Dr/ Manal Rashwan Derma clinic

Dr/ Manal Rashwan Derma clinic الصفحة خاصة بدكتور منال رشوان أخصائي الجلدية والتجميل والليزر
للحجز

+20 109 0219884
(1)

الكشف في الشتا ده أصعب أنواع الكشوفات 🤔المريض يقعد يرفع في طبقات ويقلع في جواكت ما بتبقاش عارف أنت هتوصل أمتي 🙆أو هل انت...
28/01/2026

الكشف في الشتا ده أصعب أنواع الكشوفات 🤔
المريض يقعد يرفع في طبقات ويقلع في جواكت
ما بتبقاش عارف أنت هتوصل أمتي 🙆
أو هل انت أصلا هتوصل 😁
ولو وصلت ... أنت عارف إن كل الطبقات ديه لسه هيبنيها من تاني 🤦
وازاي هقوله ادهن كريمات واستحمي واغسل هدومك .
أزاي .... أقنعني🫣😁😁

مع زيادة التوتر والضغط العصبي للكبار وحتي الصغيرين بقينا نشوف حالات التعلبة كتير اماكن فاضية تماما من الشعر😥🔹 ياتري ايه...
25/01/2026

مع زيادة التوتر والضغط العصبي للكبار وحتي الصغيرين بقينا نشوف حالات التعلبة كتير
اماكن فاضية تماما من الشعر😥

🔹 ياتري ايه هيا أسباب التعلبة؟
✔️ خلل في الجهاز المناعي (السبب الأساسي)
✔️ التوتر والضغط النفسي الشديد 😞
✔️ صدمة نفسية أو عصبية مفاجئة
✔️ عوامل وراثية
✔️ بعد عدوى أو دور برد شديد
✔️ مصاحبة لأمراض مناعية تانية زي الغدة الدرقية أو البهاق

🔹 خطيرة؟
لا ✋
🔹 بتتعالج؟
آه طبعًا وبنسبة تحسن ممتازة 👍✨
خصوصًا لو اتلحقت بدري

💉 العلاج بيختلف حسب الحالة
✔️ علاجات موضعية
✔️ حقن موضعي
✔️ أدوية حديثة بتنشّط البصيلات

📌 كل حالة وليها بروتوكولها
والتشخيص الصح = نتيجة أسرع

الصورة دي بتقول كل حاجة
⬅️ قبل العلاج
➡️ أثناء العلاج ولسه مكملين 👌

#التعلبة

انتظرونا في بوست تاني عن التعلبة في الاطفال

#ليزر
#جلدية

🚨 البوست ده مهم جدًا لأي بنت بتفكر تعمل ليزر إزالة شعرخصوصًا منطقة الوجه 🚨مش كل شعر ينفع معاه ليزر ❌ومش كل جهاز ينفع للو...
23/01/2026

🚨 البوست ده مهم جدًا لأي بنت بتفكر تعمل ليزر إزالة شعر
خصوصًا منطقة الوجه 🚨

مش كل شعر ينفع معاه ليزر ❌
ومش كل جهاز ينفع للوجه ❌

⚠️ الحالات اللي لازم نكون حذرين فيها:
❌ الشعر الوبري الخفيف
❌ البشرة السمراء أو الداكنة من غير اختيار الجهاز والطاقة المناسبة
❌ استخدام أجهزة ليزر منزلي أو أجهزة غير طبية بطاقة ضعيفة

📌 في الحالات دي ممكن تحصل ظاهرة اسمها
Paradoxical Hypertrichosis
يعني الشعر بدل ما يقل
❗️يزيد
❗️يبقى أتقل
❗️ويظهر في أماكن أوسع 🤷🏻‍♀️

💡 عشان كده:
✔️ تقييم نوع الشعر مهم
✔️ تقييم لون البشرة مهم
✔️ اختيار الجهاز والطاقة الصح أهم

📩 لو محتارة أو مش متأكدة
ابعتيلنا على رسائل الصفحة
ونساعدك في التشخيص قبل أي خطوة 💙

#ليزر

اول جمعة في شعبان☺️اعاده الله عليكم بالخير #جمعةمباركة
23/01/2026

اول جمعة في شعبان☺️
اعاده الله عليكم بالخير
#جمعةمباركة

في يوم من أيام رمضان، بعد الفطار 🍽️دخل عليّ أب وأم ومعاهم طفل صغير… عمره أقل من سنة.من لحظة ما دخل،👶 الطفل عصبي جدًا🤲 هر...
15/01/2026

في يوم من أيام رمضان، بعد الفطار 🍽️
دخل عليّ أب وأم ومعاهم طفل صغير… عمره أقل من سنة.

