Kabod Healthcare Services -ካቦድ የህክምና የጤና አገልግሎት

Kabod Healthcare Services -ካቦድ የህክምና የጤና አገልግሎት We provide quality medical consultation services with experienced medical doctors.

Epidural Labour Analgesia - ‎ኤፒዱራል የምጥ ህመም ማስታገሻ ‎‎የምጥ ህመም አንዲት እናት ልጅን ለመውለድ በምታደርገው ሂደት ውስጥ የሚከሰት ተፈጥሯዊ ከፍተኛ የህመም አይነት...
27/07/2025

Epidural Labour Analgesia - ‎ኤፒዱራል የምጥ ህመም ማስታገሻ
‎
‎የምጥ ህመም አንዲት እናት ልጅን ለመውለድ በምታደርገው ሂደት ውስጥ የሚከሰት ተፈጥሯዊ ከፍተኛ የህመም አይነት ነው። ይህም በምጥ ወቅት በሚፈጠር የማህፀን መኮማተር ፣ የማህፀን በር መከፈት እንዲሁም ነርቭ ላይ በሚደረስ ጫና ይፈጠራል። ኤፒዱራል በምጥ ጊዜ የሚሰማን ከባድ ህመም ለማስታገስ የሚረዳ የማደንዘዣ አይነት ሲሆን ከሌሎቹ የህመም ማስታገሻ ዘዴዎች የተሻለ ተመራጭ እና ውጤታማ ነው።
‎
‎🔴የኤፒዱራል አሰጣጥ ሂደት
‎የኤፒዱራል አሰጣጥ ሂደት በጥንቃቄ የሚከናወን ሲሆን የሚከተሉትን ያካትታል፦

‎➥ዝግጅቶች: የስምምነት ፊርማ መውሰድ ፣አስፈላጊ ምርመራዎችን ማድረግ፣ የታካሚዋን ሁኔታ መከታተያ መሳሪያዎችን ማድረግ እና መድሀኒቶችን ማዘጋጀትን ያጠቃልላል።

‎➥አቀማመጥ፦ እንድትቀመጥና ወደፊት እንድታጎነብስ ወይም በጎኗ እንድትተኛ ትደረጋለች።

‎➥ቦታውን ማጽዳትና ማደንዘዝ፦ መርፌው የሚወጋበት የታችኛው ጀርባ አካባቢ በአዮዲን እና በአልኮል ይጸዳል። ከዚያም ዋናው የኤፒዱራል መርፌ ሲገባ ህመም እንዳይሰማ በትንሽ መርፌ የቆዳውን ክፍል ብቻ የሚያደነዝዝ መድሃኒት ይሰጣል።

‎➥የኤፒዱራል መርፌውን "ኤፒዱራል ስፔስ" (Epidural Space) ወደሚባለው የአከርካሪ አጥንት ክፍል ማስገባት።

‎➥ቀጭን ቱቦውን (Catheter) ማስቀመጥ፦ በመርፌው ቀዳዳ በኩል ቀጭን የፕላስቲክ ቱቦ (ካቴተር) ወደ ኤፒዱራል ስፔስ እንዲገባ ይደረጋል። ከዚያም መርፌው በጥንቃቄ ይወጣና ቱቦው ብቻ ጀርባ ላይ በፕላስተር ይለጠፋል።

‎➥መድሃኒቱን መስጠት፦ የህመም ማስታገሻ መድሃኒቱ በቱቦው በኩል እንደ አስፈላጊነቱ በተወሰነ የጊዜ ልዩነት ይሰጣል። ህመሙ ሙሉ በሙሉ እስኪታገስ ድረስ ከ15-20 ደቂቃ ሊወስድ ይችላል።
‎
‎🔴የኤፒዱራል ጥቅሞች
‎➥በምጥ ጊዜ የሚሰማን ከባድ ህመም በከፍተኛ ደረጃ ያስታግሳል።

