عيادة الدكتور / انطونيوس عطيه أخصائي القلب والأوعية الدموية

11/08/2026

30/07/2026

دا اوضح مثال للفرق بين هرمونات الذكوره وهرمونات الانوثه بعد متخلص مصلحتهم والكشف والفحص يخلص وتروح تطلب منهم صوره معاهم علشان هم الاتنين زي القمر وحلوين 😅❤️😅❤️😍🤩

29/07/2026

كعادة مصرية أصيلة..مرضي كتير في العيادة بيترددوا انهم يقولولي انهم غابوا عن المتابعة معي عشان زاروا أطباء آخرين 🧑‍⚕️و دايما تلاقيهم بيقدموا رجل و يأخروا رجل و يقدموا المبررات😒 انهم تابعوا مع حد تاني ( أصل ابن عمي حجزلنا عنده و أصر نكشف عنده - أصل تبع تأمين الشغل بتاعنا - أصله قريب من البيت- الحجز عندك صعب - أصل الدكتور ده ابن عمتي و كان في بعثة في البرازيل و رجع 😂..وهكذا )
طبعا يبدو أن هذا الموروث ناتج من بعض الأطباء اللي ممكن ينزعج جدا من فكرة انه ممكن يُستبدل بغيره😏 و ده مش بس عند الأطباء ..ده عند المهندس و السباك و الميكانيكي و الحلاق و الكوافيرة الحريمي و كله كله 😂
الحقيقة عمري ما انزعجت من الموضوع دة مطلقا و هناك آداب معينة بتظبط رد فعلي
١- أولا بأطمن المريض انه الأمر عادي جدا وأقوله وريني مشيت علي ايه الفترة اللي فاتت✌
٢- أنا مقتنع تماما ان الرأي الطبي التاني أو second opinion حق أصيل للمريض ..من حقه يستشير دكتور و اتنين و تلاته و ليس لي حق اللوم أو العتاب أو التهكم علي ذلك
٣- إذا ذهب المريض لمن هو أفضل مني علما و أكبر مني سني من أساتذتنا ..علي طول بأقول "ده أستاذي "و انك أحسنت الاختيار 👍
٤- عمري ما قولت علي حد من زملائي الأصغر "ده تلميذي" .. أري انها ليست من المروءة ..اثني عليه و فقط 😍
٥- المريض اللي غاب عني و رجع .. إما استفاد بسماع رأي آخر أو تأكد أنه علي الطريق الصحيح معي ..أو أنه مستريحش مع الأطباء الآخرين و بالتالي كل الطرق تؤدي الي مكسب مشترك بيني و بين المريض فلما الانزعاج إذن؟🤔
٦- مش من الحكمة و لا العدل تعنيف أو توبيخ المريض أو الاستهزاء به أو بمن ذهب لهم.. لا داعي لشخصنة الأمور 😒
٧- فعلا الأمر قد يكون مفيد إنك تري وجهة نظر الزملاء الآخرين في الحالة.. زي فكرة الكونسلتو بالظبط 👍
٨- كتير جدا بأقول عن علاج غيري "العلاج ده ممتاز كملوا عليه دون تغيير أو مع بعض التعديلات " و ساعات طبعا بأغير خطة العلاج بالكامل..take it easy خليك فريش
٩- لا يوجد كهنوت في الطب.. فكرة ان رأيي و بس.. دي فكرة عقيمه وقديمة😏 تعوق استيعاب الجديد في الطب
١٠- كما تدين تدان و كله سلف و دين .. الطريقة اللي هاتكلم بيها علي زمايلي هي اللي زمايلي هيتكلموا عني
بيها 😍

#د / انطونيوس عطيه
اخصائي امراض القلب

19/07/2026

* محتاجين نزود السيوله عندك شويه يا حاج
# اه والله يا ابني ياريت لاحسن ظروف المعيشه وحشه معايا اليومين دول
*🫣

