Nutritionist-Eman Fathy

Nutritionist-Eman Fathy أخصائية تغذية علاجية | د. إيمان فتحي
🎯 خطط بدون حرمان | نتائج واقعية
📩 احجزي استشارة من الرقم ↓
01020092238

"بلاش تشرب مايه فى وسط الأكل عشان بتعمل كرش"أكبر إشاعة اتظلمت فى تاريخ الدايت الحقيقه ببساطه أن الكرش دهون متراكمه من زي...
19/08/2026

"بلاش تشرب مايه فى وسط الأكل عشان بتعمل كرش"
أكبر إشاعة اتظلمت فى تاريخ الدايت
الحقيقه ببساطه أن الكرش دهون متراكمه من زيادة السعرات والأكل .. والمايه صفر سعرات فمستحيل تتحول لدهون

ليه تشرب مايه مع الوجبه وأنت مطمن ؟
- بتحسن الهضم
- شبع أسرع
- تحميك من الامساك والإنتفاخات
بس فى استثاء وحيد لو بتعانى من ارتجاع مرئ شديد يفضل تفصل السوائل عن الوجبه عشان متضغطش على صمام المعده
اشربوا ميه براحتكم 🤩
قولولى فى الكومنتات مين كان مقتنع بالخرافه دى ؟🤔
​

22/07/2026

المتابعه القمر اللى بتكتب فيد باك من غير طلب رزق😂♥️♥️♥️

ملك الصيف والحلويات الطبيعية 🤩فاكهه عظيمه لدرجة إن ربنا سبحانه وتعالى أقسم بيها فى القرآن الكريم فى قوله تعالى :{والتين ...
11/07/2026

ملك الصيف والحلويات الطبيعية 🤩
فاكهه عظيمه لدرجة إن ربنا سبحانه وتعالى أقسم بيها فى القرآن الكريم فى قوله تعالى :{والتين والزيتون}.. والقسم وراه أسرار وفوائد صحية مذهله تستاهل انك تعرفها 🤓
● صديق الجهاز الهضمى :مليان ألياف طبيعية ممتازه لتهدئة القولون وعلاج الإمساك ،وتحسين الهضم

● حبيب القلب والشرايين :غنى جدا بالبوتاسيوم ،المعدن السحرى اللى بيساعد فى تظبيط ضغط الدم وتقليل تأثير الملح الزياده بالجسم

●طاقة ونشاط ضد الخمول : بيدى الجسم طاقة فورية ،بالإضافه إلى إنه غنى بالحديد اللى بيحارب الأنيميا والإحساس بالكسل فى نص اليوم

●حارس العظام: من الفواكه القليلة الغنية بالكالسيوم والماغنسيوم ، دعم ممتاز لصحة العظام والأسنان

● مناعة قوية وبشرة صحيه : غنى بالفيتامينات ومضادات الأكسده اللى بتحارب التجاعيد وتحمى الجسم من ابأمراض

الخلاصة المفيده ليك 👌
التين فاكهه صحية جدا وممتاز ،لكن مهم جدا الإعتدال
من 2 : 3 حبه فى اليوم فقط كافية عشان ناخد كل الفوايد دى من غير ما نزود سعراتنا الحرارية
شاركونا فى التعليقات وقولولنا بتحبوا تاكلوه فريش ولا مجفف أكتر 🤔

07/07/2026

الماتش ميتفوتش! ⚽️
اتفرجوا واستمتعوا بالبريك وفصلان الدماغ، ومستنياكم بعد صفارة النهاية عشان نرجع لالتزامنا وأهدافنا بنشاط 😉💪

🇪🇬مصر × الأرجنتين🇦🇷​الفراعنة في مواجهة أبطال العالم بعد التأهل التاريخي لدور الـ 16.. تفتكروا صلاح ورفاقه هيعملوها الليل...
07/07/2026

🇪🇬مصر × الأرجنتين🇦🇷
​الفراعنة في مواجهة أبطال العالم بعد التأهل التاريخي لدور الـ 16.. تفتكروا صلاح ورفاقه هيعملوها الليلة؟ 🤔⚽

​توقع النتيجة الصحيحة للمباراة واكسب 🎁🔥 🎁🔥
​⬇️ شروط المشاركة في المسابقة:
​اكتب توقعك في التعليقات قبل صافرة البداية
​اعمل لايك للبوست
​اعمل منشن لـ 2 من أصحابك يتوقعوا معاك


