ዶ/ር ሳሙኤል መካከለኛ ክሊኒክ

31/05/2026

ከተሟላ የላቦራቶሪ ምርመራ ጋር አገልግሎት እንሰጣለን።

31/05/2026

23/04/2026

_ጊዜው ያለፈ እርግዝና (Post-term pregnancy) __

ጊዜው ያለፈ እርግዝና (post-term pregnancy) ማለት አንዲት ነፍሰጡር እናት የመጨረሻው የወር አበባ ከመጣበት ከመጀመሪያው ቀን , ወይም ደግሞ እርግዝናው በተፈጠረ በመጀመሪያው 20 ሳምንታት ውስጥ በሚደረግ Ultrasound የእርግዝናው ጊዜ በአጠቃላይ ከ42 ሣምንታት ወይም ከ294 ቀናት ካለፈ እርግዝናው ጊዜው ያለፈ እርግዝና (post term pregnancy) ተብሎ ይጠራል። ይህም ፅንሱ መወለድ ከነበረበት ጊዜ አሳልፏል ማለት ነው።

🌍 በአለም አቀፍ ደረጃ ቁጥሩን በእርግጠኝነት መናገር ባይቻልም ከ 0.4% - 8.1% እርግዝናዎች ጊዜው ያለፈባቸው እርግዝና ናቸው ። ለዚህም ሰፊ የቁጥር ልዮነት እንደ ምክንያትነት ሚነሳው በመጀመሪያዎቹ 20 ሣምንታት የሚደረገው የUltrasound ምርምራ ነው።

አብዛኞቹ ጊዜያቸው ያለፈ እርግዝናዎች ምክንያታቸው በወል አይታወቅም ነገር ግን
ከተጠቃሽ ምክንያቶች ውስጥ በጥቂቱ ፦

- መጨረሻ የወር አበባ የመጣበትን ጊዜ አለማስታወስ ወይም መሳሳት

- ከአሁን ቀደም ጊዜው ያለፈ እርግዝና ካለ (1 እርግዝና ያለፈ ከነበረ 27%, 2 እርግዝና አልፎ ከነበር 39%)

- ልጁ በአፈጣጠር ምክንያት የጭንቅላት ወይም የአንጎል ክፍል ከሌለው

- ከ ፅንሱ ወይም ከእርጉዟ እንስት ወሊድን ወይም ምጥን ለማስጀመር የሚጠቅሙ የዘረ-መል አይነቶች ምጥን ማስጀመር ሳይችሉ ይህም በተለያዪ ንጥረ-ፈሳሾችን (Hormone) ማምረት ካልተቻለ የሚከሰት ነው።

✍️ አጋላጭ ሁኔታዎች

_ ከመጠን ያለፈ የሰውነት ክብደት (Obesity)
_ የመጀመሪያ እርግዝና
_ ወንድ ፅንስ ከሆነ
_ እድሜ ከገፋ በኋላ ሚመጣ እርግዝና ከሆነ
_ ሲጋራ ማጨስ

✍️ ጊዜው ከማለፉ ጋር ተያይዞ የሚመጡ ችግሮች

- ፅንሱ ኪሎው መጨመር - ከዚህም ጋር ተያይዞ በወሊድ ላይ የሚከሰቱ አደጋዎች
- የእንሽርት ውሀው መቀነስ እና መደፍረስ
- ፅንሱ በማህፀን ውስጥ ከመቆየቱ የተነሳ የሽማግሌ መልክ መያዝ
- በኦፕራሲዮን የመውለድ እድል በእጥፍ መጨመር
- ለእናትየው ጭንቀትን መፍጠር

✍️ ጊዜው ያለፈ እርግዝና ካለ ምን ይደረጋል?

እርግዝናው ወደማለፍ በተቃረበ ጊዜ በተለይ ትወልጃለሽ ተብሎ ከሚጠበቅበት ጊዜ 1 ሳምንት ካለፈ ጊዜ ጀምሮ (41ኛው ሳምንት) ከወትሮ በተለየ መልኩ ክትትል በየ2 ቀኑ በማድረግ እስከ 42 ሳምንት ይገፋል። የልጁን ሁናቴ(አተነፋፈሱን እና እንቅስቃሴውን) ፣ የእንሽርት ውሀውን ሁናቴ እና የመሳሰሉትን በultrasound እየታየ 42 ሳምንት ሲደፍን ውሳኔ ይወሰናል።

42 ሳምንት በደረሰ ጊዜ የልጁን ሁናቴ በUltrasound ከተረጋገጠ በውሀላ ምጡን በአርቴፊሻል መንገድ እንዲመጣ በማድረግ (በመድሀኒት) እንዲወለድ ያደርጋል። የልጅ ሁናቴ ወይም ደግሞ ሌሎች ለመድሀኒት የማይሆኑ ነገሮች ካሉ ደግሞ ኦፕሬሽን ይሰራል ማለት ነው።

