د كرستين نبيه اخصائيه انف واذن وحنجره

  • Home
  • Egypt
  • Minya
  • د كرستين نبيه اخصائيه انف واذن وحنجره

د كرستين نبيه اخصائيه انف واذن وحنجره استشارات الانف والأذن والحنجره
التأمين الصحي بالمنيا

*فاكر يعني إيه نفس عميق براحة؟* 😮‍💨في ناس بقالها شهور وسنين بتنام والفم مفتوح...مفكرة إن الصداع والتعب ده العادي بتاعها*...
28/07/2026

*فاكر يعني إيه نفس عميق براحة؟* 😮‍💨

في ناس بقالها شهور وسنين بتنام والفم مفتوح...
مفكرة إن الصداع والتعب ده العادي بتاعها

*لو عندك:*
✅ انسداد أنف مزمن
✅ بتصحى تعبان ومصدع
✅ مش عارف تنام كويس

فإنت محتاج تعرف السبب مش تتعايش معاه

*التنفس براحة حقك مش رفاهية*
مع التشخيص الصح بالمنظار... بنلاقي الحل المناسب
سواء حساسية، جيوب أنفية، أو انحراف حاجز أنفي

تعالى نعرف السبب سوا ونشوف العلاج اللي يريحك 👌

*د/ كرستين نبيه - أنف وأذن وحنجرة*
📞 0120 4783500
📞 0128 0352543


الحلوين دول التزموا بالتعليمات واستلموا الهدايا 😍📌 تعليمات مهمة بعد عملية استئصال اللوزتين أول 10 أيام بعد العملية مهمين...
22/07/2026

الحلوين دول التزموا بالتعليمات واستلموا الهدايا 😍
📌 تعليمات مهمة بعد عملية استئصال اللوزتين
أول 10 أيام بعد العملية مهمين جداً عشان الجرح يلم بسرعة ومن غير أي مضاعفات:
✅ المسموح:
1. سوايل ساقعة كتير: مية، عصير تفاح، جيلي، آيس كريم. السقعة بتقلل الألم والنزيف
2. أكل طري وبارد:زبادي، مهلبية، بطاطس مهروسة، شوربة باردة
واي اكل ف البيت عادي ميكونش ناشف
3. الراحة: ناموا كويس وبلاش مجهود ولعب جامد أول أسبوع
4. المواظبة على الدوا: مسكنات ومضاد حيوي في معادهم بالظبط

❌ الممنوع:
1. الأكل الناشف والحار: شيبسي، مقرمشات، ليمون، شطة، طماطم
2. المشروبات السخنة: بتزود النزيف
3. اللعب العنيف والجري لمدة 10 أيام
4. التعرض للشمس المباشرة

⚠️ امتى لازم تتصلوا بينا فوراً؟
• نزيف من الفم أو الأنف
• سخونية أعلى من 38.5 ومش بتنزل
• جفاف شديد ومش قادرين
يشربوا

ملحوظة: طبيعي جداً ألم في الأذن أول أسبوع. ده من الجرح وبيروح لوحده.

أي سؤال ابعتولنا على رسائل الصفحة وهنرد عليكم 🌸
د/ كرستين نبيه

تخيل تنام 8 ساعات وتصحي كأنك منمتش ؟ السبب ممكن يكون مناخيرك 👃تضخم غضاريف الأنف واعوجاج حاجز انفي = انسداد مزمن = نفس ضا...
13/07/2026

تخيل تنام 8 ساعات وتصحي كأنك منمتش ؟
السبب ممكن يكون مناخيرك 👃

تضخم غضاريف الأنف واعوجاج حاجز انفي = انسداد مزمن = نفس ضايع + نوم متكسر

**الغضاريف دي بتتضخم ليه؟**
زي أي حاجة في الجسم، لما تلتهب كتير بتورم:
حساسية - جيوب أنفية - تراب ودخان
الافراط ف استخدام نقط انف مزيله للاحتقان

**جسمك بيعبر ازاي ؟**
1. نفسك مكتوم حتى وانت صاحي
2. شخير بيصحيني ويصحي اللي جنبك
3. احيانا صداع وضغط على العين
4. احيانا ضعف حاسه الشم
5. فم جاف بسبب استمرار التنفس منه

