Dr/ Manal Rashwan Derma clinic

29/09/2026

هل المونجارو وإبر التخسيس ممكن يكون ليهم تأثير إيجابي على البشرة؟ 👀

بعد ما اتكلمنا في بوست قبل كده عن تأثير فقدان الوزن السريع على الشعر والبشرة…

تعالوا نشوف الناحية التانية من الموضوع ❤️

💉 أدوية التخسيس اللي بتشتغل على مسار GLP-1، زي المونجارو، بتساعد على فقدان الوزن وتحسين التحكم في سكر الدم، ومع تحسن الوزن ممكن تتحسن مقاومة الإنسولين عند بعض المرضى.

طيب إيه علاقة ده بالجلد؟ 🤔

مقاومة الإنسولين ممكن يكون ليها ارتباط ببعض المشاكل الجلدية، ومنها حب الشباب والشواك الأسود وزيادة إفراز الدهون

⬅️ عشان كده لما تتحسن مقاومة الإنسولين ويقل الوزن ممكن نشوف تحسنًا في بعض مظاهر الجلد المصاحبة له.

وبالنسبة لحب الشباب تحديدًا…
فيه أبحاث حديثة بدأت تدرس تأثير أدوية GLP-1 على حب الشباب ونشاط الغدد الدهنية، وظهرت نتائج أولية مشجعة، لكن لسه محتاجين دراسات أقوى

يعني ببساطة ❤️

المونجارو مش دواء لحب الشباب…
لكن تحسين الوزن ومقاومة الإنسولين عند المريض المناسب ممكن يكون له انعكاس إيجابي على البشرة

استخدام أدوية التخسيس لازم يكون بحسب الحالة الطبية وتحت إشراف الطبيب، خصوصًا إن ليها فوائد ومخاطر واختلافات كبيرة من شخص للتاني.

وفي الجلدية، ساعات الحباية اللي شايفينها على البشرة بتكون رسالة من الجسم عن حاجة محتاجة تتراجع من الداخل. 👩🏻‍⚕️❤️

#مونجارو

26/09/2026

الإيزوتريتينوين… علاج فعّال لحب الشباب، لكن مش لكل الحالات! ومينفعش تاخديه مع نفسك

الإيزوتريتينوين من أقوى العلاجات لحب الشباب، وخصوصًا في الحالات الشديدة أو المستمرة أو اللي بتسيب ندبات.

لكن مهم تعرفي إن العلاج لازم يكون تحت متابعة طبيب جلدية، لأن الجرعة ومدة العلاج بتختلف من شخص للتاني.

✨ أثناء العلاج:

* متابعة التحاليل حسب الحالة والجرعة.
* الاهتمام بترطيب البشرة والشفايف واستخدام واقي الشمس.
* تجنّب استخدام أدوية أو مكملات معينة بدون استشارة الطبيب.
* ممكن يحصل جفاف بالشفايف والجلد والعينين، وده من أشهر الآثار الجانبية.
*
* والأهم جدًا: ممنوع أثناء الحمل، ولازم الالتزام الصارم بوسائل منع الحمل

❗ وما ينفعش نبدأ الإيزوتريتينوين لمجرد إن «الحبوب كتير»…
القرار بيتاخد بعد تقييم نوع وشدة حب الشباب، التاريخ المرضي، والأدوية المستخدمة، ومناسبته للحالة.

الإيزوتريتينوين علاج ممتاز… لما يُستخدم صح وتحت متابعة. 👩🏻‍⚕️



#ايزوتريتينوين

23/09/2026

👩‍👧‍👦 قبل ما أولادنا يرجعوا من المدرسة بالواجبات ✏️📚
ممكن يرجعوا معاهم “ضيوف مش مرغوب فيهم” 🪳👀
لو لقيتيه بيهرش في راسه
و ايديه ع طول في شعره

بصي عليه والحقي عالجيه

خلي بالك من شعر ولادك الوقاية مهمة ❤️

18/09/2026

� حباية حمرا صغيرة ظهرت على جلدك؟

ممكن تكون Cherry Angioma ❤️
وهي عبارة عن تجمع بسيط للأوعية الدموية الصغيرة في الجلد، وبتظهر غالبًا على شكل نقطة أو حبة حمراء صغيرة.

✨ غالبًا بتكون حميدة ومش خطيرة، وممكن تظهر أو تزيد مع التقدم في العمر.

لكن لو بدأت:
• تكبر أو يتغير شكلها
• تنزف بشكل متكرر
• أو مش متأكدين أصلًا إنها Cherry Angioma

👩‍⚕️ الأفضل تتفحص عند طبيب جلدية للتأكد من التشخيص.

ولو مضايقاك من الناحية الشكلية، ممكن إزالتها بطرق مختلفة حسب حجمها ومكانها.

📍 شبين الكوم – ميدان شرف – برج الفيروز – الدور الرابع
📞 01090219884

13/09/2026

النتيجة بتبدأ لما نبدأ صح ✨

من حب شباب والتهابات وآثار واضحة…
لتحسن ملحوظ في شكل البشرة وهدوء الحبوب ❤️

وده لسه مش نهاية العلاج… دي خطوة في رحلة بشرة أفضل.

📍 شبين الكوم – ميدان شرف – برج الفيروز – الدور الرابع
📞 01090219884

10/09/2026

قبل وبعد في جلسة واحدة ولسه مكملين 👌😍

اسمرار في الرقبة وتحت الإبط وثنيات الجلد؟ 👀
تساقط شعر وراثي؟
دهون في البطن؟
أو تكيسات مبايض عند البنات؟

أحيانًا الحاجات دي بتكون مرتبطة بـ مقاومة الإنسولين، خصوصًا لما تجتمع أكتر من علامة مع بعض.

