Wellness bites د/آيه عابدين صيدلانيه وأخصائية التغذيه الاكلينيكيه

27/05/2026

26/03/2026

هو حد فينا بعد رمضان والعيد بيرجع زي ما كان؟ 😅
أكل برا، حلويات، مواعيد نوم بايظة… وكل حاجة ماشية بـ “يلا مش مشكلة”

وفجأة… نصحى ونقول:
لا كده لازم نرجع لنظام صحي فورًا!
ونقوم عاملين دايت قاسي جدًا… يومين ونزهق ونرجع أسوأ من الأول 🙃

طب ما تيجي نعملها بطريقة أهدى شوية؟ 🤍

من غير ضغط… ومن غير قرارات كبيرة ملهاش لازمة

ابدئي بس إنك ترجّعي “الإحساس بالأكل” تاني:
يعني تاكلي وإنتِ مركزة… شبعتي؟ خلاص وقفي
جعتي؟ كلي… بس اختاري حاجة تفيدك

حاولي تخلي يومك فيه أكل بسيط:
فطار خفيف
غدا من أكل البيت
عشا خفيف على المعدة

مش لازم دايت… ولا حرمان… ولا حساب سعرات دلوقتي

المهم ترجعي:
✔️ تاكلي على مهلك
✔️ تقللي الأكل التقيل بالتدريج
✔️ تشربي مية كفاية
✔️ وتدي لنفسك فرصة ترجع طبيعي

جسمك مش محتاج دايت قاسى هو بس محتاج شوية تنظيم تاني 🤍

وأهم حاجة…
متستنيش يوم “مثالي” تبدأي فيه
ابدئي من النهارده… حتى لو بخطوة صغيرة

علشان الصحة مش قرار يوم…
دي طريقة بنعيش بيها🌹🌹
أعاد الله عليكم الأيام بالخير
ورزقكم صحه فى البدن وسعاده للروح❤️❤️
د/آيه عابدين
للتواصل واتس فقط 010 21428447

09/01/2026

☕😌خلّينا نتفق على شوية حقايق كده بهدوء…
مش كل حد ضغط عليك يبقى عنده حق.
ومش كل حاجة اتبعتلك بعلامات تعجب كتير تبقى طارئة!!! 😅

فيه فرق يا جماعة بين:
📌 حاجة مهمة
📌 حاجة عاجلة
📌 حاجة صاحبها مستعجل على أعصابه

ومع الأسف… التلاتة دول بيتلخبطوا عندنا.

🔹 مش كل رسالة تيجي الساعة ١١ بليل لازم تترد فورًا
🔹 مش كل مكالمة فايتة معناها مصيبة
🔹 ومش كل “معلش بس” تبقى فعلًا معلش

وهنا بقى تيجي مهارة الحياة الأساسية 👇
إنك تبقى شخص واعي…
وتعرف إمتى ترد،
وإمتى تستنى،
وإمتى ببساطة
👉 اعرف أخلّيه ميوت 📵😂

اللايف كوتشينج – بدون تعقيد – بيقول إيه؟
إنك لما تسيب نفسك تحت الطلب ٢٤ ساعة،
أنت كده مش شخص متعاون…
أنت كده بطارية موبايل على ١٪ ولسه مصر تكمل 🔋😅

استراحة محارب معناها:
✔ تختار إمتى ترد
✔ تختار إمتى تأجل
✔ وتختار إمتى تعمل ميوت من غير تأنيب ضمير

معلومة مهمة جدًا:
العالم ما بيقعش لما تسكت شوية،
والناس ما بتختفيش لو اتأخرت في الرد،
بس أعصابك… آه… بتنهار 🤦‍♀️

فخدها قاعدة:
مش كل مستعجل يستعجلك،
ومش كل ضغط لازم تشيله،
ومش كل ميوت يبقى قلة ذوق…
أحيانًا يبقى إنقاذ أعصاب 😌

