د/هاجر محسن استشاري الاشعة التشخيصية و فحوصات الثدي

22/08/2026

الحكاية المرة دي مختلفة… لأنها تخص كل بنت وست، وصحة تستحق مننا اهتمام أكبر. 🎀

في حلقة جديدة من «حكاية ورم»، استضفنا د. هاجر محسن – استشاري الأشعة التداخلية وفحوصات الثدي،
، واتكلمنا عن حاجات كتير ممكن كل واحدة فينا تسأل عنها:

هل الماموجرام مهم فعلًا؟
إمتى أبدأ أعمله؟
وهل لازم يكون عندي أعراض علشان أروح أكشف؟
وإيه اللي ممكن يفرق فيه الكشف المبكر؟ 👀

حلقة فيها معلومات مهمة، وتصحيح لمفاهيم كتير… والأهم إنها رسالة لكل ست: اهتمي بنفسك قبل ما جسمك يطلب منك الاهتمام. 🌷

🎧 شوفوا الحلقة الجديدة من «حكاية ورم»
للحجز والاستعلام يرجى الاتصال على الرقم 01031865446

برعايه مركز المحسن لعلاج الأورام و صفحه محاربي السرطان
مع بعض… بنحكي، بنوعي، وبنطمن. ❤️
#الماموجرام

20/08/2026

Stay tuned 🤩😉😉
With my dearest ❤️
مركز المحسن

Accompanied by the leader Nada Eltarabily 🥰🌸

حلقة ممتعة بإذن الله عن الأشعة التداخلية ودورها في علاج وتشخيص أمراض الثدي 🎀
من التشخيص الدقيق… إلى دور الأشعة التداخلية في رحلة المريضة

انتظرونا… وحلقة تستحق المشاهدة ❤️

02/08/2026

biopsy safe procedure🤗

02/08/2026

✨

سحب العيّنة لا يسبب انتشار الورم ❌
سحب العيّنة لا ينشر الورم ❌

كلاكيت تالت مرة 😂

سحب العيّنة إجراء آمن وضروري للتشخيص الصحيح ✔️

دمتن سالمات 😍
متأجلوش سحب العيّنة 🙏
#طمّني 🤝🤗

20/07/2026

18/07/2026

متخافيش تعملي فحص الثدي، ومتخافيش تاخدي عينة لو محتاجة 💗
لأن الكشف المبكر هو الأهم، ونسبة الشفاء في المراحل الأولى من سرطان الثدي بتوصل إلى ٩٩٪؜ طبقًا للإحصائيات العالمية.

اطمني واهتمي بنفسك دايمًا 🌸
دمتن سالمات
د/ هاجر محسن

02/07/2026

مساء الخير 🌷🌷
اماكن التواجد الفترة القادمة اش الله :

السبت :من ٥-٧ م.

سمارت سكان (امام بنك الدم برج سلمى الدور الاول)

السبت :من ٨-١٠ م.

لايف سكان (الثلاثيني- مستشفى بن سينا سابقا)

الثلاثاء :من ٧-٩م.

م اللوتس ( المعلمين سابقا-ميدان ستيلنجراد)

دمتن سالمات 😍😍
د/هاجر محسن
استشاري اشعة تشخيصية
اخصائي اشعة تداخلية

24/06/2026

مساء الفل🌹🌹
كل سنة و انتوا طيبين ❤️❤️

سألتني صديقة :
هل في علاقة بين حبوب منع الحمل وسرطان الثدي؟ 🤔

الحقيقة إن ده سؤال مهم جدًا 👌

للأسف بنقابل سيدات كتير بيستخدموا حبوب منع الحمل لفترات طويلة بدون متابعة، وبنكتشف بعد كده وجود كتلة غير حميدة في الثدي 😥

📊 الدراسات بتوضح إن:
في زيادة (٢٠-٢٥٪؜) في خطر الإصابة بسرطان الثدي أثناء استخدام حبوب منع الحمل، وقد تستمر لفترة قصيرة بعد التوقف.

❓ طيب لو بطلتها؟
الخبر الجيد إن الخطر بيقل تدريجيًا، وغالبًا بيرجع لمستواه الطبيعي بعد حوالي 5–10 سنوات من التوقف 🤝

❓ هل طول مدة الاستخدام بيفرق؟
آه، الاستخدام لفترات طويلة (خصوصًا أكتر من 10 سنين) بدون متابعة طبية يزيد من الخطر نسبيًا.

❓ هل كل الأنواع زي بعض؟
الإجابة: لا 👇

🔹 الحبوب التي تحتوي على بروجسترون فقط (Progestin-only pills):
الدليل على ارتباطها بسرطان الثدي غير مؤكد.

🔹 الحبوب المركبة (Combined OCPs) واللولب الهرموني:
في ارتباط بزيادة في خطر الإصابة.

🔹 الحقن والكبسولات:
الأدلة الحالية لا تشير لزيادة واضحة في الخطر.

✨ نقطة مهمة:
حبوب منع الحمل لها فوائد أيضًا، منها تقليل خطر الإصابة بسرطان المبيض والرحم (وقد تقلل من سرطان القولون).

📌 الخلاصة:
حبوب منع الحمل آمنة لمعظم السيدات، لكن لازم استخدامها يكون تحت إشراف طبي ومتابعة منتظمة خاصة السيدات التي لديها بالفعل عوامل خطورة قد تؤدي للاصابة بسرطان الثدي

دمتن سالمات🌷🌷
# متتحرجيش تحكي مشكلتك🤝🤝

17/06/2026

مساء الخير 🌸

🩺 Transperineal Ultrasound (TPUS)
أو فحص قاع الحوض لدى السيدات

✨ فحص دقيق – آمن – بدون ألم

بيُستخدم لتشخيص الحالات التالية:
• سلس البول
• مشاكل ما بعد الولادة
• هبوط الرحم (سقوط الحوض)

💡 كتير من المشاكل دي بتتكرر…
مش لأنها صعبة، لكن لأننا أحيانًا ما بنطلبش الفحص المناسب للتشخيص الصحيح

اطمني على نفسك بخطوة بسيطة ✔️

👩‍⚕️ د/ هاجر محسن
استشاري أشعة تشخيصية

📍 للحجز: مركز سمارت سكان
🗓️ السبت – الساعة ٥ مساءاً@

15/06/2026

مساء الفل🌷🌷

مش كل الم معناه سرطان و مش كل سرطان معناه الم 🧐🧐

بتيجي سيدات كتير يبقى عندها كتلة ظهرت من فترة بس يا دكتورة مكنتش بتوجعني فسيبتها 🤐

اصل يا دكتورة معنديش الم فالثدي🥹🙈

فالحقيقة ان الالم لوحده مش علامة لسرطان الثدي 🫢🫢

👈🏻👈🏻طيب ايه العلامات الي تخلينا نكشف ؟؟

- ظهور كتلة مكنتش موجودة قبل كده
- افرازات من الحلمة ( مدممة او شفافة)
- تغير في لون او سمك الجلد
-تغير في شكل الحلمة

العلامات دي واحدة منهم تخلينا نتوجه فورا للكشف المبكر
دمتن سالمات 🌷
د/هاجر محسن