‎➥ምጡ ለረጅም ሰዓት ከቆየ እናትየው እንድታርፍና ለመጨረሻው የምጥ ሂደት ጉልበት እንዲኖራት ይረዳታል።

‎➥በምጥ ጊዜ በቀዶ ህክምና መውለድ (C/S) ካስፈለገ ሌላ ማደንዘዣ ሳይሰጥ በዚሁ ካቴተር በኩል የማደንዘዣ መድሃኒት በመጨመር ቀዶ ህክምናውን ማከናወን ይቻላል።

‎➥ከወሊድ በኋላ የሚመጣ ድባቴን ይቀንሳል
‎
‎🔴የጎንዮሽ ጉዳቶች
‎➥የደም ግፊት መቀነስ ሊኖር ይችላል
‎➥አንዳንድ እናቶች በሰውነታቸው ላይ የማሳከክ ስሜት ሊሰማቸው ይችላል።
‎➥የእግር መክበድ ወይም መደንዘዝ : ከተወሰኑ ሰዓታት በኋላ የሚለቅ ነው።
‎➥አልፎ አልፎ ራስ ምታት ሊከሰት ይችላል።
‎➥ኢንፌክሽን
‎
‎🔴የማይፈቀድበት ሁኔታ
‎➥ታካሚዋ ካልፈለገች
‎➥በቀላሉ ደም የመፍሰስ ችግር
‎➥ቱቦው የሚገባበት ቦታ ቁስል
‎➥የጭንቅላት ውስጥ ግፊት(በወጠር) በተለያየ ምክንያት
‎➥ከፍተኛ የሆነ የደም ግፊት መጠን ማነስ
‎
‎ዶ/ር ዮሴፍ አንሙት: ‎በጥቁር አንበሳ ስፔሻላይዝድ ሆስፒታል
‎የአንስቴዦሎጂ እና ፅኑ ህክምና ስፔሻሊስት

ሰው ሰራሽ አተነፋፈስ | Mechanical Ventilationሰው ሰራሽ አተነፋፈስ ማለት የመተንፈሻ መሳሪያ (Ventilator) በመጠቀም በራሳቸው መተንፈስ የማይችሉ ወይም የሚቸገሩ ታካሚዎች...
09/07/2025

ሰው ሰራሽ አተነፋፈስ | Mechanical Ventilation

ሰው ሰራሽ አተነፋፈስ ማለት የመተንፈሻ መሳሪያ (Ventilator) በመጠቀም በራሳቸው መተንፈስ የማይችሉ ወይም የሚቸገሩ ታካሚዎችን በቂ ኦክስጅን እንዲያገኙ የመርዳት የህክምና ሂደት ነው።

ይህ መሳሪያ በሆስፒታሎች ውስጥ በፅኑ ህሙማን ክፍል (ICU)፣ በኦፕሬሽን ክፍል እና በድንገተኛ ክፍል ውስጥ ለተለያዩ የጊዜ ቆይታዎች የትንፋሽ ድጋፍ ለሚያስፈልጋቸው ታካሚዎች ያገለግላል። ይህን መሳሪያ ለመጠቀም የመተንፈሻ ቱቦ (Endotracheal Tube) ወደ ዋናው የትንፋሽ ቧንቧ ማስገባት ወይም አንገት ላይ በቀዶ ህክምና የገባ ቱቦ (Tracheostomy Tube) ካለ እሱን መጠቀም ያስፈልጋል።

➥ መቼ ያስፈልጋል?

➊ ከባድ የመተንፈስ ችግር ሲኖር: ሳንባ በራሱ በቂ ኦክስጅን ለሰውነታችን ማድረስ ሲያቅተው።

➋ከፍተኛ የንቃተ ህሊና መቀነስ: በአደጋ ወይም በተለያዩ በሽታዎች ምክንያት ሊከሰት ይችላል።

➌በሙሉ ማደንዘዣ በሚሰራ የቀዶ ህክምና ወቅት

➍በእሳት አደጋ ምክንያት የትንፋሽ ቧንቧ ጉዳት ሲደርስ: በጭስ ወይም በሙቀት ምክንያት የትንፋሽ ቧንቧ ሲያብጥና የመዘጋት አደጋ ሲኖረው።

➎ሳንባ ውስጥ አክታ ወይም ፈሳሽ ተከማችቶ ታካሚው በራሱ አስሎ ማስወጣት ሲያቅተው (Pulmonary Toileting)

➥ የህክምና ሂደቱ?

