صيدلية د نهال بهاء - Dr Nehal Bahaa pharmacy

  • Home
  • Egypt
  • Qalyub
  • صيدلية د نهال بهاء - Dr Nehal Bahaa pharmacy

صيدلية د نهال بهاء - Dr Nehal Bahaa pharmacy Contact information, map and directions, contact form, opening hours, services, ratings, photos, videos and announcements from صيدلية د نهال بهاء - Dr Nehal Bahaa pharmacy, Medical and health, كفر شبين شارع المنشيه الجديده امام عياده د طاهر خفاجى, Qalyub.

📍 كفر شبين – شارع المنشية الجديدة
أمام عيادة د/ طاهر خفاجي

💄 متخصصة في الصحة والتجميل
✔️ عروض وخصومات على منتجات التجميل
✔️ نصائح صيدلانية موثوقة
✔️ رعاية طبية مميزة

📲 واتساب: 01273357970

☀️ Tip الصبح من د. نهال 💊مش كل دوا يتاخد بعد الفطار!في أدوية امتصاصها بيكون أفضل وهي على معدة فاضية 👇💊 Euthyrox / Levoth...
09/09/2026

☀️ Tip الصبح من د. نهال 💊

مش كل دوا يتاخد بعد الفطار!
في أدوية امتصاصها بيكون أفضل وهي على معدة فاضية 👇

💊 Euthyrox / Levothyroxine
قبل الفطار بـ 30–60 دقيقة.

💊 Fosamax / Alendronate
على معدة فاضية، بمية فقط، والانتظار 30 دقيقة قبل الأكل.

💊 Controloc / Pantoprazole
يفضل قبل الأكل بـ 30–60 دقيقة.

💊 Omez / Omeprazole
يفضل قبل الأكل.ب 30 دقيقة

💊xithrone / azithromycin
قبل الاكل ب 15 دقيقة

📌 ملحوظة مهمة: طريقة الاستخدام ممكن تختلف حسب المادة والشكل الدوائي، و الحاله الصحيه لكل مريض فدايمًا اسأل الصيدلي.

❤️ لو محتار دواءك يتاخد إمتى، ابعتلنا اسمه ود. نهال تقولك.

#صحه
#صيدلية

لو صيدلية د. نهال بهاء كانت موجودة في التمانينات… كانت هتبقى كده 👀😂💊نفس المكان… نفس حب المهنة…بس بدل الـ QR Code والـ Wh...
08/09/2026

لو صيدلية د. نهال بهاء كانت موجودة في التمانينات… كانت هتبقى كده 👀😂💊

نفس المكان… نفس حب المهنة…
بس بدل الـ QR Code والـ WhatsApp كان هيبقى فيه دفتر الحساب والقلم الرصاص والتليفون الأرضي 😂☎️


#صيدلية

مصل الانفلونزا influvac 2026/2027 متوفر الان في صيدلية د نهال بهاء 💕🩺 لقاح الإنفلونزا – Influvacمع دخول الشتاء، بتزيد حا...
08/09/2026

مصل الانفلونزا influvac 2026/2027
متوفر الان في صيدلية د نهال بهاء 💕

🩺 لقاح الإنفلونزا – Influvac

مع دخول الشتاء، بتزيد حالات البرد والإنفلونزا،
وطبعًا المناعة ساعات بتكون مش في أحسن حالها…
وهنا بييجي دور لقاح الإنفلونزا Influvac كأفضل وسيلة وقاية في الموسم ده.

اللقاح مش بيسبب الإنفلونزا لأنه معمول من أجزاء غير حية من الفيروس.
💊الجرعه :-

❌ لا يأخذ قبل 6 شهور

🔥 الحقنة كاملة (0.5 مل) لأى عمر فوق ٦ شهور

📌 تأخذ سنويا ( جرعة واحده )

📌 ماعدا ف الاطفال من 6 شهور ل 9 سنوات .. في اول مره ياخدوا فيها التطعيم بياخدوا (جرعتين بينهم شهر) وبعدين عادي ياخدو (جرعة واحده سنويا )

📅 إمتى ناخده؟
الوقت المثالي من شهر سبتمر لحد ديسمبر،
عشان جسمك يكون مناعة قبل موسم الذروة.
وبيتاخد مرة واحدة كل سنة لأن الفيروس بيتغير كل موسم.