✍️ ወደፊት እርግዝና ሲኖር ምን ይደረግ

የወር አበባሽ እንደቀረ ወደ ህክምና ተቋም በመሄድ እርግዝና መኖሩን ማረጋገጥ ከዚያም የUltrasound ምርመራ ማድረግ እና የፅንሱን እድሜ ማወቅ።

ትክክለኛ የእርግዝናው የጊዜ እርዝማኔ እንዲታወቅ የወር አበባ ለመጨረሻ ጊዜ የመጣበትን የመጀመሪያውን ቀን ሊረሳ ስለሚችል መመዝገብ እጅጉኑ ያስፈልጋል።

ዶ/ር ሳሙኤል መካከለኛ ክሊኒክ
አድራሻ: ከረሴ ከተማ፣ ዝሎ ሰፈር፣ ወደ ምሺን ሰፈር በሚወስደው መንገድ አጠገብ።

26/03/2026

__________የሴቶች የማህጸን ፈሳሽ መንስኤ እና መፍትሄ ፦

“አንዲት ሴት ከማህጸኗ መደበኛ ያልሆነ ፈሳሽ መምጣት ከጀመረ 3 ሳምንት ቆይታ መጣች… መጀመሪያ ላይ መደበኛና የተለመደ አይነት የማህጸን ፈሳሽ ነው ብላ ችላ በማለት ትኩረት አልሰጠችም ነበር። ነገር ግን ከግዜ ወደ ግዜ የፈሳሹ መጠንና ሽታ በመጠን እየጨመረ መምጣት ጀመረ።
ወደ ክሊኒካች ከመጣች በኋላ አስፈላጊው ምርመራ(ላቦራቶሪ እና ሶኖግራፊ) ከተደረገላት በኋላ 👉 የአባላዘር በሽታ መሆኑን ማወቅ ችለናል። ታካሚያችን አስፈላጊውን የህክምና አገልግሎት የወሰዱ ስሆን በአሁን ሰዓት በጥሩ ጤንነት ላይ ይገኛሉ።

“ቀድሞ መምጣት፡ አላስፈላጊ ችግርን ያጠፋል ”
📍 ዶ/ር ሳሙኤል መካከለኛ ክሊኒክ
📞 09-66-66-40-43/09-52-91-74-37 /09-14-27-71-53

አድራሻ፦ ገረሴ ከተማ፣ ዝሎ ሰፈር፥ ወደ አርባምንጭ ከተማ በሚወስደው ዋና መንገድ አጠገብ።

18/03/2026

ለገረሴ ከተማ እና ዙሪያው ነዋሪዎች በሙሉ፦

ከረዥም ጊዜ የስራ እና የትምህርት ቆይታ በኋላ የገረሴ ከተማ ፍሬ የሆነው ዶ/ር ሳሙኤል አርዛ( አጠቃላይ ነርቭ ህክምና ስፔሻሊስት) ወደ አስተማረው የገረሴ ከተማና ዙሪያዋ ማህበረሰብ በመመለስ፣ በሙሉ አቅሙ ለማገልገል በገረሴ እና አካባቢው የመጀመሪያ የሆነውን ዶ/ር ሳሙኤል መካከለኛ ክሊኒክ በሚል ስያሜ በሙሉ አቅሙ መስጠት የጀመረ መሆኑን ስንነገራችሁ በታላቅ ደስታ ነው።

ዶ/ር ሳሙኤል መካከለኛ ክሊኒክ የተሻለ ባለሙያ እና ምርመራ ፍለጋ ረዥም ርቀት በመሄድ ለአላስፈላጊ ወጭ እና እንግልት ስዳረግ የነበረውን የገረሴን ከተማ እና በዙሪያዋ የሚኖሩ የህብረተሰብ ክፍልን ለማገዝ በማሰብ እግዚአብሔር በፈቀደ አቅም ያላሰለሰ ጥረት እያደረገ ይገኛል ።
ክሊኒኩ የተሟላ የህክምና አገልግሎትን፣ የረዥም ጊዜ ልምድ እና የትምህርት ዝግጅት ያላቸውን የጤና ባለሞያዎችን በማካተት ለህብረተሰባችን የህክምና አገልግሎት እየሰጠ ይገኛል።
በክሊኒኩ የሚሲጡ ደረጃቸውን የጠበቁ አገልግሎቶች፦