⓵ማብራሪያ እና ስምምነት: ሀኪሙ ለታካሚው (መወሰን የሚችልበት ሁኔታ ውስጥ ከሆነ) ወይም ለቅርብ ቤተሰቡ ስለ ህመሙ ሁኔታ፣ ስለ ህክምናው አስፈላጊነት እና ተያያዥ ስጋቶች ግልጽ ማብራሪያ ይሰጣል። ከዚያም የጽሁፍ ስምምነት ይወስዳል።

⓶ዝግጅት: ድንገተኛ መድሀኒቶች፣ አተነፋፈስን ለመርዳት የሚጠቅሙ የተለያዩ መሳሪያዎች፣የሰመመን መድሀኒቶች እና የታካሚውን ሁኔታ መከታተያ መሳሪያዎች ይዘጋጃሉ።

⓷የቱቦ ማስገባት ሂደት (Intubation): የታካሚውን ስቃይ ለመቀነስ እና ሂደቱን ቀላል ለማድረግ የህመም ማስታገሻ እና የሰመመን መድሃኒቶች ይሰጣሉ። ከዚያም የመተንፈሻ ቱቦው (Endotracheal Tube) በጥንቃቄ ወደ ትንፋሽ ቧንቧ ይገባል።

⓸ማረጋገጥና: ቱቦው ትክክለኛ ቦታ ላይ መቀመጡን ሀኪሙ ያረጋግጣል።

⓹ከመሳሪያ ጋር ማገናኘት: የቱቦው አቀማመጥ ከተረጋገጠ በኋላ ከመሳሪያው ጋር ይገናኛል። ቀጥሎም በደቂቃ ምን ያህል ጊዜ ትንፋሽ መስጠት እንዳለበት፣ በእያንዳንዱ ትንፋሽ ምን ያህል የአየር መጠን ማስገባት እንዳለበት፣ የሚሰጠውን የኦክስጅን መጠን እና የመሳሪያውን የድጋፍ አይነት ይሞላል። በተጨማሪም ታካሚው እንዲረጋጋ፣ ህመም እንዳይሰማው እና ከመሳሪያው ጋር የተቀናጀ አተነፋፈስ እንዲኖረው የሰመመን እና የህመም ማስታገሻ መድሃኒቶች እንደ አስፈላጊነቱ ይሰጡታል።

➥ ተያይዞ የሚመጡ ችግሮች?

➤የሳንባ ኢንፌክሽን:

➤የትንፋሽ ቧንቧ መጥበብ (Tracheal Stenosis): በተለይም ቱቦው ለረጅም ጊዜ (ከ14 ቀናት በላይ) ሲቆይ

➤የሳንባ ጉዳት: መሳሪያው በሚሰጠው ከፍተኛ ግፊት ወይም የአየር መጠን ምክንያት ስስ የሆኑት የሳንባ ክፍሎች ሊጎዱ ይችላሉ።

➤የደም ዝውውር ላይ ተፅዕኖ: በመሳሪያው የሚፈጠረው ግፊት ወደ ልብ የሚመለሰውን ደም በመቀነስ የደም ግፊት መጠን እንዲወርድ ሊያደርግ ይችላል።

Dr Yosef Animut: ACCPM

📞 0991424282
📧 [email protected]