👨‍⚕️ مين محتاجه أكتر؟

👴 كبار السن
❤️‍🔥 أصحاب الأمراض المزمنة (سكر – ضغط – قلب – صدر)
🤰 السيدات الحوامل
👶 الأطفال من بعد 6 شهور (بعد استشارة الطبيب)
👩‍⚕️ العاملين في المستشفيات، الصيدليات، المدارس أو الأماكن الزحمة

---

🚫 موانع الاستخدام
-اللي عنده حساسية شديده من مكونات اللقاح
-اللي عنده سخونية أو عدوى وقت التطعيم (يستنى لما يخف).

-اللي بياخد أدوية بتضعف المناعة لازم يستشير الدكتور الأول.

💪 فوائد اللقاح:
✅ يقلل خطر الإصابة بالإنفلونزا.
✅ يخفف شدة الأعراض لو حصلت العدوى.
✅ يحمي اللي حواليك، خصوصًا الكبار والأطفال.

صحتك و صحة عيلتك اهم💕

#لقاح

🚨 بتاخد Ciprofloxacin⁉️5 حاجات لازم تعرفهم قبل ما تاخد الجرعة🚨🚨المضاد ده له شوية تعليمات مهمة جدًا… خلي بالك 👇 🚨 لو بتاخ...
07/09/2026

🚨 بتاخد Ciprofloxacin⁉️
5 حاجات لازم تعرفهم قبل ما تاخد الجرعة🚨

🚨المضاد ده له شوية تعليمات مهمة جدًا… خلي بالك 👇
🚨 لو بتاخد أدوية مزمنة، خصوصًا مادة tizanidine الموجوده في باسط العضلات sirdalud أو مادة warfarin الموجوده في ال marevan أو مادة theophylline الموجوده في Quibron ، لازم الصيدلي يعرف قبل صرفه.

🥛 اللبن والزبادي؟
متاخدش الجرعة مع اللبن أو الزبادي لوحدهم؛ الكالسيوم ممكن يقلل امتصاص السيبروفلوكساسين.
ولو بتاخد حديد، كالسيوم، ماغنسيوم، زنك أو مضادات حموضة → لازم تفصلهم عن الجرعة حسب تعليمات الصيدلي

☀️ الشمس؟
السيبروفلوكساسين ممكن يزيد حساسية الجلد للشمس والـUV. قلل التعرض المباشر للشمس، خصوصًا لفترات طويلة، ولو ظهر طفح أو تفاعل يشبه حرق الشمس كلم طبيبك.

🦵 أهم تحذير!
لو ظهر ألم أو تورم مفاجئ في وتر، خصوصًا عند الكعب، أو ضعف في حركة المفصل → أوقف المجهود وتواصل مع الطبيب فورًا. خطر مشاكل الأوتار أعلى عند كبار السن ومع استخدام الكورتيزون.

🧠 تنميل أو حرقان أو وخز؟
دي أعراض لازم تبلغ عنها الطبيب بسرعة لأنها قد تشير لاعتلال بالأعصاب الطرفية.

⚠️ ومتنساش:
Ciprofloxacin مش مضاد حيوي لأي التهاب، ومش بيعالج البرد والفيروسات. استخدامه لازم يكون للعدوى المناسبة وبوصفة طبية.

💗 … ممكن تمنع مشكلة كبيرة.

📌 احتفظ بالبوست وابعتُه لأي حد بياخد Ciprofloxacin.

🚨جسمك بيسخن فجأه و مش قادره تاخدي نفسك و نهجان سريع !ووشك يحمر فجأة والعرق ينزل من غير سبب؟🥵ممكن تكون دي الهبّات الساخنة...
06/09/2026

🚨جسمك بيسخن فجأه و مش قادره تاخدي نفسك و نهجان سريع !

ووشك يحمر فجأة والعرق ينزل من غير سبب؟🥵

ممكن تكون دي الهبّات الساخنة… ومش لازم تستحمليها! ❤️

الهبات الساخنة من أشهر الأعراض اللي ممكن تظهر أثناء مرحلة ما قبل انقطاع الطمث وبعده، وبتحصل غالبًا بسبب التغير وانخفاض مستوى الإستروجين وتأثيره على مركز تنظيم حرارة الجسم في المخ.

