Go healthy with Madleen

Go healthy with Madleen هدفي ان انصح صحابي و كل ال اعرفهم او معرفهومش بخصوص طبيعه اكلهم و عاداتهم الصحيه

عارفه اني منزلتش من مده كبيره جدا بس راجعه بفكركم ب اهم الحاجات ال كنت بقول عليها قبل كده الاهم من كل الكلام ال تحت ده ا...
22/05/2026

عارفه اني منزلتش من مده كبيره جدا
بس راجعه بفكركم ب اهم الحاجات ال كنت بقول عليها قبل كده
الاهم من كل الكلام ال تحت ده انك فعلا تقتنع انك صح و تحس انك مبسوط
و متأنبش ضميرك ع اكله بتحبها و كلتها
عايزه اقولكوا سر
مش انتو ال بتطلبوا الاكل دي البكتيريا بتاعتكو
ازاييي ؟
هفهمكوا كلنا عندنا بكتيريا نافعه عايشه مع جسمنا و متعايشه معانا و متعايشين معاها لما بتمنع اكل هي بتضايق و بتطلبه تاني و بتلح عليك و تخلي مودك وحش لحد ما تاكل الاكله دي ف دي مش نهايه الكون تقدر تاكل كل حاجه بشكل صحي و حتي لو حاجات فيها كالوريز كتير ممكن ناخد منها كميه صغيره

وحشتوني يا صحابي و معلش الفتره ال فاتت كنت بمتحن و مازلت بس حبيت نفصل شويه و نركز ع صحتنا 💪🏼حوار في الصيدلية – الدايت وا...
11/12/2025

وحشتوني يا صحابي و معلش الفتره ال فاتت كنت بمتحن و مازلت بس حبيت نفصل شويه و نركز ع صحتنا 💪🏼

حوار في الصيدلية – الدايت والاكتئاب
gut–brain axis

المريض:
يا دكتور… أنا تخنت وروحت لدكتور دايت. أول أسبوعين ماشي تمام، بعد كده بقيت متضايق ومخنوق طول اليوم.ولما كنت باكل اللي نفسي فيه… مبسوط ومقبل على الحياه. !!!!

الدكتور:
طب يا سيدي… قولي قبل الدايت كنت بتاكل إزاي؟

المريض:
ولا حاجة يا دكتور!
الصبح: شاي بلبن 3 معالق سكر… ومعاه بقسماط دايت طبعًا 😂
الغدا: محشي… أو بشاميل… ولو مفيش باكل رغيفين.
العشا: خفيف خالص… رغيف واحد بس مع مربي أو عسل.
وكنت زي الفل يا دكتور 😂

الدكتور:
واضح يا صاحبي إن أكلك كان كله سكر وسعرات عالية… وطبيعي السكر يرفع المزاج بس بشكل مؤقت جدًا.
بعدها بتهبط وتحس بضيقة.
ودكتور الدايت قلل النشويات وركز على البروتين عشان تخس صح… مش يحرمك.

المريض:
بس هو كاتبلي نص رغيف… وأنا كنت بحط ٣ معالق سكر في المشروب الواحد! 😂

الدكتور:
علشان كده جسمك مصدوم.
النظام اللي هو عامله لك صحي:
– بروتين عالي
– دهون كويسة
– نشويات قليلة
– وفيه كل حاجة بس بكميات مناسبة
المهم بقى… ليه أنت متضايق؟

المريض:
مع الدايت حسيت بضيقة… وعايز أرجع لبلبن والمحشي والبشاميل 😂

الدكتور:
بص يا صديقي… هقولك سر مهم:
فيه شبكة اتصال قوية جدًا بين المخ والأمعاء اسمها Gut–Brain Axis.
أي أكل بتاكله مش بس بيأثر على بطنك… ده بيأثر على مزاجك كمان.

عشان كده في الامتحانات الناس تاكل نوتيلا… السكر يرفع المزاج شوية وبعدين يوقعه تاني.

المريض:
آه فهمت… خلاص هسيب المحشي… وهاكل نوتيلا بس 😂😂

الدكتور:
استنى يا نوتيلا 😂… لسه مكمّلين!

عندنا أطول عصب في الجسم: العصب الحائر – Vagus nerve
ده بينقل إشارات لحظية بين المخ والأمعاء.
يعني لو اتوترت → مغص وإسهال
ولو أكلت غلط أو الأمعاء ملخبطة → تحس بضيقة وتوتر

وكمان فيه الميكروبيوم… البكتيريا النافعة.
دي بتصنع:
– السيروتونين (هرمون السعادة)
– GABA (مضاد للقلق)
– الدوبامين

وتخيل… 90% من السيروتونين بيتصنع في الأمعاء مش المخ!

