01/06/2026
🛑 لو دايماً هبطان وعايز حاجة مسكرة.. البوست ده
معمول عشانك
"عندي شره غريب للسكريات ومش قادرة أتحكم في نفسي"
كتير بنسمع الجملة دي
الموضوع مش قلة إرادة يا جماعة، المشكلة ممكن تكون جوة خلايا جسمك!
المشكله هي مقاومة الانسولين 🎯
🔍 يعني إيه مقاومة إنسولين ببساطة؟
تخيلوا الإنسولين ده هو "المفتاح" اللي بيفتح باب الخلايا عشان يدخلها السكر (الطاقة).
في حالة المقاومة، الكوالين بتاعة الأبواب بتصدي! المفتاح مبيشتغلش، فالسكر يفضل عالي في الدم، والجسم يضطر يفرز إنسولين أكتر وأكتر، والنتيجة؟ الخلايا جعانة طاقة، والجسم بيخزن دهون بدل ما يحرقها.
⚠️ علامات لو عندك.. لازم تركزي معايا:
🔴 زيادة في محيط الخصر (الدهون الحشوية) وصعوبة شديدة في نزول الوزن.
🔴 شعور دائم بالخمول والتعب، خصوصاً بعد الأكل.
🔴 بقع داكنة في الرقبة أو تحت الإبط (Acanthosis Nigricans).
🔴 جوع مستمر وشغف لا يقاوم للحلويات والنشويات.
💡 الخبر الحلو؟ الحل في إيدكِ ومش مستحيل!
الخطوة الأولى مش الحرمان، الخطوة الأولى هي الفهم والتنظيم:
ذكاء اختيار الكربوهيدرات: نركز على الكربوهيدرات المعقدة والألياف اللي بتمتص ببطء.
ترتيب الوجبة: نبدأ بالخضار والبروتين قبل النشويات عشان نحمي جسمنا من طفرات السكر المفاجئة.
الحركة بركة: الرياضة (حتى لو مشي سريع 30 دقيقة بترجع حساسية الإنسولين )
حابة أقولكم:
مقاومة الإنسولين مش مرض مرعب، دي "إشارة تحذير" ذكية من جسمك بيقولك فيها: "طريقة أكلي محتاجة تعديل".
❓ شاركوني في التعليقات: كام عرض من دول بتحسوا بيه؟ وهل جربتوا قبل كده تحللوا HOMA-IR؟ وهل هو فعلا تحليل مهم وهو اللي بيقولي اني عندي مقاومة إنسولين ولا لا وهل فيه تحاليل تانيه اقدر اعملها ؟؟؟؟؟
#صحة #رشاقة
أخصائية التغذية العلاجية والسمنة والنحافة بمستشفي كفرالدوارالعام
للتواصل عالواتس 01001393749
