Dr/Tasneem Harby Nutritionist

25/05/2026

Notes 📝

24/05/2026

بطن الولادة مش دايمًا معناها دهون ❌
أحيانًا السبب بيكون:
▫️ انفصال عضلي
▫️ احتباس سوائل
▫️ أو ضعف في عضلات البطن
كتير من الأمهات بعد الولادة بيتضايقوا من شكل بطنهم،
ويفضلوا يحاولوا يخسوا أكتر وأكتر…
مع إن المشكلة أحيانًا مش في الدهون أصلًا!
الانفصال العضلي بيحصل بسبب تمدد عضلات البطن أثناء الحمل،
وده ممكن يخلي البطن بارزة حتى بعد نزول الوزن
ومن أشهر أعراضه: ▫️ بروز واضح في منتصف البطن
▫️ ضعف وترهل عضلات البطن
▫️ ألم أسفل الظهر
▫️ إحساس إن البطن ضعيفة أو “مفكوكة”
وعلشان كده ❤️
مش أي تمارين أو دايت يكون مناسب بعد الولادة،
لأن التشخيص الصح هو أول خطوة للعلاج الصح.

15/05/2026

ناس كتير فاكرة إن التغذية حاجة سهلة
“هقلل أكلي شوية أخس”
“هزوّد أكلي أتخن”
والكلام ده فيه جزء صح… لكن مش كامل
لأن الفكرة مش مجرد إن الوزن يقل أو يزيد،
الفكرة الأهم:
هل جسمك بيتغير بطريقة صحية ولا لأ؟
ممكن حد يخس… لكن يخسر عضل وطاقة وصحته معاه 😓
وممكن حد يتخن… لكن دهون وتعب ومشاكل صحية تزيد.
علشان كدا المتابعة الغذائية مهمة ❤️
لأنها بتساعدك توصل لهدفك بشكل صحي وآمن،
وتعرف جسمك محتاج إيه فعلًا،
وتوازن بين الأكل، العناصر الغذائية، النشاط، وصحتك النفسية والجسدية 🤍🌱

14/05/2026

الدايت إرادة وعزيمة وتحدي 💪✨
إنك كل يوم تتحدى نفسك عشان توصل لهدفك وتبقى راضي عن شكلك وصحتك 🤍
وعشان تنجح بجد… لازم يكون عندك هدف واضح
قول لنفسك:
“هدي نفسي 3 شهور ألتزم فيهم، أهتم بأكلي، أتحرك أكتر، وأظبط جسمي وصحتي… وبعدها هفرح بالنتيجة اللي تعبت عشانها.”
النجاح مش إنك تبدأ يومين بحماس وبعدين توقف
لأن كل مرة نبدأ ونزهق ونرجع تاني… بنفضل واقفين في نفس المكان.
لكن الاستمرار حتى لو بخطوات بسيطة هو اللي بيعمل الفرق الحقيقي 🌱
خليك ثابت… النتيجة الحلوة جاية مع الوقت 🤍🌱

11/05/2026

10/05/2026

ادويه التخسيس مجهوله المصدر بتوهمك انك خسيت بس الحقيقه ان فقدان الوزن غير صحي، نزول سريع لكن من العضلات مش الدهون ودا بيسبب
1/ضعف عام وإرهاق
2/تساقط شعر ونقص في الفيتامينات
دا غير ان 90% من الناس بترجع لوزنها او اكتر كمان بعد التوقف
اختار تعيش الكام السنه من عمرك بصحه 🤍🌱

08/05/2026

ادويه التخسيس مجهوله المصدر بتسبب مشاكل في القلب زى
1/زيادة ضربات القلب
2/ارتفاع ضغط الدم
3/ممكن تسبب خطر لمرضى القلب يؤدى للوفاه
4/زيادة خطر الجلطات أو السكتات القلبية عند بعض الأشخاص
5/بعض الأدوية أو الخلطات المجهولة ممكن تسبب توقف مفاجئ بالقلب خصوصًا لو فيها منشطات
6/ضيق تنفس وألم بالصدر
الدنيا فانيه فحافظ على نفسك وعيش بصحه 🤍🌱

06/05/2026

بوست النهارده (ودا تانى بوست من سلسله اضرار ادويه التخسيس) 🤍🌱
الاضرار بتأثر على الجسم كله ٫ اضرار على الجهاز العصبى والهضمى ومشاكل فى القلب ونزول وزن زائف
النهارده هتكلم عن مشاكل الجهاز الهضمى
1/غثيان وقيء
2/إسهال أو إمساك
3/مغص وانتفاخ
4/التهاب المعدة
5/التهاب البنكرياس (في حالات قليلة)
6/مشاكل في الكبد مع بعض الأنواع
7/خروج دهون مع البراز (براز دهني)
8/نقص في فيتامينات مهمة زي A, D, E, K
9/ضعف المناعة، تساقط الشعر، إرهاق
10/عدم راحة مستمرة خصوصًا بعد الأكل
11/فقدان الشهية بشكل مزعج مش صحي

05/05/2026

بوست النهارده 🤍🌱 (ودا اول بوست فى سلسله اضرار ادويه التخسيس)

لو روحت عند دكتور تغذيه وانت طالع اداك كام حبايه كدا مجهوله المصدر فى ورقه او كيس سيبه وامشى ولو تعرف تبلغ عنه يبقى فى ميزان حسناتك

05/05/2026

ليه دايما لما بنزل الحالات بقول بدون ادويه ؟
وايه مشاكل الأدوية ؟
وهل ممكن توصل للوفاه بسبب الادويه ؟
وهل انا هكره انى اساعد شخص انه ينزل او يذيد فى الوزن بسرعه؟
بالعكس انا لما ادى ادويه والنتيجه تبقى اسرع كله هيقول انى اشطر بس الفكره ان فى ربنا موجود لازم احطه فى اعتبارى قبل البشر وكلامهم
هعمل سلسله بوستات هتكلم فيها عن الادويه واضرارها واحاول ابسطها لكل الناس عشان يكون فى وعى كافى🤍🌱