صيدلية الدكتور أحمد قدح Dr. Ahmed Kadah Pharmacy

01/11/2025

28/10/2025

27/10/2025

🩺💡 تنبيه صحي هام جداً للآباء والأمهات: الخطر الصامت الذي يهدد قلب طفلك!
​هل يشتكي طفلك من التهاب حلق (لوزتين) متكرر ومصحوب بحمى؟ انتبه! هذه ليست مجرد نزلة برد عابرة، وإهمال علاجها قد يحمل خطراً صامتاً ومدمراً.
​🚫 الخطر يكمن هنا:
​كثيرون يتجاهلون التهاب الحلق، لكن إذا كان سببه بكتيري (غالباً بكتيريا المكورات العقدية)، فإن إهمال علاجه بالكامل قد يؤدي إلى كارثة اسمها: "الحمى الروماتيزمية" (Rheumatic Fever).
​⚠️ ما هي الحمى الروماتيزمية ولماذا هي خطيرة؟
​مرض مناعي متأخر: هي مرض مناعي التهابي، ولا تظهر أعراضها إلا بعد 2 إلى 4 أسابيع من التهاب الحلق البكتيري الأولي.
​الخطر الصامت على القلب: أخطر ما تسببه الحمى الروماتيزمية هو تلف صمامات القلب. وتحديداً، تستهدف الصمام الميترالي (Mitral Valve)، مما يجعله السبب الأول في تلف هذا الصمام!
​النتيجة البعيدة: هذا التلف يؤدي لاحقاً إلى القصور القلبي المزمن في مراحل متقدمة من العمر.
​✅ رسالة سريعة وعملية:
​إذا تم تشخيص طفلك بالتهاب حلق بكتيري، لا تتردد في البدء بالعلاج، والأهم: استكمل كورس المضاد الحيوي بالكامل كما وصفه الطبيب، حتى لو تحسنت الأعراض بسرعة!
​هذه هي الحماية الوحيدة لقلب طفلك من خطر الحمى الروماتيزمية الصامت.
​شارك هذا المنشور لإنقاذ قلب طفل!
​ #توعية

26/10/2025

📢 رسالة مهمة لكل اللي بيعاني من القولون العصبي!
​مفيش حاجة اسمها "مشكلة في البطن" بس... القولون العصبي أعمق من كده بكتير.
​📌 القولون العصبي = اضطراب في الاتصال!
​في الأساس، هو خلل في الإشارات بين المخ والجهاز الهضمي. ده بيفسر ليه التوتر والضغط النفسي بيخلّوا القولون "يولع" ويحصل تقلصات وألم، حتى لو أكلت أكل خفيف وبسيط.
​💊 أدوية القولون اللي بتهدي الأعصاب: سلاح ذو حدين؟
​بعض أدوية القولون بتحتوي على مكونات بتهدي الإشارات العصبية الزيادة دي. الهدف؟ مش "تخدير" المخ، لكن علاج السبب الحقيقي اللي مسبب التقلصات والمغص.
​لكن هنا نقطة مهمة لازم ننتبه لها:
​⚠️ الآثار الجانبية اللي لازم تعرفها:
​هذه المكونات فعالة، لكن لو استخدمت لفترات طويلة أو بجرعات عالية، ممكن تؤثر على هرمون البرولاكتين (هرمون إفراز اللبن)، وتسبب آثار جانبية بسيطة زي:
​تأخر الدورة عند البنات.
​إفرازات بسيطة من الثدي.
​خمول ج/نسي بسيط عند الرجال.
​✨ الخبر الكويس: الأعراض دي كلها بتزول تمامًا بمجرد ما نوقف الدواء أو نغيره، وهي ليست خطرًا في حد ذاتها. المشكلة الحقيقية هي الاستخدام الطويل بدون متابعة.
​💡 هل الأدوية دي ممكن تسبب سرطان الثدي؟
​الخلاصة: الكلام ده مبالغ فيه جدًا!
​الدراسات بتقول إن الاحتمال ممكن يزيد بنسبة ضئيلة جدًا، بس مع استخدام طويل جدًا ولسنوات، مش من كورس علاج شهر أو اثنين.
​ضروري نكون حذرين ونتابع، خصوصاً لو فيه تاريخ عائلي لحالات زي دي، والاحتياط واجب للناس اللي ماشية على الأدوية دي لفترات طويلة.
​✅ القاعدة ببساطة:
​آمنة تحت الإشراف: أدوية القولون اللي فيها مهدئات عصبية آمنة لما تتاخد بجرعات صغيرة وتحت إشراف طبي.
​الخطر؟ بيبدأ لما يكون الاستخدام عشوائي أو مطول بدون متابعة الطبيب.
​مش كل الحالات محتاجة: مش كل حالة قولون بتحتاج دوا له تأثير عصبي، كتير من الحالات بتتحسن بمضادات التقلص وتنظيم الأكل والنوم بس!
​تذكر دايماً:
​كل دواء في الدنيا ليه وجهين: وجه بيعالج، ووجه ممكن يأذي لو اتاخد غلط. الفرق بين الاتنين مش في الدواء... الفرق في اللي بياخده والطريقة اللي بيستخدمه بيها.
​ #صحة
#صيدليه صيدلية الدكتور أحمد قدح Dr. Ahmed Kadah Pharmacy
عنوانا الدير امام منزل الحج منصور قدح🌚