الخبر الحلو: ليها حلول من اول البخاخات الموضعيه
لحد التدخل الجراحي

المشهد الكلاسيكي شخير + مخده مبلولة بيحصل احيانا في بعض البيوت ، والسبب ؟؟؟؟* "بوقك مفتوح"**ليه؟ 1. مجرى الأنف ضيق أو مس...
08/07/2026

المشهد الكلاسيكي
شخير + مخده مبلولة
بيحصل احيانا في بعض البيوت ، والسبب ؟؟؟؟

* "بوقك مفتوح"**

ليه؟
1. مجرى الأنف ضيق أو مسدود → الجسم يدور على بديل = التنفس من الفم
2. تدخلي في النوم العميق → عضلات وشك ترخي → بوقك يفتح على الآخر
3. الجاذبية تشتغل → اللعاب اللي المفروض يتبلع ينزل على المخدة
4. احيانا مشاكل الاسنان
5 . ارتجاع المرئ
6 . سبب عصبي

**إمتى الشخير واللعاب بيزيدوا؟**
🔸 نومة الضهر: اللسان بيرجع لورا ويقفل مجرى النفس
🔸 برد أو حساسية: الأنف مقفلة 100%
🔸 إرهاق شديد: الجسم يرتخي زيادة عن اللزوم

**3 حلول سريعة تفرق:**
1. نام على جنبك - حطي مخدة ورا ضهرك عشان متتقلبيش
2. ارفعي راسك بمخدة مناسبة - بتفتح مجرى الهوا
3. عالجي الأنف لو فيها مشكله

"ليه اللحمية احيانا ممكن تكون سبب من اسباب التبول الاارادي ؟؟؟"*كتير أمهات بتسألني: ايه علاقة الأنف بالتبول؟! 🤔تعالي أ...
06/07/2026

"ليه اللحمية احيانا ممكن تكون سبب من اسباب التبول الاارادي ؟؟؟"*

كتير أمهات بتسألني: ايه علاقة الأنف بالتبول؟! 🤔

تعالي أشرحها ببساطة في 3 نقاط:

*1. لما اللوز واللحمية يكبروا*
بيقفلوا مجرى النفس. الطفل يبدأ يتنفس من بقه ويشخر جامد.
ده اسمه `Sleep Apnea` = انقطاع النفس أثناء النوم.

*2. النوم بيتقطع والأكسجين بيقل*
المخ طول الليل صاحي بيحاول "يتنفس"
فبيفرز هرمونات غلط. أهمهم هرمون اسمه ADH اللي مسؤول يقلل البول بالليل.
لما يقل... الكلى بتطلع بول كتير.

*3. ضغط على المثانة*
الشخير والنفس بصعوبة بيعملوا ضغط سلبي جوه الصدر.
الضغط ده بيوصل للمثانة ويخليها تفضي لوحدها.

*النتيجة:* طفل بيتبول كل ليلة... والمثانة سليمة 100%
وبياخد علاج مخ واعصاب ع الفاضي
ومتشخص انه عنده املاح

*امتى أشك إن ممكن يكون السبب أنف وأذن؟*
لو مع التبول فيه:
✅ شخير
✅ نوم بفم مفتوح
✅ صحيان كتير بالليل
✅ تعب وتركيز ضعيف في المدرسة
✅ شكل "Adenoid Face"
في حالات معينه التبول بيقف لوحده بعد العملية بدون ولا دوا.

---
*دكتورة كرستين نبيه*
أخصائي الأنف والأذن والحنجرة

الحمد لله 🙏أبطالنا الحلوين دول عملوا عملية اللوز الأسبوع اللي فات وجايين النهاردة يستلموا الهديه 🥰دايماً بنحرص إن الطفل ...
06/06/2026

الحمد لله 🙏
أبطالنا الحلوين دول عملوا عملية اللوز الأسبوع اللي فات وجايين النهاردة يستلموا الهديه 🥰

دايماً بنحرص إن الطفل يدخل العمليات وهو مطمن ويتابع معانا وهو مبسوط ❤️
اللوز مش دايماً بتتشال! بس لو الالتهاب بيتكرر 5-6 مرات في السنة، أو عامل صعوبة في البلع والنوم... وقتها التدخل الجراحي بيكون الحل الأمثل عشان الطفل يرجع مرتاح وياكل وينام كويس.