وحالتنا النهارده كانت شواك أسود واسمرار واضح في الرقبة.

بدأنا بتقييم الحالة ووضعنا خطة علاجية مناسبة، بجانب جلسات التقشير…

📸 ودي نتيجة أول جلسة بس!
ولسه مكملين 👌❤️

والفرق مش بس في درجة اللون…
لكن كمان في ملمس وسُمك الجلد.

والأجمل إننا لسه في بداية الرحلة 😍

تفتكروا النتيجة هتوصل لإيه بعد كذا جلسة؟ 👀👇🏻

📍 شبين الكوم – ميدان شرف – برج الفيروز – الدور الرابع
📞 +20 109 0219884

08/09/2026

07/09/2026

دكتورة… هو إيه اللي طالع على شفايف البيبي؟!” 😰

ممكن تكون حاجة بسيطة جدًا اسمها
Neonatal sucking blister or pads

بتظهر على شفايف بعض حديثي الولادة بسبب الاحتكاك والمص المتكرر أثناء الرضاعة وحتي من قبل ما يتولد وهو جنين في رحم مامته كان بيمص صوابعه

والأجمل؟ 🤍
✨ غالبًا حميدة
✨ مش محتاجة علاج
✨ وممكن تختفي تلقائيًا مع الوقت

يعني شكلها ممكن يخض الام
لكن في أغلب الحالات البيبي بيكون تمام جدًا 🥰

⚠️ المهم بس مانفتحهاش أو نحاول نشيل الجلد منها.

ولو شكلها غير معتاد، أو فيها التهاب/نزيف، أو الطفل عنده أعراض أخرى، يبقى الأفضل الكشف للتأكد ان كانت بسيطة ولا حاجة تانية

👩🏻‍⚕️ مش كل حاجة غريبة تظهر عند النونو تقلقنا 😊 👩‍🍼👩‍🍼
🌹❤️

شبين الكوم ميدان شرف برج الفيروز الدور الرابع شمال الاسانسير
📞 +20 109 0219884

01/09/2026

«أنا جربت أدوية كتير… والظفر لسه زي ما هو!» 😔

دي كانت بداية حكاية مريضتي مع فطريات الأظافر.

جربت علاجات مختلفة لفترة، لكن للأسف مفيش تحسن واضح.

لما جتلي، ماحبّتش نكمّل علاج بشكل عشوائي…
🔬 عملنا مزرعة للظفر، والنتيجة أظهرت وجود فطر.

الإصابة كانت في ظفر واحد فقط، لكن الظفر كان متأثر بشكل كبير.

وبعد تقييم الحالة، قررنا إن الأفضل في حالتها هو Chemical avulsion لإزالة الجزء المصاب من الظفر وبدون ألم
بدل الاستمرار في محاولات علاج غير فعّالة.

وبعد إزالة الظفر، بدأنا العلاج المضاد للفطريات المناسب للحالة، مع المتابعة المستمرة. 🤍

والنتيجة؟ 👇🏻

ظفر جديد… سليم وطبيعي تمامًا الحمد لله. ✨

القصة دي بتأكد لنا إن:
مش كل ظفر متغير شكله يحتاج نفس العلاج، والتشخيص الصحيح واختيار الخطة المناسبة بيفرقوا جدًا في النتيجة.

📸 الصور بتوضح رحلة العلاج من البداية وحتى نمو الظفر السليم.

وفي النهاية أحب أقول…

الموضوع مش شطارة طبيب عن طبيب، ولكن هو توفيق من ربنا، وتعلُّم مستمر من كل تجربة، ووضع تجارب الآخرين أمام أعيننا والاستفادة منها.

وكل الشكر والتقدير لأساتذتنا الكبار اللي علمونا، ومبخلوش علينا بالمعلومة. 🥰🤍

﴿وَقُل رَّبِّ زِدْنِي عِلْمًا﴾





📍 ميدان شرف – برج الفيروز – الدور الرابع

28/08/2026

يادكتورة شعري بيقع
وبخس عن طريق حقن المونجارو…
بقالي شهرين باخدها بس شعري وقع اليومين دول

مع انتشار استخدام أدوية التخسيس زي المونجارو، بدأت أسمع أسئلة كتير:

“ليه شعري بيقع؟”
“ليه وشي بقى مرهق؟”
“ليه بشرتي فقدت نضارتها؟”

الحقيقة إن الموضوع مش بالضرورة يكون بسبب المونجارو نفسه 👀

لكن فقدان الوزن بشكل سريع ممكن يصاحبه تساقط شعر تفاعلي (Telogen Effluvium)، بالإضافة إلى احتمالية نقص بعض العناصر الغذائية لو التغذية أصبحت غير متوازنة.

وكمان ممكن نلاحظ جفاف أو بهتان البشرة مع قلة الأكل أو عدم الاهتمام بالتغذية والسوائل. 😔

❌ والحل مش إننا نوقف العلاج من نفسنا!

لكن لازم نخس بطريقة صح:

🥩 بروتين كفاية
🥗 غذاء متوازن
💧 شرب سوائل بشكل مناسب
💊 علاج أي نقص غذائي موجود
🧴 والاهتمام بالبشرة والشعر أثناء رحلة فقدان الوزن

خسارة الوزن هدف جميل…
لكن الأجمل إننا نوصل له من غير ما نخسر صحة شعرنا ونضارة بشرتنا ❤️

وعلى الجانب الآخر… 👀
هل تعرفي إن فقدان الوزن ممكن يكون له تأثيرات إيجابية على بعض الأمراض الجلدية؟

⬅️ هكلمكم عن الجزء ده في البوست الجاي، تابعوني ❤️

#مونجارو