من لحظة ما دخل،
👶 الطفل عصبي جدًا
🤲 هرش متواصل
😢 عياط من غير توقف

الأب قال:

يا دكتورة لفّينا كتير… كله بيقول حساسية
أدوية ومراهم… ومفيش أي تحسّن
ينام بس لما ياخد دوا الحساسية
لكن جلده عمره ما رجع طبيعي

طلبت منهم يحطوا الطفل على السرير ويفكوا هدومه.
وأنا باخد تاريخ مرضي دقيق…
👀 لفت نظري:
• التهاب شديد
• قشور سميكة فوق الجلد
• هرش عنيف طول وقت الكشف

مسكت الديرموسكوب…
ولقيتها 🙈
هي بعينها
‏👉 Sarcoptes scabiei
الطفيل المسبب لمرض الجرب
بس بأعداد ضخمة جدًا!

⚠️ الشكل ده نادر جدًا في طفل مناعته كويسة
لكن الصورة اكتملت لما عرفت إنه:
❌ اتكتبله كريمات كورتيزون قوية
❌ ولفترات طويلة

طلبت أفحص الأب والأم…
وللأسف كانوا مصابين هما كمان
بس بدرجة أقل بكتير.

⸻

✔️ حطّينا خطة علاج واضحة وصحيحة
✔️ علاج لكل أفراد الأسرة
✔️ تطهير كامل:
• الملابس
• الملايات
• البيت
✔️ وقف الكورتيزون

وبفضل الله 🙏
التحسّن بدأ تدريجي
لحد ما:
🌸 الطفل رجع طبيعي
🌸 الجلد رجع سليم
🌸 والأم بعتتلي صورته بعد العلاج وفرحانة

الحمد لله الذي بنعمته تتم الصالحات 🤍
متتكسفش أبدًا من مرضك
كلنا معرضون للابتلاء…
والتشخيص الصح هو أول طريق الشفاء.



#الجرب
‏


طفلك خدوده حمرا؟مش دايمًا حمار وحلاوة 🍉❌‏Atopic dermatitis – التهاب الجلد التأتبيطفل صغنن خدوده حمرا وجميل ☺️بس للأسف… د...
09/01/2026

طفلك خدوده حمرا؟
مش دايمًا حمار وحلاوة 🍉❌

‏Atopic dermatitis – التهاب الجلد التأتبي

طفل صغنن خدوده حمرا وجميل ☺️
بس للأسف… ده مش دايمًا حمار وحلاوة،
غالبًا دي حساسية جلدية 🤭

🔹 ده مرض بيخلي الجلد:
• جاف
• ملتهب
• وبيسبب حكة مزعجة

بييجي أكتر في الأطفال،
بس ممكن يظهر في أي سن.
ومهم نطمنكم: المرض ده مش معدي 😷

👶 في الرضع
بيظهر غالبًا على الخدود
احمرار + التهاب زي الصورة 👇

👦 في الأطفال الأكبر سنًا
بيظهر في:
• الذراعين
• خلف الركبتين

وبيزيد زي أي حساسية بسبب:
أكل معين 🍓
شمس ☀️
تراب
بكتيريا

⚠️ الحساسية الجلدية مرض مزمن
بس نقدر نسيطر عليها ونحمي جلد الطفل بالوقاية 👇

⭐ استخدام المرطب باستمرار (ويفضل على جلد رطب)
⭐ ملابس قطنية
⭐ الاستحمام بمية فاترة (بلاش السخنة والبخار ♨️)
⭐ الليفة تكون إسفنج ناعم
⭐ بلاش شاور جيل وبرفانات – استخدمي صابونة جلسرين
⭐ ممنوع اللعب في الشمس والتراب وقت النشاط

💡 الحساسية محتاجة:
صبر + متابعة + علاج سليم

مش كل ما الطفل يتحسن نقول
“اكتبيلي كيناكومب يا دكتورة الواد بيرتاح عليه” 😡
لأن ده حل مؤقت ومضر على المدى الطويل!

