14/08/2026
12 აგვისტოს ოზურგეთის რაიონში ,კურორტ გომისმთიდან მომავალ გზაზე ავტოსაგზაო შემთხვევის შედეგად დაზიანებული ტურისტი მგზავრები სხვადასხვა დაზიანებებით გადაანაწილეს გურიის და აჭარის კლინიკებში, შპს“მედალფას“ ჩოხატაურის კლინიკაში 22 სთ-დან შემოიყვანეს 3 პაციენტი ,რომელთაც ჩაუტარდათ შესაბამისი კვლევები და მოთავსდა კლინიკაში,ყველა აუცილებელი ექიმების ბრიგადა მობილიზებული იქნა ადგილზე ,ღამის 2 საათამდე იყვნენ საგანგებო მზადყოფნაში.
13 აგვისტოს კლინიკაში მობრძანდა საქართველოს ჯანდაცვის მინისტრი ბატონი მიხეილ სარჯველაძე ავარიის შედეგად მოყვანილი პაციენტების სანახავად,მოინახულა პაციენტები,ესაუბრა მკურნალ ექიმებს ,დაათვალიერა კლინიკა, მადლობა გადაუხადა სამედიცინო პერსონალს გაწეული საქმიანობისათვის. შემდეგ ეზოში შეხვდა ადგილობრივი მუნიციპალიტეტის ხელმძღვანელებს და მათთან საუბარში აღნიშნა რომ კლინიკა ძალიან მოწესრიგებულია,როგორც მატერიალურ ტექნიკური ბაზით ,ასევე სამედიცინო პერსონალით და მომსახურეობის ხარისხით. მინისტრის წასვლის შემდეგ კლინიკაში მოვიდა ბელორუსიის ელჩი საქართველოში და მისი მრჩეველი,მათაც მოინახულეს პაციენტები და მადლობა გადაუხადეს სამედიცინო პერსონალს კარგი მომსახურეობისათვის.
პაციენტების მდგომარეობა დამაკმაყოფილებელია,დღეს 14 აგვისტოს მოხდა მათი გაწერა კლინიკიდან და ბელორუსიის საელჩოს უფროსი მრჩეველის ირინა ზუბკოს ორგანიზებით ტრანსპორტირება ქობულეთის სასტუმროში.
შპს“მედალფას“ ჩოხატაურის კლინიკა, თავისი პროფესიონალური გუნდით ,როგორც ყოველთვის, მზად არის და ყოველთვის მზად იქნება ნებისმიერი გამოწვევებისათვის.
