06/09/2026
هل التوتر والقلق ممكن يكونوا السبب وراء ضعف الانتصاب؟؟
الحقيقة إن ضعف الانتصاب النفسي من الشكاوي المتكررة في العيادة بشكل يومي...
والنوع ده من أنواع ضعف الانتصاب بيحصل في شخص طبيعي وسليم عضوياً بسبب:
القلق، التوتر، الخوف من الفشل، الإكتئاب، المشاكل الزوجية، الضغط النفسي، التركيز الزائد أثناء العلاقة أو الخوف على الزوجة من الألم واللي ممكن يعمل ضعف إنتصاب خاصة في فترة شهر العسل.
الفكرة بشكل مبسط إن الجسم عنده جزئين من الجهاز العصبي اللاإرادي:
واحد إسمه الجهاز العصبي الباراسمبثاوي (Parasympathetic) مسؤول عن حالة الهدوء والاسترخاء وليه دور أساسي في حدوث الانتصاب،
والجهاز العصبي السمبثاوي (Sympathetic) وده بيتحفز مع حالات التوتر والقلق والضغط النفسي ويزود إفراز مواد زي الأدرينالين والنورأدرينالين ف بيعيق آلية الانتصاب الطبيعي.
عشان كده التقييم الطبي المبكر مهم لتشخيص النوع ده من ضعف الانتصاب، والحمد لله معظم الحالات بتستجيب كويس والانتصاب بيرجع طبيعي تماماً مع اتباع البروتوكول العلاجي المناسب لكل مريض.
دُمتم سالمين وبصحة وعافية ♥️
د/ محمد عبد الشكور المحمدي