23/10/2025

مينفعش لغاية دلوقتي تبقي عايز بنادول للبرد ومتبقاش عارف أنت عايز أنهو نوع فيهم! 😮
أيوه .. لإن بقي فيه دلوقتي نوعين بنادول للبرد وتركيبتهم مختلفه.😏

واحد لو بتنزل الصبح وعايز حاجه تعالجلك أعراض البرد من غير ماتحس إنك عايز تنام أو مدروخ — اللي هو (Panadol cold & flu day) وده لإن تركيبته مفيهاش مادة الحساسية، ومُكتفي بس بالباراسيتامول كمسكن وخافض للحرارة ومعاه كافيين يفوقك شويه ويزود من فاعلية الباراسيتامول ومعاه الـفينيل افرين كمُزيل احتقان خفيف للأنف.🤧

وواحد لو بالليل وعايز تنام وتستريح — ( Panadol acute head cold) وده لإن تركيبته فيها برضه الباراسيتامول ومعاه سودوايفدرين كمزيل احتقان وبدل الكافيين هنا موجود مادة الـ (بروموفينرامين ماليت) كحاجه مضادة للحساسيةودي اللي ممكن من أعراضها الجانبيه الخمول والدوخه شويه.🤒🤕

هتسألني أنا عن نفسي بفضل أيه!
هقولك البنادول أكيوت لكذا سبب ..
١) أنا في البرد للأسف محتاج حاجه مضادة للحساسية تهديلي الرشح وسيلان المناخير شويه حتي لو كنت هدروخ شويه عادي بالنسبة ليا. (لكن نخلي بالنا لو شغال بآله حاده بلاش).
٢) مادة السودوايفدرين أقوي في الفعالية من الفينيل افرين بفرق واضح. (لكن نخلي بالنا لو فيه مشاكل في القلب أو الضغط مش متظبط).
٣) السعر يباشا .. ليه شريط فيه باراسيتامول وفينيل افرين الضعيييف وب ٣٨ جنيه!!🙈
#صيدليه الدكتور احمد قدح
عنوانا الدير امام منزل الحج منصور قدح
في انتظاركم تنورونا🥰

23/10/2025

إنت كمريض مصري لازم يبقى عندك خلاص الوعي إنك تبقى فاهم سوق الدوا ماشي إزاي في مصر.
لازم تبقى عارف إن كل يوم هتلاقي صنفين تلاتة تجاريين نزلوا.

لازم تبقى عارف إن المُسكّن اللي مكتوب لك في الروشتة عبارة عن اسم شركة مش أكتر، مش السحر اللي هيعالجك من كل وجع والتهاب في جسمك، أو هيضيّع لك الخشونة من أول قرص، وإنك لو خدت نوع تاني شركة تانية مش هيعمل حاجة!
لأن لو ماعملش حاجة، اللي كان مكتوب لك برضه مش هيعمل حاجة!

لازم تبقى واعي إن فيه حاجة اسمها (مادة فعّالة)، وحاجة اسمها (اسم تجاري).

لازم تكون خلاص فهمت الدنيا ماشية إزاي، وإن اللي بيحصل عندنا في مصر ده اسمه بظرميط!
آه والله زي ما بقولك كده… مش هتلاقي في أي حتّة في العالم روشتة مكتوب فيها اسم تجاري لدواء معيّن!
مش هتلاقي صنف تحت بير سلم مكتوب لك يخليك تلف الدنيا والآخرة علشان تلاقيه!
مش هتلاقي حد بيأكد عليك تجيب الدواء من الصيدلية الفلانية وتيجي تورهولي!
مش هتلاقي كل نص ساعة دوا معدة نازل، أو حديد وكالسيوم “يونيك فورميولا”، أو دوا شَرْب أعشاب جديد بقى مفيش زيه في السوق بخلاصة ورق اللبلاب، أو حتى مُسكّن جديد بقى سحر لعلاج الخشونة والالتهابات مادته الفعّالة “إيتوريكوكسيب”!