የዥንዠሮ ፈንጣጣ (Mpox)፡ ማወቅ የሚገባዎ ጠቅላላ መረጃየዥንዠሮ ፈንጣጣ (Mpox) በቫይረስ የሚመጣ በሽታ ሲሆን ከዚህ ቀደም "የዝንጀሮ ፈንጣጣ" በመባል ይታወቅ ነበር። ይህ በሽታ ከእን...
12/06/2025

የዥንዠሮ ፈንጣጣ (Mpox)፡ ማወቅ የሚገባዎ ጠቅላላ መረጃ

የዥንዠሮ ፈንጣጣ (Mpox) በቫይረስ የሚመጣ በሽታ ሲሆን ከዚህ ቀደም "የዝንጀሮ ፈንጣጣ" በመባል ይታወቅ ነበር። ይህ በሽታ ከእንስሳት ወደ ሰው እንዲሁም ከሰው ወደ ሰው ሊተላለፍ የሚችል ነው። በአሁኑ ወቅት በአፍሪካ አንዳንድ ሀገራትን ኢትዮጵያም ጨምሮ የተወሰኑ የበሽታው ተጠቂዎች መገኘታቸው ሪፖርት ተደርጓል።

የበሽታው ምልክቶች
የዥንዠሮ ፈንጣጣ ምልክቶች ብዙውን ጊዜ ለቫይረሱ ከተጋለጡ ከ5 እስከ 21 ቀናት ባለው ጊዜ ውስጥ ይታያሉ። የተለመዱ ምልክቶች የሚከተሉትን ያካትታሉ፦
ትኩሳት፦ ብዙ ጊዜ የበሽታው የመጀመሪያ ምልክት ነው።
ኃይለኛ ራስ ምታት፦ በተደጋጋሚ የሚከሰት እና ከባድ ሊሆን ይችላል።
የጡንቻ እና የጀርባ ህመም፦ አጠቃላይ የሰውነት የህመም ስሜት መኖር።
የሰውነት ድካም፦ ከፍተኛ የሆነ የድካም ስሜት።
የፍርፍርት እጢዎች ማበጥ፦ በብብት፣ በአንገት አካባቢ ያሉ እጢዎች ማበጥ የዥንዠሮ ፈንጣጣን ከሌሎች ተመሳሳይ ምልክቶች ካላቸው በሽታዎች ለመለየት ይረዳል።
ሽፍታ፦ ትኩሳቱ ከጀመረ ከ1 እስከ 3 ቀናት ባለው ጊዜ ውስጥ በቆዳ ላይ ሽፍታ ይወጣል። ይህ ሽፍታ ብዙውን ጊዜ ከፊት ይጀምርና ወደ ሌሎች የሰውነት ክፍሎች ይዛመታል፤ የእጅ መዳፍ እና የእግር ሶልንም ሊያካትት ይችላል። ሽፍታው በተለያዩ ደረጃዎች ውስጥ ያልፋል፤ ከቀላል ነጠብጣብነት ተነስቶ በፈሳሽ የተሞሉ ቁስሎች (vesicles and pustules) ይሆናል፤ በመጨረሻም ይደርቅና ቅርፊት ሰርቶ ይወድቃል።

የበሽታው መተላለፊያ መንገዶች
የዥንዠሮ ፈንጣጣ ቫይረስ በተለያዩ መንገዶች ሊተላለፍ ይችላል፦
ከእንስሳት ወደ ሰው፦ በበሽታው ከተያዙ እንስሳት (እንደ ዥንዠሮ፣ አይጥ ያሉ) ጋር በቀጥታ ንክኪ፣ በንክሻ ወይም በጭረት ሊተላለፍ ይችላል።
ከሰው ወደ ሰው፦
የቅርብ ንክኪ፦ በበሽታው ከተያዘ ሰው የቆዳ ሽፍታ፣ ቁስል ወይም የሰውነት ፈሳሽ ጋር በቀጥታ በመነካካት ይተላለፋል። ይህም እንደ መተቃቀፍ፣ መሳሳም እና የግብረ ሥጋ ግንኙነትን ይጨምራል።
በአየር፦ በበሽታው ከተያዘ ሰው ጋር ለረጅም ጊዜ ፊት ለፊት በመሆን በሚፈጠሩ የትንፋሽ ጠብታዎች ሊተላለፍ ይችላል።
በተበከሉ ቁሶች፦ በበሽታው የተያዘ ሰው የተጠቀመባቸውን እንደ ልብስ፣ አልጋ ልብስ ወይም ፎጣ ያሉ ቁሶችን በመጋራት ሊተላለፍ ይችላል።

