Egyptian Nursing Pioneers روّاد التمريض المصري

  • Home
  • Egypt
  • Luxor
  • Egyptian Nursing Pioneers روّاد التمريض المصري

Egyptian Nursing Pioneers روّاد التمريض المصري Contact information, map and directions, contact form, opening hours, services, ratings, photos, videos and announcements from Egyptian Nursing Pioneers روّاد التمريض المصري, Health & Wellness Website, Luxor.

كل ما يخص عالم التمريض والكليات و المعاهد الفنية الصحية وملتقي مستشفيات مصر 🇪🇬
لينك جروب التليجرام https://t.me/+vbTb9sEvZyIxNGY0
لينك قناة اليوتيوب https://youtu.be/5m9t8_AiIh8?feature=shared

صورة لبعض ريسات التمريض...
30/08/2026

صورة لبعض ريسات التمريض...

30/08/2026

بعد التخرج ،عندنا صحاب خطبوا واتجوزوا وأعمارهم ٢٣ سنه ،وربنا كرمهم ببيت واسره في سن صغير ،غيرهم في نفس العمر قعد مش لاقي شغل،وبدأنا نلاحظ ان كل واحد فينا الدنيا ادته حاجات واخدت منه حاجات تانيه

في مننا شغال في اماكن كبيره بمرتبات ممتازه،بس لسه ما قابلش انسانه مناسبه ،ومننا الي قابل انسانه مناسبه بس الظروف حالت انهم يكونوا لبعض ،ومننا الي نفسه يتجوز بس علي بعد خطوه من النهايه كل حاجه بتقف بدون سبب ....

دلوقتي كلنا صدقنا ،انها مش بحسابات وتخطيط ،كلنا حاليا بنعاني ،كل واحد حاسس بضغط ولما يتكلم بيفتكر ان الدنيا جايه عليه ،مع انه ممكن يكون في ايديه نعم الي جنبه بيتمني يمتلكها

فعلا الحياه ماشيه بمشيئه ربنا بس ،كل حاجه ليها وقت وميعاد ،سواء شغل ،جواز ،سفر عمرها ماكانت بحسابات اي واحد فينا

30/08/2026

"بكالوريوس التمريض التخصصي"
علشان الناس اللي مش فاهمة

◻️الاول كده البرنامج معتمد بشهادة من المجلس الأعلى للجامعات وكده كده انت بتدرس البرنامج ف جامعه حكوميه ف هو كده كده معتمد متقلقش♥

🔘 البرنامج ليه تكليف من وزارة الصحة زي كليات التمريض الحكوميه والخاصه والجامعات الاهليه....

⚪ مدة دراسة البرنامج زي اي كلية تمريض بالظبط 4 سنين دراسه وسنه امتياز مفيش فرق يعني:

🔵 الدراسه ف البرنامج بتتقسم 3 سنين دراسه General بتدرس كل تخصصات التمريض وسنه تخصص بتدرس فيها التخصص اللى هتبقى فيه وبعدين سنة الامتياز برضو بتتقسم ل6 شهور عام و6 شهور ف التخصص بتاعك ❤

⁉️هي اي اصلاً التخصصات اللى موجوده ل البرنامج؟!

🔶 عندك اطفال وده تخصص رايق
ونسا وطوارئ وحالات حرجه

⁉️مين بقا الناس اللى تقدر تدخل البرنامج ده؟!

🔺 طلبه ثانوية عامة ودول ليهم تنسيق معين بيدخلوا بيه وبيبقى اقل من تنسيق كليات التمريض الحكومي بحاجات بسيطه سيكا😉

🔻 طلبة المعاهد الفنية للتمريض والمعاهد الفنية الصحية شعبة تمريض عام وبقرار جديد لسه نازل السنه دي

🔘 من المجلس الاعلى للجامعات:

🔵 اي حد عايز يقدم تخصصي بداية من السنه دي من خريجين معهد فني تمريض او معهد فني صحي شعبة تمريض عام محتاج شرطين:

🔶 الشرط الاول السن ميعديش ال25 سنه

🔷 الشرط التاني المجموع ميقلش عن 75%

🟠 الكليات بتاخد عدد معين وبيبقى Mix ما بين طلبة ثانوي عام وطلبه المعاهد وطبعاً بتدخلوا من سنه اولى...

