بتتأسس:
- نقلل الببرونة لو أمكن
- نقلل اللهاية
- ونركز على الرضاعة المباشرة

━━━━━━━━━━━━━━━

🌿 ⭐ نقطة مهمة جدًا: الرضاعة الطبيعية والمغص

من أكبر المميزات المهمة للرضاعة الطبيعية إنها بتقلل المغص بشكل واضح مقارنة باللبن الصناعي.

ليه؟

* لبن الأم أسهل في الهضم بكتير من الصناعي
* بيتم امتصاصه بسرعة بدون ما يفضل في المعدة فترة طويلة
* بيقلل تكون الغازات داخل الأمعاء
* بيقلل دخول هوا أثناء الرضاعة لو التعلق صحيح

أما اللبن الصناعي:

* بياخد وقت أطول في الهضم
* ممكن يعمل غازات أكتر
* وبعض الأطفال بيكونوا أكثر عرضة للمغص والانتفاخ

⚠️ عشان كده بنلاحظ إن الأطفال اللي بيرضعوا طبيعي غالبًا بيكون عندهم مغص أقل أو أخف بكتير من اللي بيعتمدوا على الصناعي.

━━━━━━━━━━━━━━━

✅ الصفرا ممكن تأثر على الرضاعة

الصفرا العالية أحيانًا تخلي الطفل:
- نايم طول الوقت
- كسلان
- مش عايز يرضع

وده يعمل دائرة:
يرضع أقل → الصفرا تزيد → ينام أكتر → يرضع أقل

عشان كده المتابعة مهمة جدًا لو الطفل أصفر أو رضاعته ضعيفة.

━━━━━━━━━━━━━━━

✅ مشاكل الحلمة شائعة جدًا… ومش محرجة

كتير من الأمهات بيتكسفوا يتكلموا عن مشاكل الحلمة، مع إنها من أكتر الأسباب اللي بتبوظ الرضاعة.

زي:
- الحلمة المقلوبة
- التشققات
- الألم
- الاحتقان
- الجروح

والخبر الحلو إن أغلبها ليه حلول بسيطة جدًا لو اتعالجت بدري.

⚠️ مهم:
الغسيل العنيف والصابون الكتير ممكن يزود التشققات بدل ما يعالجها.

━━━━━━━━━━━━━━━

✅ إمتى نقلق؟

راجعي طبيب الأطفال أو استشاري الرضاعة لو:
- الطفل مش بيرضع كويس
- عدد الحفاضات قليل
- الوزن مش بيزيد
- الأم عندها ألم شديد
- فيه حرارة أو احمرار بالثدي
- الطفل بينام طول الوقت وصعب يصحى للرضاعة
- فيه ترجيع مستمر أو خمول

━━━━━━━━━━━━━━━

✅ الشفاط مفيد ولا مضر؟

الشفاط مش عدو الرضاعة زي ما ناس كتير فاكرة.

بالعكس أحيانًا بيكون مهم جدًا:
- لو الطفل مبتسر
- لو الأم راجعة الشغل
- لو فيه احتقان
- لو الطفل مش قادر يرضع مباشرة

لكن في أغلب الحالات، الرضاعة المباشرة المتكررة هي أفضل حاجة لزيادة اللبن.

━━━━━━━━━━━━━━━

✅ هل فيه أكلات “تدر اللبن”؟

مفيش أكل سحري.

لكن اللي بيفرق فعلًا:
- أكل متوازن
- شرب سوائل كفاية
- النوم والراحة
- تقليل التوتر
- الرضاعة المتكررة

━━━━━━━━━━━━━━━

وفي النهاية ❤️

الرضاعة الطبيعية مش اختبار للأمومة.

لو واجهتي صعوبة ده طبيعي جدًا، وطلب المساعدة بدري بيفرق جدًا جدًا.

وأحيانًا رغم كل المحاولات الطفل يحتاج صناعي جزئي أو كامل… وده لا يقلل منك كأم أبدًا.