መከላከያ መንገዶች
የዥንዠሮ ፈንጣጣ ስርጭትን ለመከላከል የሚከተሉትን ጥንቃቄዎች ማድረግ አስፈላጊ ነው፦
ንክኪን ማስወገድ፦ በበሽታው የተያዙ ወይም ምልክቱን ከሚያሳዩ ሰዎች ጋር የቅርብ ንክኪን ማስወገድ።
የእጅ ንፅህና፦ እጅን አዘውትሮ በሳሙናና በውሃ መታጠብ ወይም በአልኮል ላይ የተመሰረተ የእጅ ማፅጃ (ሳኒታይዘር) መጠቀም።
የግል ንፅህና መጠበቂያዎችን አለመጋራት፦ እንደ ፎጣ፣ ልብስ እና የአልጋ ልብስ ያሉ የግል ንፅህና መጠበቂያዎችን ከሌሎች ጋር ከመጋራት መቆጠብ።
የህክምና ክትትል፦ የበሽታው ምልክቶች ከታዩ በአቅራቢያዎ ወደሚገኝ የጤና ተቋም በመሄድ የህክምና ምክር ማግኘት።

ህክምና
ለዥንዠሮ ፈንጣጣ የተለየ ህክምና ባይኖርም፣ በዋናነት የሚደረጉ የህክምና ድጋፎች የህመም ምልክቶችን በማስታገስ እና የበሽተኛውን ስቃይ መቀነስ ላይ ያተኩራል። አብዛኛዎቹ በበሽታው የተያዙ ሰዎች በራሳቸው ጊዜ ከ2 እስከ 4 ሳምንታት ውስጥ ይድናሉ። ነገር ግን ህፃናት፣ እርጉዝ ሴቶች እና የሰውነት የበሽታ መከላከል አቅማቸው የተዳከመ ሰዎች ላይ በሽታው ሊበረታ ስለሚችል ልዩ የህክምና ክትትል ያስፈልጋቸዋል።

ለማነኛውም የጤና ጉዳይ ለማማከር በ 0991424282 ይደውሉ።
https://t.me/kabodhealthcare

የህመም ስሜት አሎት? ወይስ ስለጤናዎ የሚያሳስብዎት ነገር አለ? ሆስፒታል መሄድ፣ ካርድ ማውጣት፣ ወረፋ መጠበቅ ሳይጠበቅብዎት ያሉበት ድረስ በቤትዎ አልያም በስራ ቦታዎ ሆነው ይደውሉ። በቂ ...
06/06/2025

የህመም ስሜት አሎት? ወይስ ስለጤናዎ የሚያሳስብዎት ነገር አለ? ሆስፒታል መሄድ፣ ካርድ ማውጣት፣ ወረፋ መጠበቅ ሳይጠበቅብዎት ያሉበት ድረስ በቤትዎ አልያም በስራ ቦታዎ ሆነው ይደውሉ። በቂ እውቀት እና ልምድን ያካበቱ ሀኪሞቻችን ያሉበት ቦታ መጥተው አስፈላጊውን አገልግሎት ይሰጥዎታል።
ስልክ 0991424282
Telegram

Address

Addis Ababa

Website

Alerts

Be the first to know and let us send you an email when Kabod Healthcare Services -ካቦድ የህክምና የጤና አገልግሎት posts news and promotions. Your email address will not be used for any other purpose, and you can unsubscribe at any time.

Shortcuts

Share

Category