02/09/2026
#حاسس بألم فى معدتى انزل يابنى هاتلى أكياس فوارة للحموضة من الصيدلية أو بالكتير ( اوميبرازول أو رانتدين ).
#زى ما وعدتكم ده أول بوست حاكتبه خاص بموضوع فى غاية الأهمية وهو ٱلام فم المعدة و كيف أننا يجب أن نتعامل مع الأمر بجدية شديدة لأنه قد يخفى أشياء فى غاية الخطورة.
#زى ما فيه أسباب بسيطة لٱلام فم المعدة مثل ( أعراض عسر الهضم و ارتجاع المرىء و التهاب جدار المعدة و فتق الحجاب الحاجز )
#لكن فيه أسباب خطيرة للغاية كلها بتدى تقريبا نفس الأعراض( ألم فى فم المعدة ).
#عندنا قاعدة فى الطب ( دائما نتوقع الأسوء الذى يهدد حياة الإنسان بشكل مباشر و يجب أن نستبعده أولا ).
#الأزمات القلبية، هل تتخيل أن أحد أهم أسباب ألم فم المعدة هو الأزمات القلبية ( طبعا بيبقى الألم مصحوب بتعرق و ضيق في التنفس و لذا لا يمكن أن نأخذ الأمور ببساطة ( يعنى مش أول ما نحس بألم نجرى ناخد مضادات الحموضة ), نجرى على دكتور باطنة وقلب يعمل لنا ( رسم قلب و إيكو )
#السبب التانى و هو أيضا خطير #التهاب البنكرياس الحاد و ده عادة بيحصل للناس ال عندهم حصوات مرارة أو مدمنى الكحوليات.، الألم بتاعه بيبقى مسمع فى الضهر.
#ده طبعا تشخيصه شغلتى أنا ( سونار على البطن بس عايز حد محترف ) أو فى بعض الأحيان بنلجأ للرنين المغناطيسي.، و طبعا معاهم تحليل انزيمات بنكرياس ( أميليز و ليبيز ).
#حصوات و التهابات المرارة على عكس ما الناس بتتصور ٱلام المرارة ما بتكونش فى الجنب اليمين إلا فى حالة الالتهاب الحاد،،، ألم المرارة دائما فى فم المعدة و تشخيص أمراض المرارة بسيط و سهل حتى للمبتدئين ( سونار على البطن )
#حصوات القناة المرارية نفس الألم و لكن أكثر حدة الأشهر أن حصوة أو مجموعة حصوات يعدوا من المرارة للقناة المرارية و يعملوا انسداد مرارى ( التشخيص برضه بالسونار و الرنين المغناطيسي ) لو تركت بتدى أعراض انسداد مرارى إصفرار فى العينين و تغير لون البول بيبقى قريب من لون الشاى.
#فيه نوع تانى نادر أن حصوة تتكون من البداية فى القناة المرارية.
* العلاج سهل لكن لازم يكون بسرعة ( منظار قناة مرارية لإزالة الحصوات و بعض الأحيان تركيب دعامة لو فيه ضيق فى القناة المرارية ).
#انفجار قرحة معدة و ده بصراحة ما عدناش نشوفه كتير زى الأول ( أشهر أسباب انفجار قرحة المعدة الإسراف فى المسكنات زى الأسبرين و الايوبروفين ) للأسف موضوع خطير بيتشخص مبدأيا بالسونار و أشعة عادية فى الوضع واقفا و أشعة مقطعية على البطن )
#تدخل جراحى عاجل بجراحة استكشافية.
#ما جبتش سيرة جرثومة المعدة ؟!! لأنها تندرج تحت ( التهاب جدار المعدة المزمن ).
#ال حابب أقوله من خلال البوست أننا ما ناخدش موضوع معدتى بتوجعنى ببساطة لأن المشكلة ممكن تكون أكبر بكتير من مجرد عثر هضم أو التهاب ممكن تكون حاجة بتهدد حياتنا لا قدر الله.
#أرجو أكون شرحت الموضوع كله ببساطة و بعيد عن المصطلحات الطبية و بلغة أقرب للعامية .
#ملحوظة نشرت البوست على صفحتى الشخصية و صفحة العيادة هذه المرة فقط لكن كل البوستات الطبية حتكون مستقبلا مقصورة على صفحة العيادة.
#مع خالص تحياتي
#دكتور / محمد رشاد سليم ❤️❤️❤️
