Dt. Norhan Mohsen

Dt. Norhan Mohsen فَكُلُوا مِمَّا رَزَقَكُمُ اللَّهُ حَلالًا طَيِّبًا �

06/02/2026

آكل فاكهة ولا آكل شوكولاتة؟

26/01/2026

أعمل ايه في الاجازة؟

مساء الخير👀حاليًا موضوع مقاومة الإنسولين بقى منتشرفمينفعش حد ميكونش عارف يعني إيه مقاومة إنسولين.أول حاجة لازم نفهمها إن...
03/01/2026

مساء الخير👀
حاليًا موضوع مقاومة الإنسولين بقى منتشر
فمينفعش حد ميكونش عارف يعني إيه مقاومة إنسولين.
أول حاجة لازم نفهمها إن
الإنسولين مش بس هرمون مسؤول عن السكر.
الإنسولين: بيحافظ على رينج السكر الطبيعي في الدم
وبيساعد الجلوكوز يدخل جوه الخلايا
وكمان ليه دور بنائي ومهم في انقسام الخلايا وبناء الأنسجة.
علشان كده
لما يحصل خلل في هرمون الإنسولين
التأثير مش بيكون على السكر بس، ده بيأثر على الجسم كله

- طيب يعني إيه مقاومة إنسولين؟
مقاومة الإنسولين يعني
الإنسولين موجود في الجسم
بس الخلايا مش بتستجيب له بشكل كافي،
فيضطر الجسم يطلع كميات أكبر من الإنسولين علشان يحافظ على مستوى السكر طبيعي.
في الأول السكر ممكن يفضل مظبوط
بس الإنسولين يكون عالي.

ومع الوقت الجسم يبدأ يتعب
وتظهر المشاكل.

- مقاومة الإنسولين بتظهر إزاي؟
مش شرط تيجي بأعراض واضحة،
بس من أشهر العلامات:
1. جوع سريع بعد الأكل
2. اشتهاء شديد للسكريات
3. صعوبة في نزول الوزن أو زيادة الوزن
4. تعب وخمول
5. تركيز ضعيف
6. وأحيانًا اسمرار في الرقبة أو تحت الإبط

- طيب إيه أسباب مقاومة الإنسولين؟
-أكل سكريات ونشويات مكررة بكثرة
-قلة الحركة
-السهر وقلة النوم
-التوتر والضغط العصبي المستمر
-زيادة الوزن، خصوصًا دهون البطن
-عوامل وراثية عند بعض الناس
المهم نفهم إن:

مقاومة الإنسولين مش معناها إن الشخص عنده سكر
ومش معناها إن الحل دايت قاسي أو حرمان.

مقاومة الانسولين ممكن تتحسن جدا بس بتعديل الأكل وان احنا نظبط اللايف ستايل بتاعنا
وأحيانًا بنحتاج أدوية بس دايمًا الأساس هو أسلوب الحياة
مقاومة الإنسولين مشكلة شائعة، ومش مرتبطة بالسكر بس ولا بالوزن بس.
فهمها بدري بيفرق في الوقاية من مشاكل كتير بعد كده،
والتشخيص الصح دايمًا بيكون بالتحاليل مش بالشكل
لو حاسس إن الكلام ده قريب منك :اعمل تحاليلك، واسأل
ومتستناش المشكلة تكبر
وبس كدة ♥️

كتير من الناس بيشتكوا إنهم مش عارفين يناموا كويس، ويفضلوا صاحيين لوقت متأخر من غير سبب واضحواحد من الأسباب اللي ممكن متك...
18/09/2025

كتير من الناس بيشتكوا إنهم مش عارفين يناموا كويس، ويفضلوا صاحيين لوقت متأخر من غير سبب واضح
واحد من الأسباب اللي ممكن متكونش واخد بالك منها هو الأكل المالح

زمان كان الاعتقاد إن الملح بس بيرفع ضغط الدم وبالتالي بشكل غير مباشر بيأثر على النوم، لكن الدراسات الحديثة وضحت إن الموضوع أكبر من كدة
الوجبات المالحة نفسها بتأثر على الساعة البيولوجية لجسمك، وده بيخلي النوم صعب ويخليك تحس إنك مش قادر تدخل في مرحلة النوم العميق حتى لو تعبان

كمان الملح الزايد بيسبب احتباس سوائل وعطش بالليل، وده يخليك تقوم أكتر من مرة عشان تشرب أو تدخل الحمام، وبالتالي نومك يتقطع.