الأهم دايمًا:
طفل بيتغذى كويس
وأم مستقر

� النزلات المعوية عند الأطفال.. ليه ممكن تطوّل لأسبوع أو 10 أيام؟كل شتوية وصيف بنشوف أطفال كتير عندهم ترجيع وإسهال، وأول...
17/05/2026

� النزلات المعوية عند الأطفال.. ليه ممكن تطوّل لأسبوع أو 10 أيام؟

كل شتوية وصيف بنشوف أطفال كتير عندهم ترجيع وإسهال، وأول سؤال بيشغل بال أي أب أو أم:
“هو طبيعي النزلة تفضل كل ده؟!” 👶

والإجابة:
✅ أيوه، في حالات كتير جدًا النزلات المعوية الفيروسية عند الأطفال ممكن تستمر من 7 لـ 10 أيام، خصوصًا مع فيروسات زي الروتا أو الأدينوڤايرس، وده مش معناه بالضرورة إن الطفل حالته خطيرة أو محتاج مضاد حيوي.

🔹 إيه اللي بيحصل أثناء النزلة المعوية؟
الفيروس بيهاجم المعدة والأمعاء وده يسبب:
• ترجيع
• إسهال
• حرارة
• مغص وانتفاخ
• فقدان شهية
• خمول وتعب

وفي أغلب الحالات الأعراض بتمشي بشكل تدريجي، يعني:
✅ الترجيع يخف الأول
✅ الحرارة تقل
✅ الطفل يبدأ يشرب أحسن
لكن الإسهال أوقات يطوّل شوية لأن الأمعاء بتحتاج وقت علشان ترجع لطبيعتها.

💡 أحيانًا بعد انتهاء النزلة الطفل يفضل عنده براز لين أو عدد مرات حمام أكتر من الطبيعي كام يوم، وده وارد جدًا أثناء التعافي.

⚠️ الخطر الحقيقي مش عدد أيام الإسهال… الخطر هو الجفاف.

علشان كده أهم حاجة نركز عليها:
💧 الطفل بيشرب كويس؟
💧 بيعمل بول طبيعي؟
💧 نشاطه عامل إيه؟

🔹 علامات الجفاف اللي لازم ناخد بالنا منها:
❌ قلة البول أو الحفاظ يفضل ناشف
❌ بُق ولسان ناشفين
❌ خمول أو نوم زيادة
❌ عيون غائرة
❌ الطفل مش قادر يشرب أو كل ما يشرب يرجع

🚨 وفي الحالات دي لازم الكشف بسرعة.

🔹 إيه أهم علاج للنزلات المعوية؟
✔️ محلول الجفاف بانتظام
✔️ الرضاعة الطبيعية تكمل عادي
✔️ أكل خفيف مناسب للطفل
✔️ تعويض السوائل باستمرار
✔️ الراحة والمتابعة

❌ والمضادات الحيوية مش مطلوبة في أغلب الحالات لأن السبب غالبًا فيروسي، واستخدامها بدون داعي ممكن يضر أكتر ما يفيد.

🔹 امتى لازم نكشف فورًا؟
🚨 حرارة عالية مستمرة
🚨 دم في البراز
🚨 ترجيع مستمر
🚨 رفض كامل للأكل والشرب
🚨 خمول شديد
🚨 إسهال مستمر أكتر من 10 أيام
🚨 علامات جفاف

💙 افتكر دايمًا:
أهم حاجة في النزلات المعوية عند الأطفال هي الحفاظ على السوائل ومنع الجفاف، مش مجرد إيقاف الإسهال بسرعة.

#الأطفال #روتا

�⚠️ في الفترة دي بقينا نشوف انتشار كبير للنزلات المعوية بين الأطفال والكبار، وخصوصًا بسبب فيروس الروتا عند الأطفال الصغي...
13/05/2026

�⚠️ في الفترة دي بقينا نشوف انتشار كبير للنزلات المعوية بين الأطفال والكبار، وخصوصًا بسبب فيروس الروتا عند الأطفال الصغيرين 👶

كتير من الحالات بتبدأ بأعراض بسيطة، وبعد ساعات الطفل يبقى مرهق جدًا بسبب فقدان السوائل، عشان كده مهم نلحق الموضوع بدري.