استراحة محارب
علشان تعرف تكمل،
من غير ما تتحول لشخص متوتر وبيزعق في اللي بيحبهم 🤍
انا جايالكم من هناك 🥺وبقولكم ده احتراق ذاتى ملوش نهايه ولا هدف🤨

✍🏻 د/آيه عابدين
لكم منى كل الحب والتقدير وأتمنى التأثير ولو بأثر واحد إيجابى أجده فى ميزانى حين ألقى ربى ❤️❤️

09/01/2026

كل سنه وانتم طيبين ❤️
شهر رجب فرصه ذهبيه للطاعات مش كده وبس دى فرصه كمان لتهيئة جسمنا لرمضان وفقدان وزننا بسهوله اكتر😎 ليه الصيام الإسلامي في شهر رجب فرصه؟🌹

🔹 الصيام الإسلامي يعنى حرق دهون حقيقي
عند الامتناع عن الأكل ساعات طويلة، الجسم بيخلص مخزون الجلوكوز ويبدأ يعتمد على الدهون كمصدر طاقة 👉 يعني حرق فعلي مش وهمي.

🔹 تحسين حساسية الإنسولين
الصيام يقلل مقاومة الإنسولين، وده يساعد الجسم يخزن دهون أقل ويحرق أكتر.

🔹 إراحة الجهاز الهضمي
تقليل عدد الوجبات يدي فرصة للأمعاء والكبد يشتغلوا بكفاءة أعلى، وده ينعكس على الوزن والطاقة.

🔹 تقليل الشهية وتنظيم الجوع
الصيام بيعلم الجسم يفرّق بين الجوع الحقيقي والعادة… ودي خطوة مهمة جدًا لأي رحلة تخسيس.
وانا عارفه ان دى مشكله كبيره عند معظمنا🤦‍♀️🤷🏻‍♀️🥺

🔹 تهيئة نفسية قبل رمضان
الصيام في رجب بشكل متقطع أو أيام متفرقة يسهّل الانتقال لرمضان من غير صدمة للجسم ولا زيادة وزن.

✨ اللى عاوزه أأكد لحضراتكم عليه هو إن:
الصيام في رجب عبادة…
وفي نفس الوقت أداة قوية لحرق الدهون وتنظيم الجسم لو اتعمل صح وبوعي.

📌 وأخيرا لو هنصحكم بحاجه هتبقى 👇
ركز/ي على وجبات بسيطة، بروتين كفاية، ميه كتير، وقللي السكريات وقت كسر الصيام او الفطار يعنى
دمتم جميعا بأفضل صحه وحال
وبارك لنا فى رجب وشعبان وبلغنا رمضان
د/آيه عابدين
أخصائية التغذيه العلاجيه
للمتابعه اون لاين فقط 010 21428447

18/12/2025

� ليه دكتور التغذية اللي ما بيفهمش لايف كوتشينج… دايته بيقع؟
خلّينا نتكلم بصراحة شوية 👀

إنت ممكن تحفظ جدول أكل كامل
وتبقى عارف السعرات عن ظهر قلب
وبرضه…
📉 ما تكملش
📈 وترجع لنقطة الصفر

ليه؟
لأن المشكلة مش في الأكل بس.

🔬 علميًا وباختصار مفيد:
الأكل قرار بيتاخد من المخ
مش من المطبخ
ومتأثر بـ:
• الضغط العصبي
• قلة النوم
• المشاعر
• العادات
• جلد الذات
يعنى ايه يادكتوره؟ 🤦‍♀️😇
يعني لو اشتغلنا على الطبق
وسيبنا العقل
النتيجة دايمًا واحدة:
التزام مؤقت… وانتكاسة أسرع
😅 الجملة الشهيرة في العيادة:
“أنا فاهم أكل إيه… بس مش قادر ألتزم”💔

دي مش شماعة
دي إشارة إنك👇
✔️ محتاج دعم
✔️ محتاج تغيير طريقة تفكير
✔️ مش محتاج دايت أقسى