علشان كده لما الدايت يتغير فجأة، أو تقلل سكر، بتحس نفسيتك متلخبطة.

طيب نعمل إيه؟
– نكتر من الزبادي والبروبيوتيك
– نقلل السكر الأبيض
– نمشي، نتنفس صح، نهدّي أعصابنا
– نركز على الدهون الصحية زي المكسرات
– وننام كويس

المريض:
يعني مفيش محشي؟ 🥲
الدكتور:
هتاكله… بس بعقل. مزاجك أهم من طبق المحشي 😂

متنسوش بعد ما تقرو تعملو شير و رياكت للبوست 🥰🥰

15/10/2025

معلش سبتكوا كتير بس رجعالكوا ب حاجه مهمه جدا

ليه لما بعمل دايت قاسي مش بخس و في ناس بتزيد ف الوزن تعالو نفهم السبب

لما بنعمل دايت قاسي ف الاول بنخس جداا بس للاسف نزول الوزن هنا بيكون مياه و كميه دهون صغيره جدا ف كده بيحصل ف اول اسبوعين نزول وهمي

بعد كده الجسم بيدخل ف مرحله تكسير العضلات علشان يطلع الطاقه من اي مصدر و بكده معدل الحرق هيقل اكتر و هيحصل فقد ف العضل و دي حاجه مش مستحبه خالص

بعد كده هيبدأ يحصل ثبات ف الوزن او زياده ممكن تبقي زياده كاذبه طب ليه ؟؟
الجسم هيبدأ يحتفظ بكل حاجه بتديهاله زي مرحله المجاعه كده و يخزن كل الاكل ده لان الجسم خايف بعد شويه ميلاقيش الاكل ده و يبدا يخزن مياه تحت الجلد ف تزيد ع الميزان

علشان كده مهم اوي ان ال بيعملوا دايت يفهموا جسمهم و يعرفوا يوزنوا كميه الاكل ال جسمهم محتاجها و ده بوينت مهمه اوي لازم كلنا ناخد بالنا منها و دمتم بخير دايما ♥️♥️♥️♥️

عارفين ان مش كل جوع محتاج وجبه طب ازاي ؟؟؟ ساعات المخ بيترجم احساس العطش علي انه جوع جرب كده تشرب كوبايه مايه و شوف نفسك...
30/08/2025

عارفين ان مش كل جوع محتاج وجبه
طب ازاي ؟؟؟
ساعات المخ بيترجم احساس العطش علي انه جوع جرب كده تشرب كوبايه مايه و شوف نفسك لسه جعان ولالا

كمان لو شربت كوبايه مياه قبل الاكل بنص ساعه ده هيساعدك
انك تقلل كميه الاكل ال بتاكله

07/08/2025

الامراض المناعيه و التغذيه ♥️♥️

عايزه اتكلم معاكم ف حاجه مهمه ناس كتير بتقول ان ف الدايت الفاكهه دي محطه امان و سكرها قليل و ناكل براحتنا عايزه اقولكم ...
12/07/2025

عايزه اتكلم معاكم ف حاجه مهمه ناس كتير بتقول ان ف الدايت الفاكهه دي محطه امان و سكرها قليل و ناكل براحتنا عايزه اقولكم ان اساس اي دايت التنظيم يعني الفاكهه دي فيها سكر الفركتوز يعني لازم ناخد بالنا منها قبل ما اقول الفاكهه ال ناخد بالنا منها و المسموحه عايزه اقول ان

1 متكونش عصير
2 بين الوجبات او بعد الوجبه بساعتين
~~~~~~~~~~~~~~~~~~~~~~~~~~~~~~~~

في فاكهه فيها كميه سكريات عاليه اوي لازم ناخد بالنا منها جدااا
زي التين >>سهل يتاكل منه كميه كبيره و للاسف هو سكره عالي اوي

و المانجه >>>>>سكرها عالي اوي و الأحسن ناخد قطعه صغيره

و البلح/ التمر>>>>> نفس الفكره

و الموز >>>> بناخد ثمره متوسطه او صغيره

و الرمان >>>>>> ناخد بالنا من الكميه و بلاش عصير

البطيخ >>>> ناخد بالنا منه لان فيه سكر سريع الامتصاص برضو مسموح بشريحتين

الفكره ان نقلل منهم لأنهم المؤشر الجليسيمي بتاعهم عالي جدا لأنهم بيرفعوا سكر الدم فجاءه ف بناخد ثمره حجمها صغير و مش كل يوم

