Alpha Sitty Psychiatry and Rehabilitation Center

28/09/2026

“ሐሳቤን እያነበቡ ነው” ስለ ሳይኮሲስ እና ስኪዞፈሪኒያ ግንዛቤ

“የሥራ ባልደረቦቼ ኤሌክትሮማግኔቲክ ኃይል ወደ አእምሮዬ በመላክ ሐሳቤን እያነበቡ ነው” ብሎ የሚያምን ሰው ውሸት እየተናገረ ወይም ትኩረት እየፈለገ ላይሆን ይችላል። ለእሱ ይህ እምነት ፍጹም እውነት ሆኖ ሊታየው ይችላል።

አለማየሁ 34 ዓመት የሆነ የኤሌክትሪክ መሐንዲስ ነው። በመጀመሪያ በቀላሉ መበሳጨት፣ ትኩረት ማጣት እና በሥራው ላይ መቸገር ጀመረ። በኋላ አለቃውና የሥራ ባልደረቦቹ ሊጎዱት እንደሚፈልጉ አመነ፤ ከሥራ መቅረትም ጀመረ።

ጥርጣሬው እየጨመረ ሲመጣ፣ ሚስቱ እያታለለችው እንደሆነ ያለ በቂ ማስረጃ አመነ። ቀጥሎም ሌሎች ሰዎች የማይሰሟቸውን ድምፆች መስማት ጀመረ። ድምፆቹ ስለ እሱ ሲነጋገሩ እንደሚሰማው ተናገረ።

በመጨረሻ፣ “የሥራ ባልደረቦቼ በኤሌክትሮማግኔቲክ ኃይል ሐሳቤን እያነበቡ ነው” የሚል ጽኑ እምነት ያዘው። ይህ ምንም ተጨባጭ ማስረጃ ባይኖረውም፣ ለእሱ እውነተኛ እና አስፈሪ ተሞክሮ ነበር።

ይህ ምን ሊያመለክት ይችላል?

ይህ ታሪክ የሳይኮሲስ ምልክቶችን ለማስረዳት የቀረበ ምሳሌ ነው። ሳይኮሲስ ሰውዬው እውነታን በተለየ መንገድ የሚረዳበት ሁኔታ ነው። በስኪዞፈሪኒያ እና በሌሎች የሳይኮሲስ ሕመሞች ውስጥ ሊታዩ የሚችሉ ዋና ምልክቶች እነዚህ ናቸው፦

• የተዛባ እምነት (Delusion): ማስረጃ ባይኖርም ጽኑ ሆኖ የሚቀጥል እምነት።
ለምሳሌ፦ “ሰዎች ሐሳቤን እያነበቡ ነው” ወይም “ሚስቴ እያታለለችኝ ነው”

• ቅዠት (Hallucination): በውጭ ምንጭ ሳይኖር ድምፅ መስማት፣ ነገር ማየት ወይም ሌላ የስሜት ተሞክሮ ማጋጠም።
ለምሳሌ፦ ሌሎች የማይሰሟቸውን ድምፆች መስማት

• የተዛባ ንግግር ወይም ባህሪ: ሐሳብን በተደራጀ መንገድ መግለጽ መቸገር፣ ወይም ከባድ የባህሪ ለውጥ ማሳየት።

• አሉታዊ ምልክቶች: ከሰዎች መራቅ፣ ተነሳሽነት መቀነስ፣ የስሜት መግለጫ መቀነስ ወይም የንግግር መቀነስ።

አንድ ሰው እነዚህን ምልክቶች ስላሳየ ብቻ “ስኪዞፈሪኒያ አለበት” ተብሎ ሊወሰን አይችልም። የምልክቶቹ ቆይታ፣ በሥራና በቤተሰብ ሕይወት ላይ ያሳደሩት ተጽእኖ፣ የአልኮል ወይም ሌሎች ንጥረ-ነገሮች አጠቃቀም፣ እንዲሁም ሌሎች የአካልና የአእምሮ ሕመሞች በሙያተኛ መገምገም ያስፈልጋል።