🔷 البكالوريوس بنظام الساعات المعتمده وبتدرس نفس عدد ساعات كليات التمريض الحكوميه والخاصه ف انت كده كده زيك زيهم

🟫 المصاريف بتختلف من مكان ل مكان ومن كليه ل كليه بس بتتراوح مابين ال20 وال27 الف وهو رقم مش كبير ع بكالوريوس
انت عارف اسعار الجامعات الخاصه بكام دلوقتي طبعاً تعدي ال50000

🟡 قولتلك ان البكالوريوس رسمي ومعتمد من المجلس الأعلى للجامعات وليه تكليف متقلقش

⚫ ليك تحضر دبلومات وزمالات وماستر ودكتوراه وعيش ي معلم🙈♥

🟪 ليك سفر عادي زي كلية التمريض انت كده كده بكالوريوس اصلا وبتتخرج اخصائي ع الدرجة التالته ف انت زيك زي اي حد ❤

🟤 البرنامج موجود ف جامعات كتيره زي القاهره وعين شمس وحلون واسيوط وطنطا

◼️ قريب هتلاقي البرنامج ف كل الجامعات اللى ف مصر اصلا زي بني سويف وسوهاج والفيوم وباقي المحافظات..

لو انت من محافظة مفهاش ينفع تقدم ف اي جامعه تانيه عادي زي حلوان والقاهره بس قدم ف المنصوره احسن 👀♥

⁉️هنيجي للسؤال الاهم والأهبل؟!

⁉️هو انهي احسن بكالوريوس التمريض العام ولا بكالوريوس التمريض التخصصي؟!

⁉️طب هو انا عشان تخصصي مينفعش اشتغل غير ف التخصص بتاعي بس؟!

🟣 بص يحبيبي اولاً انا من الناس اللى بحب التخصص جداً انا كل واحد يبقى متخصص ف حاجه معينه ويبقى متميز وشاطر فيها
الطب فيه تخصص ع فكره ف تلاقي كل واحد ف تخصصه ف دي حاجه كويسه جداً ♥

🔘 خد التقيله بقا التمريض ف كل دول العالم متخصص بل ويوجد ف امريكا اكتر من 20 تخصص للتمريض من اطفال ونسا وجراحه وعمليات ومش هنخلص من هنا لبكره🙈

⁉️ف اما لحكاية مش هعرف اشتغل غير ف التخصص بتاعي؟!

🔵 يسطا انت تعبان ما انت بالفعل درست 3 سنين كل التخصصات و6 شهور امتياز General ف انت كده كده تقدر تشتغل ف اي تخصص

🔶 بس احنا حبينا نخليك perfect ف تخصص معين عشان تبقى جامد ومفيش حد زيك ف التخصص ده فهمت؟!
لا انا مش بثبتك بالكلام ده كلام دكاترة ف كليات التمريض والله 😂

⁉️تاخد الاتقل بقا مني؟!

🟡 خريجي بكالوريوس التمريض التخصصي بمثابة حاصل ع شهادتين:

_الاولى عام انك درست بشكل عام كل التخصصات 3 سنين و6 شهور امتياز

_والتانيه تخصصي انك درست تخصص معين لمدة سنه كامله و6 شهور امتياز

🔴 انت كده عرفت هتعمل اي وعرفت الاجابه ع كل سؤال ف دماغك وبخصوص السفر ف كل دول العالم بتحترم التخصص لانهم بيبقوا عارفين انك شاطر ف الحته دي بالتحديد لانك اتقنتها ودرستها بشكل كويس ♥

🟤 ف النهايه انت عليك السعي وربنا عليه التوفيق اجتهد
واعمل اللى عليك والنتيجة دي بتاعة ربنا♥
البوست منقول من احد الصفحات

30/08/2026

وكم من مس نبيله في مستشفياتك يا مصر 🥲

ماذا بينك وبين الله ايها المسئول علشان كل التعليقات تكون ضدك كده تعليقات مرعبة وكله حسبنه ودي نصيحة لاي مدير تمريض يتقي ...
30/08/2026

ماذا بينك وبين الله ايها المسئول علشان كل التعليقات تكون ضدك كده تعليقات مرعبة وكله حسبنه ودي نصيحة لاي مدير تمريض يتقي الله في الناس...
وادي قصة تاني من قصص ظلم وافتراء مديرة التمريض باسيوط الجامعي لو هي في عزبه يبقي هنتاكد ان هي كده فوق القانون وان المستشفى فعلا دي عزبتها طالما استمرت في منصبها ...
ويعلم ربنا انا معرفهاش ولا متحامل عليها لاكن انا مع المهنة وضد الظلم والافتراء احنا مع الانسانية قبل الشغل..
ولو هي عايزة تتدافع عن نفسها ده حقها وانزلها بوست عادي..
بس ارجع واقولك ان اي حد كان ساكت عن الظلم من تمريض اسيوط الجامعي فهو مشارك معاها يعني لازم تقع علشان نتكلم ما ناخد حقنا من الاول

30/08/2026

حبايبنا في الفيوم ان شاء الله بكرة حد عزيز عليا هيجي يستلم عندكم... خلوا بالكم معاه بقا.