فتلاقي فجأة:

🔥 إحساس شديد بالحرارة يبدأ في الوجه أو الصدر
❄️ وبعدها أحيانًا إحساس بالبرد أو القشعريرة
❤️ خفقان أو زيادة ملحوظة في ضربات القلب عند بعض السيدات
🌙 وممكن تكون الهبات الليلية سبب في اضطراب النوم والإرهاق و القلق من نص النوم

️ ⏱️بتستمر قد إيه؟

النوبة الواحدة ممكن تستمر من ثوانٍ إلى عدة دقائق، وتتكرر أكثر من مرة خلال اليوم أو الليل، وتختلف شدتها جدًا من سيدة للتانية.

⁉️ طب ليه بتحصل؟

مع اقتراب انقطاع الدورة، يبدأ مستوى الإستروجين في التغير والانخفاض.

وده ممكن يخلي مركز تنظيم حرارة الجسم في المخ أكثر حساسية للتغيرات البسيطة في درجة الحرارة.

يعني جسمك ممكن يتعامل مع تغير بسيط جدًا وكأنه “حرارة زيادة” → فيبدأ الجسم في محاولة تبريد نفسه عن طريق التعرق وتوسيع الأوعية الدموية.

🥺 طيب أعمل إيه عشان أخففها؟

ابدئي بالحاجات البسيطة:

👚 ملابس خفيفة وطبقات تقدري تخلعيها بسهولة.
❄️ خلي الجو بارد نسبيًا خصوصًا أثناء النوم.
🌀 استخدمي مروحة أو وسيلة تبريد عند الحاجة.
☕ قللي الكافيين
🌶️ قللي الأطعمة الحارة
🏃‍♀️ النشاط البدني المنتظم والحفاظ على وزن صحي ممكن يساعدان في تحسين الأعراض.
😴 اهتمي بالنوم وحاولي تقللي التوتر

🤬 ولو الأعراض مزعجة؟

فيه اختيارات مختلفة حسب شدة الأعراض وحالتك

🌿 Klimadynon
يحتوي على مستخلص Black Cohosh (Cimicifuga)، وقد يساعد في تخفيف بعض أعراض سن اليأس مثل الهبات الساخنة والتعرق.

🌸 Primrose Plus
يحتوي على Evening Primrose Oil + Vitamin E، ويُستخدم كمكمل داعم لأعراض سن اليأس.

⚠️ مش كل علاج مناسب لكل ست.
ولو الهبات شديدة أو مأثرة على النوم والحياة اليومية، فيه علاجات أخرى أكثر فعالية، منها العلاج الهرموني في الحالات المناسبة، ويُحدد الطبيب الأنسب بعد تقييم الحالة.

💗 سن اليأس مرحلة طبيعية… لكن المعاناة الشديدة مش حاجة لازم تستحمليها.

اسألي دكتورك أو الصيدلي عن الاختيار الأنسب ليكي.

📍 احفظي البوست وابعتيه لست محتاجة تعرف المعلومة دي




#استروجين

🚨 لو بتاخد واحد من الأدوية دي… ماتعملش Scroll قبل ما تقرأ!في دواء بتاخده كل يوم، وحاسس إنك بقيت كويس…فتقرر تقول: "خلاص، ...
05/09/2026

🚨 لو بتاخد واحد من الأدوية دي… ماتعملش Scroll قبل ما تقرأ!

في دواء بتاخده كل يوم، وحاسس إنك بقيت كويس…
فتقرر تقول: "خلاص، هوقفه." 💊

❌ وهنا ممكن تبدأ المشكلة!

لأن بعض الأدوية إيقافها فجأة ممكن يسبب أعراض انسحاب، رجوع الأعراض، أو مضاعفات صحية.

👀 تفتكر واحد من الأدوية اللي في الصور موجود عندك؟
شوف الـCarousel للآخر واعرف إيه الأدوية اللي محتاجة حذر عند إيقافها.

⚠️ مهم: مش كل دواء لازم يتوقف تدريجيًا، وطريقة الإيقاف بتختلف حسب الدواء والجرعة ومدة الاستخدام.

❤️ قبل ما توقف أي دواء بتاخده بانتظام: اسأل طبيبك أو الصيدلي.

📌 Save البوست عشان ترجعله وقت ما تحتاجه
↗️ وابعته لحد بيوقف أدويته من نفسه.

#صيدلية #أدوية #صيدلي

02/09/2026

� «ضغطي بقى طبيعي يا دكتوره و وقفت دوا الضغط خلاص انا مش محتاج دوا!»