~~~~~~~~~~~~~~~~~~~~~~~~~~~~~~~~

الفاكهه ال مسموحه و مفيش منها مشكله و المؤشر الجليسيمي بتاعه اقل

الفراوله >>>>> سكرها قليل و مفيده و فيها الياف و فيها مضادات اكسده

التوت >>>>> حلو جدا لمقاومة الانسولين 😋😋

الجوافة >>>>> بتشبع و فيتامين سي كمان 👌

التفاح الاخضر >>>>> ممكن نكتفي بنص تفاحه

البرتقال >>>>>>مليان الياف و مشبع لكن مش عصير

الكيوي >>>>>غني ب الالياف و فيه فيتامين سي

البرقوق>>>> حلو جدا بس ٢ او ٣ بس و سكره متوسط و فيه مضادات اكسده و ملين طبيعي بس بلاش المجفف🙂

المشمش >>>> فيه الياف الشبع متوسط و عني ب فيتامين سي و a مسموح منه ٢ او ٣ بس بلاش المجفف برضو🙂🙂

~~~~~~~~~~~~~~~~~~~~~~~~~~~~~~~~

ناخد بالنا الفاكهه دي متكونش عصير ولا ف البيت ولا بره البيت و ميكونش بعد الوجبه علي طول ياما بعد الأكل بساعتين او بين الوجبات و ناخد بالنا من الفاكهه ال فيها سكر كتير و ال فاكهه ال ♥️♥️♥️♥️مسموحه ودمتم سالمين اشوفكم ف بوست تاني

في موضوع مهم اوي لازم اتكلم فيه ف الحر ده كلنا بنحب ف الحر العصاير و البيبسي تعالوا ندخل ف الموضوع ع طول 1 نبدا ب العصاي...
25/06/2025

في موضوع مهم اوي لازم اتكلم فيه ف الحر ده كلنا بنحب ف الحر العصاير و البيبسي تعالوا ندخل ف الموضوع ع طول

1 نبدا ب العصاير العصير هو عباره عن انك.خدت الفاكهه و عصرتها و صفيتها و مبقاش فيها الالياف انت حرفيا بتاخد المياه و السكر ال فيها طب هو ايه المشكله تعالوا نشوف

اولا : الالياف مهمه انها بتبطئ امتصاص السكر ف الدم ف كده احنا شيلناها السكر هيمتص بسرعه اوي

ثانيا : الالياف دي كانت بتشبع لما متكونش موجوده مش هتشبع و تحس انك جعان برضو

ثالثا : الفاكهه الكامله بتديك احساس ب الشبع و الرضا و بتاخد وقت انك تاكلها و تستمتع بيها

يعني لو خدت كوبايه عصير برتقال فيه سكر زي ٣ او ٤ برتقالات ف الطبيعي مش هتقدر تأكل الكم ده و غير كده مش هتشبع

الحل : لو عايز تشرب عصير حاول تاكل جمبه حاجه فيها بروتين صحي او دهون صحيه زي المكسرات مثلا و الأحسن تأكل الفاكهه زي ما هي

~~~~~~~~~~~~~~~~~~~~~~~~~~~~~~~~
تاني حاجه عايزه اتكلم عنها البيبسي 😏😏😏

1 قنبلهههه سكر ٣٣٠ ملي و فيها ٨ ل ١٠ معالق سكر 🥹 بترفع سكر الدم بسرعه جدا جدا

2 بتأذي الاسنان بسبب الحموضه العاليه و بيكسروا المينا

3 بتزود الوزن كالويرز كتير اوي

4 بتضعف العضم يعني هتبقي مكسر😂 بسبب ان الفسفور بتأثر علي امتصاص الكالسيوم

5 بتعمل حموضه وانتفاخات ف القولون بسبب الكربونات ال فيها

حتي لو بتشربها دايت ففيها محليات صناعيه بتزود مقاومه الانسولين و تزود شراهه الحلويات

طب ف الحر اشرب ايهههههه حيرتونييي
ممكن نجيب مياه ساقعه و نضيف نكهات مثلا
او نقطع شرايح ليمون في المياه
او نعمل مشروب النعناع و الليمون و التلج منعش اوي

خلصت الامتحانات و فضيت ليكو 😅 هنعمل لايفات و بوستات قد كده 😅 يلا نبدأ ليه ممكن تحس طول الوقت انك عايز تأكل حاجه مسكره ؟ ...
21/06/2025

خلصت الامتحانات و فضيت ليكو 😅 هنعمل لايفات و بوستات قد كده 😅 يلا نبدأ

ليه ممكن تحس طول الوقت انك عايز تأكل حاجه مسكره ؟ سوال مهم و ناس كتير بتساله

1 ممكن يكون في مقاومه انسولين

يعني الانسولين مش عارف يخلي السكر يدخل للخليه ف الخليه محتاجه سكر لانه مبيوصلهاش ف المخ يترجمها انه محتاج طاقه فيطلب سكر اكتر

~~~~~~~~~~~~~~~~~~~~~~~~~~~~~~~~

2 قله النوم او الارهاق 😴

قله النوم بتخلي الجسم يفرز هرمونات الجوع و يقلل هرمونات الشبع ف تلقائي تلاقي نفسك عايز مسكر علشان تفوق

