04/09/2024
• სახის კანის წმენდა, თავის მოვლის რუტინის პირველ საფეხურად ითვლება, რადგან შეუძლებელია, ადამიანი, რომელიც საკუთარ გარეგნობასა და სილამაზეზე ზრუნავს, პირველ რიგში, სახის კანის წმენდას არ იტარებდეს. მის გარეშე აზრს კარგავს ყველაზე ძვირადღირებული კოსმეტიკური საშუალებები და ესთეტიკური პროცედურებიც კი, თუკი სახის წმენდას არ იტარებთ და კანს მკვდარი უჯრედების, მაკიაჟის ნარჩენების, მტვრისა და იმ ათასგვარი ჭუჭყისაგან არ ასუფთავებთ, რაც მასზე წლების განმავლობაში გროვდება, ფორებს ავსებს, აფართოებს, გამონაყარისა და ნაოჭებისთვის ხელსაყრელ გარემოს ქმნის.
ესაა ის, რასაც ვერავინ ავარიდებთ თავს, თუკი საკუთარი გარეგნობა, კანის სიჯანსაღე და იერი გვაწუხებს. თუკი არ გვინდა კანი ნაადრევად დანაოჭებულად, მოშვებულად, არაჯანსაღად გამოიყურებოდეს და მასზე, ყოველდღიურად, გამონაყარის სახით ახალ-ახალი „სიურპრიზები“ გვხვდებოდეს.
• რამდენად ხშირად უნდა მივმართოთ პროცედურას?
რაც შეეხება პროცედურების ჩატარების ინტენსივობას, ეს ინდივიდუალურია. ცხიმიანი კანის შემთხვევაში, საწყის ეტაპზე, 1-1,5 თვის ინტერვალითაა საჭირო,მოგვიანებით, როცა მისი მდგომარეობა გაუმჯობესდება, ინტერვალი იზრდება. ნორმალური ტიპის კანისთვის რეკომენდირებულია ყოველ 3 თვეში ერთხელ. მშრალი კანის შემთხვევაში კი წელიწადში ორჯერ, როგორც წესი, საკმარისია.
ტელ: +995 593 10 90 12
📍 132 David Agmashenebeli Avenue, Kutaisi