النتيجة إن النوم بيبقى أقل جودة، وده ينعكس عليك في شكل إرهاق، تركيز ضعيف، وممكن كمان يفتح شهيتك أكتر تاني يوم

الحل؟ جرب تقلل الملح خاصة في وجبة العشاء أو بالليل (زي المخللات، اللب، الشيبسي، الجبن المالحة)، وهتلاحظ فرق كبير في نومك وجودته

افتكر دايمًا إن النوم الصحي جزء مهم من الصحة زي الأكل والرياضة، وأي خلل فيه هيأثر على طاقتك ومودك طول اليوم
Norhan Mohsen Zaher 💕

جاتلي رسالة النهاردة عن حاجة اسمها (فات بوم) وأنا بصراحة أول مرة أسمع عنها، لما عملت بحث بسيط لاقيتها منتشرة جدًا، وفي ن...
01/09/2025

جاتلي رسالة النهاردة عن حاجة اسمها (فات بوم) وأنا بصراحة أول مرة أسمع عنها، لما عملت بحث بسيط لاقيتها منتشرة جدًا، وفي ناس بتعتبرها حل سريع للتخسيس. طيب هل فعلاً آمنة؟ وهل بتأثر؟ ولا مجرد إعلان ؟
خلينا نعرف مع بعض

لما دورت لقيت إن المكونات هي:
- اول مكون حاجة اسمها
جارسينيا كامبوجيا 🍋 (دا بيقلل الشهية لكن تأثيره ضعيف علميًا)

- قهوة خضراء (بتزود الأيض شوية بس محتاجة جرعات أكبر)

- كافيين بسيط جدًا (أقل من فنجان قهوة العادي)

- شيتوزان (مفروض يقلل امتصاص الدهون.. لكن الجرعة هنا صغيرة جدا)

المشكلة ان الجرعات دي مش هي اللي الدراسات استخدمتها يعني من الآخر مش مضمون إنها تدي نفس النتايج اللي بيتكلموا عنها في الإعلانات ف ممكن نصنف الحبوب دي ك مكمل غذائي مش دوا يُعتمد عليه نهائي.

كمان لقوا ان ليها آثار جانبية زي الصداع والأرق وكمان مش معتمدة من أي هيئة صحية

كأخصائية تغذية هقولك
- مفيش حباية سحرية هتخسسك من غير نظام غذائي
- أي مكمل لازم يتاخد تحت إشراف طبي
- اللي فعلاً يفرق هو الأكل الصح + الرياضة او الحركة + متابعة مع متخصص

فـبلاش نمشي ورا اي إعلان نلاقيه لأن ممكن يعمل مشاكل تانية كتيرة جدًا
ولو في منتج ببخسس من غير رياضة او مجهود يبقى ليه الطب والرياضة والأكل الهيلثي لسه موجودين لحد الوقتي؟

أنا ملتزمة، باكل كويس، بلعب رياضة، بس وزني ثابت ليه؟ لو الجملة دي مرت على بالك، فإنتي مش لوحدك ثبات الوزن مش علامة فشل، ...
29/08/2025

أنا ملتزمة، باكل كويس، بلعب رياضة، بس وزني ثابت ليه؟

لو الجملة دي مرت على بالك، فإنتي مش لوحدك
ثبات الوزن مش علامة فشل، بالعكس، ده جزء طبيعي جداً من رحلة نزول الوزن

جسمك اصلا بيكون أذكى مما تتخيلي فا لما تقللي أكلك أو تلعبي رياضة كتير الجسم بيفهم إن في تغيير فكأنه بيقول لنفسه (استنى شوية احنا بنفقد وزن بسرعة لازم أبطّئ الحرق عشان أحافظ على الطاقة)
وده اسمه (Weight Loss Plateau)

طيب نعمل إيه؟
• غيري في الأكل: زودي وجبة، أو بدّلي نوع الأكل
• بدّلي نوع التمرين: لو بتمشي، جربي تمارين مقاومة مثلا
• نامي كويس — النوم أقل من 6 ساعات ممكن يوقف الحرق
- خدي بريك ذهني: التوتر بيأثر على جسمك أكتر مما تتخيلي
• ركزي على المقاسات مش الميزان
• والأهم: متوقفيش لأن الاستمرار هو اللي بيفرق

ومتهتميش ل الميزان اوي أهم حاجة ركزي على مقاساتك اكتر
والثبات دا طبيعي ولازم يحصل ف فترة ودا بيدل انك ماشية صح

لو مريتِ بتجربة ثبات وزن قبل كده عرفيني ازاي اتعاملتي معاه 🫶🏻

24/08/2025

إزاي ممكن التغذية تأثر على صحتك النفسية؟ 🌚

في ناس كده أول ما تخلص أكل تقولك حاسس إني عايز أنام🚶ولو سألتهم ليه؟ يقولك مش عارف يمكن الأكل كان تقيل بس اللي مش واخدين ...
11/08/2025

في ناس كده أول ما تخلص أكل تقولك حاسس إني عايز أنام🚶
ولو سألتهم ليه؟ يقولك مش عارف يمكن الأكل كان تقيل بس

اللي مش واخدين بالهم منه إن الخمول بعد الأكل مش صدفة… جسمك فعلاً بيبعتلك رسالة🌚

- ليه ده بيحصل؟

1. وجبة مليانة نشويات بيضا زي العيش الأبيض أو الرز الأبيض 🍞🍚 → ترفع السكر بسرعة وبعدها ينزل فجأة، فتحس بكسل

2. الأكل لحد الشبع الزائد → المعدة تشتغل فوق طاقتها، والدم يروح للهضم بدل المخ ف بياخد وضع السكون

