ايدي في ايدك

02/11/2025

انا مش لاقي علاجي في الوحده او المستشفي أعمل إيه ومش معايا فلوس اشتري

حضرتك لو ملقتش علاجك خد من الوحده او المستشفي ان مخدتش علاجك واخر مره صرفت امتي وده من حقك واتجه لشارع وليد التامين الصحي الشامل وخد روشته تقدر تصرفها من صيدلية دلمار وعطا الله اللي عند المحطه ( صيدلية المواساة) وحتي لو رحت كشفت في المستشفيات الخاصه المتعاقده مع التامين وكتبلك علاج تقدر تصرفه من دلمار وعطا الله

18/10/2025

عايز تروح مستشفي خاص كل اللي عليك تعمله إن تجيب إحالة من وحدات ومراكز الرعايه وتروح مكتب التامين الصحي الشامل وهيهولك علي طول وجميع الخدمات التامين بيغطيها

16/10/2025

الحاج في البيت في مشكله في عيونه وخايف عليه وعايز اكشفله بره لان خايف ياخد معاد بعيد وبصراحه انا عايز اكشف في مكان خاص طب ايه المشكله حضرتك توجه لوحدة طب الاسرة او المركز وهات احاله رمد وروح التامين الصحي الشامل واختار المكان الخاص اللي انت عايزه. عيون الحاج تهمنا وجوه عنينا

15/10/2025

محتاج اعمل نظاره علشان الدنيا عندي مش مظبوطه ومش شايف كويس.
طب ايه المشكله ؟ النظاره عايزه فلوس وانا في نص الشهر والدنيا مش تمام
الحل ...... اعملها علي التامين الصحي الشامل وهتكلفك خمسة جنيه بس.
وده فين خلص المقاس في مستشفيات الرعايه او المستشفيات الخاصه المتعاقد معها التامين وهات المقاس واختار من الأماكن دي
يهمنا ان تشوف كل الأشياء علي الطبيعه

14/10/2025

هنتكلم النهارده عن شبكة التعاقدات داخل محافظة الأقصر من معامل من حقك أن تعمل تحاليلك في المعمل اللي انت تختاره خليك إيجابي واعرف حقك

13/10/2025

كلمة بسمعها وبقراها علي صفحات التامين فمكنتش عارف معناها يعني ايه من حقي اختار واختار ايه؟ فاكتشفت إن انا ممكن اخد خدمتي في اي مكان اختاره
يعني انا اللي اختار المعمل او المستشفي اللي عايز اخد فيه الخدمه

ف قولت ممكن يكون كلام وبس: بس لما رحت شارع وليد (بعد كشف وحدة طب الاسرة) وكنت متردد قلتلهم عايز اروح مكان خاص فقالو ليه تمام ورحت ف اكتشفت إن في حاجات كتير بيقدمها التامين الصحي الشامل وانا معرفهاش والمنشورات اللي جايه هنزل كل الأماكن اللي متعاقد معاها التامين علشان تكون مرجع ليكم

10/10/2025

السلام عليكم ورحمة الله وبركاته
تم إنشاء هذه الصفحه لمعرفة كل ما يخص التامين الصحي الشامل والخدمات التي يقدمها ومعرفة ما لك وما عليك والرد علي الاستفسارات في إطار غير رسمي ومساعدتك في الحصول علي الخدمه ومعرفة شبكة التعاقدات من مستشفيات ومراكز ومعامل وصيدلية

08/10/2025