13/10/2026
.. في صور كده لما بتشوفها بتفرح ..
الصوره دي كانت في مؤتمر الجمعية الاوروبيه للمناظير النسائية ESGE
اللي كان منعقد في (روما) ايطاليا سنة 2021 وقت جائحة كورونا
و كان وقتها فكرة السفر صعبه جدا و ناس كتير مقدرتش تحضر بسبب كورونا و شروط السفر المعقده من حجر و تطعيمات و غيره
فكان شعار المؤتمر السنه دي Per Aspera ad Astra
ومعناه تقريبًا: «عبر الصعوبات نصل إلى النجوم»
و ناس كتير نصحوني بلاش اسافر وقتها لان ممكن تروح عليا فلوس كتير و مقدرش احضر بس قررت اني اخد بالاسباب و احاول و حضرت و كان في استفاده كبيره جدا
حضور المؤتمرات و الحركه المستمره جزء لا يتجزأ من طبيعة شغلنا خاصة في حاجه زي المناظير و زي الحقن المجهري
حتى و ان كانت الحركه الكتير دي بتفرض عليا تغيبات عن العياده بس ده في الاخر بيكون لصالح مرضانا و بتكون خطوه مهمه لتطوير الخدمه اللي بنقدمها و مواكبة الجديد عشان نقدر نقدم لحضراتكم خدمه طبيه لا تقل عن الخدمه المقدمه بره مصر
فارجو انكم تعذروا تغيبي عن العياده بعض الاوقات و الفتره اللي جايه هنوضح هنا على الصفحه بشكل دوري ايام التواجد في كل عياده (ستوري/حاله) فتابعونا
اهم نقطه :- في حالة الطوارئ اثناء عدم تواجدي حضراتكم ممكن تتصلوا بيا على رقم الطوارئ لكن من خلال (تليجرام)
او الاتصال ماسنجر على الصفحة هنا