​سيتم اختيار الفائزين عشوائيا من أصحاب التوقعات الصحيحة بعد نهاية المباراة مباشرة.🏆
​ #الفراعنة

شهر عليك وشهر عليينا 💪💪فرحتنا بمكسب منتخبنا تخلينا نعمل عروض 🥳🇪🇬عررروض اشتراك شهر وشهر مجانا🤩مفيش اى شروط اكتب ف الكوم...
03/07/2026

شهر عليك وشهر عليينا 💪💪

فرحتنا بمكسب منتخبنا تخلينا نعمل عروض 🥳🇪🇬
عررروض اشتراك شهر وشهر مجانا🤩
مفيش اى شروط
اكتب ف الكومنتات اشتراك وهيتم التواصل معاك فورا 🤗
مليون مبروك لمصر وكل المصريين 🥳🥳🥳♥️

يا ترى بناخد بالنا من كمية الألوان الصناعية اللي أولادنا بياكلوها كل يوم؟🤔​مؤخرا، إدارة الغذاء والدواء الأمريكية (FDA) ج...
10/06/2026

يا ترى بناخد بالنا من كمية الألوان الصناعية اللي أولادنا بياكلوها كل يوم؟🤔

​مؤخرا، إدارة الغذاء والدواء الأمريكية (FDA) جددت تحذيرها وبشدة من صبغة مشهورة جدا اسمها "الأحمر رقم 3" (Red Dye No. 3) أو (الإريثروسين)، وحاليا في خطوات جادة لمنع استخدامها تماما في الأطعمة والأدوية الفموية بسبب مخاطرها الصحية اللي أكدتها الدراسات المخبرية.
​الصبغة دي موجودة في إيه ومستخبية فين؟
للأسف في منتجات بنشتريها تقريبا بشكل يومي:
​1- الحلويات والسكاكر الملونة اللي الأطفال بيحبوها.
2- ​حليب الفراولة والزبادي الملون (بالذات اللي لونه أحمر فاقع).
3- ​الكيك والحلويات الجاهزة (زي الريد فيلفيت).
​4- المشروبات الغازية والعصائر الملونة.
​إزاي نحمي عائلتنا ببساطة؟
​نقرأ الملصق بتركيز: دقيقة واحدة نقرأ فيها المكونات.. لو لقيتوا مكتوب (FD&C Red No. 3) أو (Erythrosine)، الأفضل نسيب المنتج ده مكانه.
​البدائل الطبيعية أضمن: دايما نختار المنتجات الملونة بمصادر طبيعية زي عصير البنجر أو مركزات الفواكه.
​نقلل المصنعات: كل ما قللنا الاعتماد على الأكل الجاهز والمصنع واعتمدنا على الأكل الحقيقي، كل ما أمّنا صحة أولادنا وبيتنا.
​الموضوع مش محتاج قلق، محتاج بس شوية "وعي" وإحنا بنشتري. شيروا البوست عشان يوصل لأكبر عدد من الأمهات والآباء!
​

أخيرا الطب والمراجع العلمية اعترفوا بالصح اللي كنا دايما بننادي وبنقول عليه! 👏🩺​سنين طويلة وإحنا بنحاول نفهم البنات إن "...
17/05/2026

أخيرا الطب والمراجع العلمية اعترفوا بالصح اللي كنا دايما بننادي وبنقول عليه! 👏🩺
​سنين طويلة وإحنا بنحاول نفهم البنات إن "متلازمة تكيس المبايض" المعروفة بـ (PCOS) مش مجرد مشكلة نسائية في المبيض، والنهاردة الأبحاث استقرت رسميا على قرار تاريخي بـ تغيير الاسم لـ (PMOS) عشان يوافقوا كلامنا العلمي اللي بنطبقه في العيادة.