1. የአዋቂዎች እና የህፃናት የተሟላ የውስጥ ደዌ ምርመራና የህክምና አገልግሎት።
2. የስኳር፤ የደም ግፊት፤ የኩላሊት፤ የጉበት፤ የሳንባ፤ የልብ፤ የመገጣጠሚያ፤ የማህፀን ህመሞች ምርመራና የህክምና አገልግሎት።
3. የቆዳና የአባለዘር ምርመራና የህክምና አገልግሎት።
4. የግርዛት አገልግሎትን ጨምሮ የተለያዩ መለስተኛ ቀዶ ህክምና።
5. የጥርስ፣ የዓይን፣ እና የጆሮ ህመምና ህክምና።
6. የቅድመ-ወሊድ(የነፍሰ-ጡር) እና ድህረ-ወሊድ ክትትል አገልግሎት።
7. የቤተሰብ ምጣኔ አገልግሎት።
8. ማንኛውንም ዓይነት የድንገተኛ ህክምና አገልግሎት።
9. ማንኛውንም የጤና ማማከር አገልግሎት ጨምሮ፤ ከተሟላ የላቦራቶሪ እና የሶኖግራፊ ምርመራ አገልግሎት ጋር እየሰጠን እንደምንገኝ ስንገልጽ በታላቅ ደስታ ነው።

ይምጡ፤ ይጎብኙ፤ ይታከሙ፤ ጤናዎትንም ይጠብቁ!!

ዶ/ር ሳሙኤል መካከለኛ ክሊኒክ። ከህዝብ ለህዝብ የተቋቋመ ተቋም!

አድራሻ፦ ገረሴ ከተማ፣ ዝሎ ሰፈር፣ ከመሀል ከተማ ወደ ሚሽን ሰፈር በሚወስደው ዋና የአስፓልት መንገድ አጠገብ።
ስልክ፦ 09-66-66-40-43/09-52-91-74-37/09-14-27-71-53

18/01/2026

የደምግፊት መጨመር ህመም እና መፍትሄዎች

ሰላም እንደምን ናችሁ ውድ የኑሶ መካከለኛ ክሊኒክ ቤተሰቦች? ዛሬ እንግድህ በሀገራችን እየተበራከተ የመጣውን የደም ግፊት ህመም ምንነት ፣ መንስኤ ፣ መከላከያ እና ህክምና ለማየት እንሞክራለን ።

Ⓐ. የደም ግፊት ህመም ምንድነው?

የደም ግፊት ህመም ማለት የደም ግፊታችን ልከት Systolic የሚባለው 130mmhg እና ከዚያ በላይ እና Diastolic የሚባለው 80mmhg እና ከዚያ በላይ ስሆን ነው ።

Ⓑ መንስኤ እና አጋላጭ ሁኔታዎች የሚከተሉት ናቸው፦

-የኩላሊት ህመም
-የስኳር ህመም
-የኮሌስትሮል መዛባት
-ከመጠን ያለፈ ውፍረት
-ቤተሰብ ዉስጥ የደም ግፊት ህመም ተጠቂ መኖር(ከቤተሰብ በዘር ልወረስ ይችላል)
-የዕድሜ መጨመር
-ጨው አብዝቶ መጠቀም

Ⓒመከላከያ መንገዶች

-በየዕለቱ የአካል ብቃት እንቅስቃሴ ማድረግ
-አትክልትና ፍራፍሬ አዘውትሮ መመገብ
-ምግብ ውስጥ ጨው መቀነስ
-ቅባት የበዛበትን ምግብ አለመጠቀም ፤ በተለይ የእንስሳት ተዋጽኦዎችን
-ጭንቀትን ማስወገድ

Ⓓ ህክምና

-ቀለል ያለ የደም ግፊት ከሆነ ማለትም ከ140/90 በታች ከሆነ እና ሌሎች ተጓዳኝ ቋሚ የህመም ዓይነቶች ከሌለባቸው ከሦስት እስከ ስድስት ወር የአካል ብቃት እንቅሰቃሴ ማድረግ እና ጨው የሌለዉ ምግብ መመገብ። ከዚያ ወር በኋላ ካልተስተካከለ በየዕለቱ በአፍ የሚወሰድ መድሐኒት ይሰጣል።
-ከፍተኛ የደም ግፊት ማለትም ከ140/90 እና ከዚያ በላይ ወይም 130/90 እና ከዚያ በላይ ሆኖ በተጨማሪ ተጓዳኝ ቋሚ የህመም ዓይነት(የስኳር ወይም የኩላሊት ህመም) ያለባቸው ከሆነ በየዕለቱ የሚወሰዱ መድሐኒቶች ወድያውኑ ይሰጣል።

Ⓔ መድሐኒት ባትወስዱ ምን ይከሰታል?