26/06/2026

حاله جميله جدا ملهاش علاقه المره دي لا بالتشخيص ولا بطبيعه الشكوي او المرض ولا بمدي شطاره او اجهزه
لكن الحاله الجميله هو صاحب او صديق المريض نفسه
اتنين اصحاب تخطي عمرهم ال ٧٠
واحد ملازم التاني في كل مره بيروح يكشف فيها في اي تخصص
لما دخلوا عليا يوم الكشف قولت عادي
لكن لما حضروا برضوا مع بعض يوم المتابعه فسالتهم عن صله القرابه قالوا مفيش
طيب ايه ياجماعه ؟!
قالوا اصحاب وزملاء عمل من سنيييين
والجميل ان المرافق لصاحبه
اداني الورقه دي خلسه تحت الروشته وانا انتبهت ليها قبل م اتكلم مع المريض
للامانه حسيت كدا بقشعريره ان هو لسه في ناس كدا ف الدنيا لسه في الصحاب كدا في الدنيا
قد ايه هو مهتم بصاحبه طبيا ونفسيا وعلميا
حاجه ترفع عندك هرمون السعاده والرضا لو شوفتهم مره
واستاذنته في نهايه المتابعه و الكشف اني اخد الورقه دي احتفظ بيها واوضح للناس ان لسه في ناس حلوه كدا زيهم ووافق
ربنا يبارك في عمركم انتوا الاتنين

18/06/2026

لو في اي استفسار اقدر افيد بالاجابه عليه
تحت امركم ،
من فضلك شير علشان غيرك ممكن يستفيد
كما يسعدنا باستقبال اطفالكم للتشخيص ومتابعه امراض القلب باحدث جهاز ايكو وافضل سعر مع خبره اكتر من ١٠ سنوات في طب وفحوصات القلب في عياده سمالوط
الخميس والجمعه والسبت اسبوعيا من ١-٦
للتواصل والحجز
0151 5071942

05/06/2026

31/05/2026

كل سنه وحضراتكم طيبين بنذكر حضراتكم بمواعيد العيادات بعد العوده من الاجازه :

مواعيد عياده سمالوط : الخميس والجمعه والسبت اسبوعيا من ١-٧
الحجز 01515071942

31/05/2026

🫀هل فحص القلب ضرورة قبل ممارسة الرياضة ؟
الأشخاص اللي في الصور يعتبروا من أشهر الرياضيين :
● أرنولد شوارزنجر : بطل كمال الأجسام المعروف و واحد من أشهر الممثلين و حاكم ولاية كاليفورنيا الأمريكية في فترة من الفترات.
● شون وايت: بطل التزحلق على الجليد الأولمبي و الفائز بأكثر من ميدالية ذهبية.
● فريد ديبور غريف: بطل السباحة و فائز بأكثر من ميدالية ذهبية أولمبية.

لكن مش الرياضة بس اللي جمعتهم ، التلاتة كانوا مولودين بعيوب خلقية على القلب و التلاتة خضعوا لعملية قلب مفتوح
●أرنولد شوارزنجر كان بيشتكي من عيب خلقي في الصمام الأورطى Bicusped aortic valve
● شون وايت كان بيشتكي من رباعي فالوت Fallot tetrology
● فريد ديبورغريف كان بيشتكي من عيوب خلقية في اكتر من صمام في القلب.

فحص الأطفال قبل ممارسة أي رياضة شيء لا غنى عنه ، لأن في أعراض ممكن متظهرش قبل ممارسة الرياضة
و حتى لو تم التشخيص بعيب خلقي، في معظم الأحيان مش هيكون مانع من ممارسة الرياضة طالما تم التشخيص بدري و بشكل صحيح.

التشخيص المبكر ممكن يحمي حياة طفل، و يساعده يعيشها بشكل طبيعي.

د/انطونيوس عطيه
اخصائي امراض القلب بمستشفيات القوات المسلحه ومستشفي سمالوط التخصصي
مواعيد عياده سمالوط : الخميس والجمعه والسبت اسبوعيا من ١-٧
الحجز 01515071942

26/05/2026

كل عام وكلنا بخير وربنا يعيد الايام بكل الخير والمحبه والسلام علي الناس جميعا وعلي مصرنا الحبيبه