الجملة دي بنسمعها كتير جدًا…
لكن للأسف، ممكن تكون بداية غلطة كبيره. 👀

خلينا نفهمها ببساطة 👇🏻

🩺 لما ضغطك يبقى 120/80 أو 130/80 وأنت بتاخد علاج الضغط، ده معناه إيه؟

غالبًا معناه إن العلاج مسيطر على ضغطك بشكل كويس ✅
مش بالضرورة إن ارتفاع الضغط اختفى.

ودي نقطة مهمة جدًا لأن ارتفاع ضغط الدم ممكن يرجع بعد إيقاف العلاج، والأهم إن الضغط ممكن يرتفع من غير ما يسبب أي أعراض واضحة.

يعني ممكن تقول:
🗣️ «أنا حاسس إني كويس ومفيش صداع ولا دوخة… يبقى ضغطي تمام.»

لكن الحقيقة؟
إحساسك مش مقياس دقيق لضغط الدم.
الطريقة الأدق هي القياس والمتابعة.

⚠️ وإهمال ارتفاع الضغط لفترات طويلة او ايقاف الدوا فجأه بدون استشارة الطبيب ليه مضاعفات خطيرة، منها:
🧠 السكتة الدماغية
❤️ أمراض القلب والجلطات
💔 ضعف عضلة القلب
🫘 تلف ومشاكل الكلى

ــــــــــــــــــــــــــــ

💡 طيب هل معنى كده إن علاج الضغط لازم يستمر بنفس الجرعة مدى الحياة؟

مش بالضرورة.

بعض المرضى، مع تحسن مستمر في قراءات الضغط، والالتزام بنمط حياة صحي والسيطرة على عوامل الخطورة، ممكن الطبيب يقرر تقليل الجرعة أو إيقاف بعض الأدوية.

لكن القرار ده بيتاخد بناءً على متابعة وتقييم للحالة، مش لمجرد إن كام قراءة طلعت طبيعية.

👩🏻‍⚕️ يعني ببساطة:

ضغطك طبيعي وأنت ملتزم بالعلاج؟
✅ ممتاز… غالبًا العلاج بيعمل شغله.

ضغطك بقى طبيعي فقررت توقف الدواء من نفسك؟
❌ هنا المشكلة.

ما توقفش علاج الضغط ولا تغيّر الجرعة من نفسك.

لأن الهدف مش إننا نشوف رقم حلو على جهاز الضغط…
🎯 الهدف إن الضغط يفضل متحكم فيه بأمان على المدى الطويل.

📌 معلومة من صيدلية د. نهال بهاء
ولو تعرف حد بيقول: «أنا بطلت دوا الضغط علشان بقيت كويس»
ابعتله البوست… يمكن معلومة بسيطة تحميه من قرار غلط.
#الضغط
#صيدليه
#صحه

💊زنكترون؟ أوكتاترون؟ ولا فيتاترون؟ 🤔لو محتار تختار أنهي واحد، فالموضوع مش إن واحد فيهم «أحسن» من التاني… كل تركيبة معمول...
29/08/2026

💊زنكترون؟ أوكتاترون؟ ولا فيتاترون؟ 🤔
لو محتار تختار أنهي واحد، فالموضوع مش إن واحد فيهم «أحسن» من التاني… كل تركيبة معمولة لهدف مختلف 👇

🟢 Zinctron | زنكترون
اختيار مناسب لما يكون التركيز الأساسي على الزنك والمناعة والشعر والبشرة ✨
✔️ دعم وظائف المناعة
✔️ دعم صحة الشعر والأظافر والجلد
✔️ مناسب في حالات نقص الزنك
🔸 تركيبته بتجمع بين الزنك والنحاس وفيتامين C وB6 والبيوفلافونويدز.

🟠 Octatron | أوكتاترون
لو عايز تركيبة أوسع تهتم بـ الشعر والبشرة والطاقة ومضادات الأكسدة 💪✨
✔️ دعم صحة الشعر والبشرة والأظافر
✔️ المساعدة في مقاومة الإجهاد التأكسدي
✔️ دعم النشاط والحيوية
✔️ يحتوي على عناصر غذائية مرتبطة بدعم الصحة العامة والخصوبة
🔸 بيجمع فيتامينات ومعادن مخلبية + أحماض أمينية + بيوفلافونويدز.

🔵 Vitratron | فيتاترون
وده أقرب لفكرة المالتي فيتامين والمعادن الشامل 💙
✔️ دعم الجسم أثناء فترات الإجهاد والنقاهة
✔️ مناسب عند زيادة الاحتياج للفيتامينات والمعادن
✔️ دعم الطاقة والتغذية بشكل عام
🔸 يحتوي على مجموعة واسعة من الفيتامينات والمعادن.