🌱 هنا ييجي دور اللايف كوتشينج
لايف كوتشينج مش تنمية بشرية ولا كلام تحفيزي
ده أدوات عملية بتساعدنا:
✔️ نفهم سبب الأكل العاطفي
✔️ نهدّي التوتر
✔️ نبني عادات تدريجي
✔️ نقلل جلد الذات (أهم نقطة)

😂 تشبيه سريع كده:
دكتور تغذية من غير كوتشينج
زي:
📺 ريموت من غير بطارية

موجود… بس مش شغّال🤣🤣

✨كلام فى سركم كده 🤭❤️
الناس مش محتاجة دايت جديد
الناس محتاجة طريقة تفكير جديدة

ودكتور التغذية الشاطر
بيعالج الإنسان
قبل ما يحسب السعرات

✍️ د/ آيه عابدين

18/12/2025

دى سلسه جديدة نويت ابتديها معاكم بإذن الله عنوانها 🌹استراحة محارب 🌹متأكده انها هتلمس قلوبكم ومشاعركم حتى لو مقصدتش بشكل كامل حكايه تخصكم❤️

ودى هتكون اول استراحه👇

مش ضعف إنك تتعب…
الضعف الحقيقي إنك تكمل من غير ما تفصل.

إحنا متعوّدين نضغط على نفسنا:
• شغل
• بيت
• مسؤوليات
• ناس مستنيّة مننا دايمًا نكون أقوياء

بس محدش قال إنك آلة.

⸻

💭 يعني إيه تفصل من الضغوط؟
مش تهرب
ولا تسيب الدنيا
ولا تقفل موبايلك أسبوع

الفصل ببساطة:
✔️ تهدي الجهاز العصبي
✔️ ترجع تتنفس
✔️ تشحن طاقتك من غير ذنب

⸻

🌱 5 حاجات بسيطة تفصلك فعلًا:

1️⃣ خد نفس بعمق
شهيق 4 ثواني – زفير 6
كررها 3 مرات… بس.

2️⃣ اقفل مصدر ضغط واحد
مكالمة – إشعار – نقاش
مش كل حاجة لازم تترد فورًا.

3️⃣ حركة خفيفة
تمشية – مطّ عضلات
الجسم بيفك قبل العقل.

4️⃣ اكتب اللي جواك
حتى لو سطرين
التفريغ بيخفف الحمل.

5️⃣ لحظة بلا دور
مش أم – مش شغال – مش مسؤول
إنت إنسان وبس.

⸻

✨ رسالة استراحة محارب:
إنت مش مطالب تفضل قوي طول الوقت
الراحة مش رفاهية
الراحة جزء من الاستمرار


✍️ د/ آيه عابدين
لكم منى كل الحب والتقدير وأتمنى التأثير ولو بأثر واحد ايجابى أجده فى ميزانى حين ألقى ربى❤️❤️

18/12/2025

� مريض الغدة… خد بالك، أكلك ممكن ينجّح أو يبوّظ العلاج!

كتير من مرضى الغدة بياخدوا الدوا بانتظام
وبرضه لسه:
❌ تعبانين
❌ وزنهم مش مظبوط
❌ مزاجهم ملخبط
ليه؟
لأن ببساطة…
👉 الغدة بتحب الأكل الصح وبتكره العشوائية.
🔬 علميًا كده ببساطة:
الغدة الدرقية هي مدير الحرق والطاقة في الجسم
وأي نقص أو زيادة فيها = الجسم كله يتلخبط
وهنا بييجي دور التغذية 👇
🍽️ لو عندك كسل في الغدة:
(حرق بطيء – خمول – زيادة وزن)

✔️ زوّد بروتين
(بيض – سمك – فراخ – عدس)
✔️ اهتم بالزنك والسيلينيوم
(سمك – مكسرات – بقول)
✔️ خضار ورقي مطبوخ كويس

🚫 قلل:

• السكر
• الأكل المصنع
• الصويا
• الكرنب والقرنبيط ني (المطبوخ عادي)
🔥 لو عندك نشاط في الغدة:
(خفقان – عصبية – فقدان وزن)

✔️ كل وجبات متوازنة وسعرات كفاية
✔️ ركّز على الكالسيوم وفيتامين D
✔️ اشرب مية كتير

🚫 قلل:

• القهوة والكافيين
• أي مكمل فيه يود من غير دكتور

⏰ أهم نقطة بتضيع مجهود ناس كتير:
💊 دواء الغدة

✔️ يتاخد على معدة فاضية
🚫 لا قهوة
🚫 لا لبن
🚫 لا حديد ولا كالسيوم
⏳ استنى 30–60 دقيقة قبل الأكل

(علشان يمتص صح ويشتغل بجد)

✨ اهم حاجة هقولهالك كأخصائية تغذيه لازم تفضل في بالك:

• الدوا لوحده مش كفاية
• الأكل الصح بيقوّي العلاج
• التغذية الغلط بتعطّله

لازم نكون على يقين تام ان التغذية مش رفاهية…
التغذية جزء أساسي من علاج الغدة 💚

أخصائية التغذية العلاجيه✍️ د/آيه عابدين

05/12/2025

️💔 يعنى إيه الجوع العاطفي؟

هو إنك تاكلي علشان مشاعرك… مش علشان جسمك محتاج أكل.
زعل، توتر، ملل، وحدة… كلها تخليكي تدوري على حاجة مسكّرة أو مقرمشة علشان تهدي نفسك.

🔎 أعراض الجوع العاطفي

• بييجي مرة واحدة دون سابق انذار🤭.
• بتشتهي نوع معين زي شوكولاتة أو شيبسى .
• بتاكلي بسرعة ومن غير ما تاخدي بالك.
• بتحسي ندم بعد الأكل.
• حتى بعد ما تشبعي… الإحساس اللى جواكي ما بيروحش.

💡 الحل يا دكتوره؟ بسيط بس محتاج وعي

✔ اسألي نفسك: “أنا جعانة؟ ولا مضايقة؟”
✔ بدّلي الأكل بحاجة تانية تهديكي:
مشي دقيقتين – نفس عميق – كلمتين مع حد بتحبيه – شاور دافي.
✔ نظّمي أكلك خلال اليوم عشان الجوع الجسدي ما يلخبطكيش.
✔ نامي كويس… قلة النوم بتفتح نفسنا على الحلو.
✔ اعرفي إن المشاعر مش غلط… ولما نسمحلها نطلع، قوتها بتقل.

يعنى؟😊

الجوع العاطفي مش ضعف…
ده نداء من جواكي إنك محتاجة تهتمي بنفسك

04/08/2025

« نسعىٰ بكلِّ ما أوتِينا من قوَّةٍ لأنَّنا لا نعرِف طريقًا غيره و لأنَّنا نؤمن أن المُحاولاتَ لا تَضيع هباءًا

وأنَّ كلَّ مُحاولة تصنع منّا إنسانًا جديدًا بمعَاييرٍ مُكتَسبة ومُسْتَحْسَنة حتّى وإن تُوجِت بحَصِيلَةٍ غير مُتَوَقَّعةٍ

لأنَّنا نحبُّ أن تُكلَّل خُطوَاتنا دائمًا بمَا يجعلنَا فخُورين بأنفسنَا على أيِّ حالٍ دونَ أن تسْتَبَدَّ بِنَا الْمَخَاوِفُ أو تتضَاءل منَّا المُثَابَرة

ربّمَا لا يزَال هناكَ مُتَّسِعًا من الوقتِ لكن لا مجَال لإهدَاره فيمَا لا يَسْدَى نفعًا لنَا

يا ربّ أنتَ كلَّفتنَا وأَوْكَلتنَا لنقطعَ هذهِ الطُّرق
منّا النَوَاة والعَزم ومنكَ السَّدَاد والمؤازَرَةٌ »