~~~~~~~~~~~~~~~~~~~~~~~~~~~~~~~~

3 بتاكل كارب بسيط كتير

زي العيش الأبيض و الحلويات ال بترفع السكر فجاءه و ينزل فجاءه ف الجسم يطلب سكر تاني و نفضل ف نفس الدايره

~~~~~~~~~~~~~~~~~~~~~~~~~~~~~~~~

4 في حاجه اسمها الإدمان

انت بتدمن السكر لانه بيعلي الدوبامين ال هو هرمون السعاده و الجسم يطلبه كل ما يتوتر او يزهق

~~~~~~~~~~~~~~~~~~~~~~~~~~~~~~~~

5 نقص بعض العناصر الغذائيه

زي الكروميوم و الماغنيسيوم دول ليهم دور انهم ينظموا سكر الدم و ميطلبش اكل مسكر

~~~~~~~~~~~~~~~~~~~~~~~~~~~~~~~~

الخلاصه لو بتحس انك عايز تأكل مسكر كتير راقب نومك و حالتك النفسيه و اكلك و مقاومه الانسولين و في تركه تساعدك تقلل من شراهه الحلويات انك ف الوجبات تبدأ ب البروتين و اخر حاجه يكون الكربوهيدرات و ممكن نبدل الحلويات ب الفاكهه او ناخد قطعه صغيره ف اليوم الفري او نعمل حلويات بطرق صحيه و نستبدل الدقيق الأبيض ب الاسمر و دقيق الشوفان

شكرا انكوا كملتوا البوست ♥️♥️♥️

مساء الخير معلش اتاخرت عليكم كنت بمتحن 🙂 عايزه اتكلم معاكم عن فيتامين مهم للاسف بيتنسي وسط الزحمه و هو الزنك ده من اكتر ...
14/06/2025

مساء الخير معلش اتاخرت عليكم كنت بمتحن 🙂 عايزه اتكلم معاكم عن فيتامين مهم للاسف بيتنسي وسط الزحمه و هو الزنك ده من اكتر الفيتامينز المفيده الجسم جدا تعالوا نقول مهم ليه و موجود ف ايه

1- الزنك من اكتر الحاجات ال بتزود حساسيه الجسم للانسولين فبيحرق و بيقلل مقاومه الانسولين
2- بيزود عمليه الحرق و التمثيل الغذائي
3- بيقلل الشهيه المفرطة خاصه للسكريات و دي من اعراض مقاومه الانسولين انك تبقي عايز تأكل كارب بس
4- بيقلل التوتر و يحسن المزاج
5- بيقلل تساقط الشعر ال بيحصل مع بدايه الدايت او كمان عند ال عندهم مقاومه انسولين

موجود ف اكل كتير زي اللحوم و البيض و الكبده و المكسرات و البقوليات

الزنك مش مجرد مكمل الزنك ده مساعد خفي ف الدايت

عايزه اتكلم معاكم عن الأكل العاطفي مصطلح اغلبنا مش بياخد باله منه هو أن اول ما بنتوتر او نكون مش نايمين كويس او نومنا مت...
04/06/2025

عايزه اتكلم معاكم عن الأكل العاطفي مصطلح اغلبنا مش بياخد باله منه هو أن اول ما بنتوتر او نكون مش نايمين كويس او نومنا متلخبط بيبدأ الجسم يفرز كورتيزول و هرمونات كتير بتخليك عايز تخرج غضبك ف الاكل و غالبا بناكل كارب ف الوقت ده او سكريات بنروح ناكل نوتيلا او ناكل فينو او حتي بناكل اكلنا بس بكميات كبيره طب ايه الحل
زي ما قولنا ناخد شيكولاته دارك بديل للنوتيلا
نلعب شويه رياضه و نحاول ننزل نتمشى نص ساعه كان في دكتور انا بحبها اوي قالتلي لازم أول ما اصحي اسأل نفسي فين النص ساعه بتاعتي النهارده ال هفصل فيها نحط الهاند فري و نروح ف عالم تاني و نهدي و طبعا ننظم نومنا و نقلل كفايين من بعد الساعه ٦ او ٧ مساءا و الأهم نبعد عن مسببات التوتر 😇

Address

Naser Streat
Suez
MODY

Website

Alerts

Be the first to know and let us send you an email when Go healthy with Madleen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category