28/01/2026
تحذير بالله عليكم اقروه للاخر وشيروه في كل مكان🔴الضحـ ايا بقوا عشرة في شقتين فقط.. أرجوك قبل ما تنام النومة الأخيرة:
كارثة جديدة حصلت النهاردة في منطقة شبرا بمحافظة القليوبية بعد وفاة أم وأطفالها الأربعة.. الأسرة كلها ماتـ ت.. بسبب تسرب الغاز في الشقة وهم نايمين.. ودي تاني حادثة في أسبوع واحد بعد وفاة ٥ أطفال دفعة واحدة في المنوفية.. برضو بسبب الغاز.. العدد وصل ١٠.
عشر وفيات من أسرتين في أسبوع واحد.. هل ده مش كفاية إننا نسمع النصيحة ونسمع الكلام ونسمع اللي يقولنا نصيحة لوجه الله.. في البيت سخان يتقفل.. في البيت بوتاجاز يتقفل.. في البيت دفاية تتقفل.. داخل تستحمي وهتشغل السخان شغله صح.. بخار كتير في الحمام ممنوع.. شباك مقفول وحضرتك في الحمام ممنوع.. سخان على درجة حرارة مرتفعة ممنوع.. دخلت تنام وعندك غاز في الشقة يبقى كل ليلة يكون عندك عادة ثابتة إنك تبص على كل محابس الغاز وتقفلها.
بالمناسبة دي هعيد كلام دكتورة ماريان ماهر.. علشان تحمي نفسك وأسرتك من المـ وت اللي لا هتحس بيه ولا هتقدر تنقذ نفسك ولا هتلحق تستغيب.
سبب الوفاة والمأساة اللي بقت بتحصل وأسر كاملة تروح.. مش في الغاز اللي بنشمّه، لكن السبب اسمه أول أكسيد الكربون، وده غاز مالوش لون ولا ريحة ولا بيكون فيه إنذار مسبق.. الغاز ده لما يطلع من سخان أو دفاية في مكان مقفول ما بيعملش اختناق بالشكل اللي الناس متخيلاه لأنه بيمسك في الدم نفسه فيمنع النفس يوصل للمخ والقلب فيحصل اختناق بدون ما تحس.. بدون ما تقاوم.. بدون ما تصحى من النوم بسبب الخنقة.. انت للأسف بتمـ وت في هدوء تام.. وده اللي حصل للخمس أطفال بتوع المنوفية والأم وأطفالها الأربعة في القليوبية.
لو في ريحة غاز دي مشكلة.. بس لسه في فرصة.. إنما الكارثة الحقيقية في أول أكسيد الكربون اللي ملوش ريحة خالص يعني مفيش إنذار ولا إحساس.. فيه نوم للأبد.
دكتورة ماريان بتشرح: عايز تنقذ نفسك اشتري جهاز كاشف أول أكسيد الكربون.. وده جهاز صغير صوته عالي جدا ممكن يصحّي البيت كله وهو نايم قبل ما الدم يتخنق وتحصل الوفاة.. والجهاز ده بيتركب على الحيطة وظيفته إنه يشم اللي انت مستحيل تشمه لا وانت صاحي ولا وانت نايم.. وأول ما نسبة الغاز ما ترتفع في الشقة الجهاز يعمل صوت عالي جدا.. والجهاز ده بيتباع في محلات الأجهزة أو الأدوار الكهربائية، وسعره بسيط.. ولما بحثت عنه موجود بسعر يبدأ من ٢٢٠ جنيه إلى ١٥٠٠ جنيه.
لو رفضت تشتري الجهاز.. وبتقفل كل حاجة قبل ما تنام.. كلنا بنسمع بشكل متكرر عن وفاة عريس وعروسة ليلة الزفاف.. وطبعا ده بيحصل بسبب الاختناق وقت الاستحمام أو غيره.. علشان كدة طبيا بينصحوا: إنك لو حسيت بالأعراض دي اخرج من الحمام فورا فورا.
لو حسيت بصداع مفاجيء وبداية خنقه.. اخرج فورا.. حسيت بزغللة ودوخة ده معناه إن المخ بدأ يتحرم من الأكسجين.. حسيت بغثيان إنك عايز ترجّع بدون مبرر.. ده مش تسمم في المعدة ولا حاجة.. ده بداية تسمم في الهواء.. أما لو حسيت بقى إن رجليك مش شايلاك فانت على وشك التسمم الحقيقي.. فورا تخرج من الحمام.
أرجوكم اسمعوا الكلام وانشروا النصيحة قبل ما تناموا آخر نومة أو تاخدوا دُش سُخن ويكون آخر دُش.. لما يكون في إيدك تنقذ حياتك وحياة غيرك متتأخرش لحظة 🙏
منقول