إحنا عدّينا، أو بالمعنى الأصح إنت كمريض عدّيت، بمرحلة قبل كده تقريبًا مكنش فيه أدوية خالص في السوق.
فاكر لما جه فترة مكنش فيه أي فوارات للأملاح، وكل ما يتكتب لك نوع ما تلاقيهوش!
لدرجة إني والله العظيم مرة جالي روشتة لحد عنده أملاح ونقرس مكتوب له بالحرف كده: فوار يورسولفين أو يوريفين أو يور إيد أو كولي يورينال… أي واحد فيهم، دلوقتي بقي البديل حلو!

طب بلاش أدوية الغدة نفسها!
مش جه فترة الدكتور بقى يكتب لك الأربع أسماء التجارية: إلتروكسين، وإيوثروكس، وتي4-ثيرو، وثيروكسين… ويقولك اللي تلاقيه هاته!

بلاش… إنت دلوقتي كمريض قلب ومكتوب لك لانوكسين اللي منزلش بقاله فترة، والمثيل بتاعه اللي كان “معفّن” بـ11 جنيه قبل كده (40 قرص) واللي مكنتش بتفكّر فيه أصلًا… مش دايخ عليه دلوقتي وبتدوّخ لغاية ما تلاقيه!

أي نعم الكلام مش على كل الناس؛ لأن فعلًا في ناس خلاص اتعلمت وفهمت وبقى عندها الوعي، لكن للأسف الأغلبية لسه عندها نفس المشكلة.
نلتمس العذر أكيد، لأن في منهم ممكن يكونوا كبار سن أو مش متعلمين… بس للأسف إن فيه أكتر وأكتر عادي هتلاقيه متعلم ودارس وفاهم وما عندوش الوعي الكافي بالموضوع ده.

بالإضافة كمان—أنا ما بقولكش سيب الدوا اللي مكتوب لك وخُد البديل وخلاص، لأن فعلًا في بعض الأدوية يُفضَّل إنك لو هتاخدها تدوّر على المستورد:
يعني مثلًا زي أدوية الغدة، أدوية القلب، الأدوية اللي بتتتصنّع بطريقة معيّنة ومحتاجة Quality Control عالي على التصنيع—سواء بقى كانت أقراص مُغلّفة بتتتصنّع بطريقة معينة، أو محتاجة إنها تطلع في جسمك بمعدّل تحرير معيّن (Release Rate) زي دوا المعدة، أو الأدوية النفسية… وهكذا.
إنت لو قدّامك الاتنين—ساعتها اختار ماشي المستورد، أنا ما عنديش مشكلة في كده.

لكن يبقى مكتوب لك نوعين أو صنفين شركات مصري، وتقول لي: لأ أنا مش عايز ده، عايز المكتوب!
طب ما هم الاتنين نفس المادة الفعّالة يا حبيبي، والاتنين أصلًا ممكن تلاقيهم كمان بيتصنّعوا في مصنع واحد—ده طبعًا بعيدًا عن الأدوية اللي بتتتصنّع تحت بير سلم، كل يوم بنشوفها.

الخلاصة في البوست ده—أو الكلام اللي أنا بقوله—إنك كمريض مصري أو مستخدم مصري لازم يبقى عندك الوعي.
لأن للأسف: إن كان في طبيب ممكن يقول للمريض “لو ما لقيتش النوع ده هات أي بديل نفس المادة الفعّالة”، هتلاقي 10 قصاده بيأكدوا على المريض إنه يجيب اللي مكتوب بالضبط!

أنا لا بهاجم حد ولا بدافع عن حد؛ أنا عايزك إنت كمريض تبقى واعي:
اسأل—اللي مكتوب لك ده بكام؟ وهل مستورد؟ وهل بتستخدمه في حالة حرجة أو لحاجة ما ينفعش فيها الغلط؟ ولا مجرد مُسكّن مثلًا أو دوا بيحافظ على معدتك من الأدوية اللي إنت بتاخدها؟
ساعتها اسأل: الدوا ده بكام؟ وهل هو مصري؟ ولو مصري هل في مثيل ليه بنفس المادة الفعّالة أقل في السعر؟ وما تكسفش ولا تخاف.