وساعتها إحساسي بيبقى زي مي عز الدين كده 😂👇

ودمتم في صحة وسعادة 🥰


📍 شبين الكوم ميدان شرف برج الفيروز الدور الرابع
📞 +20 109 0219884

عضة الصقيع (لسعة البرد) 🥶مع برودة الجو، بنشوف حالات كتير بتعاني من لسعة البردخصوصًا في الأطراف 👣🖐️بتحصل ليه؟بسبب البرودة...
06/01/2026

عضة الصقيع (لسعة البرد) 🥶

مع برودة الجو، بنشوف حالات كتير بتعاني من لسعة البرد
خصوصًا في الأطراف 👣🖐️

بتحصل ليه؟
بسبب البرودة الشديدة ونقص وصول الدم للأطراف.

أماكنها الشائعة:
✔️ القدم
✔️ اليدين
✔️ الأنف
✔️ شحمة الأذن

شكلها إيه؟
🔴 احمرار
🔵 زُرقان
😣 ألم، سخونية وهرش
وأحيانًا قرح في الحالات الشديدة

بتظهر أكتر عند مين؟
↘️ السيدات
↘️ مرضى السكر والقلب
↘️ الأنيميا
↘️ بعض الأمراض المناعية
↘️ الدوالي وأمراض الأوعية الدموية

⚠️ المرضى دول لازم يستشيروا طبيب جلدية.

إزاي نحمي نفسنا؟
✔️ تدفئة الجسم كله مش الأطراف بس
✔️ لبس تقيل وقت الخروج
✔️ شراب وجوانتي قطن
✔️ في البرد الشديد ممكن شرابين

🚫 وقت النوم:
التدفئة المبالغ فيها أو لبس الشراب ممكن تزود الهرش والالتهاب
وده سبب شكوى كتير من المرضى.
(بيقولو لما بتغطي بهرش جدا)

نصايح مهمة:
🔹 فيتامين C
🔹 الجينكو بايلوبا (بعد استشارة الطبيب)
🔹 تجنب المياه الساخنة جدًا
✔️ استخدم ماء دافئ لمدة 10 دقايق فقط

✨ لو عندك احمرار، زُرقان أو هرش شديد في البرد
التشخيص والعلاج بدري بيفرق كتير

📍 احجزي كشفك في
Dr Manal Rashwan Clinic

+20 109 0219884📞



#جلدية

مع نهاية 2025حابة أشكر من قلبي كل مريض ومريضة وثقوا فيَّ 🤍شكرًا لكل حالة جلدية أو تجميل، في العيادة أو في المستشفى.وشكرً...
30/12/2025

مع نهاية 2025
حابة أشكر من قلبي كل مريض ومريضة وثقوا فيَّ 🤍

شكرًا لكل حالة جلدية أو تجميل، في العيادة أو في المستشفى.
وشكرًا لكل كلمة طيبة، ولكل ريفيو حقيقي نابع من تجربة صادقة، سواء على الإنترنت أو بترشيح لصديق

كلامكم ثقة كبيرة على راسي، وسبب أساسي إني أكمّل وأجتهد أكتر.

نجاحي الحقيقي هو رضاكم، وشفاؤكم هو أكتر حاجة بتفرحني ❤️
اللهم اجعلني خيرًا مما يظنون، واغفر لي ما لا يعلمون☺️

جفاف البشرة في الشتا؟ بسبب الشاور السخن وبرودة الجوو 🥶🥶شد… قشور… بهتان… كرمشة 😰كل ده معناه إن بشرتك محتاجة ترطيب من العم...
28/12/2025

جفاف البشرة في الشتا؟ بسبب الشاور السخن وبرودة الجوو 🥶🥶

شد… قشور… بهتان… كرمشة 😰
كل ده معناه إن بشرتك محتاجة ترطيب من العمق
مش كريم وخلاص 👩‍⚕️✨

💧 جلسات ترطيب البشرة
ترطيب عميق
نضارة فورية
إحساس نعومة من أول جلسة 🌿

✨ بنستخدم تقنيات زي:
‏• HydraFacial
‏• Mesotherapy
‏• Skin Booster
(حسب نوع بشرتك ودرجة الجفاف)

