28/08/2026
⚠️ توضيح مهم بخصوص عروض الحمام المغربي + السويت ⚠️
في بيت النوبة إحنا بنعمل عروض بأسعار مخفضة جدًا، مثل 350 / 400 / 450 جنيه، وده تقديرًا لكل ست نفسها تستمتع بالخدمات وممكن تكون ظروفها المادية مش سامحة، وعشان كمان نشجع كل واحدة عفيفة النفس إنها تنورنا وتستمتع بحقها في العناية والدلال 🤍
لكن علشان العرض يفضل مستمر ونقدر نقدمه بنفس الجودة، فيه سياسة ثابتة للسويت داخل العروض:
🌿 السويت في العرض بحد أقصى قطعتين.
والجسم الطبيعي في المعتاد بيحتاج قطعة واحدة، لأن السويت عندنا ما شاء الله قطعة كبيرة ومش بتسيح بسهولة أو بتستهلك بسرعة.
✨ أي قطعة إضافية بعد القطعتين = 50 جنيه.
وده مش معناه إننا بنحاسب حضرتك على طبيعة جسمك، بالعكس تمامًا ❤️
لكن في حالات ممكن تحتاج كمية أكبر من السويت، مثل:
• التكيسات وزيادة الشعر
• استخدام الشمع أو البراون بشكل مستمر
• بعض المكملات أو العلاجات التي قد تؤثر على نمو الشعر
• الحمل أو بعض الحالات المرتبطة بعلاجات الحمل
• أو أي سبب يجعل الجسم يحتاج كمية أكبر من المعتاد
وفي الحالات دي، طبيعي جدًا إن الاستهلاك يزيد، وبالتالي القطعة الثالثة وما بعدها بتتحاسب بشكل منفصل.
🙏🏻 ونرجو تفهُّم النقطة دي تحديدًا:
العرض بـ 350 أو 400 أو 450 جنيه شامل حمام مغربي + سويت، هو بالفعل سعر مدعوم ومخفض جدًا، ومش بيغطي وحده كل تكاليف المكان من كهرباء، بخار، مياه، تكيس، صابون، عطور، توريد، تجهيزات وخامات وغيرها.
فمش منطقي إن حضرتك تحتاجي كمية سويت أكبر من المسموح في العرض، ونطلب من المكان يتحمل فرق الاستهلاك بالكامل.
🤍 إحنا بنرحب بكل عميلات بيت النوبة، وبنحب نخدمكم بأفضل شكل، لكن لكل عرض سياسة وتفاصيل لازم تتطبق على الجميع بدون استثناء.
قطعتين سويت ضمن العرض ✅
أي قطعة إضافية = 50 جنيه فقط.
وبخصوص التوريد وتعطير
ف دي متريال بتيجي ب جرامات من برا والي جربت وعارفه
ف العطور ع اماكن النبض وتوريد ف الاماكن البرايفت
ولو حضرتك عاوزه للجسم كله ف جلسه ب 150للجسمًً كامل ف توريد وتعطير
وشكرًا لكل عميلة بتقدر تعبنا وبتحترم سياسة المكان 🤍
بيت النوبة… بنحاول دايمًا نخلي العناية في متناول الجميع.