خليك واعي.
سلامتك تهمنا🥰
#صيدليه الدكتور احمد قدح
عنوانا الدير امام الحج منصور قدح
بانتظاركم تشرفونا🥰

22/10/2025

رسالة إضاءة سريعة:
​إذا اشتكى طفلك من التهاب الحلق (التهاب اللوزتين) متكرر ومصحوب بحمى، لا تهمل الفحص! تأكد من معالجة البكتيريا بالكامل بالمضادات الحيوية لتجنب الخطر الصامت على صمامات القلب.
حيث ان كثير من الناس يتجاهلون التهاب الحلق، ولكن إهمال علاجه قد يؤدي لمصيبة اسمها "الحمى الروماتيزمية" (Rheumatic Fever).
​الخطر الصامت يكمن هنا:
​الحمى الروماتيزمية هي مرض مناعي التهابي.
​لا تظهر أعراضها إلا بعد 2 إلى 4 أسابيع من التهاب الحلق البكتيري.
​أخطر ما تسببه هو تلف صمامات القلب، وتحديداً الصمام الميترالي (Mitral Valve)، مما يؤدي إلى القصور القلبي المزمن لاحقاً.
​التهاب الحلق البكتيري هو السبب الأول في تلف الصمام الميترالي.

منقول من صفحة الدكتور د. رضوان شويط

22/10/2025

بمناسبه تغيير الجو وتعب اولادنا والعدوي الموسميه لتغيير الجو لازم نخلي بالنا 🥺

الأتنين (مادة فعالة) واحدة .. اللي هي الـ "𝙄𝙗𝙪𝙥𝙧𝙤𝙛𝙚𝙣" واللي بتندرج تحت عائلة مضادات الالتهابات غير الاستيرودية.

بس الكونتافيفر تركيز المادة الفعالة فيه ضعف تركيز البروفين ؛
الـكونتافيڤر : 200 مجم موجودين في الـ 5 مل،
والـبروفين فيه تركيز: 100 مجم في الـ 5 مل.

ده معناه ايه بقي يافندم!
ده مكتوب ينفع ناخد التاني مكانه عادي لكن مع تظبيط الجرعة.
يعني مكتوبلك 2.5 مل من الكونتافيفر .. عادي ناخد 5 مل من البروفين لو لسه جايباه في البيت عادي مفيش مشكلة ، والعكس صحيح.
ده أول حاجة.. ماشي!؟

وبرضه عشان نبقي دقيقين، الجرعة العادية من الإيبوبروفين للأطفال بتكون حوالي 10 مجم لكل كيلو كل 6 لـ 8 ساعات بحد أقصى 40 مجم لكل كيلو في اليوم،
يعني لو هتبدّلي بين البراندات أو التركيزات، أهم حاجة الجرعة الإجمالية تطلع مظبوطة بالكيلو مش بالأسماء.

تاني حاجه بقي ..
الأدوية دي شغالة جامد علشان الأطفال اللي بتسخن، وهتلاقي كتير واحد من الاتنين مكتوب في الروشتات مع السيتال شراب إنهم يتاخدوا بالتبادل..
لحد هنا كويس انت بتاخد مادتين مختلفين واحد باراسيتامول والتاني NSAIDs ..
لكن المشكلة بقي بتبقي في آخر نوع ممكن تلاقيه مكتوب تحت في الروشتة وهو لبوس الدولفين!

اللي هو ثانية واحده ..
طفل بياخد باراسيتامول: تمام
بياخد NSAIDs اللي هو البروفين أو الكونتافيفر : تمام

ليه نضيفله لبوس بيندرج تحت عائلة الـ NSAIDs كمان!
انتي كده بتفرتي معدته وبتأثري علي كليته جامد!
خصوصًا لو الطفل أصلًا مش بيشرب سوائل كفاية، أو عنده ترجيع أو إسهال، بيبقى سهل جدًا الكُلى تتأثر من الدمج ده.

يا ام يونس يا غاليه ..
عايزه تدي ابنك حاجه تنزل حرارته لغايه مالمضاد الحيوي اللي مكتوب يبدأ يشتغل مثلاً عندك كذا حل ..
تديله باراسيتامول + بروفين
باراسيتامول + كونتافيفر
باراسيتامول + دولفين (لو السن سامح، يعني فوق سنة تقريبًا ومش أول اختيار لو أقل من كده)
ده كله تمااااام مفيش مشكلة، لكن :
بروفين + كونتافيفر
بروفين + دلوفين لبوس
كونتافيفر + دولفين لبوس
لأ وألف لأ .🙂
لا استفسارات مستنيكم تنورونا.
عنوان الصيدلية: الدير. امام الحج منصور قدح
#صيدليه الدكتور احمد قدح
#دومتم سالمين😂❤