​الموضوع مش مجرد تغيير حروف على الورق، ده اعتراف رسمي هيغير طريقتنا في العلاج وفي اختيار أكلنا تماماً! تعالوا أحكيلكم الحكاية ببساطة:
​طب ليه شالوا كلمة تكيس وبقت PMOS؟ 🤔
​لأن الاسم القديم كان ظالم وحاصر المشكلة كلها في "المبيض" بس. لكن الحقيقة اللي كنا دايماً بنشوفها ونقولها إن "شكل التكيس" اللي بيبان في السونار ده مش هو سبب المرض! ده مجرد ضحية ونتيجة لخلل أكبر بكتير مداري جوة الجسم.
​الاسم الجديد PMOS يعني (متلازمة الأيض والمبيض المتعدده).. بالبلدي كده: الطب اعترف أخيراً باللي بنقوله، إن المشكلة الأساسية هي "مرض في الحرق والأيض".. الأساس بتاعه هو مقاومة الإنسولين، والتهاب الجسم الصامت، واضطراب الحرق.. والمبيض هو اللي بيبوظ في الآخر ويدفع التمن.
​إيه اللي بيحصل جوة جسمك بالظبط؟ 🔄

​السيناريو بيمشي كده:
جسمك بينتج إنسولين كتير جداً بس الخلايا قافلة الأبواب ومش حاسة بيه (مقاومة إنسولين).. الإنسولين العالي ده يروح للمبيض (وللأسف المبيض بيفضل حسّاس ومبيقاومش)، فيجبر المبيض إنه يفرز هرمونات ذكورة (أندروجينات) بنسبة عالية.. الهرمونات دي هي اللي بتخلي البويضات الصغيرة متكملش نموها وتتحبس، فتظهر في السونار على شكل شبه التكيس (وهي بويضات محبوسة مش أكياس حقيقية محتاجة جراحة).

​العلاج الجديد اتغير ازاي؟ 📉👌
​البروتوكول القديم للأسف كان ماشي بمبدأ "مسكنات للأعراض وبس".. خدي حبوب منع حمل عشان تنزلي دورة صناعية، وخدي دواء للشعر الزائد، وعيشي كده!
​النهج الجديد بعد الـ PMOS بيأكد ليكي: العلاج لازم يبدأ من المنبع مش من المصب!
يعني نصلح الخلايا، ونطفي الالتهاب، ونظبط مقاومة الإنسولين.. وهنا بتيجي "التغذية العلاجية" كخط دفاع أول وأساسي، مش مجرد دايت للتخسيس والرفاهية.

​رسالتي ليكي في الآخر👌
ماتعامليش المبيض كأنه عضو معزول.. جسمك شبكة واحدة متكاملة. بنومك بدري، واختيارك الصح لأكلك، وتمارين المقاومة (اللي بتفتح مخاصن السكر في العضلات من غير ما نحتاج إنسولين اصلاً)، تقدري ترجعي توازنك الهرموني وتستردي صحتك بالكامل. 🤍
​دمتم بصحة وعافية،
د. إيمان فتحي | Dr Eman Fathy 🩺✨
​

14/05/2026

تغيير تاريخي في عالم صحة المرأة: الـ PCOS بقى PMOS!
​لو فاكرة إن التكيس مجرد مشكلة في المبايض أو دورة ملخبطة.. فالمعلومة دي هتغير حياتك. 🔄
​رسمياً من يوم ١٢/٥، تم تغيير الاسم لـ PMOS (متلازمة الأيض والمبايض الاستقلابية). التغيير ده مش مجرد حروف، ده اعتراف إن المشكلة "ميكانيكا" في جسمك وطريقة حرقه للطاقة (التمثيل الغذائي) مش مجرد أكياس. 🧬
​ليه التغيير ده في مصلحتك؟
1️⃣ الاعتراف بالحقيقة: أخيرا الطب أكد إن الأساس هو خلل الأيض ومقاومة الإنسولين، وده بيشمل كل بنت كانت بتعاني من الأعراض حتى لو معندهاش أكياس.
2️⃣ خطة علاج أوضح: لو عالجتي السكر والإنسولين.. الهرمونات هتتظبط لوحدها.
3️⃣ الحل في إيدك: التغيير ده بيأكد إن "المطبخ" والرياضة هما حجر الأساس، مش مجرد مسكنات.
​عشان تسيطري على الـ PMOS، ركزي على ٣ حاجات: الإنسولين، الالتهابات، والتوتر. بلاش تحرمي نفسك، وابدأي افهمي جسمك.. التغيير بيبدأ لما تغيري نظرتك للمشكلة. ✨
​قوليلي في الكومنتات.. كنتى تعرفي إن التكيس مشكلة حرق وأيض في المقام الأول؟ 👇
​ #هرمونات

Address

Shebin Al-Kom

Website

Alerts

Be the first to know and let us send you an email when Nutritionist-Eman Fathy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category