🔥 عرض الشتا 🔥
🎯 جلسة ترطيب البشرة بسعر مميز لفترة محدودة
🎯 خصم خاص عند حجز أكتر من جلسة

📌 مناسبة لكل أنواع البشرة
حتى الدهنية والمختلطة ❄️

📍 في عيادتنا

تشخيص دقيق + اختيار الجلسة الأنسب
علشان النتيجة تبقى آمنة وواضحة ✨

📩 احجزي دلوقتي قبل انتهاء العرض
وخلي بشرتك ناعمة ومليانة ترطيب طول الشتا
💧❄️
للحجز

+20 109 0219884📞📨

طفلك وعنده فراغات في شعره بياكل كويس!!! بس عصبي 😠 😥❌ ده مش تساقط شعر عادي…✔️ ده هوس نتف الشعر (Trichotillomania)فراغات ...
19/12/2025

طفلك وعنده فراغات في شعره
بياكل كويس!!! بس عصبي 😠 😥
❌ ده مش تساقط شعر عادي…
✔️ ده هوس نتف الشعر (Trichotillomania)

فراغات غريبة؟
شعر مكسور بأطوال مختلفة؟
العلاج بيتأخر ومفيش نتيجة؟
كشفتي كتير وبرضه مش شايفة نتيجة

🔬 الصورة تحت الترايكوسكوب بتكشف الحقيقة
علامات واضحة لهوس نتف الشعر،
والتشخيص الدقيق هو أول وأهم خطوة للعلاج.

✨ في عيادة د/ منال رشوان:
✔️ تشخيص بالترايكوسكوب
✔️ خطة علاج متكاملة (جلدية + نفسية)
✔️ متابعة دقيقة للحالة
✔️ فرص عالية لعودة نمو الشعر عند التدخل المبكر

⚠️والبدري دايمًا نتيجته أفضل.

📍 لو الحالة لطفل أو مراهق — الطمأنة والعلاج الصح بيفرقوا جدًا.

01090219884📞 احجزي كشفك الآن
Dr Manal Rashwan Dermatology Clinic

التساقط الوراثي من أكتر أنواع تساقط الشعر اللي بتفرق جدًا لو اتعالج بدري 👌زي الحالة دي 👇الفرق واضح قبل وبعد جلسات علاج ا...
16/12/2025

التساقط الوراثي من أكتر أنواع تساقط الشعر اللي بتفرق جدًا لو اتعالج بدري 👌

زي الحالة دي 👇
الفرق واضح قبل وبعد جلسات علاج التساقط الوراثي ✨

🔬 لأن البصيلة:
• كل ما نلحقها بدري
• قبل ما تضعف
• وقبل ما تضمر نهائيًا

بتكون قابلة للتحفيز والاستجابة للعلاج 💪

📌 التأخير = بصيلة أضعف
📌 العلاج المبكر = شعر أكتر، كثافة أحسن، ونتيجة أحسن

لو لاحظتي:
• فرق في كثافة الشعر
• فراغات عمالة بتزيد
• شعر بيخف تدريجيًا

⏰ ما تستنيش…
ابدئي العلاج بدري عشان تحافظي على شعرك❤️❤️

📍 Dr Manal Rashwan Dermatology Clinic شبين الكوم ميدان شرف برج الفيروز الدور الرابع

الدنيا بقت برد وده معناه ان البشرة بتفقد ترطيبها بسرعة وتظهر علامات الجفاف زي الشدة والقشرة والاحمرار والخشونة عشان كده...
10/12/2025

الدنيا بقت برد وده معناه ان البشرة بتفقد ترطيبها بسرعة وتظهر علامات الجفاف زي الشدة والقشرة والاحمرار
والخشونة
عشان كده المرطب مش رفاهية في فصل الشتا
خاصة لمرضي الاكزيما واطفالنا مرضي حساسية الجلد التأتبية

ودي امثلة لبعض مرطبات البشرة الجافة 👇👇🥰


Address

ميدان شرف برج الفيروز الدور الرابع
Shebin Al-Kom
12345

Opening Hours

Monday 9am - 5pm
Saturday 9am - 5pm
Sunday 9am - 5pm

Telephone

+201012499258

Website

Alerts

Be the first to know and let us send you an email when Dr/ Manal Rashwan Derma clinic posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr/ Manal Rashwan Derma clinic:

Shortcuts

Share

Category