لو ابنك بيعاني من نفس المشكلة، شرفنا في العيادة نطمن عليه سوا.
د. كرستين نبيه
أخصائي أنف وأذن وحنجرة
للحجزوالاستفسار :
0120 4783500
0128 0352543

24/04/2026

لو محتار مش عارف طفلك بيعيط ليه
اسمع الفيديو ده
#صحتك
د كرستين نبيه

21/04/2026

#صحتك تهمنا

🔔 ليه بسمع صفارة في وداني ومفيش صوت؟الطنين مش مرض... ده عرض. مخك بيخترع صوت عشان يعوض خلايا السمع اللي اتضررت من دوشة، س...
20/04/2026

🔔 ليه بسمع صفارة في وداني ومفيش صوت؟
الطنين مش مرض... ده عرض. مخك بيخترع صوت عشان يعوض خلايا السمع اللي اتضررت من دوشة، سن، أو أدوية.
4 حاجات بتزود الطنين عند معظم الناس:
1. الهدوء التام ← الحل: شغل مروحة أو "ضوضاء بيضاء"
2. القهوة والملح الزيادة ← قللهم يومين وشوف الفرق
3. التوتر وقلة النوم ← جرب تمارين تنفس قبل النوم
4. شمع الأذن ← بلاش أعواد القطن، استخدم نقط تليين
امتى تقلق وتروح لدكتور فوراً؟
• لو الطنين في ودن واحدة بس ممكن يكون ورم حميد ع العصب السمعي
• لو معاه دوخة أو ضعف سمع مفاجئ
• لو الصوت ماشي مع نبض قلبك لازم نكشف اوعيه دمويه
لو المعلومه بتفيدك ابعتها لحد تاني يستفاد منها
د كرستين نبيه
اخصائي انف واذن وحنجره

البوست ده مهم جدا جدا اليومين دول 😷😷الإنفلونزا A الأكثر شيوعاً من فيروسات الإنفلونزا اعراضها ايه ؟ حمى: أعلى من 38 درجة...
20/12/2025

البوست ده مهم جدا جدا اليومين دول
😷😷
الإنفلونزا A الأكثر شيوعاً من فيروسات الإنفلونزا
اعراضها ايه ؟
حمى: أعلى من 38 درجة مئوية، وقشعريرة.
سعال: جاف ومتكرر.
صداع: شديد.
آلام: في العضلات والمفاصل.
تعب: وإرهاق عام.
احتقان: أو سيلان الأنف.
التهاب: الحلق.
أعراض متعلقه بالجهاز الهضمي مثل الغثيان، القيء، أو آلام البطن (خاصة عند الأطفال).
ازاي بيحصل العدوي
؟؟
عن طريق الهواء (القطيرات عند السعال أو العطس).
لمس الأسطح الملوثة ثم لمس العين، الأنف، أو الفم.
تستمر العدوى من يوم قبل ظهور الأعراض حتى 5-7 أيام بعدها.
الوقاية والعلاج
النظافة الشخصية: غسل اليدين بانتظام بالماء والصابون أو استخدام المطهر.
تغطية الفم والأنف: عند السعال أو العطاس (بمنديل أو الكوع).
العزل المنزلي: عند الشعور بأعراض الإنفلونزا لمنع انتشار الفيروس.
الأدوية المضادة للفيروسات: يصفها الطبيب، خاصة للحالات الشديدة أو المعرضين للمضاعفات، وتكون أكثر فعالية إذا بدأت مبكراً.
تجنب المخالطة: مع المصابين والأسطح المشتركة.
متى يجب زيارة الطبيب
في بداية ظهور الأعراض لتقييم الحالة وتحديد العلاج المناسب وتجنب المضاعفات، خاصة إذا كنت من الفئات المعرضة للخطر (كبار السن، الأطفال الصغار، مرضى القلب، أو نقص المناعة

Address

ش الابراهيميه بجوار صيدليه عادل ومونجيني
Minya
2422998

Website

Alerts

Be the first to know and let us send you an email when د كرستين نبيه اخصائيه انف واذن وحنجره posts news and promotions. Your email address will not be used for any other purpose, and you can unsubscribe at any time.

Shortcuts

Share

Category