- የልብ ሕመምን ያስከትላል
-Stroke( ጭንቅላት ውስጥ ደም የመፍሰስ ወይም የደም ዝውውር መቋረጥ አደጋ)
- የኩላሊት ህመም
- አይነ-ስዉር ያደርጋል

፨የደም ግፊት መጨመር ከላይ የተጠቀሱ ችግሮችን ከማስከተሉ በፊት ምንም ዓይነት ምልክት የማያሳይ ስለሆነ የደም ግፊታችሁን በየጊዜው(አርባ ዓመት እና ከዚያ በላይ በየዓመቱ፤ ሌሎች ደግሞ በየሦስት ዓመት) መለካት ያስፈልጋል።

ኑሶ መካከለኛ ክሊኒክ

11/12/2025

መልካም ዜና ለገረሴ እና አካባቢው ነዋሪዎች በሙሉ፦

በርካታ የገረሴ ከተማ እና ዙሪያው ነዋሪዎች የተሻለ የላቦራቶሪ(CBC, የClinical chemistry, Hormone Analysis, Coagulation Analysis እና ወዘተ...) ምርመራዎችን ለማሰራት ፍላጎት እያሳዩ ይገኛሉ ። ስለሆነም "ኑሶ መካከለኛ ክሊኒክ" የህብረተሰቡን ጥያቄ እና ፍላጎት ከግምት ውስጥ በማስገባት ከዚህ በፊት በይፋ ስራ ለመጀመር ካቀደበት ጊዜ ቀድሞ ነገ ዓርብ ታህሳስ 03, 2018 ዓ.ም ጀምሮ ከተለያዩ ተቋማት የሚታዘዙ የምርመራ አገልገሎቶችን መስጠት የምንጀምር መሆኑን ስንገልጽ በታላቅ ደስታ ነው።

በተቋማችን የሚሰጡ የምርመራ ዓይነቶች፦
1. CBC
2. Serum Cr and BUN
3. Bilirubin
4. AST, ALT, ALP
5. Serum electrolytes
6. Serum Uric Acid
7. HgA1c
8. Serum Albumin
9. Lipif profile
10. Hormone Analysis
11. Coagulation profile Analysis
12. ECG(የልብ ምርመራ)
13. General Microscopic bacterial and fungal investigations
14. Ultrasound imaging services

ኑሶ ክሊኒክን ሳይጎበኙ አላስፈላጊ ወጪ እንዳያወጡ።
ማህበረሰባችንን ለማገልገል የተቋቋመ የህክምና ማዕከል ነውና።

አድራሻ፦ ገረሴ ከተማ፣ ዝሎ ሰፌር ከዋና አስፓልት አጠገብ G+1 ህንፃ

ስልክ: 0966664043/0952917437

06/12/2025

መልካም ዜና ለገረሴ ከተማ እና ዙሪያው ነዋሪዎች በሙሉ፦

የተሻለ ባለሙያ፣ የጤና ምርመራ እንድሁም የህክምና አገልገሎት ፍለጋ ረዥም ርቀት በመሄድ ለአላስፈላጊ ወጭ እና እንግልት ስዳረግ ለነበረው ለገረሴ ከተማና ዙሪያው ነዋሪዎችን ለማገዝ በማሰብ አቅማችን በፈቀደ መጠን ያላሰለሰ ጥረት እያደረግን እንገኛለን።
ከዚህም መካከል አንደኛውና ዋነኛው ደረጃውን የጠበቀ የህክምና ማዕከል ማቋቋም ስሆን፣ የተሟላ አገልግሎትን፣ የረዥም ጊዜ ልምድ እና የትምህርት ዝግጅት ያላቸውን ዶክተሮችን እና የተለያዩ የጤና ባለሞያዎችን በማካተት ለህብረተሰባችን የጤና እንክብካቤ ከመስጠቱ በተጨማሪ፤ በመንገስት የጤና ተቋማት እየተሰጡ ያሉ የህክምና አገልገሎቶችን ከመደገፍ አንጻር ከፍተኛ አስተዋፅኦ እንደማኖረው ይታመናል።

ስለሆነም ተቋማችን ሙሉበሙሉ የተሟላ የህክምና አገልግሎት ለመስጠት የሚያስችሉ ዘመናዊ የምርመራና የህክምና ቁሳቁስ(ማይክሮስኮፒን ጨምሮ፣ ሶኖግራፊ፣ የሲቢሲ ማሽን፣ የኬሚስትሪ ማሽን፣ የመሳሰሉ...) ያሟላ ሲሆን ሙሉበሙሉ አገልግሎት መስጠት ከአንድ ሳምንት በኋላ እንደምንጀምር ስንነግራችሁ በደስታ ነው።

አላማችን የተሻለ የህክምና አገልገሎት ለማህረሰባችን ማቅረብ ነው!