🎯 ولو هنختصرهالك في 3 اختيارات:
🟢 تركيزك على الزنك + المناعة + الشعر والبشرة → Zinctron
🟠 عايز تركيبة متنوعة للشعر والبشرة + مضادات أكسدة + نشاط → Octatron
🔵 محتاج دعم غذائي شامل بفيتامينات ومعادن متعددة → Vitratron

⚠️ ملحوظة من د. نهال: اختيار المكمل مش بيكون بالاسم أو عدد المكونات بس؛ الأفضل يتحدد حسب السن، التغذية، الأعراض وأي نقص مثبت بالتحاليل

#فيتامينات
#صحه
#صيدلية

28/08/2026

🚨 **لو حد قدامك بيختنق… متضيعش ثانية!** 😨

في لحظة الاختناق الشديد، الشخص ممكن **مايقدرش يتكلم، ولا يكح، ولا يتنفس**… وهنا كل ثانية بتفرق! ⏱️

❌ **ماتديلوش مية**
❌ **وماتدخلش صوابعك في بقه بشكل عشوائي**
✅ والأهم: **اطلب الإسعاف فورًا.**

لكن لحد ما المساعدة توصل، لازم تعرف تتصرف صح.
في الفيديو ده هنعرضلك **بالخطوات إزاي تتعامل مع الاختناق الشديد عند الشخص البالغ أو الطفل الواعي**، وإزاي تبدّل بين ضربات الظهر والضغطات البطنية بشكل صحيح.

🎥 **اتفرج على الفيديو للآخر… واحفظه، ممكن في يوم ينقذ حياة شخص قدامك. ❤️**

🚑 **وتالت حلقة من سلسلة «إنقاذ كل يوم جمعة» من صيدلية د. نهال**
كل جمعة معلومة بسيطة… ممكن تعمل فرق كبير وقت الطوارئ.

📌 **شير الفيديو لحد ممكن يحتاج المعلومة دي.**
#الاختناق #هيمليك

🚨 قطرة اوترڤين… مش كل ما الأنف ينسد نستخدمها! 👃💊لو حسيت إن مناخيرك مقفولة، استخدمت Otrivin وارتحت...وبعد كام ساعة الانسد...
26/08/2026

🚨 قطرة اوترڤين… مش كل ما الأنف ينسد نستخدمها! 👃💊

لو حسيت إن مناخيرك مقفولة، استخدمت Otrivin وارتحت...

وبعد كام ساعة الانسداد رجع، فقمت مستخدمها تاني...

وبقيت بعد فترة تقول:
"أنا مش عارف أتنفس من غير القطرة!" 😰

هنا لازم نقف شوية. 👇

💡 لأن استخدام قطرات مزيلة احتقان الأنف لفترات طويلة ممكن يعمل مشكلة اسمها:

Rebound Nasal Congestion

يعني إيه؟

القطرة بتديك راحة مؤقتة لأنها بتعمل علي انقباض الأوعية الدموية الموجودة في بطانة الأنف، فالتورم يقل والأنف يفتح.

لكن مع الاستخدام المتكرر أو لفترة أطول من الموصى بها، ممكن يحصل العكس بعد انتهاء مفعولها:

وتدخل في دايرة اسمها:
🔄 Rebound congestion

⚠️ ومع الاستخدام الكتير ممكن يحصل:
• جفاف وتهيج في الأنف.
• احتقان مزمن.
• تضخم في غضاريف الانف

🤔 طيب نعمل إيه لو الأنف مسدود؟

لازم اعرف السبب.

هل:
🤧 حساسية؟
🤒 برد؟
👃 التهاب جيوب انفيه؟

لأن القطرة ممكن تفتح الأنف مؤقتًا، لكنها مش بالضرورة تعالج سبب الانسداد.

ولو لقيت نفسك محتاجها كل يوم علشان تعرف تتنفس...
متزودش الجرعة ومتكملش عليها من نفسك.و ارجع لدكتورك مره تانيه😍

💊
#احتقان


Nehal Bahaapharamcy

Address

كفر شبين شارع المنشيه الجديده امام عياده د طاهر خفاجى
Qalyub
012

Website

Alerts

Be the first to know and let us send you an email when صيدلية د نهال بهاء - Dr Nehal Bahaa pharmacy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category