¿Cuál es el sitio web?

https://www.facebook.com/1129846353692967/

Olatxuko Laboreak

Inicio
España
Haría, Canarias
Olatxuko Laboreak

Llamar Cómo llegar Contactar con la empresa

Era artisauean eta eskala txikian ekoiztutako mermelada, barazki pate eta krema agroekologikoak. On egin!

Olatxuko laboreak, 2011.urtean Arrietako Olatxu baserrian sortutako proiektu agroekologikoa da. Baserriko lana ardatz, era artisauean eta eskala txikian lan egitea dugu maite, prozesuaren atal bakoitza zainduz: fruta eta barazkien ekoizpenetik, produktu eraldatuak plazaratu arte. fruta eta barazki mermeladak, barazki pateak eta fruta kremak ekoizten doguz.

22/10/2026

Amalia eta Haizea gara, nekazaria eta sukaldaria, eta elikagaien ziklo osoarekiko dugun begiruneak eta elikaduraren garrantziaz dugun begiradak batu gaitu mahaiaren bestaldean.

MAHAIAREN BESTALDEAN, ZAPOREEN MEMORIA tailerrak sortu ditugu,memoriak eta intuizioak sortzen dituzten jakintzak partekatzeko, sukaldatzeko eta plazerretik jateko asmoz.
Aurten tailer ziklo berri batekin gatoz, urteko sasoi bakoitzean hitzordu bat eginez. Fikako Negutegian elkartuko gara, barazkiak protagonista izango dituen menu bat diseinatu, prestatu etaelkarrekin dastatzeko. Zaporeen eta oroitzapenen arteko loturak ezagutzeko bidaia izango da, elikagaiekin berriz konektatzeko eta sukaldatzearen zein jatearen plazera berreskuratzeko, elikagaien ezagutzatik abiatuta.

Hurrengo hitzordua udazken betean dugu, azaroaren 19an, Bazatoz?

01/06/2026

Intuizioak eta zaporeen memoriak gidatutako mahaiak osatu nahi ditugu. Egunerokoan egiten dugunari arreta jarri, lasaitasunez sukaldatu eta elkarrekin eseri, jan eta afaltzeko espazio bat sortu.

Zergatik intuizioa?
Sukaldatzen dugunean, askotan oharkabean egiten ditugu hainbat keinu eta erabaki. "Betidanik horrela egin da", "elikagaiak berak esango dizu" edo "a ojo" bezalako esaldien atzean d**oen jakintza horri erreparatu nahi diogu. Esperientziak, gorputzak eta zentzumenek eraikitako jakintza da, sarritan izendatzen ez duguna baina gure egiteko moduak gidatzen dituena.
Intuizio horri lekua eman nahi diogu: sukaldatzean sortzen den arreta horri, elikagaiekin elkarrizketan aritzeko modu horri, eta egiten dugunaren zentzua gorputzetik ulertzeko gaitasunari.

Zergatik memoria?
Elikagaiekin dugun harremana ez da hutsetik sortzen. Belaunaldiz belaunaldi jaso ditugu egiteko moduak, zaporeak, konbinazioak eta jakintzak; praktikan jarri ditugu eta gure egin. Memoria horri arreta eman nahi diogu, eta lehen planoan jarri.
Egiteko era bat d**o, jakintza bat d**o, eta baita atentzio berezi bat ere. Elikagaien jakituria hori nola jaso dugun eta nola praktikara eraman dugun begiratu nahi dugu, elikadurarekin dugun lotura sakonago ulertzeko.

Elkarrekin jakintza xume hauek konpartitu nahi ditugu; modu kolektiboan sukaldatu, jan eta elikadura erdigunean jarri. Dakigunetik abiatuta, eta elikatzeak berak eskaintzen digunetik ikasiz, topaleku bat sortu nahi dugu: zaporeak, memoria eta intuizioa mahai berean esertzeko.

Ekainaren 11an MAHAIAREN BESTALDEAN tailerra eskeiniko dugu Fikako negutegian. Izen ematea zabaldu dugu, Bazatoz?

25/05/2026

Udaberria loratze momentua izaten da Olatxun.
Lurraren lanketa, sormena eta kaosa batzen diren urtaroa. Ortuariak, fruituak eta kontserbagintza.
Tailerrak eta transmisiorako espazioak.
Plazak eta azokak.
Udaberria, lurraren eta gorputzaren emankortasuna.

29/04/2026

Olatxuko txoko guztietatik banatuta dekoguz maiuki landarak: soloan, fruitu txikien azpialdean, lora artean... urtez urte zaintzen eta zabaltzen joan garen ekoizpena da eta aurton emankor dator. Lehenengo maiukiak batzen hasi gara ilusioz eta dastaketa ederra egin dogu etxean.
Aste honetan UDAKO MAZEDONIA eta MARRUBI MERMELADA sukaldatu doguz plazatara eroateko. On egin!

21/04/2026

Eguenean, Fikako negutegian intuizioak eta zaporeen memoriak gidatutako mahaia osatu genuen Ana, Joana, Maider, Gotzone Ruben, Nagore, Amalia eta Haizeak. Zapore azido, gozo, min eta gazi-en artean sukaldatu genuen eta barazkien aromaz inguratuta, espezien funtzioaz, elikagaien ezagutzaz eta haien arteko konbinazioez, eta jatearen plazerraz aritu ginen, bakoitza bere esperientziatik abiatuta.
Taldean eta erritmo lasaiean sukaldatzeaz, afariaz eta zuen konpaiñiaz gozatu genuen eta ederra izan zan lehen saio honetan elkar elikatzea.

Maiatzaren 14an hurrengo zita daukagu!

Dirección

Mendiguren Auzoa 57
Arrieta
48114

Teléfono

+34605743966

Página web

facebook.com

Notificaciones

Sea el primero en enterarse: le enviaremos un correo electrónico cuando Olatxuko Laboreak publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.