ሕክምና እና ተስፋ

ስኪዞፈሪኒያና ሌሎች የሳይኮሲስ ሕመሞች ሊታከሙ እና ሊቆጣጠሩ ይችላሉ። ተገቢ መድኃኒት፣ የሥነ-አእምሮ ሕክምና፣ የቤተሰብ ግንዛቤና ድጋፍ፣ እንዲሁም ቀጣይ ክትትል ብዙ ሰዎች ወደ ሥራቸው፣ ወደ ቤተሰባቸው እና ወደ ተሻለ የዕለት ተዕለት ሕይወት እንዲመለሱ ሊያግዛቸው ይችላል።

አስፈላጊ መልዕክት

• የሳይኮሲስ ምልክት የሚያሳይ ሰውን “እብድ” ብሎ መሳደብ፣ መሳቅ ወይም መገለል አይረዳም።

• የሚያምነውን ነገር በኃይል ለማስተባበል ከመሞከር ይልቅ፣ በረጋ መንገድ ያዳምጡት እና ወደ ሕክምና እርዳታ እንዲደርስ ያበረታቱት።

• ሰውየው ራሱን ወይም ሌላ ሰው ሊጎዳ እንደሚችል ስጋት ካለ፣ ደህንነትን ቅድሚያ ይስጡ፤ አደገኛ ነገሮችን ከአካባቢው ያርቁ፣ እና ወዲያውኑ ወደ ቅርብ የጤና ተቋም ወይም የሥነ-አእምሮ ሕክምና እርዳታ ይሂዱ።

• ሳይኮሲስ ወይም ስኪዞፈሪኒያ ያለባቸው ሰዎች ሁሉ ጠበኛ አይደሉም። ሕመሙን በፍርሃት ሳይሆን በግንዛቤ፣ በክብር እና በሕክምና ማየት አለብን።

ማስታወሻ፦ የአለማየሁ ስምና ታሪክ ልብ ወለድ ሲሆኑ ለትምህርታዊ ዓላማ ብቻ የቀረቡ ናቸው። ይህ ጽሑፍ የግል የሕክምና ምርመራ ወይም የሕክምና ምክር አይደለም።

24/09/2026

19/09/2026

Treatment of Narcissistic Personality Disorder (NPD)

Narcissistic Personality Disorder can be treated In somecase, although change often takes time and commitment.

Psychotherapy (talk therapy) is the main treatment, especially
Cognitive Behavioral Therapy (CBT)

• Psychodynamic Therapy

• Schema Therapy
helps people develop Greater self-awareness

Better relationships,
More empathy for others, Healthier self-esteem

Medicines do not treat NPD directly, but they may help associated problems such as depression, anxiety, or mood symptoms.

With proper treatment and willingness to change, meaningful improvement is possible.

16/09/2026

ዓለምን ጨለማ ያደረገው መነጽር (Major Depressive Disorder)

በጣም የተለመደና ሊታከም የሚችል የአእምሮ ሕመም ነው።

ድብርት ዓለም ጨለማ ስለሆነች አይደለም፤
ዓለምን የምንመለከትበት መነጽር ጨለማ ስለሆነ ነው።

ዓለም እንደትናንቱ ናት።
ፀሐይ ትወጣለች።
ሰዎች አሉ።
ሕይወትም በየመንገዷ ትቀጥላለች።

ነገር ግን ድብርት ሲመጣ፣ የአእምሮ መነጽር ሁሉንም ነገር በጨለማ ሊያሳይ ይችላል።

የድብርት ዋና ምልክቶች
• በአብዛኛው ቀን የሚቆይ የድብርት ስሜት
• ቀድሞ ደስ የሚያሰኙ ነገሮች ላይ ደስታ ማጣት
• የምግብ ፍላጎት ወይም ክብደት ለውጥ
• እንቅልፍ መቀነስ ወይም መብዛት
• የእንቅስቃሴ መዘግየት ወይም መበሳጨት
• የኃይል ማነስና መድከም
• የእራስ ዋጋ መቀነስ ወይም ከመጠን በላይ የጥፋተኝነት ስሜት
• ማሰብ፣ ማተኮር ወይም ውሳኔ መስጠት መቸገር
• ስለ ሞት ወይም ራስን ስለመጉዳት ተደጋጋሚ ሐሳብ