أشهر الأعراض اللي بنشوفها:
🔸 ترجيع متكرر
🔸 إسهال أكتر من مرة خلال اليوم
🔸 سخونية أو تكسير في الجسم
🔸 مغص ووجع بطن
🔸 فقدان شهية
🔸 خمول أو نوم زيادة
🔸 عطش شديد وجفاف بالفم
🔸 قلة البول أو دموع قليلة أثناء العياط

🦠 إيه هو فيروس الروتا؟
الروتا من أشهر الفيروسات اللي بتسبب نزلات معوية شديدة للأطفال، خصوصًا تحت سن ٥ سنين، وبينتشر بسهولة جدًا في الحضانات والمدارس ومن خلال الأيدي والأسطح الملوثة.

وفي بعض الأحيان الطفل ممكن يحتاج محلول وجلسات أو دخول مستشفى لو حصل جفاف شديد.

💡 إمتى نقلق؟
لازم نهتم بسرعة لو الطفل:
▪️ مش قادر يحتفظ بأي سوائل
▪️ الترجيع مستمر
▪️ الإسهال شديد جدًا
▪️ فيه خمول واضح
▪️ مفيش تبول لفترة
▪️ فيه ارتفاع حرارة عالي
▪️ الطفل صغير جدًا في السن

✅ أهم خطوات الوقاية:
✔️ غسل اليدين باستمرار
✔️ غسل الخضار والفاكهة كويس
✔️ الاهتمام بنظافة الأكل والمياه
✔️ عدم مشاركة الأدوات الشخصية
✔️ التطعيم ضد الروتا للأطفال بيساعد بشكل كبير جدًا في تقليل شدة الإصابة والمضاعفات

👨‍⚕️ المتابعة بدري بتفرق جدًا وبتمنع المضاعفات والجفاف، خصوصًا عند الأطفال الصغيرين.

📍نتمنى السلامة للجميع ودايمًا خليك متابع لأي علامات جفاف أو تعب مستمر ❤️





#الجفاف
#الروتا

️ تقلبات الجو الحالية = زيادة ملحوظة في دور اللوز والحساسية عند الأطفال 🤧👶مع التغيير المستمر بين الحر والبرد، وزيادة الأ...
08/05/2026

️ تقلبات الجو الحالية = زيادة ملحوظة في دور اللوز والحساسية عند الأطفال 🤧👶

مع التغيير المستمر بين الحر والبرد، وزيادة الأتربة وتقلبات الطقس، بقينا نشوف انتشار أكبر لالتهاب اللوز والزور خصوصًا عند الأطفال، لأن مناعتهم بتكون أكثر تأثرًا بالتغيرات الجوية.

🔹 كثير من الأطفال بيبدأ عندهم الأمر بأعراض بسيطة مثل:
• رشح أو انسداد بالأنف
• كحة خاصة أثناء النوم
• حرارة أو تكسير بالجسم
• وجع وصعوبة في البلع
• التهاب واحتقان بالحلق
• شخير أو تنفس من الفم
• ضعف شهية وإرهاق

💡 والحساسية لها دور مهم جدًا في تكرار المشكلة، لأن حساسية الأنف تؤدي لانسداد الأنف والتنفس من الفم، وده يسبب جفاف الحلق والتهاب اللوز بشكل متكرر، خصوصًا أثناء النوم أو مع الجو المتقلب.

⚠️ ومهم نعرف إن مش كل التهاب لوز يحتاج مضاد حيوي، لأن كثير من الحالات تكون فيروسية أو مرتبطة بالحساسية، لذلك التشخيص الصحيح هو الأهم لتحديد العلاج المناسب.

✅ لتقليل فرص الإصابة وتكرار الأعراض:
• الاهتمام بملابس مناسبة للجو المتقلب
• تجنب التعرض المباشر للتراب والدخان والعطور القوية
• شرب سوائل دافئة باستمرار
• غسل الأنف بمحلول ملحي عند الحاجة
• تقوية المناعة بالأكل الصحي والنوم الكافي
• الاهتمام بعلاج حساسية الأنف وعدم إهمالها

👨‍⚕️ الاهتمام المبكر بالأعراض يساعد في سرعة التحسن وتقليل تكرار التهابات اللوز والحساسية عند الأطفال ❤

Address

الدلجمون ش الصهرايج
Kafr Az Zayat

Website

Alerts

Be the first to know and let us send you an email when Taha Kids Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category