3. كمان قلة شرب الماية→ حتى الجفاف البسيط يخلي الجسم يتعب أسرع🫡

4. نقص بعض الفيتامينات والمعادن زي الحديد أو B12 → يخليك تحس بتعب طول اليوم مش بعد الأكل بس

- إزاي تتجنبه؟
حاول تقسم وجباتك على مدار اليوم بدل وجبة واحدة مليانة

خلي نص طبقك عبارة عن خضار وبروتين

اشرب ماية كفاية طول اليوم

جرب تمشي 5–10 دقايق بعد الأكل، هتتفاجئ قد إيه ده بيفوقك

لو الخمول مستمر، اعمل تحاليل عشان تتأكد من الفيتامينات والمعادن🫵

وبس كدة لو عندك اي سؤال ممكن تكتبلي في الكومنتات♥️

لو قالولك هتخس ٣ كيلو ف ٣ أيام من غير أكل خالص هتوافق؟ من كام يوم صاحبتي قالتليسمعتي عن دايت الماية؟ تعالي نجربه ونشوف ه...
28/07/2025

لو قالولك هتخس ٣ كيلو ف ٣ أيام من غير أكل خالص هتوافق؟
من كام يوم صاحبتي قالتلي
سمعتي عن دايت الماية؟ تعالي نجربه ونشوف هنخس قد إيه
ساعتها استغربت شوية اللي هو يعني إيه أصلاً دايت الماية؟ وإزاي الناس بتخس عليه؟ وهل هو آمن فعلًا؟

- يعني إيه دايت الماية؟
هو إنك تمتنعي عن الأكل تمامًا، وتشربي ماية بس طول اليوم مفيش أكل ولا شاي ولا عصير ولا حتى قهوة
ماية بسس وفي ناس بتفضل كدة يومين تلاتة متخيلين؟

- طب بيخسّس فعلًا؟
هو فعلًا الجسم بينزل وزن بسرعة لأنه مش داخل له أي طاقة، فبيبدأ ياخد من مخزونه
لكن اللي بيخسه الجسم بيكون أغلبه ماية وعضلات، مش دهون فعلاً
وده بيخلي الوزن يرجع بسرعة أول ما نرجع ناكل ولا كأننا عملنا حاجة

أخطر عيوب دايت الماية
عامة هو كله عيوب اصلًا زي مثلا دايمًا هتحس بدوخة وهيوط وصداع
هيبقى في ضعف تركيز وتعب عام
ونقص سكر وأملاح
وخسارة عضلات بدل دهون
بعده ممكن الجسم يدخل في حالة نهم وتعويض، ونرجّع الوزن بسرعة جداً

غير إنه كمان مش مناسب للناس اللي عندهم أنيميا، ضغط، سكر، أو بياخدوا أدوية

- طب هل في ناس بتستفيد منه؟
هو فيه دراسات بتتكلم عن الصيام المائي لكن تحت إشراف طبي دقيق ولمدة قصيرة وبيكون له أهداف علاجية معينة
لكن مش معمول للناس تجرب لوحدها عشان تخس بسرعة وعمومًا أي نظام غذائي بيمنع الأكل تمامًا بدون إشراف طبي ممكن يكون خطر على صحتك، مش مجرد تجربة وهتعدي

عامة يعنييي
دايت الماية مش حل، ومش دايت أصلاً
الجسم محتاج أكل متوازن فيه بروتين وخضار ومصادر طاقة كويسة
وأي حاجة بتخسس بسرعة بنزيد الوزن دا تاني بسرعة

وأخييرًا
خلي دايمًا هدفك إنك تخس صح وتعيش مرتاح مش إنك تنزل بسرعة وتتعب أكتر
وبس كدة ♥️

أكيد كلكوا شوفتوا الشوكو برجر بتاع بلبناللي هو عبارة عن كريمة × شوكولاتة × براونيز × بستاشيو × كنافة × سكر × سكر × سكر 🙃...
23/07/2025

أكيد كلكوا شوفتوا الشوكو برجر بتاع بلبن
اللي هو عبارة عن كريمة × شوكولاتة × براونيز × بستاشيو × كنافة × سكر × سكر × سكر 🙃
يعني حرفيًا كمية سكر وسعرات قد كدة

بس خليني أفهمك حاجة
الحاجات دي نجربها مرة من باب الفضول؟ تمام
لكن لما تبقى عادة دا اللي غلط طبعا وجسمك مش هيعديها بالساهل

اللي بيحصل إن

- سكر الدم بيطلع فجأة وينزل فجأة → فبتحس بجوع وتعب وكسل

- جسمك بيخزن دهون زيادة، خصوصًا حوالين البطن

- ولو عندك مقاومة إنسولين أو سكر؟ فأنت كده بتزود المشكلة بإيدك

جرب؟ ماشي
استمتع؟ طبعًا
بس خليك واعي لأن في فرق كبير بين المتعة اللحظية والصحة اللي هتعيش بيها سنين

وافتكر دايمًا ان ربنا أمرنا نحافظ على صحتنا لأن جسمنا وصحتنا أمانة 💕

Address

Mansoura, Daqahlia
Mansoura

Website

Alerts

Be the first to know and let us send you an email when Dt. Norhan Mohsen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category