ነገር ግን ያ ጨለማ የመጨረሻው እውነት አይደለም።
የመድኃኒት ሕክምና (Pharmacotherapy) እና የሳይኮቴራፒ (Psychotherapy) የድብርት ዋና የሕክምና አማራጮች ናቸው።

በጣም ውጤታማ ሕክምናዎች ናቸው።
መነጽሩ ሊስተካከል ይችላል።
ብርሃኑም እንደገና ሊታይ ይችላል።

ዶ/ር መሳሊ ጀማል
የአእምሮ ሕክምና ስፔሻሊስት

13/09/2026

WHEN LIFE FEELS HEAVY Protect Your Peace

Peace of mind does not mean a life without problems.

It means learning to remain steady while problem is happening around you.

A few simple practices can help

1.Accept what you cannot control.

Give your mind quiet time through prayer, meditation, or slow breathing.

2.Don't believe every thought.

A thought is not always a fact.

3.Move your body.
walk, exercise, and spend time outdoors.

4.Stay connected.

Talk to someone you trust.

5.Protect your attention. Reduce unnecessary arguments, social media, and constant news.

6.Sleep and keep a simple routine.

7.Practice gratitude, even for small things.

8.Be kind to yourself. You don't have to be perfect.

Remember
Peace does not always come when the storm disappears.

13/09/2026

ሕይወት ሲከብድ — ሰላምህን ጠብቅ
የአእምሮ ሰላም ማለት ችግር የሌለበት ሕይወት ማለት አይደለም።

ችግሮች በዙሪያችን ሲከሰቱ እንኳን ውስጣችንን ጸጥ ማድረግና መረጋጋትን መማር ነው።

ጥቂት ቀላል ልምዶች ሊረዱን ይችላሉ፦
1. መቆጣጠር የማትችለውን ተቀበል።
ኃይልህን መለወጥ በምትችለው ነገር ላይ አድርግ።

2. ለአእምሮህ ጸጥታ ስጥ።
በጸሎት፣ በማሰላሰል ወይም በቀስታ በመተንፈስ ጥቂት ጊዜ ውሰድ።
3. የሚመጣውን ሁሉ ሐቅ አድርገህ አትመን።
ሐሳብ ሁሉ እውነት አይደለም።

4. ሰውነትህን አንቀሳቅስ።
ተራመድ፣ የአካል እንቅስቃሴ አድርግ፣ ከቤት ውጭ ጊዜ አሳልፍ።

5. ከምታምነው ሰው ጋር ተገናኝ።
ልብህን በብቻህ አትሸከም።

6. ትኩረትህን ጠብቅ።
አላስፈላጊ ክርክርን፣ ማኅበራዊ ሚዲያንና የማያቋርጥ ዜናን ቀንስ።

7. በቂ እንቅልፍ ውሰድና ቀላል የዕለት ተዕለት ልምድ ይኑርህ።

8. ምስጋናን ተለማመድ።
ትንሽ ቢሆንም በሕይወትህ ያለውን መልካም ነገር አስተውል።

9. ለራስህ ደግ ሁን።
ፍጹም መሆን አያስፈልግህም።
አስታውስ፦

ሰላም ሁልጊዜ አውሎ ነፋሱ ሲያበቃ አይመጣም።
አንዳንድ ጊዜ ሰላም ማለት አውሎ ነፋሱ እያለፈ እንኳን በውስጣችን መረጋጋትን መማር ነው።

05/09/2026

Every Thursday we have Group Therapy for Addiction

Where wounds are shared, silence breaks
where stories meet, healing begins.