30/08/2026

الناس كلها عماله تقع في الحب وانا مش بقع غير فالحوارات بتاعت الشغل بس.. 🤔😂

لو الكلام ده بجد فاحنا قدام انهيار كامل للمهنة بجد... لما تستغل منصب وتطلب ده من زمايلنا اللي مرتبهم مش بيعدي ست الاف جن...
30/08/2026

لو الكلام ده بجد فاحنا قدام انهيار كامل للمهنة بجد...
لما تستغل منصب وتطلب ده من زمايلنا اللي مرتبهم مش بيعدي ست الاف جنية وتستغل سلطتها يبقي ده انهيار كامل..
اتمني التحقيق في الكلام ده لو صحيح فورا تستقيل وتتحول للتحقيق كمان لازم نتحرك قبل ضياع مهنة التمريض

طلاب امتياز كلية تمريض المنوفية.. ده تاكيد من سيادة العميد الكلية ع حل المشكلة بتاعت الامتياز.. استجابة لصفحة رواد التمر...
30/08/2026

طلاب امتياز كلية تمريض المنوفية..
ده تاكيد من سيادة العميد الكلية ع حل المشكلة بتاعت الامتياز..
استجابة لصفحة رواد التمريض المصري
وشكرا لسيادة العميدة والوكيلة دكتورة وفاء،..

30/08/2026

نداء واستغاثة إلى السيد الرئيس عبدالفتاح السيسي 🇪🇬

سيادة الرئيس، نلجأ إليكم بعد أن أصبحنا لا نعرف إلى من نتوجه لحل مشكلة تؤثر على مستقبلنا.

نحن خريجي التمريض نواجه حاليًا مشكلة في تسجيل رغبات التكليف من خلال الموقع الإلكتروني التابع لوزارة الصحة وإدارة تكليف التمريض، حيث يعاني الموقع من أعطال متكررة وعدم استقرار، وفي أوقات كثيرة لا يستطيع الطلاب الدخول أو تسجيل رغباتهم بشكل طبيعي.

ومع انتهاء المواعيد المعلنة، يتم مد فترة التسجيل مرة تلو الأخرى بسبب المشكلة، ولكن للأسف ما زالت المشكلة الأساسية قائمة، وهي أن الموقع والسيرفر غير قادرين على استيعاب أعداد المتقدمين.

سيادة الرئيس، نحن نؤمن بما تطرحونه دائمًا من أهمية رؤية مصر 2030 والتحول الرقمي، ونسعى لأن تكون الخدمات الحكومية أكثر سهولة وسرعة واعتمادًا على التكنولوجيا.

لكن التحول الرقمي لا يكتمل بمجرد وجود موقع إلكتروني؛ بل يجب أن يكون الموقع قادرًا على خدمة المواطنين وتحمل أعداد المستخدمين، خصوصًا عندما تكون الخدمة مرتبطة بمستقبل آلاف الخريجين.

كيف نتحدث عن التحول الرقمي والريادة التكنولوجية، بينما آلاف الشباب لا يستطيعون الدخول إلى موقع لتسجيل رغباتهم بسبب ضغط السيرفر؟

نحن لا نطلب شيئًا مستحيلًا، ولا نبحث عن استثناءات أو واسطة.

نحن فقط نريد فرصة عادلة لكل خريج حتى يستطيع الدخول إلى الموقع وتسجيل رغباته في ظروف طبيعية، دون أن يكون مستقبله مرتبطًا بقدرة السيرفر على التحمل.

لذلك نناشد سيادتكم، ونناشد وزارة الصحة وإدارة تكليف التمريض والجهات المسؤولة عن المنظومة الإلكترونية بسرعة التدخل لحل المشكلة من جذورها، وليس فقط مد فترة التسجيل.

نرجو:
1. إصلاح مشكلة السيرفر والموقع بشكل نهائي.
2. التأكد من قدرة المنظومة على استيعاب جميع المتقدمين.
3. توفير فترة تسجيل كافية بعد استقرار الموقع.
4. عدم تحميل الخريجين مسؤولية أعطال تقنية خارجة عن إرادتهم.
5. ضمان تكافؤ الفرص بين جميع الخريجين.

سيادة الرئيس، نحن أبناء هذا الوطن، وكل ما نطلبه هو أن نحصل على حقنا في تسجيل رغباتنا بطريقة عادلة ومنظمة.

نرجو أن يصل صوتنا إلى سيادتكم، وأن يتم التدخل لإنقاذ آلاف الخريجين من ضياع فرصة مرتبطة بمستقبلهم بسبب مشكلة تقنية.

🇪🇬 حفظ الله مصر وشعبها، ووفقكم لما فيه الخير للوطن والمواطن.













Address

Luxor

Website

Alerts

Be the first to know and let us send you an email when Egyptian Nursing Pioneers روّاد التمريض المصري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category