30/08/2026

ይህን ዓለም እያገለገልክ ነው፣ ወይስ እየተገለገልክበት ነው?

እያንዳንዳችን ራሳችንን ልንጠይቀው የሚገባ ጥያቄ ነው። ማገልገል ለሌሎች መስጠት፣ መርዳትና ለዓለም መልካም ነገርን ማበርከት ነው፤ መገልገል ደግሞ ከዓለም መቀበል፣ መደሰትና ራሳችንን መንከባከብ ነው። ጤናማ ሕይወት የሚጠይቀው የሁለቱንም ሚዛን ነው።
ለሌሎች ብቻ እየኖርን ራሳችንን ከረሳን፣ ድካም፣ የማያቋርጥ ጭንቀትና Burnout ሊከተሉ ይችላሉ። ራሳችንን ብቻ በማስቀደም ሌሎችን እንደመጠቀሚያ ካየን ደግሞ ሕይወታችን ትርጉምና እርካታ ሊያጣ ይችላል።

ስለዚህ የአእምሮ ጤናችንን ለመጠበቅ ማገልገልንና ራሳችንን መንከባከብን ማመጣጠን አለብን።

ይህንን ሚዛን ለመጠበቅ፦

• የግል ድንበር ማበጀት — ለሁሉም ሁልጊዜ “አዎ” ማለት አያስፈልግም።

• በቂ እረፍትና እንቅልፍ — አእምሮና አካል እንዲያገግሙ ጊዜ መስጠት።

• አካላዊ እንቅስቃሴ ጭንቀትን ለመቀነስና የአካል ጤናን ለማጠናከር።
• ማሰላሰል (Mindful) አእምሮን ማረጋጋትና በአሁኑ ጊዜ ላይ ማተኮር።

• ማህበራዊ ትስስር — ከምንወዳቸው ሰዎች ጋር ጥራት ያለው ጊዜ ማሳለፍ።

ከፍተኛና ረጅም ጊዜ የሚቆይ ጭንቀት አእምሯችንን ብቻ ሳይሆን አካላችንንም ይነካል

ስለዚህ ጭንቀትን መቆጣጠር የቅንጦት ነገር ሳይሆን የጤናችን አካል ነው።

ሕይወት መስጠትና መቀበል ነው።

ሌሎችን ለማገልገል ራስህን አትርሳ፤ ራስህን ለመንከባከብም ሌሎችን አትርሳ።

እርስዎ አሁን በየትኛው የሕይወት ጎዳና ላይ ነዎት?

ዶ/ር መሳለ ጀማል
የአእምሮ ሕክምና ስፔሻሊስት

#የአእምሮጤና #ጭንቀት #የሕይወትሚዛን

26/08/2026

አልፋ ሲቲ የአእምሮ ሕክምና እና የሱስ ማገገሚያ ማዕከል

አጠቃላይ የአእምሮ ሕክምናና የሱስ ማገገሚያ ማዕከል

የምንሰጣቸው አገልግሎቶች

1) የተመላላሽ የአእምሮ ሕክምና

2)የተኝቶ የአእምሮ ሕክምና

3)የሱስ ማገገሚያ ሕክምና

4)የሱስ ዳግም መመለስን መከላከል
የቡድን ቴራፒን ጨምሮ

5)የሳይኮቴራፒ እና የምክር አገልግሎት

6)የፋርማሲ አገልግሎት

ልምድ ያላቸው ባለሙያዎች

ልምድ ባላቸው የአእምሮ ሕክምና ስፔሻሊስቶች እና የሳይኮሎጂ ባለሙያ

አዳማ፣ ከቅዱስ ገብርኤል ቤተክርስቲያን ጀርባ
☎️ 022 111 7839
📱 0911 655 666